الصيد فى مصر

الصيد فى مصر (http://www.egyhunt.net/index.php)
-   الورشة (http://www.egyhunt.net/forumdisplay.php?f=63)
-   -   أ- محمود شلبي و صيانه البيونير (http://www.egyhunt.net/showthread.php?t=15905)

GEN- I A Z 11-09-21 12:14 AM
أ- محمود شلبي و صيانه البيونير
 
5 مرفق
السلام عليكم و رحمة الله و بركاته

اليوم كان ليه مقابله مع أحد أعضاء المنتدي المحترمين و الى بجد بيحسسونى انى فرد من عائلة

مقابلة مع الاستاذ محمود شلبي

فى الساعه ال 11 ونصف فى أتصال هاتفى

ا محمود : عارف الطريق

انا : تقريبا اه

أ محمود : جبت المزة معاك اوعى تنسي

أنا : اه متقلقش


المهم رحت و جبت المزة الى هى البيونير محدش يفهم غلط

أول ما دخلت عليه بصراحه حد محترم جدا ميتخيرش عن حبيبنا الاستاذ محمد سيد

طلع العده و طلعت العده و الشحم و زيت الباكم

و أول ما شافه قالى اوعى تكون بتحط منه لانه بياكل الحديد و هيخلصلك على السلاح نفس الى قاله هولى الاستاذ محمد سيد

المهم اول حاجه قالهالى قالى هرجعلك البندقية جديده و الماسورة هتبقى بتلمع و انا مش فاهم

حط زيت العربيه و بعدين جاب سلك ألومنيوم و بلمسه صغيره لمعت الماسورة و رجعت أسود متنكلة زي الجديد بالظبط

شوية و بدأنا نفكك و عجبني فكرته قدامنا طفايتين واحده يمين و واحده شمال

و المسمار اليمين هنا و الشمال هنا

المهم فكينا و نضفنا مكان الشحم و شحمنا تانى بس من غير أفراط لانى كنت بجد مغرقها شحم

و بعدين لمينا و جمعنا و زيتنا فتحة الكانون و أخدنا البندقية نجربها و بسم الله ما شاء الله البندقية رجعت جديدة

لدرجه اننا من عمارة لعمارة فحرنا حفرة فى الحيط بتاع العمارة المقابله قطره 5سم بقت هاى باور بسم الله ما شاء الله

و فى نهاية اليوم أنضم لينا الاستاذ الكبير و حبيبنا الاستاذ شرقاوى و بدأت رحلة أخرى ممتعه معاهم و بندقية الكرال الرماية

أسف على الاطالة

mero1x 11-09-21 12:21 AM
رد: أ- محمود شلبي و صيانه البيونير
 
محمود باشا ساحر
بجد فنان وبخلى البندقية تجيب اقصى سرعة ليها
وانشاء الله عن قريب هنزل فيدية صيانة ال54للفنان محمود شلبى

محمود شلبي 11-09-21 12:31 AM
رد: أ- محمود شلبي و صيانه البيونير
 
ياةةةةة امير بيك وحشنى يا ملك 54 رجعتها لوحدك يا خاين واعلى قراءة على الجهاز حضرتك فنان صيانه
يا جماعه بدون مجامله امير ميتخيرش عن اى صياد عاشق وفنان رمايه صيد صيانه قنص (خلاصه )
يا جماعه الهوايه بطلع من داخلنا المواهب

عادل عبده 11-09-21 12:32 AM
رد: أ- محمود شلبي و صيانه البيونير
 
بجد بجد بروفسير ومهندس وبأذن الله الحظ يخدمنى واتعرف عليه واتشرف بمقابلته

msa_79 11-09-21 02:06 PM
رد: أ- محمود شلبي و صيانه البيونير
 
الله ينور ياعمووور

SHARKY 11-09-21 02:20 PM
رد: أ- محمود شلبي و صيانه البيونير
 
إن شاء الله عقبال لما تعملنا صيانة الكرال الجديدة و تعلمنا.

مع تحياتى

أحمد الشرقاوى

SHARKY 11-09-21 02:22 PM
رد: أ- محمود شلبي و صيانه البيونير
 
اقتباس:
المشاركة الأصلية كتبت بواسطة msa_79 (المشاركة 203714)
الله ينور ياعمووور
أنت فين يا أستاذ ؟

essam assem 11-09-21 02:34 PM
رد: أ- محمود شلبي و صيانه البيونير
 
استاذ يا باشا ورئيس قسم صيانة البنادق الهوائية فى مصر والشرق الاوسط كمان هههههههههه
بجد يا محمود باشا احنا كل يوم بنتعلم منك ومن اخلاقك ربنا يكرمك ويزيدك من نعيمة
وتحياتى للجميع

tarekvb 11-09-21 03:48 PM
رد: أ- محمود شلبي و صيانه البيونير
 
الرنس برنس تحياتى يا باشا

محمود شلبي 11-09-21 04:42 PM
رد: أ- محمود شلبي و صيانه البيونير
 
عصام وطارق يا جماعه اكيد هيحصلى حاجه حلوة الشرف ليا بيكم

Andria 11-09-21 04:47 PM
رد: أ- محمود شلبي و صيانه البيونير
 
يا جماعه بعد كده جالي المكتب وظبطنا الكرال الجديده و هرفع الڤيديو انهارده

jamayka 11-09-21 05:15 PM
رد: أ- محمود شلبي و صيانه البيونير
 
يا بختك يا سيدى بندقيتك اتظبطط و مش اى حد كمان اللى مظبطها

Amiroz 11-09-21 05:15 PM
رد: أ- محمود شلبي و صيانه البيونير
 
انا لسة مكلم أ/محمود شلبي
حالا
وتخيلوا يا جماعة قمة في الذوق
أول مرة اكلمة واول شئ
يعرض عليا اني اروحلة يظبطلي بندقيتي وبدون تردد
ربنا يزيدة من كرم اخلاقة وذوقة
حبيت بس اسجل اعجابي واحترامي لية
فعلا مجموعة قمه في الروعة
لا يبخلوا علي احد بالمعلومة
الاستاذ أندريا
دكتور محمد حسن
أستاذ محمود شلبي
الاستاذ أمير سعد
الاستاذ عصام عاصم

---------------------
ربنا آتنا في الدنيا حسنة وفي الاخرة حسنة وقنا عذاب النار

محمود شلبي 11-09-22 09:48 PM
رد: أ- محمود شلبي و صيانه البيونير
 
استاذ امير دى من اخلاق حضرتك انت تضعنى مع مجموعه من الصيادين لم ولن يبخلو على احد حتى انا شخصيا فى معلومه ولكل صياد حتى كما تقلون مبتدا رغم انه صياد منذ ان ولد وهى تجرى فى دمه سوف يقف الجميع بجوارة كلا بطريقته و مقدرته حتى ولو بمقابله بشوشه وتقبلو مرورى


الساعة الآن 05:11 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir