الصيد فى مصر

الصيد فى مصر (http://www.egyhunt.net/index.php)
-   الموضوعات العامه (http://www.egyhunt.net/forumdisplay.php?f=86)
-   -   عايز خدمة(معلومات) من الاسكندرانية الجدعان (http://www.egyhunt.net/showthread.php?t=15585)

ayman.galal 11-09-14 08:08 PM
عايز خدمة(معلومات) من الاسكندرانية الجدعان
 
السلام عليكم يا اسكندرانية
بعد اذنكم كنت عايز حد يفيدنى عن افضل الاماكن اللى اروحا فى الاسكندرية شتاءاً
عايز اقضى يومين تلاته كده (بس مش اسبوع يعنى هههههه)فى اسكندرية وطبعا ماعرفش حد غيركم ممكن يفيدنى
والمطلوب مكان (سواء منطقة- او لو كانده-او شقة) تناسب اسرة 3 افراد (زوجتى وبنتى وانا) وياريت يكون على القد كده (مش غالى يعنى) حاكم انا من محدودى الدخل وعايز افسح العيال وابسطهم هههههههه
والحمد لله بنتى لسه 3 سنوات يعنى مش مرتبط بمدرسة وده اللى شجعنى فى فكرة اسكندرية فى الشتاء لانى كمان بسمع ان جوها ممتع جدا جدا جدا
فا يا ترى ممكن اروح فين والاقامة تتكلف كام؟؟؟
وبالمره اكون جبت لى سنارة واتعلمت الصيد واقعد ع الشط اصطاد هاه ايه رأيكم؟؟؟؟

ملحوظة: معايا عربية محندقة كده تنفعنى فى التنقلات بس ماعرفش اى حاجه فى اسكندرية غير شارع خالد ابن الوليد وشاطىء ميامى (كمصيف)
والف شكر لتعاونكم يا جدعان

ahmadkader 11-09-14 08:28 PM
رد: عايز خدمة(معلومات) من الاسكندرانية الجدعان
 
خد نمرة السمسار ده إبن حلال قوى و شاب أخلاق ماسك نواحى ميامى ، و لو عايز حتة قريبة من البحر هناك و قريبة من خالد إبن الوليد و راقية و هادية وسعرها مهاود و فى منتصف إسكندرية يبقى تشوف فى شارع إسكندر إبراهيم
إسم السمسار : كريم
رقمه : 0120776296

تمنياتى بأجازة سعيدة

ayman.galal 11-09-14 08:45 PM
رد: عايز خدمة(معلومات) من الاسكندرانية الجدعان
 
الف الف شكر يا مستر احمد على التعاون وربنا يجازيك خير
شكلك اسكندرانى .... مش كده؟؟

ahmadkader 11-09-14 08:50 PM
رد: عايز خدمة(معلومات) من الاسكندرانية الجدعان
 
اقتباس:
المشاركة الأصلية كتبت بواسطة ayman.galal (المشاركة 199035)
الف الف شكر يا مستر احمد على التعاون وربنا يجازيك خير
شكلك اسكندرانى .... مش كده؟؟
العفو يا فندم ، و الله أنا مانولتش الشرف إنى أكون من إسكندرية بس أحلى أيام حياتى قضيتها فيها :)

سرسور 11-09-14 10:07 PM
رد: عايز خدمة(معلومات) من الاسكندرانية الجدعان
 
ممكن تذهب الى ابو قير
السعر اقل من ميامي و ممكن تخرج فى رحلة صيد الى جزيرة نلسن
ان شاء الله عندما اعود الى الاسكندرية ممكن اسال لك على الاسعار و المتاح
او ارسل لك رقم تليفون سمسار صديقى يفيدك لو لم استطيع توفير شيئ مناسب

ahmadkhalaf 11-09-14 11:54 PM
رد: عايز خدمة(معلومات) من الاسكندرانية الجدعان
 
اقتباس:
المشاركة الأصلية كتبت بواسطة سرسور (المشاركة 199078)
ممكن تذهب الى ابو قير
السعر اقل من ميامي و ممكن تخرج فى رحلة صيد الى جزيرة نلسن
ان شاء الله عندما اعود الى الاسكندرية ممكن اسال لك على الاسعار و المتاح
او ارسل لك رقم تليفون سمسار صديقى يفيدك لو لم استطيع توفير شيئ مناسب
دلوقتى بـ 25 او 30 مش فاكر ... بس بصراحة رحلة ممتعة جدا جدا ... ياريت تجربة ... تحياتى

ahmedmh_ali 11-09-15 12:51 AM
رد: عايز خدمة(معلومات) من الاسكندرانية الجدعان
 
قبل ما تنزل أسكندرية حتلاقى أرقام تليفونات الأعضاء موجودة للتواصل و لو فى أى حاجة أحنا معاك ..
و دة رقمى الشخصى 0184822342

ayman.galal 11-09-15 01:50 PM
رد: عايز خدمة(معلومات) من الاسكندرانية الجدعان
 
اقتباس:
المشاركة الأصلية كتبت بواسطة سرسور (المشاركة 199078)
ممكن تذهب الى ابو قير
السعر اقل من ميامي و ممكن تخرج فى رحلة صيد الى جزيرة نلسن
ان شاء الله عندما اعود الى الاسكندرية ممكن اسال لك على الاسعار و المتاح
او ارسل لك رقم تليفون سمسار صديقى يفيدك لو لم استطيع توفير شيئ مناسب
تسلم يا باشا واتشرفت بمشاركتك جدا
مش عارف ليه كلمة ابوقير مرتبطة عندى بالسمك ههههههههههههههه
واشكرك على التعاون
اقتباس:
المشاركة الأصلية كتبت بواسطة ahmadkhalaf (المشاركة 199120)
دلوقتى بـ 25 او 30 مش فاكر ... بس بصراحة رحلة ممتعة جدا جدا ... ياريت تجربة ... تحياتى
معلش بعد اذن حضرتك ايه هو الل دلوقتى بـ 25 او 30 ...؟؟؟؟؟
مش عارف حضرتك تقصد ايه!!!!!
اقتباس:
المشاركة الأصلية كتبت بواسطة ahmedmh_ali (المشاركة 199137)
قبل ما تنزل أسكندرية حتلاقى أرقام تليفونات الأعضاء موجودة للتواصل و لو فى أى حاجة أحنا معاك ..
و دة رقمى الشخصى 0184822342
ربنا يبارك لنا فيك يا استاذ احمد وانا احتفظت برقمك خلاص
طيب ايه افضل الاوقات لزيارة الاسكندرية .... طبعا بعد موسم المصيف؟؟؟

Alessandro 11-09-15 02:46 PM
رد: عايز خدمة(معلومات) من الاسكندرانية الجدعان
 
السلام عليكم يا استاذ ايمن انا من اسكندرية و هقولك على احسن وقت لزيارة اسكندرية احلى وقت اسكندرية فيه تبقى عروسة وتحفة التحف شهر يناير وفبراير بتبقى الدنيا هادية جدا مفيش زحمة المواصلات والطرق سالكة تقدر تأجر شقة محندقة فى اى حتة بسعر كويس لانه مش وقت موسم الصيف تقدر كمان بالليل تنزل تروح كافيه على البحر وخصوصا لما بتمطر تتفرج على شكل الناس وفى بتتسارع عشان تهرب من المطرة بيبقى المنظر تحفة والله .....

اتمنى اكون افدتك .... وتمنياتى ليك ولاسرتك رحلة سعيدة

ahmedmh_ali 11-09-15 03:15 PM
رد: عايز خدمة(معلومات) من الاسكندرانية الجدعان
 
أكيد طبعا .. أسكندرية فى الشتاء بتبقى فاضية و جميلة و هادية جدا جدا جدا ..

ahmedmh_ali 11-09-15 03:16 PM
رد: عايز خدمة(معلومات) من الاسكندرانية الجدعان
 
اقتباس:
المشاركة الأصلية كتبت بواسطة alessandro (المشاركة 199398)
السلام عليكم يا استاذ ايمن انا من اسكندرية و هقولك على احسن وقت لزيارة اسكندرية احلى وقت اسكندرية فيه تبقى عروسة وتحفة التحف شهر يناير وفبراير بتبقى الدنيا هادية جدا مفيش زحمة المواصلات والطرق سالكة تقدر تأجر شقة محندقة فى اى حتة بسعر كويس لانه مش وقت موسم الصيف تقدر كمان بالليل تنزل تروح كافيه على البحر وخصوصا لما بتمطر تتفرج على شكل الناس وفى بتتسارع عشان تهرب من المطرة بيبقى المنظر تحفة والله .....

اتمنى اكون افدتك .... وتمنياتى ليك ولاسرتك رحلة سعيدة

كلام مظبوط 100%

sadaany 11-09-16 05:11 AM
رد: عايز خدمة(معلومات) من الاسكندرانية الجدعان
 
اقتباس:
المشاركة الأصلية كتبت بواسطة alessandro (المشاركة 199398)
السلام عليكم يا استاذ ايمن انا من اسكندرية و هقولك على احسن وقت لزيارة اسكندرية احلى وقت اسكندرية فيه تبقى عروسة وتحفة التحف شهر يناير وفبراير بتبقى الدنيا هادية جدا مفيش زحمة المواصلات والطرق سالكة تقدر تأجر شقة محندقة فى اى حتة بسعر كويس لانه مش وقت موسم الصيف تقدر كمان بالليل تنزل تروح كافيه على البحر وخصوصا لما بتمطر تتفرج على شكل الناس وفى بتتسارع عشان تهرب من المطرة بيبقى المنظر تحفة والله .....

اتمنى اكون افدتك .... وتمنياتى ليك ولاسرتك رحلة سعيدة
ياعم حرام عليك حركت احاسيسى اسكندريه دى وخاصه مع كلام حضرتك بحس ان انا فى احلى مكان فى العالم وفى الوقت ده بالزات بتغازل زكرياتى بجد اجمل بقه فى الدنيا كلها

sameer 11-09-16 07:23 AM
رد: عايز خدمة(معلومات) من الاسكندرانية الجدعان
 
اقتباس:
المشاركة الأصلية كتبت بواسطة alessandro (المشاركة 199398)
السلام عليكم يا استاذ ايمن انا من اسكندرية و هقولك على احسن وقت لزيارة اسكندرية احلى وقت اسكندرية فيه تبقى عروسة وتحفة التحف شهر يناير وفبراير بتبقى الدنيا هادية جدا مفيش زحمة المواصلات والطرق سالكة تقدر تأجر شقة محندقة فى اى حتة بسعر كويس لانه مش وقت موسم الصيف تقدر كمان بالليل تنزل تروح كافيه على البحر وخصوصا لما بتمطر تتفرج على شكل الناس وفى بتتسارع عشان تهرب من المطرة بيبقى المنظر تحفة والله .....

اتمنى اكون افدتك .... وتمنياتى ليك ولاسرتك رحلة سعيدة
طيب انا من اسكندرية دلوقتي خليتني عايز الدنيا تمطر ههههههههههه

ayman.galal 11-09-16 05:40 PM
رد: عايز خدمة(معلومات) من الاسكندرانية الجدعان
 
اقتباس:
المشاركة الأصلية كتبت بواسطة sadaany (المشاركة 200053)
ياعم حرام عليك حركت احاسيسى اسكندريه دى وخاصه مع كلام حضرتك بحس ان انا فى احلى مكان فى العالم وفى الوقت ده بالزات بتغازل زكرياتى بجد اجمل بقه فى الدنيا كلها
طبعا اسكندرية احلى مكان فى العالم ..تنكر؟؟؟ ههههههه
اقتباس:
المشاركة الأصلية كتبت بواسطة ahmedmh_ali (المشاركة 199440)
أكيد طبعا .. أسكندرية فى الشتاء بتبقى فاضية و جميلة و هادية جدا جدا جدا ..
ماهو عشان كده نفسى اروح فى الجو ده ... لان الكل بيشكر فيه جدا
اقتباس:
المشاركة الأصلية كتبت بواسطة alessandro (المشاركة 199398)
تقدر كمان بالليل تنزل تروح كافيه على البحر وخصوصا لما بتمطر تتفرج على شكل الناس وفى بتتسارع عشان تهرب من المطرة بيبقى المنظر تحفة والله .....
اتمنى اكون افدتك .... وتمنياتى ليك ولاسرتك رحلة سعيدة
جيت ع الجرح .... نفسى اشوف المنظر ده جدا جدا جدا لانى مش بشوفه غير فى الافلام
تخيل انا واصحابى ييجى من 15 سنه كده كنا بنحلم بكده برضه
اقتباس:
المشاركة الأصلية كتبت بواسطة sameer (المشاركة 200067)
طيب انا من اسكندرية دلوقتي خليتني عايز الدنيا تمطر ههههههههههه
ادعى بقى وابواب السماء مفتوحة
هههههههههههههههه

Alessandro 11-09-17 01:32 AM
رد: عايز خدمة(معلومات) من الاسكندرانية الجدعان
 
والله يا جماعة مش عارف اقولكم ايه بس كل اللى اقدر اقوله ان اسكندرية مينفعش تعيش فيها كده والسلام زيـها زى اى مدينة تانية دى مدينه لو محستش بكل شبر فى ارضها متستطعمهاش عصبيتها فى الصيف حنيتها عليك فى الشتا شقاوتها فى الربيع اقولكم ايه ولا ايه بس دا الواحد لما بيسافر يومين كده ويغيب عنها بيحس انه من غير روح بجد انا بحمد ربنا انى من البلد دى ومش عايز اعيش فى غيرها حتى لو كانت باريس

ayman.galal 11-09-17 04:16 PM
رد: عايز خدمة(معلومات) من الاسكندرانية الجدعان
 
اقتباس:
المشاركة الأصلية كتبت بواسطة alessandro (المشاركة 200478)
والله يا جماعة مش عارف اقولكم ايه بس كل اللى اقدر اقوله ان اسكندرية مينفعش تعيش فيها كده والسلام زيـها زى اى مدينة تانية دى مدينه لو محستش بكل شبر فى ارضها متستطعمهاش عصبيتها فى الصيف حنيتها عليك فى الشتا شقاوتها فى الربيع اقولكم ايه ولا ايه بس دا الواحد لما بيسافر يومين كده ويغيب عنها بيحس انه من غير روح بجد انا بحمد ربنا انى من البلد دى ومش عايز اعيش فى غيرها حتى لو كانت باريس
الله الله الله على الكلام الجميل ده
ده شعر ونثر وكل حاجه جميله فى حق البلد دى
شكرا يا عاشق ... اسكندرية

Alessandro 11-09-18 07:52 PM
رد: عايز خدمة(معلومات) من الاسكندرانية الجدعان
 
اقتباس:
المشاركة الأصلية كتبت بواسطة ayman.galal (المشاركة 200750)
الله الله الله على الكلام الجميل ده
ده شعر ونثر وكل حاجه جميله فى حق البلد دى
شكرا يا عاشق ... اسكندرية
العفو يا استاذ ايمن


الساعة الآن 11:16 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir