الصيد فى مصر - تحفة المانية غربية مدفعية

الصيد فى مصر (http://www.egyhunt.net/index.php)

- الصيد العام (http://www.egyhunt.net/forumdisplay.php?f=1)

- - تحفة المانية غربية مدفعية (http://www.egyhunt.net/showthread.php?t=1586)

تحفة المانية غربية مدفعية

يوم السبت الموافق 7/2/2010 ذهبت الي حبيبي واخويا طلعت بخيت واشتريت من عندة بندقية ديانا 52 الاصدار
west garmany بندقية والله حكاية بالكيس بتعها والعلبة دقة في الصناعة حكاية قوة وسرعة مدفع ولما كنت دايما بناقش طلعت في البنادق الالماني كنت دايما ااقول ان الديانا 54 هي القمة بس لما خت البندقية 52 وضربت بيها ساحرة ومش تحيز ولا حاجة اعتقد وان اختلف معي الكثيرين من الاعضاء علي ان 52 اكتر روعة من ال 54 طبعا الناس ها تقول لية مضاد الصدمات الي في البندقية 54 في بعض الاحيان بيخلف النشان ودا عن تجربة حقيقية لاني ضربت بالندقية 54 اكتر من شهرين كانت دايما بتخلف النيشان بعض 20 ضربة وبعد تمحيص عرفت ان مضاد الارتداد هو السبب ولما جربت ال52 اول ضربى كان امس علي خفاش بعد 30 متر وبالليل علي خيالة فقط نزل طوبة بدون حركة ممكن تكون حظ بس دا الي حصل .
وانا بشكر اخويا طلعت علي الهدية الجميلة دية لانة هو الي اصر علي اني اخد البندقية دية وقالي حتي لو مش ها تاخدها انا هاجبها عندك واسيبها وامشي وبعد لما تجربها قول لي الفرق ودا بعد لما بعت المارفك رفيقتي لمدة 10 سنوات وكنت ناوي اشتري مارفك تاني الراجل عمل معايا الواجب قالي جرب وبعدين قرر الي انت عايزة وحاليا بنكون فريق ال 52 المكون من محمد كارزما حارس مرمي وخط الدفاع اسامة فتحي ومعاة محمد لبيب وانا هاكون في نص الملعب مع الجميل الممتع ابو تريكة المعلومات احمد كمال اما رأس الحربة ها يكون طلعت بخيت ومحمد سليمان و وجدان علشان هما معاهم ديانا 54 air king
ومستني انضمام اعضاء للفريق القومي علشان تصفيات الصيد المؤهلة لكاس اليمام والحمام وفراخ الغيط ولازم طبعا
نضم حبيابنا الاسكندارنية زي حسن شحاتة وانا برشح محمد انور ( كبير مشحعي BSA ) لخط النص وطبعا معاة الاخ الفاضل الشيخ مجدي (البركة بتاعتنا )وايضا عمرو ابو العلا للدفاع علشان معاة مدفع ماحنوم 350 وطبعا ها يكون الكوتش الكبير المحترم العظيم صلاح باشا وطبعا الفرصة امام الجميع للانضمام الي المنتخب