الصيد فى مصر - خبراء المنتدى

ساقول لك وجهة نظرى كمقتنى للجلوك19 لاكثر من سنتين والى الان

المزايا:-
حجم نموذجى (مش صغير و مش كبير), وزن نموذجى (متحسش بيه فى جنبك وانته شايله فى الجراب الفيبر بتاعه) , امان نموذجى (امان بالزناد), خزنة مدمجة و نموذجية 15 طلقة و يستخدم خزن اخرى (17, 19 ....... لحد 33), عملى و سريع فى سرعة رد الفعل عند بداية الاستخدام حيث انك لا ينبغى فتح صمام امان او اى شىء من هذا القبيل (شد اجزاء فقط اذا كانت الماسورة خالية) , دقيق جدا فى النشان عند الضرب المتوالى , ارتداده ضعيف مقارنة بمداه الكبير (مسدس ناعم), مسدس مغلق متطور مصنوع من البوليمر شديد الصلابة (ياما وقع و اتخبط ولا اتخربش حتى ولا تقلق من وقعته لنظام الامان اللى فيه), سهل الفك و التركيب و التنظيف

عيوبه:-
عدم ملائمة الطلقات المصرى معاه (ساعات بتكدب بالذات لو انتاج قديم)
عدم انتشار قطع غيار له فى مصر (هو بصراحه عمره ما اشتكى معايا و اهو ضاربله فوق ال 1000 طلقة)

معلومات عامة قد تفيد:-
الجلوك19 هوه الحجم الكومباكت (المدمج) من الجلوك17 .
بيضرب طلقات 9*19 بارابيلم.
اذا نويت استيراده اطلبه بنقاط الرؤية الليلية (Night sight) , و جرابه الفيبر الاصلى , و خزنة اضافية ... حيث انهم مستحيل وجودهم داخل البلد.

من وجهة نظرى .....
انها طبنجة نموذجية للاستخدام المدنى بجميع المقاييس و آمنة جدا, و فى المجمل العام و على سبيل المثال الجلوك19 افضل من السيج سوير بى 226 والهكلر بى 30 حيث انى كنت اقتنيهم قبل الجلوك19

انا مش خبير ولا حاجة و ارجو ان اكون قد افدتك