الصيد فى مصر - الرصاص المطاطي

الصيد فى مصر (http://www.egyhunt.net/index.php)

- ادوات الصيد الثقيله (http://www.egyhunt.net/forumdisplay.php?f=66)

- - الرصاص المطاطي (http://www.egyhunt.net/showthread.php?t=15777)

Eng Badran

11-09-19 04:19 AM

الرصاص المطاطي

السلام عليكم
يا جماعة هوا الرصاص المطاطي بيتباع في مصر ولا لا ؟ ولو بيتباع بيتباع فين وسعرة كام ؟
وهل بيحتاج ترخيص عشان نجيبه ؟

tarekvb

11-09-19 12:54 PM

رد: الرصاص المطاطي

معتقدش ان بيتباع عادى كيدا

Eng Badran

11-09-19 03:10 PM

رد: الرصاص المطاطي

مش مشكله في الترخيص انا معايا ترخيص
هوا حلو جدا في التدريب واكيد هيكون ارخص من الرصاص الحي وأأمن منه كمان في التدريب والدفاع عن نفس لانه مش بيموت غالبا يعني بس بيشل الجسم .. الا لو ضربت من قريب في مكان حساس ممكن يموت
ياريت اللي يعرف بيتباع عادي ولا لا يقولي

التلميذ

11-09-19 03:13 PM

رد: الرصاص المطاطي

الرصاص المطاطى غير متداول فى محلات الأسلحة فى مصر لأن الإستيراد مقفول

Compact

11-09-19 11:44 PM

رد: الرصاص المطاطي

اقتباس:

المشاركة الأصلية كتبت بواسطة eng badran (المشاركة 202214)

المطاطى ارخص من الحى فى مصر اكيد لأ .... ليه .... معرفش
هو كان موجود قبل الثورة فى المحلات الكبيرة و كان اغلى من الحى الضعف مثلا
طبعا المطاطى هو نمرة واحد للتدريب و الاستخدام الشرطى بره مصر

انت بدور على حاجة دلوقتى مستحيلة الوجود داخل الحدود

و لو ربنا اكرمك ولقيت يبقى قول

avokato

11-09-20 12:05 AM

رد: الرصاص المطاطي

مستحيل الا سوق سودا وحتي تجار السلاح الدولي بيكبروا مش بيتاجروا فيه ومش هتلاقيه غير في معسكريات الامن المركزي

tata_basha

11-09-25 03:52 PM

Re: الرصاص المطاطي

انا اعرف واحد عنده كميه بس للاسف جشع و استغلال عشان مفيش حد بيبيع غيره هوا مش بيبيع بالطلقه هوا بيبيع الباكوا 50ى طلقه ب 650 جنيه بس هوا قالي لو في كميه ممكن ينزل شويه بس لو حد عايز انا ممكن اديلكم رقمه

Compact

11-09-25 05:38 PM

رد: Re: الرصاص المطاطي

اقتباس:

المشاركة الأصلية كتبت بواسطة tata_basha (المشاركة 206181)

برجاء ارسال رقمه على الخاص او العام

خالد أبو الفتوح

11-09-28 01:56 PM

رد: Re: الرصاص المطاطي

اقتباس:

المشاركة الأصلية كتبت بواسطة tata_basha (المشاركة 206181)

يا ريت تخلية يعرفنا هي صناعة إية وتاريخ إنتاجها إية علشان ممكن تكون فبركة محلية او صناعة اى كلام او متخزنة من زمان تاريخ إنتاج قديم وطبعا إنتى مترضاش إن حد من المنتدى يتنصب علية من هذا التاجر

hatem masr

11-09-28 02:32 PM

رد: الرصاص المطاطي

في اقتراح خمسه او عشرة يتشاركة في العلبه لو عندهم مسدس حي مرخص و كل شخص يضع اول رصاصتين في السلاح صوت تاني رصاصتين مطاطي و الباقي حي لو حصل شيء لا قدر الله الاول يحذر و بعدين يضرب بالمطاط في الرجلين و بعدين يستخدم الحي بالتالي المبلغ مش هيبقي كبير حكاية التدريب مصر مخليه الرمايه للصفوة بس يعني عشان امارس هوايتي المفروض كل شهر ادفع الف جنيه للطلقات بس في حين بره كل شيء متوافر حتي ماكينات كبس الطلقات الناس هناك بتلم الفوارغ و تملاها تاني و تكبسها توفيرا للنفقات و في ناس كمان بتخرط طلقات خاصه بيهم

avokato

11-09-28 03:29 PM

رد: الرصاص المطاطي

انت بتنتحر بالبطئ انت اول مهطلع المسدس هو قلبه جامد هيروح نشك شغل هوليوود

Compact

11-09-29 04:02 AM

رد: الرصاص المطاطي

اقتباس:

المشاركة الأصلية كتبت بواسطة hatem masr (المشاركة 208093)

المسدسات الحى ممكن تحط اول فيها اول طلقة فشنك (مش صوت) ,انما اتنين ده كتير وراهم 2 مطاطى كمان ... لو مثلا معاك حلوان51 (مسدس الشعب الاول) حيتبقالك ايه فى الاخر :)

طول عمر الرماية فى مصر و بره مصر هى رياضة الارسقراطيين و الصفوة , ولكن هذا المفهوم تغير تماما.

ولما نبقى نستفيد من الزبالة صح (تدوير القمامة),بعد كده يبقى نستفيد من فوارغ الذخيرة صح :)

وانا شخصيا مبحطش فشنك خالص, لانك ممكن تضرب طلقة حى فى الهواء او جنب الرجلين لو عايز تهوش على الرغم انى كمان معايا جلوك خزنته الاساسية 15 طلقة و عندى ليه خزن كتير بمقاسات مختلفة و برضه مبحطش الفشنك خالص , و فى الاخر دى وجهات نظر.

و بعد الثورة بس الطلقات بقى ليها سعر , قبل الثورة فى مناطق فى الصعيد كان بيتباع فيها الذخيرة بالكيلو على ميزان الخضار و الفاكهة و الكلام ده مش من بعيد ده لسه معداش سنة عليه.

و انا معاك ان فعلا سعر الطلقات بقى مبالغ فيه جدا و اللى عايز يمارس هواية على طبنجة حى يا يبقى مخزن الطلقات من زمان يا اما بيشترى اول بأول و غنى اوى :)

سامح عاشور

11-09-29 10:32 AM

رد: الرصاص المطاطي

اقتباس:

المشاركة الأصلية كتبت بواسطة avokato (المشاركة 208119)

انت بتنتحر بالبطئ انت اول مهطلع المسدس هو قلبه جامد هيروح نشك شغل هوليوود

هههههههه :D :cool:

بس للأسف دي الحقيقة المرة يا أستاذنا, الناس فاكرة إن ساعة الجد هيبقوا في نفس حالتهم وهما بيلعبوا GTA

hatem masr

11-09-29 02:31 PM

رد: الرصاص المطاطي

اقتباس:

المشاركة الأصلية كتبت بواسطة compact (المشاركة 208701)

يا عزيزي في مصر اصبحت ارستقراط حتي البندقية الرش اتذكر و انا صغير ابن البواب نجح في الاعدادية ابوه اشتراله بندقية رمسيس هدية النجاح حاليا ميقدرشي يشتريها لو بواب ماشي بما يرضي الله صحيح كان ابن البواب بيصطاد العصافير و هي طايرة لحد ما اتغر و جيه يصطاد عصفورة جت في راس مرات المستشار جارنا ودوه الاصلاحيه

Compact

11-09-29 02:55 PM

رد: الرصاص المطاطي

اقتباس:

المشاركة الأصلية كتبت بواسطة hatem masr (المشاركة 208880)

المفروض ان اى حد بيمارس الرماية فى مناطق سكنية حتى لو بيستخدم نبله يبص فى ايه ورا الهدف اللى بينشن عليه ... هو ده الصح

و ربنا قال العفو عند المقدرة و فى ناس كتير مبتعرفش تعمل كده, كان حرام الواد يخش الاصلاحية بصراحة و يضيع مستقبله بسبب رشاية بندقية هواء

و شكرا لك على قصتك اللى لازم الناس تستفيد منها

avokato

11-09-29 04:03 PM

رد: الرصاص المطاطي

مينفعش الرمايه في مكان سكني اصلا

Compact

11-09-29 05:26 PM

رد: الرصاص المطاطي

اقتباس:

المشاركة الأصلية كتبت بواسطة avokato (المشاركة 208912)

مينفعش الرمايه في مكان سكني اصلا

ده كلام قانونى سليم 100 بال 100

انا بقصد الرماية ببنادق الهواء عشان فى ناس كتير بالذات الهواه بيمارسوا الرماية جنب البيت او من البلكونة فى بعض الاحيان :)

avokato

11-09-30 03:02 PM

رد: الرصاص المطاطي

مينفعش رمايه بنبله حتي في مكان سكني واي غلطه هيبقي العقاب اتنين علي فكره وعلي ايه اكيد اي مكان فيه اماكن واسعه عيش جياتك فيها احسن من اي اخطاء

tata_basha

11-10-01 06:23 PM

رد: Re: الرصاص المطاطي

اقتباس:

المشاركة الأصلية كتبت بواسطة compact (المشاركة 206230)

برجاء ارسال رقمه على الخاص او العام

عنيا يا باشا بس اقله الاول و عذرا على تاخر الرد

tata_basha

11-10-01 06:25 PM

رد: Re: الرصاص المطاطي

اقتباس:

المشاركة الأصلية كتبت بواسطة خالد أبو الفتوح (المشاركة 208079)

هيا تركي يا باشا بس صناعه امتى الله اعلم ده راجل عرباوي قاعد في الصحره فا مظونش انو بيعرف يقرا اساسا

القناص2010

11-10-01 07:43 PM

رد: الرصاص المطاطي

انا من وجهة نظرى ان الرصاص المطاطى دا اصلا معمول للتهويش وتفريق المتظاهرين يعنى قوات الامن تعمل انها بتضرب نار على المتظاهرين وفى نفس الوقت الى تيجى فية طلقة مايموتش يتعور او يتوجع بس دا لانهم اخواتنا ومصريين برضو والمتظاهرين مش مجرمين ولا مسلحين يعنى درجة خطورتهم صفر اما فى حالى الدفاع عن النفس فلما سيادتك يطلع عليك بلطجى وقاطع طريق ومسجل ومعاة الى وذخيرة حية يبقى دا يضرب برصاص حى وفى المليان بس ربنا يقدرك وتلحق تطلع سلاحك وتشد الاجراء وتضرب وربنا يعافينا جميعا و ترجع بلدنا امه مطمئنة وسائر بلاد المسلمين.

خالد أبو الفتوح

11-10-02 01:57 PM

رد: الرصاص المطاطي

ياريت لو صورة حتى علشان نشوف شكلها إية

الساعة الآن 03:42 PM