مطلوب التوضيح من الساده المشرفين المحترمين
 

في البدايه ان عارف ان الموضوع المفروض يكون في مكانه المخصص مش في سوق المنتدى , ولكن انا حطيته هنا للسبب الاتى :-

امبارح كان في موضوع حاطه الزميل الفاضل شريف ابو ضيف وانا دخلت قولت رأيي بموضوعيه شديده واليوم وجدت ان الموضوع بالكامل تم الغاءه وتمت الاستعاضه عنه بموضوع اخر من نفس الزميل بيحمل نفس معنى الموضوع الذي تم حذفه .
انا عايز اعرف من اعطى الحق للمشرف او من حذف الموضوع في الالغاء بالرغم من ان المشاركات لم تكن تحمل اي نوع من الاهانات المباشره او غير المباشره او حتى تهكم على شخص بعينه ؟؟؟؟ هل مازلنا نعيش حاله مصادرة الاراء والحريات ؟؟؟ هي دي الديموقراطيه اللي عملنا ثوره عشانها ؟؟

معقول كل واحد يقول كلمه حق يتم الغاء الموضوع بأكمله لصالح شخص هو في الاول او الاخر انسان عادي زينا ؟؟

مطلوب توضيح ربما اكون غلطان

رد: مطلوب التوضيح من الساده المشرفين المحترمين
 

الموضوع هو عباره عن عرض وصاحب العرض لغاه يعنى مش موضوع نقاش او حوار لما صاحب العرض لغى تم حذفه
ثانيا راجع قوانين المنتدى كويس مشاركتك اصلا مخالفه لقوانين المنتدى يعنى لو ما اتحذفش الموضوع كله كان هتتحذف المشاركه بتاعتك راجع قوانين المنتدى


* شروط الكتابه بقسم السوق
1- قبل ان تقوم بكتابه اي موضوع فى هذا القسم تاكد من انك تتحمل المسئوليه القانونيه بمفردك اذا كنت تبيع ماهو مخالف لقوانين جمهورية مصر العربيه .. يجب على العضو الرجوع للقانون للاطلاع على المنتجات المحظوره قانوناً .
2- على المشتري توخي الحذر عند الشراء من الاعضاء .. واذكركم بان المنتدى لا يتدخل فى اي صفقات بيع او شراء تتم فى هذا القسم باي شكل من الاشكال .. وهذه الخدمه مجانيه تماماً .. وبناء عليه فالمنتدى لا يتحمل اي مسئوليه عن اي صفقه تجاريه تتم بين الاعضاء عبر استخدام المنتدى .. نحن لا نضمن جوده المنتجات او معقولية السعر او مصداقيه التاجر .. كل هذه الاشياء يجب ان تتاكد منها بنفسك قبل الشراء.
3- لا يسمح بكتابه اي مواضيع للشكوى او للتحذير من اي عضو من اعضاء المنتدى .. المنتدى ملتزم بالحياديه تجاه هذه المنازعات .. فهو ليس طرفاً بها .. ولن يتدخل فى حلها.

تم نقل الموضوع الى الشكاوى والاقتراحات

رد: مطلوب التوضيح من الساده المشرفين المحترمين
 

الله ينور يا عربى مشكوووووور على التوضيح

رد: مطلوب التوضيح من الساده المشرفين المحترمين
 

صباح الفل يا باشا عيزين نشوفك

رد: مطلوب التوضيح من الساده المشرفين المحترمين
 

يا استاذ عربي حضرتك اكيد عندك نسخه من الموضوع في المحذوفات
راجع الموضوع تاني وحددلي بالظبط ايه المخالفات اللي حصلت مني تجاه شخص العضو

وانا هقول لحضرتك مشاركاتي كانت عباره عن ايه بالظبط

بدايه المشاركه كانت سرد لتجربتي الشخصيه مع محل ابوضيف 6 اكتوبر , والكلام على مسئوليتي الشخصيه واتحملها كامله
تاني جزء من المشاركه هو نقل رساله لمجموعة محلات ابو ضيف والسيد شريف ابو ضيف ممثلاً عنها , والرساله من على لسان سيده فاضله تدير محل ابو ضيف في باب اللوق

فين المخالفه ؟؟

رد: مطلوب التوضيح من الساده المشرفين المحترمين
 

العرض صاحبه حذفه الموضوع يفضل ليه
والمنتدى ليس طرف فى اى خلاف بين البايع والمشترى

رد: مطلوب التوضيح من الساده المشرفين المحترمين
 

اولاً انا مفيش بيني وبين الاستاذ شريف ولا محلات ابو ضيف اي تعامل ولا عمري اشتريت منهم , انا بشتري من ابو ضيف باب اللوق اياً كان مين هو صاحبه

ثانيا من حق صاحب العرض انه يحذفه (على العين والراس) ده في حاله انه عايز يعدل العرض او يغييره , لكن انه يحذف العرض عشان في مشاركات مش عاجباه ده يتسمى ايه ؟؟

ثالثاً كان في موضوع تاني والزميل بردو كان بيشتكي من المعامله في محلات ابو ضيف وانا كمان شاركت في نفس الموضوع ده بتجربتي ,, ونفس الموضوع ده اتلغى على ما اظن (لاني مش لاقيه) , فهل ده بردو لان صاحب الموضوع لغاه ؟؟ ولا الحكايه هي اننا بنلمع مواضيع معينه على حساب حاجات تانيه كتير ؟؟؟؟؟؟؟؟

عالعموم انا بشكرك بصفتك احد افراد طاقم الادارة على سعه الصدر , واحب اقول لحضرتك اني خلاص مش محتاج توضيح اكتر من كده عشان مزعلش من المنتدى, لاني من اول ما دخلت المنتدى هنا وانا بحترم الناس كلها و مش عايز حاجه تحصل تخلي الاحترام والاهتمام بالمنتدى يقل , لان المنتدى اكيد فيه ناس كتير محترمين وكويسين

شكرا

رد: مطلوب التوضيح من الساده المشرفين المحترمين
 

اولا مفيش زعل هيحصل خالص طالما الاحترام المتبادل موجود ودا موجود والحمد لله
هنرد وحد وحده لما يدخل واحد بيتكلم على المعامله انا بيهمنى السعر والجوده لكن لما يكون الكلام فى حاجه تضر صاحب العرض زى انك تسال مفتوح ولا مقفول والحاجات دى يبقى ليه حق يقفل السكه فى وش اى حد يكلمه فى الحاجات دى ولا يقفل محله ويتشمع بالشمع الاحمر
عشان خاطر المنتدى واعضائه على ما اظن كدا فهمتنى ليه بيتعامل مع ناس وناس وبلاش نظن فى بعض ظن سوء ولكن فى حجات غايبه عنك فيريت متحكمش عليها الا لما تعرفها
وبالنسبه للاخ صاحب الموضوع اللى اتحذف بعتله على الخاص على سبب حذف موضوعه
وهو مش سر انت لو راجعت الجزء اللى بالاحمر فى قانون المنتدى فى مشاركتى الاولى هتعرف انه ممنوع كتابه شكوى او تحذير من اى عضو والمنتدى ليس طرف فى هذه النزاعات ودى شروط الكتابه فى قسم السوق ياريت اكون قدرت اوصلك وجه نظر الاداره فى الحذف

رد: مطلوب التوضيح من الساده المشرفين المحترمين
 

اشكرك ياسيدي