الأمان غير شغال فى الجاكال
 

السلام عليكم ورحمه الله وبركاته
كنت اشتريت مسدس جاكال من اسبوعين و بحكم اني اول مره ادخل محل سلاح فاشتريت وخلاص
و امس لما كنت مع احد الاعضاء اكتشفنا ان الامان اللى فى المسدس غير شغال وعرفت منه برضه ان المسدس الفرز الاول فيه اتنين زرار امان و اللى معايا فرز تاني لانه فيه امان واحد اللى هوا فى زرار تحديد طريقه الضرب
المهم كنت عاوز اصلح المسدس بنفسي لاني لما رجعت للمحل اللى اشتريت منه قال لي انه غير مسئول وانه علشان هيصلحه هيكون بمقابل لاني اشتريت واكيد هوا مش كان كده لما اشتريت ( المسدس لم يضرب ولا طلقة واحده )
فهل سهل اني اصلحه بنفسي لاني بحب اصلح وعلم نفسي
امبارح لاول مره فكيت المسدس وركبته تاني زي ما شوفته فى فيديوهات هنا
فهل توجد فيديوهات توضح ازاي اقدر اصلح المسدس؟

رد: الأمان غير شغال فى الجاكال
 

استاذ michohat
اعتقد عملية زرار الامان الموجود اعلى المسدس ليس له اى علاقة بقصة الفرز الاول والفرز التانى للمسدسات الموجودة فى مصر وده فيديو من احدى كبرى شركات مسدسات الصوت الموجودة فى كندا (اظن كندا مافيهاش فرز اول وفرز ثانى؟) http://www.replicaairguns.com/.
ماتشغلش بالك واستعمل زرار الامان بتاع تحديد طريقة الضرب واستمتع بمسدسك الجديد.
تحياتى

رد: الأمان غير شغال فى الجاكال
 

ما برضه زرار الامان السفلي ده مش شغال يعنى المسدس بيضرب والامان مقفول

رد: الأمان غير شغال فى الجاكال
 

كده يبقي المسدس فيه اكتر من عطل و لازم يتصلح مع ان الامان في مسدس الصوت مش مهم اوى

رد: الأمان غير شغال فى الجاكال
 

اسمح لى اخى بالمشاركة من خلال تجربتى مع الجاكال لا يوجد به الا زر امان واحد وهو ايضا نفس الزر الذى يحدد هل يضرب فردى ام متعدد ولا يوجد جاكال ديوال فى السوق سواء اكان كومباكت او عادى به 2 زر امان وزر الامان الواقع خلف المنزلق هذا للزينه فقط او لحفظ الشكل تقليدا للبريتا الاصلى منه وليس لهذا الامر علاقة لا من قريب او من بعيد بموضوع الفرز فكل الجاكال بمثل هذا الشكل اما صاحب المحل فقد يكون حدث سو فهم منه للموضوع وبالتالى رد الرد الغير مناسب واذا لاحظت فى الفيديو المعروض انه لم يحرك زر الامان الخلفى لانه مجرد ديكور فقط

رد: الأمان غير شغال فى الجاكال
 

اللي عاوز اعرفه هوا كده فيه جزئية مكسورة فى المسدس محتاجته تتغير علشان يتصلح
ولا مجرد عمليه فك واعاده تركيب و تظبيط وبس
ولو كان من الممكن اني اعملها بنفسي لاني بحب اعمل حاجتي بإيدي ولا هتكون صعبه
ولو فى الامكان لو فيه فيديو او اي شرح للاجزاء المكونه للمسدس
عرفت اجيب الكتالوج بتاعه من الانترنت و فيه رسمه له وهو متفكك بالاجزاء بس معرفش لما افكه هيتجمع ازاي

رد: الأمان غير شغال فى الجاكال
 

استاذى الفاضل
بعد التحية
الامان فى المسدس الجاكل يوجد فى الاسفل فى زر ضبط السرعة
اما عملية ان الامان غير شغال اللى بيبوظ امان الجاكل بيكون بسبب شد اجزاء المسدس وهو متأمن فيكون هذا هو سبب عطله ويتم تصليحة فى 100 شارع شبرا ورشة شريف بتاع التصليح
وتقبل مرورى
تحياتى

رد: الأمان غير شغال فى الجاكال
 

لك جزيل الشكر اخي ياسر
اريد ان افهم آليه المسدس
افهم من هذا ان هناك جزء تم كسرة ويحتاج الي تغيير ام العمليه مجرد اعاده تظبيط للمسدس

رد: الأمان غير شغال فى الجاكال
 

فكيت اجزاء المسدس و كذلك مسامير اليد ووقفت على كده اوصل ازاى للجزء اللى عاوز يتصلح؟
عاوز احاول اصلحه بنفسي

رد: الأمان غير شغال فى الجاكال
 

يا باشا اللي سمع الفيديو هيعرف ان الأمان اللي فوق دا منظر بس ديكور عشان يبقي زي البريتا لكن اللي تحت دا متعطل فعلا

رد: الأمان غير شغال فى الجاكال
 

طب افك ايه علشان اصلحه بنفسي عاوز افكه علشان اعمله بايدي

رد: الأمان غير شغال فى الجاكال
 

يا اساتذة السلاح بحكم خبرتكم فيه حد يجاوبنى السلاح الاكول جاكال الاتوماتيك زر الامان اللى فيه مش شغال اللى هو فى زر تغيير السرعات هل ده طبيعى وللا ده عطل فى المسدس وياريت حد يفهمنى لانى غلبت فيه بصراحة يعنى ببقى مأمن المسدس وبرضه لو سحبت الشاكوش بيضرب ده طبيعى فى النوع ده للمسدسات وللا ايه ؟

رد: الأمان غير شغال فى الجاكال
 

نفس الشكوي اللى كانت معايا و وديته لمحل اسلحه وصلحه ورجع تمام
كنت عامل الموضوع علشان كنت عاوز احاول اصلحه بنفسي ( هوايه عندي)

رد: الأمان غير شغال فى الجاكال
 

طيب ممكن تقوللى صلحته عند مين وبكام لانى انا رحت لواحد علشان اصلحه وقالى ان الاوتوماتيك كله كده ولو صلحته برضه هيبوظ تانى ومارضيش يعمله
هل الكلام ده صح وللا هو بيقول كده وخلاص
وهل المسدس ده بيتفكله الطبة ويضرب بلى وللا لأ ياريت تفدنى وترد علية لو سمحت

رد: الأمان غير شغال فى الجاكال
 

انا من الشرقيه فصلحته هناك والراجل خد منى 30جنيه
المسدس (لو ماسورته مفتوحه ) لو جبت له طبه بلي طويله من عند ا مازنجر ان شاء الله يكون كويس

رد: الأمان غير شغال فى الجاكال
 

اشكرك على اهتمامك وربنا يوفقك