الصيد فى مصر

الصيد فى مصر (http://www.egyhunt.net/index.php)
-   الموضوعات العامه (http://www.egyhunt.net/forumdisplay.php?f=86)
-   -   ايه رايكم نلم فلوس من بعض في ............. ؟؟ (http://www.egyhunt.net/showthread.php?t=15503)

mohd_wafik 11-09-13 09:54 AM
ايه رايكم نلم فلوس من بعض في ............. ؟؟
 
السلام علييييكم
ازيكم يا جماعه عامليييين اييييه ؟
فكرت في فكره حلوه ان كل واحد يساعد بمبلغ مالي مثلا ممكن نقول 10 جنيه شهريا او إلى عاوزه نبعت المبلغ ده لسياده الاستاذ قنصل بحواله بريديه بس الاعضاء القريبين من بعض يلموا من بعض و يبعتوها مره وحده بس ميتكتبش اسامي الناس إلى بعتت و الاستاذ قنصل يتبرع بيها لاي دار يتامى او معاقين تحت اسم المنتدى بتاعنا ... و ياريت مثلا يكون دار يتامه معين نتبرع ليه شهريا ان شاء الله بي 100 جنيه حتى وتتلم من الاعضاء .. جماعه احنا بنصرف فلوسنا في حاجات هايفه مجتش على 10 جنيه شهريا مش هتخس حاجه والله .....
انا عن نفسي بعمل الموضوع ده صحابي يعني كل اول شهر بعدي عليهم و كل واحد بيديني إلى فيه النصيب و بروح دار يتامى و بتبرع فيه ...مش هتفرق مسلم او قبطي احنا مصرييين و لازم نساعد بعد و نكون ايد وحده ده المصري بجد .....
تقبلوا تحياتي

deutscher Sniper 11-09-13 10:10 AM
رد: ايه رايكم نلك فلوس من بعض في ............. ؟؟
 
فكرة جميلة وهترفع من شأن جمياع الاخوة فى المنتدى

وربنا هيكتب لنا بيها خيركتير والقنصل رجل محترم فوق الوصف وبامر الله

يقدر يساعد فى هذا الامر ويشرفنى المشاركة معكم وجزاك الله خيرا عن الموضوع

تقبل تحياتى

hogan 11-09-13 11:22 AM
رد: ايه رايكم نلك فلوس من بعض في ............. ؟؟
 
طيب منلك ونبعت ل 57357 فكره جامد اه رائيكو مع احترامى للعضو mohd_wafik المستشفى دى لليتامى وكمان للمرضا قولتو اه

mman2005 11-09-13 11:29 AM
رد: ايه رايكم نلك فلوس من بعض في ............. ؟؟
 
هو فعلاً ما نقص مال من صدقة، وصدقونى دى تجارة رابحة مع الله وبتبارك فى المال والصحة، وربنا بيرزق بسببها ويوسع الرزق، أنا بالنسبالى بتبرع بالى يقدرنى عليه ربنا فى جمعية شرعية جمب بيت والدى، الجمعية دى بتكفل أيتام وأسر فقيرة كثير، إلى عايز يتبرع أنا تحت أمره وهجبله إيصال مختوم من الجمعية بالمبلغ المتبرع بيه.

deutscher Sniper 11-09-13 11:43 AM
رد: ايه رايكم نلك فلوس من بعض في ............. ؟؟
 
افكار جميلة من اعضاء محترمين

واحنا عندنا فى المنطقة بتاعتنا فية كشك خاص للتبرعات دى لصالح المستشفي

وبالمجان يعنى مش بياخد نسبة او حاجة ولو الفكرة اتفقنا عليها يبقي نبدتى والله الموفق

زى ما بندفع الوفات فى هوايتنا ندفع ولو جزء بسيط وربنا يعوضنا بية خير

وربنا يوفقنا الى ما يجبة ويرضاة

ahmedmh_ali 11-09-13 12:03 PM
رد: ايه رايكم نلم فلوس من بعض في ............. ؟؟
 
أنا بيييييييييييييس و يارب يكون فى ميزان حسناتنا ..

تيتو المحلاوى 11-09-13 12:37 PM
رد: ايه رايكم نلم فلوس من بعض في ............. ؟؟
 
انا شايف انها فكرة جميلة بس صعبة تتنفز لبعد المكان بنا وبين بعض
فية حل حلو اتقال وهو اننا نتبرع للجمعية الشرعية وهى بتصرف كل مليم ف مكانة
وبتزود علية كمان

abdo92 11-09-13 05:34 PM
رد: ايه رايكم نلم فلوس من بعض في ............. ؟؟
 
فكره رائعه من شخص رائع

أحمد عطاالله إبراهيم 11-09-13 05:41 PM
رد: ايه رايكم نلم فلوس من بعض في ............. ؟؟
 
يا جدعان احنا نتفق ان اى واحد من الصيادين الكبار فى كل محافظة هوا اللى يلم التبرعات دى

يعن مثلا فى الاسكندرية نخليها احمد على مثلا ..

وفى القاهرة استاذ عصام عاصم مثلا وفى كل محافظة واحد من الاعضاء المعروفين عالمنتدى وطبعا مع احترامى لجميع الصيادين انا بس بقول امثلة والله وربنا يعلم معزتكم عندى قد ايه وفى الاخر الناس الى احنا معينينهم دول يبعتوهم فى حوالة بريدية للاستاذ جمال وهوا يروح يتبرع بيهم تحت اسم منتدى الصيد فى مصر ..

وطبعا الناس اللى بتقول اننا تبرع لاى جمعية وخلاص .. هيا فكرة استاذ محمد وفيق اننا نكون بنتبرع تحت سم المنتدى يعنى مش كل واحد يروح لوحده .. ويمكن الكلام ده يتقال عننا اننا ساهمنا والخبر يتذاع على التليفيزيون ونتشهر والناس بعد كده تحترم الصيادين ومتغلسش على اللى بيصطادوا فى الاماكن السكنية .. هههههههههه صح ولا ايه

نور المسلم 11-09-13 06:39 PM
رد: ايه رايكم نلم فلوس من بعض في ............. ؟؟
 
انا معاكوا ان شاء الله
وجهة تانية تستحق التبرع الي جانب طبعا كل الجهان دي اللي تم ذكرها وهي التبرع للصومال
لان الماساه هناك فظيعة
وجزاك الله خيرا علي الفكرة


الساعة الآن 04:42 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir