|
حكايتي في الغربه .. ونصيحه لكل مصري مغترب
السلام عليكم ..
انا هكتب الموضوع ده و قلبي بيطقطع مليون حته ودموعي بتنزل على خدي .. بس هقول ايييه غير حسبه الله و نعم الوكيل و الحمد لله على كل شئ..... اخوكم محمد وفيق اتولدت في الامارات تحديدا في ابوظبي و خلصت ثانويه عامه هناك ونزلت مصر وخلصت بكالريوس تجارة عين شمس و اخدت اعفى من الجيش نهائي و اشتغلت محاسب في مكتب مجدي حشيش لحد الثوره المهم بعد الثوره مباشرة مشوا ربع المحاسبين في المكتب عشان مفيش فلوس للمرتب إلى هوه 300 جنيه و انا حلمي اخد لقب محاسب قانوني لافتح مكتب محاسبه ... المهم والدي هناك بعلاقاته جابلي شغلانه محاسب في شركه الحمد لله .. و عملي فيزة زياره عليه في الاول , وسافرت و استلمت الشغل تاني يوم و الحمد لله و اجتهدت فيه اوي و عملت سمعة طيبه اوي الحمد لله ... نيجي بقى للمهم في شيقين الشق الاول : المصرييين زمايلي في الشركه و معاملتهم السيئه ليا الشق التاني : المحاسبين زمايلي في شركة و جنسيتهم هنود و باكستنيين و كرههم الشديد لمصر و بالتاني كره ليا انا ... الشق الاول : المصرييين كانوا بيشتغلوا في الاتش ار . من مهامهم عمل ملفات الموظيف وورق الاقامه على الشركه وكده . المهم و انا هناك سمعت انهم هيقفلوا الاقامات العمل الجديده للمصرييين . جريت على الاتش ار بقولهم يا جماعه خلصوا ورقي بسرعه عشان الاقامات هتتقفل على المصرييين , و بقولهم كمان صاحب الشركه موافق على الاقامه تتعمل بسرعه .. قالولي حاضر ومتقلقش وهنخلصها بسرعه وكده عشان في اجراءات بتتعمل قبل الاقامه زي العمل و العمال .. المهم اثناء الموضوع ده ... وركزوا اوي ... واحد مصري يقولي ( ايوه يا عم انته قاعد مع ابوك و امك ومش بتدفع ايجار ) بنفس اللفظ كده واحد مصري يقولي ( ايوه يا عم انته قاعد مع ابوك و امك ومش بتدقع اكل و شرب ) بنفس اللفظ واحد مصري يقولي ( ايوه يا عم مين قدك مرتبك لحد دلوقتي احنا بنحلم بيه ) طب انا محاسب و انته في الاتش ار يعني في قرق وظيفي . اشتريت الاي فون 4 ووالله فلوسه جاتلي هديه من مجموعه من اصدقائي هناك بمناسبة عيد ميلادي .. فا اتقالي ايييه بقى ... لعبت معاك يا معلم و بقينه نشيل اي فون اعوذ بالله بجد |
رد: حكايتي في الغربه .. ونصيحه لكل مصري مغترب
نكمل ...
كل يوم اروح للاتش ار ها جماعه وصلتم لي فين في ورفي .. الرد : قريب اوي متقلقش هتخلص المهم في يوم خميس كنت مع صديق ليا اسمه هشام نفس موضوع بالظبط هوه مهندس و من الزقازيق سافر الامارات بعد الثوره و الحمد لله شاف شغل و قاعد مع اهله نفسي بالظبط .. كنا يوم خميس مع بعض خارجين . يوم الجمعه بكلمه موبايله مقفول يوم السبت بفتح شات الفيس بوك لاقيته اونلاين و الحديث دار كده . انا . ايييه يا اتش مش بترد ليه هشان . يا عم محمد انا في الزقازيق دلوقتي انا . انته هتهرج ولا اييه يا اتش هشام . اقسم بالله انا في الزقازيق اصل الاقامه بتاعتي اترفضت و الموضوع بتاع الاقامات بتاع المصريييت اتفعل خلاص ..... انا طبعا طغتي علي اوي و اعصابي باظت روحت الشركه يوم الحد وبكل برود دخلت لي مدير الاتس ار مصري ( بس فات على شغلي شهر ) يعني بقالهم شهر بيعموا في ورقي إلى هوه ميخدش اكتر من اسبوع ... هاا ورقي خلص قالي اه خلص مش ناقص غير امضت صاحب الشركه و نقدمه في الجوازات ... المهم قولت ليه طب وريهوني مسكت طلب الاقامه إلى هيتقدم للجوازات و مدبس فيه صورة الباسبور و صورة موافقة العمل و العمال و كانت المفاجأة ... المعلومه الصحيحه هيه اسمي فقط لا غير . تاريخ الميلاد و الجنسيه و ورقم الباسبور و المأهل و اسم الام غلط في غلط .. يعني هيطر يعيد الورق من اول جديد وحركه مقصوده منهم عشان اساسا الباسبور بيكون معاهم يعني مش هيعرف ياخد البيانات منها و يكتبها في الطلب ... طبعا اتعصبت عليه و شتمته و هزقته .. ما هي خلاص بقى الاقامات قفلت ودخلت لي صاحب الشركه امراتي هوه .. وصديق والدي .. وريتله الورق و الغلطات ندى مدير الاتش ار و بهدله قدامي و خلاه يعيد الورق تاني يعني هفضل اسبوع كمان .. بس مش مهم عشان الاقامات قفلت اساسا يبقى اييييه لازمتها ؟؟ |
رد: حكايتي في الغربه .. ونصيحه لكل مصري مغترب
المهم صاحب الشركه قالي ان شاء الله نشوف حل ليها و نجيب واسطه ...
الاتش ار بعد اسبوع بالظبط عملوا الورف لحد طلب الاقامه إلى بيتقدم في الجوازات ( طب ليه بقى الورق في المره الاولي متعملش في اسبوع و اتعمل غلط كمان , حسبيه الله ونعمه الوكيل ) المهم نشوف واسطه من هنه لي هنه مفيش , والدي بقى يشوف وسايط الدنيا كلها بردو مفيش ....اطريت انزل مصر عشان عدد الايام في فيزة الزياره خلصت ...... بس طبعا بقى إلى عاوز اقوله بجد ان المصرييين معظمهم في الغربه وحشين اوي بيعاملوا بعض وحش وفاضحينا اوي .. اقسم بالله ليكم ان والدي و والدتي ميعرفوش اسر مصريه همه اسرتييين توانسه إلى في الويك ايند بيخرجوا معاهم و انا اعرفهم كويس و ناس طبعا في قمة الزوء و الادب ... ودلوقتي بدور على شغل ومش لاقي ونفسي اشتغل في مكتب محاسبه مش مهم المرتب المهم مكتب محاسبه لاني طموحي اكون محاسب قانوني ودي الشق الاول من القصه ... |
رد: حكايتي في الغربه .. ونصيحه لكل مصري مغترب
اه نسيت اقول حاجه مهمه اوي ..
كان ليا زميل اسمه محمد مكاوي كان انطوائي اوي وفي حاله دايما و كان غلبان جدااا جداا كان دايما يدعي على حسني ويقول ربنا ينتقهم منك انته إلى عملت فيا كده عشان سافر و اتبهدل في الغربه و ملاقاش فرصة شغل في المصر .. المهم في يوم كده جوعت اوي اوي بجد فخرجت من الشركه وجبت ساندوتش و دخلت الشركه و روحت الاوضه إلى فيها محمد مكاوي عشان اكل الساندوتش و اشرب سجاره معاه المهم والله قطمت الساندوتش نصين و اديتله نصه و بقوله يالا يا ميكا عشان يبقى عيش و ملح مع بعض والله العظيم محمد ميكاوي عينه دمعت و قالي اول مره واحد مصري يعمل كده معايا و انا بقالي ست سنين في الامارات منزلتش مصر وقالي فعلا لسه في شوية مصرييين فيهم الخير .... بعد الموضوع ده انا معرفتش انام يومين بجد ... هقول ايييه غير حسبيا الله ونعمه الوكيل |
رد: حكايتي في الغربه .. ونصيحه لكل مصري مغترب
وبيحصل اكتر من اللى انت قولته ده والاهم من ده بقى ان المصريين هنا بيفتكروا ان اللى بيسافر ده بيروح يجيب ملايين ويجى مش بيقدروا خالص
|
رد: حكايتي في الغربه .. ونصيحه لكل مصري مغترب
عندك حق والله .. بس اكيييد مش كل المصريييين كده انا بس إلى وقعت في مجموعه معندهاش ضمير
|
رد: حكايتي في الغربه .. ونصيحه لكل مصري مغترب
اقتباس:
|
رد: حكايتي في الغربه .. ونصيحه لكل مصري مغترب
مش قصة متقاربه لا لا
هيه ان المرتب هيتصرف في الايجار و الاكل و الشرب لان الاسعار بقت غاليه اوي مينفعش اقارنها بي مصر عشان فرق مستوي الدخل بس هيه مولعه اوي هناك |
رد: حكايتي في الغربه .. ونصيحه لكل مصري مغترب
اقتباس:
|
رد: حكايتي في الغربه .. ونصيحه لكل مصري مغترب
اخى الحبيب
لا تحزن فالسفر انتهى امرة منذ زمن بعيد وبمعنى ادق اللى عمل من السفر عمل وخلاص ايام الغنى انما دلوقتى بلدك بيك اولى زى ما بيقولوا واقول لسيادتك وعن تجربة ان المصريين أسوا من تتعامل معهم فى الغربة واوروبا بالتحديد واتحدى من يقول غير ذلك هناك مثل فى المنايا يقول " اعشق النازى ولا تصادق المصري " وذلك لان النازى معروف بالخيانة حتى لزملاؤة ولكن المصري اشد منة يبلغ عنك مقابل فلوس يسرقك ومالة ياذيك عادى جدا وطبعا هناك الكويس والوحش ولكن الاغلبية العظمى وذلك لفترات انتقال طويلة بين الولايات حتى الاستقرار تم حدوث مئات المشاكل معى وكلها من المصريين يرحلون بعضهم و يصنعون المشاكل لبعضهم حتى انك تغير من ملامحك حتى لا يعرف انك مصري لانهم يلقبون المصريين هناك بالشحاتين اعزكم الله اقسم بالله مما يروة منهم من افعال لا تليق بنا وبعزتنا وكرامتنا على الرغم من وجود فئة جميلة من المصريين منعزلة عن هذا الوباء الذى ينتشر بين المصريين فى الغربة ولك ان ترة جميع الجنسيات الاخرى تتكانف جنبا الى جنب حتى يكونوا مجموعة وينهضوا باحوالهم جميعا ونقف نحن نشاهد من بعيد خيبتنا التى لا مثيل لها ؟ هذا جزء لا يتجزا مما حدث حتى الحصول على الجنسية ثم الابتعاد الكامل عن حماقة الاخوة فى الغربة واى شي انا تحت امركم . ملحوظة هذة القصة تخص ابن عمى المغترب وهو فى زيارة الان واحب ان يشارككم الرأى عندما رآنا نتحدث عن موضوع يخص الغربة . :d يلا تشااااو يا صحابي |
رد: حكايتي في الغربه .. ونصيحه لكل مصري مغترب
اقتباس:
|
رد: حكايتي في الغربه .. ونصيحه لكل مصري مغترب
والله صح انا كنت بشوف السودانيين مع بعض اوي .. وفي ناس كتير من معاملتي معاهم قالوا هوه انته متأكد ان انته مصري ؟؟؟؟
سؤال يزعل و يفرح في نفس الوقت |
رد: حكايتي في الغربه .. ونصيحه لكل مصري مغترب
انا مستغرب انتو مستغربين كده ليه المصريين مش كده في الغربة وبس
لأ هنا في مصر كمان انتو متعاملتوش مع مصريين قبل كده ولا ايه سيبك من صاحبك الانتيم ولا اخوك ولا ابن عمك لانه بيعاملك معاملة خاصة لانك قريبه او متربي معاه انت متعاملتش مع بتاع الخضار اللي بيبيع الخضار غالي نار ويكسب فيه اضعاف مضاعفة ولا متعاملتش مع الجزار اللي بيبيع اللحمة باسعار تقترب من اسعار الدهب ولا متعاملتش مع البقال اللي لما يسمع خبر ان السكر ممكن يغلي يقوم يغليه قبل ما يغلي متعاملتش مع تجار السلاح اللي بيكسبو في بنادق الرش اكثر من عشر اضعاف تمنها متعاملتش مع صاحب الشركة اللي شغال فيها اللي بيكسب ملايين ويكنزها ويروح يصرف في سهرة حلوة مائات الالاف ولما ييجو الموظفين يطلبو زيادة ولا مكافأة متجيش ربع اللي صرفه في السهرة يقول لا ميستاهلوش ويذل ابوهم عليها ولا متعاملتش مع ولا مع ولا مع ولا مع ..................... ايه ياجماعة انتو مستغربين من ايه........ شكلكو متعاملتوش مع مصريين قبل كده |
رد: حكايتي في الغربه .. ونصيحه لكل مصري مغترب
انا مقولتش ظابط الشرطة ولا ظباط الجيش للي دخلو الجيش ولا موظف الحكومة ولا حتي موظف القطاع الخاص
لو قعدت اقول لبكرة مش هانخلص |
رد: حكايتي في الغربه .. ونصيحه لكل مصري مغترب
ربنا يعوضك خير
و للاسف اذا غاب الدين و ضعفت الأخلاق ظهرت المعاملة السيئة فالدين المعاملة (اى ان المعاملة عى التى تعرفك الانسان الملتزم من المزيف) لكن هنا ده كله موجود لكن وجود الانسان فى وسط اهله و اصحابه يخفف الشعور بها المصرى هو المصرى فعلا جوه و بره و ده عيب تربية و تعليم و ضعف انتماء و دين و وطنية كلها منظومة مترابطة تحتاج الى اصلاح |
رد: حكايتي في الغربه .. ونصيحه لكل مصري مغترب
اقتباس:
من كلامك انك اتولدت واتربيت برة مصر........ ولو انت تعمقت بعد رجوعك لمصر هتعرف ان فية محافظة كاملة مش مدينة او قرية تعاملاتها مع بعض ومع الماس اسوء من كدة..... و معاملة الصريين لبعض برة اسوء من انها تتوصف.... ودة حاجة معروفة عندنا كلنا خصوصا ال عندة حد من اهلة سافر برة.... وانا اخوالى واولاد خالتى ف السعودية وبيعانوا من نفس ال انت عانيت منة... ومن المفترض انى بعد ما اخلص كليتى ال هى تجارة زيك بردة هسافرلهم... بس بعد الثورة وبعد البسمعة من المعالملة البرة من المصريين وغير المصريين للمصريين خلانى اقول بلدى اولى بيا وبكل واحد من ولادها....... صدقنى مش هتلاقى ف الغربة صديق الا نادرا.... فاصبر واحتسب واكيد ربنا عملك كدة رايد بيك خير.... ياعم يمكن اتجمع انا وانت فشغل واحد ونبقى اصحاب هههههههههههههه احنا اصحاب ن غير حاجة ياحمام..... ادعى وانت بتصلى ليك ولينا وربنا يكرمك ويكرمنا |
رد: حكايتي في الغربه .. ونصيحه لكل مصري مغترب
لا اله الا االله ..
|
رد: حكايتي في الغربه .. ونصيحه لكل مصري مغترب
اقتباس:
صلى على رسول الله احنا لا بنشحت ولا بنقول لله |
رد: حكايتي في الغربه .. ونصيحه لكل مصري مغترب
تجربه عظيمه
جدا مؤلمه جدا جدا و لكن لا تعرف مالذى يخبئه لك القدر فكل ما عند الله جميل و اجمل ما فيه انه من عند الله ربنا يرزقك صدقنى البلد حالها صعب اليومين دول بس هتفرج ان شاء الله |
رد: حكايتي في الغربه .. ونصيحه لكل مصري مغترب
ربنايهدي المصريين بره وجوه
|
رد: حكايتي في الغربه .. ونصيحه لكل مصري مغترب
هو انا شايف كدة ان مش الامارات بس اللى بتكرة المصريين انا شايف من خلال لسماعى لقصص واعتداءات بتحصل للمصريين ان غالبية الدول العربية بقت بتكرة مصر والمصريين طبعا ناهيك عن اوروبا ومدى كرها للاسلام والمسلمين
يعنى العالم كلة يعتبر مقفول للمصرين خاصة وللمسلمين عامة يعنى السعودية شوف عملت اية فى الحجاج المصريين عندهم وفى ليبيا تم احتجاز مركب صيد على متنة مصريين وفى تونس برضة نفس الكلام وطبعا المعاملة بتكون زفت |
رد: حكايتي في الغربه .. ونصيحه لكل مصري مغترب
...........................
|
رد: حكايتي في الغربه .. ونصيحه لكل مصري مغترب
يا جماعه معلش اصل انا شوفت مصريين بيذلوا نفسهم للفلوس فأكيد هيداس ... وبصراحه بقى و نبقى واقعييين قبل ما كان تتمل ثوره لتغير النظام كان المفروض تتعمل ثوره لتغير العقول و الانفس ...حسبيا الله في كل واحد ظلم واحد
|
رد: حكايتي في الغربه .. ونصيحه لكل مصري مغترب
حسبنا الله .... هو نعم المولى و نعم الوكيل
|
رد: حكايتي في الغربه .. ونصيحه لكل مصري مغترب
هدي اعصابك يا محمد واضح ان احنا جران في الامارات وفي مدينه نصر
والله يا محمد انا حاسس بشعورك علشان انا اتولد في السعوديه وعيشت هناك شويه وبعدين روحت الامارات تحديدا مدينه العين وعشت هناك تسع سنين ( اكتر من الي عشته في مصر ) للاسف والله كان صحابي الامارتيين احسن مليون مره من المصريين الي هناك الى من رحم ربي ... والغريبه ان مثلا الشوام يدوسو على رقبه بعض علشان يطلعو فوق بعض اما المصريين يدوسو علي رقاب بعض لله في لله ... والله فاكر موقف واحد سعودي صاحب عمي راح يصلح الشكمان بتاع العربيه في ورشه بتاع واحد مصري فلما اتفقو على السعر راح واحد صحبه في الورشه الى جنبه مصري برده جاي وقالو سيبك منو وتعلالي هعملهالك ارخص ب 20 درهم يعني باع صحبو علشان عشرين درهم وفي الاخر بنقول هما مابيحترموناش ليه احنا الي عملنا كده في نفسينا |
رد: حكايتي في الغربه .. ونصيحه لكل مصري مغترب
السلام على من اتبع الهدى ... بص يا استاذ مسافر عبر البرارى ... انت كلامك غريب جدا وغير مقبول فى المنتدى بشكل او بآخر ... ياريت تلتزم بهدف المنتدى ... الصيد ... اما بالنسبه للموضوعات العامه فدى معموله للصيادين اللى عايزين يتكلموا فى حاجه غير الصيد ... ((( الصيادين ))) ... واللى مش مصدق كلامى يبص فى مواضيعه ويحكم ... |
رد: حكايتي في الغربه .. ونصيحه لكل مصري مغترب
نفسى اقولك كلام كتير عن الموضوع ده بس بصراحه مش عارف ابدأ منين او اقول ايه غير حسبنا الله ونعم الوكيل
ومش هاقولك بره مصر لا ده جوا مصر وفى كل حته وعلى فكره مش المصريين بس والله العظيم كل مكان فيه الكويس وفيه الوحش وبعدين صدقنى اتأكد من حاجه مهمة قوى قالها سيدنا النبى صلى الله عليه وسلم (ماكان ليصيبك لم يكن ليخطئك وما كان ليخطئك لم يكن ليصيبك ) وربنا قال (انا كل شئ خلقناه بقدر ) وكل دى ازمات لازم تعدى بيها لان ده طبع البشر والا ماكنش قابيل قتل اخوه الطيب هابيل وانتا عارف القصة وكانوا اخوة وابناء ابو البشر احمد الله دائما ولا تتعجب فانهن مكتوبات على عرش الرحمن (لا حيلة فى الرزق ولا شفاعة فى الموت ولا سلامة من السنه الناس) ودايما هاتلاقى ناس انانية مابتحبش غير نفسها ودول قال فيهم زين العابدين علي بن الحسين رحمه الله وانْظُرْ إِلى مَنْ حَوَى الدُّنْيا بِأَجْمَعِها هَلْ رَاحَ مِنْها بِغَيْرِ الحَنْطِ والكَفَنِ خُذِ القَنـَاعَةَ مِنْ دُنْيَاك وارْضَ بِها لَوْ لم يَكُنْ لَكَ إِلا رَاحَةُ البَدَنِ من قصيدة ليس الغريب فلا تيأس واصبر وان شاء الله ستدور عليهم الدوائر وكما فعلوا سيفعل بهم |
رد: حكايتي في الغربه .. ونصيحه لكل مصري مغترب
لاحول ولا قوة الابالله
|
رد: حكايتي في الغربه .. ونصيحه لكل مصري مغترب
حبايبنا انا مغترب فى السعودية وبصراحة موضوع معاملة السعوديين علشان الثورة والكلام ده محصلش لكن بالنسبة لموضوع سوء المصريين فى الخارج فبصراحة هو فعلا فيه عينات كتيرة وحشة جدا لكن وللحق انا قابلت واتصادقت من مصريين جدعان ورجالة فى الغربة فالموضوع موش مقياس يعنى للأخ صاحب الموضوع ممكن كان نصيبه بس فى المكان
|
رد: حكايتي في الغربه .. ونصيحه لكل مصري مغترب
ده ربنا يكون فى عونك و يحققلك الى بتتمناه و لكن برده خليك فى مصر احسن :)
|
رد: حكايتي في الغربه .. ونصيحه لكل مصري مغترب
متشكر لردودكم جداااااااااااااا وربنا يديم المعروف و الموده
|
رد: حكايتي في الغربه .. ونصيحه لكل مصري مغترب
والله يا استاذ محمد موضوعك بجد ضايقنى وخلانى اقول حسبى الله ونعم الوكيل فى كل انسان يؤذى انسان مثله فى رزقه واحب ان اقول لك( ولا تحسبن الله غافلا عما يعمل الظالمون ) وصدقنى دى ارزاق ولو لك رزق هناك ولو اجتمع اهل الدنيا اجمعين فسوف تستوفى رزقك .
وان شاء الله ربنا يكرمك بوظيفه احسن منها لانك انسان خلوق ومحترم . والله ولى التوفيق ..................... |
رد: حكايتي في الغربه .. ونصيحه لكل مصري مغترب
لا حول ولا قوه الا بالله العلى العظيم
|
رد: حكايتي في الغربه .. ونصيحه لكل مصري مغترب
ما أنا زيك ياحمادة والله أنا برضو من مواليد السوعدية وجيت هنا علشان اتقرف بس تكيفت ده ايام المدرسة وطلعت بحبة صحاب تانيين زي العسل ... أنت بتشتكي مالغربة ... أنا فبلدي حاسس اني غريب ... نفس المعاملة الي معاك فالشغل ... و أكثر
وححكي لما ارجع مالشغل واقولك الي يجننك تخيل بقي غربتك فبلدك |
رد: حكايتي في الغربه .. ونصيحه لكل مصري مغترب
وانتا شايف ان الموضوع دة واللى انا علقت علية بيتكلم فى الصيد ولا بيتكلم فى العنصرية
بص انتا كدة واتاكد واقرا الموضوع من اولة كلامى موجة لrock علشان بيقولى ان دة موضوع صيد اللى احنا بنتكلم فية دلوقتى واية حكاية كلامى غير مقبول فى المنتدى يعنى اية الكلام دة عايز افهم وضحلى تقصد اية من كلامك دة يا rock |
رد: حكايتي في الغربه .. ونصيحه لكل مصري مغترب
اقتباس:
هوه ده السبب (ناس بقالهم سنين و انت لسه جاي و عملت سمعه طيبه) لعلمك سيفتح باب العمل في الامارات رغما عن انفهم ولكن بعد ان يكون لمصر رئيسا و حكومة انت ولدت في الامارات و عشت حتى الثانوية العامة و عاصرت والدك و جيرانك وحكاياتهم كان يجب ان يكون عندك خلفية مسبقة عن المصريين خارج وطنهم و عن التفرقة العنصرية في بلد اسلامي نصيحتي للشباب - لا تدفع 20 الى 50 الف جنيه مقابل سفرك الى الامارات او اي دولة تعاملك مثل معاملتهم اذا يأست من بلدك فاذهب الى من يعاملونك مثل ابنائهم و يعطوك الجنسية و يعلموا اولادك بالمجان و يصرفوا لك عن كل طفل ما يكفيك لاعاشته ويحتسبوا عملك بالساعة و تتساوى مع غيرك امام القضاء لا تنس ثمن الغربة - هل أخذت ثمنها ام تنازلت عنه للاسف كالعادة |
رد: حكايتي في الغربه .. ونصيحه لكل مصري مغترب
نصيحتي للشباب - لا تدفع 20 الى 50 الف جنيه مقابل سفرك الى الامارات او اي دولة تعاملك مثل معاملتهم
اذا يأست من بلدك فاذهب الى من يعاملونك مثل ابنائهم و يعطوك الجنسية و يعلموا اولادك بالمجان و يصرفوا لك عن كل طفل ما يكفيك لاعاشته ويحتسبوا عملك بالساعة و تتساوى مع غيرك امام القضاء لا تنس ثمن الغربة - هل أخذت ثمنها ام تنازلت عنه للاسف كالعادة طب اضرب مثل لدولة بتعامل المصريين كدة |
رد: حكايتي في الغربه .. ونصيحه لكل مصري مغترب
اقتباس:
|
رد: حكايتي في الغربه .. ونصيحه لكل مصري مغترب
اقتباس:
بس للاسف انت مافهمتهاش الا متاخر وللاسف من البيتحكالى عن المصريين ف الغربة خلانى اقول ان الواحد يسافر بلد ميعرفش فيها حد ولاحد يعرفه حد |
رد: حكايتي في الغربه .. ونصيحه لكل مصري مغترب
باذن الله تجد الوظيفة
|
رد: حكايتي في الغربه .. ونصيحه لكل مصري مغترب
اقتباس:
وكيف انهم تعرضوا للوقوف امام القضاء و تم التعامل معهم بكل عدل و حيادية كندا ايضا - قدم لها دكتور اسنان زميلي للهجرة من 2005 و اليوم هو يودعني مع اسرته جميعا حيث سيذهب للهجرة هناك - و لنا اقارب هناك لا ينزلوا الى مصر الا كل كام سنة و باين عليهم اثر النعيم و العز و الصحة - طبعا اخدوا الجنسية و تملكوا عقارات فرنسا كذلك يعطوك على اولادك نقودا تكفي احتياجاتهم و تزيد لدرجة اعرف عائلة مغربية تلد طفلا كل عام من يولد في الدول الاوربية يأخذ الجنسية فورا و من يولد في الدول الخليجية يتحمل والده مصاريفه كاملة اضافة الى اجراءات الاقامة التي وصلت للالاف "ايمسكه على هون ام يدسه في التراب". |
| الساعة الآن 08:00 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir