|
أنا أتعقدت خلاص
من صباحية ربنا النهاردة وأنا بصطاد من البلكونة والشباك لليمام الى موجود على الأرض، ضربت بتاع 15 رشة ومفيش ولا يمامة أصطادتها، وفيه يمام حسيت أنها جت فيه الرشة ومع ذلك طارت اليمامة لغاية سطح عمارة، جربت البندقية الأسبانى النمرة واحد، والبندقية الصينى نمرة 2 وبرده مفيش ولا نموسة راضية تقع، مع العلم أنى ساكن فى الدور الثانى، واليمام كان فى أرضية الشارع، وأقرب مسافة كانت حوالى 10 متر، بس أنا عملت حاجة حلوة، جبت عيش ناشف وبليته وفركته ورميته تحت الشباك فى الشارع وده جاب يمام وعصافير علشان تاكل فيه، ومع ذلك لم أنجح فى إصطياد يمامة، والبندقية الاسبانى صوتها عالى كل ما أضرب رشة تخرج ست فى عمارة قدامنا تبص فيه أيه أكون أنا خبيت البندقية كأنى بسرق على الصبح، أحترت يا جماعة، مع أنى بنشل فى الشقة عندى على ملة سرير مكسورة كويس أوى من على مسافات تزيد على 15 متر، ودى مش أول مرة أصطاد من البلكونة والشباك، دى المرة الخامسة ولا السادسة، يلا إلى عايز البندقيتين على 100 جنيه ممكن أفكر .
|
رد: أنا أتعقدت خلاص
اصبر شوية و لو البنادق محتاجة جلدة او سوستة ركبها له
أو وديها لطفشجى كويس يكشف لك عليها لا يأس مع الحياة و لا حياة مع اليأس و لو على 100 جنيه أنا موافق |
رد: أنا أتعقدت خلاص
وشكراااااااااااااااااااااا
|
رد: أنا أتعقدت خلاص
يا سيدي متزعلش نفسك ... انا هقولك اقتراح هات علبة كانز او برطمان بلاستيك و حطه علي نفس مسافة اليمامة اللي بتضربها و يمكن ازيد شوية.. اضرب عليها 3 مرات علي الاقل ..لو جت فيها يبقي انت في التنشين تمام و نشان البندقية تمام ... يبقي الموضوع مش هيخرج برة احتمالين ... يا اما حظك كده نتيجة ان اليمام متحرك ... يا اما البندقية ضعيفة و محتاجة تغيير جلبة ... و ابقي طمني ارجوك ... مع تحياتي و تمنياتي بالتوفيق
|
رد: أنا أتعقدت خلاص
انت لما بتضرب فى الخشبه الى عندك من 15 متر اكيد ها تعرف قوه البندقيه من تاثيرها على الخشبه ده اولا وثانيا وضع النشان بيختلف لازم تتدرب على الوضع العالى بمعنى يكون الهدف على ارتفاع 15 متر مثلا وكمان وضع البلكونه يعنى تنشن على غطاء زجاجه فى الشارع مكان وقوف اليمام وشوف الرشه بتكون فين واظبط نشان بندقيتك انا لو طالع اصطاد يمام بظبط النشان لو كانت الطلعه الى قبلها دجاج ماء والعكس هو تحريك النشان يعتبر تحيريك بسيط جدا بس بيفرق على المسافات البعيده ويا رب اكون افدتك .
|
رد: أنا أتعقدت خلاص
ربنا يباركلك فى البندقية يا أستاذ محمد الحل هو كثرة الممارسة حتى تتعود على اللبندقية , وأنصحك تخرج للصيد مع حد أكثر خبرة |
رد: أنا أتعقدت خلاص
اقتباس:
|
رد: أنا أتعقدت خلاص
اقتباس:
|
رد: أنا أتعقدت خلاص
اقتباس:
|
رد: أنا أتعقدت خلاص
اقتباس:
|
رد: أنا أتعقدت خلاص
ومن ضمن الحاجات الى تغيظ لما كنت عند والدتى ومعايا البندقية الأسبانى كان فيه يمامة فى المنور معششة على مدخنة السخان فى الدور الى تحتى يعنى بينى وبين اليمامة أقل من 5 متر، وطبعاً دى مسافة كافية أنى أنشل كويس عليها وضربت وفى إعتقادى أنها خلاص هتقع وفوجئت لاقتها طارت ومعاها جوزها.
|
رد: أنا أتعقدت خلاص
ياباشا ده نصيب
حاول انت اكتر من مره وخد بنصايح الاخوه الافاضل اللى سبقونى فى المرور وكل حاجه مع الصبر بتيجى وبعدين الصيد وارمايه ديه هوايه الصبر والتكرار |
رد: أنا أتعقدت خلاص
بالنسبه انك اعلى والهدف اسفل تراعى ان التنشين يكون اسفل الهدف وليس منتصف الهدف جرب ولا تنسانا من صالح الدعاء
|
رد: أنا أتعقدت خلاص
اقتباس:
تحياتي |
رد: أنا أتعقدت خلاص
موضوعك ينقسم لشقين الاول و الاهم هو عدم الصيد فى المناطق السكنية و الرشة اللى انتا بتضربها من مسافة 10 متر دى بطخبط فى الارض و تغير اتجاهها ( سيكتيرما ) و ممكن تصيب اى حد
الشق الثانى هو التركيز فى الضرب على مكان قاتل و ليس فقط اصابة الهدف |
رد: أنا أتعقدت خلاص
اقتباس:
أولآ أوافق دكتور محمد رأيه بشده ثأنيا يجب عليك مراعاة إن كل ضربه لها تكنيك مختلف يعني اللي قدامك غير العالي غير اللي تحتك و كده وده هتتعلمه لما تتطلع مع حد خبره أو إنك تعلم نفسك و تكتسب الخبره بعملية التكرار و الصواب و الخطاء بس هتاخد وقت أطول لتكتسب الخبره. خالص تحياتي لحضرتك و تذكر أن الصيد رياضة الصبر و الإصرار |
رد: أنا أتعقدت خلاص
ياباشا سيبك من موضوع البيع دا انا جالى الاحساس دا فى فترة برضو اول لما جبت البندقية بس اصبر هتلاقى مرة تصيب ترفع معنوياتك واتعلم من الناس وشوف الى بيكتب هنا ولو عرفت تطلع مع حد ..مع العلم انا نظام بلكونات زى حالاتك برضو بس من البلكونة برضو بضرب على كانز ونزلت تحت علقت ورق اهداف واتعلمت عليه وهكذا ماتستعجلش
|
رد: أنا أتعقدت خلاص
من الشباك للارض معناها انك بتضرب على مستوى مايل بحوالى زاويه40 درجه الى الاسفل فلا يصلح ان تستعمل نفس اسلوب وميزانيه التنشين لان بذلك ستمر الطلقه مرتفعه كثيرا فوق اليمامه اضرب تحت ارجل اليمامه بواحد سم بدلا من التنشين على الراس والرقبه وادعيلى
|
رد: أنا أتعقدت خلاص
اقتباس:
|
رد: أنا أتعقدت خلاص
اقتباس:
|
رد: أنا أتعقدت خلاص
اقتباس:
قوات اليمام تبلغ عن ميليشيات الأخوان.................الصيادين تهاجم اوكار اليمام ههههههههه الأخ صاحب الموضوع قبل ما تصطاد شوف بندقيتك بتضرب فين فوق تحت يمين شمال وطالما ضرباتك اغلبها ارضية انصحك بالتمرين على وش المية لو جنبك زراعة او مجارى او مية فى اة حتة نشن على اى حاجة فى وسطها وطلعا هتشوف مكان اصابتك بسهولة اوعا تضحك على كلامى انا بعلمك بجد وجرب وادعيلى |
رد: أنا أتعقدت خلاص
اقتباس:
|
رد: أنا أتعقدت خلاص
مساء الخيييييييير على الجميع
وبعد اذن الجميع استاذى الفاضل صاحب الموضوع اتفضل حضرتك شوف الموضوع ده وان شاء الله هايفيدك كتير وكل اللى اطلبه منك هو الدعوات وبس ادى الموضوع اهو بسم الله الرحمن الرحيم السلام عليكم ورحمة الله وبركاته اولا قبل كل شىء عاوز اقول انك لازم تكمل الموضوع للأخر عشان المفيد كله هايبان وقتها ثانيا كالعاده ده موضوع اول مره يطرح على منتديات الصيد بوجه عام وبرغم ان الموضوع مهم جداااااااااااا لكن محدش حاول يتكلم فيه قبل كده وبسبب عدم معرفة معظم الصيايدين بالمشكله دى بيضيع منهم طرائد كتيييير اوى وشوفت ناس كتير بيسألو عن الحل ومحدش بيجاوب عليهم والمشكله دى هى اسرار منحنى الرمايه فى الضرب على الاهداف الغير افقيه ( افقى ) يعنى مثلا كلنا او معظمنا بيعرف يضرب افقى كويس جدااااااا لو مثلا بينشن على هدف على مسافة 25 متر لكن لما بيقابل يمامه او اى هدف على الارض او على ارتفاع كبير بزاوية 45 مثلا وعلى مسافة 25 متر برده بيقع فى مشكله كبييييييييييره اوى فى الضربه لأنو بيبضرب على الهدف بنفس معايير ومقاييس الضرب على هدف افقى وبينصدم ساعتها لما بيلاقى ان الطلقه اللى ضربها لم تصيب الهدف بل فى بعض الاحيان بتكون بعيد عن الهدف بدرجه كبيره جدااا وعلشان تبقى محترف وتقدر تفهم ايه المشكله بالظبط تعالى شوف معايا ايه اللى المفروض يتعمل فى الحلات دى الوضع الافقى اللى فى الصوره ده هو الوضع المتعارف والسليم اللى كلنا بنظبط عليه الناشنكاه اثناء تصفير الناشنكاه بس خلى بالك ان الوضع اللى فى الصوره اللى جايه دى مش هو اللى مقصود فى الموضوع لكن باقى الصور وباقى الاوضاع هى المقصوده ولنقول مثلا مسافة التصفير للناشنكاه او الاسكوب كانت على 25 متر افقى وقابلك فى الحاله دى تلات اهداف على تلات مسافات مختلفه لكن كلهم فى وضع افقى يبقى حضرتك هاتضرب على التلات اهداف بالشكل ده وركز كويس فى كل صوره وخلى بالك ان الخط الخط اللى خارج من ماسورة البندقيه ده هو مسار النقطه اللى المفروض انت تضرب فيها على مسافة 25 متر هاتضرب اسفل منتصف الهدف على مسافة 35 هاتضرب فى اعلى جزء من الهدف على مسافة 45 متر هاتضرب فوق الهدف بــ3 سم الخط الخارج من الماسوره هو النقطه اللى المفروض تضرب عليها عشان الطلقه تيجى فى منتصف الهدف http://www13.0zz0.com/2012/12/23/10/724541978.jpg كلللللللللل ده معظمنا او كلنا عارفينو ... طيب تعالى بقى ياسيدى وقوللى ياترى لو قابلت نفس التلات اهداف دول وعلى نفس المسافات ولكن بزاويه 45 لأسفل هاتعمل ايه؟ هاتقوللى طالما على نفس المسافات يبقى هاضرب بنفس القاعده بتاعة منحنى الرمايه الافقى هاقولك انا لا طبعا الموضوع هنا مختلف جدااااااااااااااااا لو التلات اهداف على نفس المسافات لاكن بزاويه منحدره ( ارضيه )يبقى حضرتك تعمل الاتى على مسافة 25 متر هاتضرب تحت الهدف بــ5 سم على مسافة 35 متر هاتضرب تحت الهدف بـ3 سم على مسافة 45 متر هاتضرب على اخر جزء من تحت للهدف شوف الصوره الخط الخارج من الماسوره هو النقطه اللى المفروض تضرب عليها عشان الطلقه تيجى فى منتصف الهدف http://www13.0zz0.com/2012/12/23/10/975417118.jpg .. طيب لما يكون التلات اهداف على وضع رأسى بزاوية 90 ( فوق دماغك مباشرة )ياترى ايه النظام؟ هاقولك حاضر بس ماتزعقش كده على مسافة 25 متر هاتضرب فى الجزء السفلى من الهدف ( التلت الاسفل) على مسافة 35 متر هاتضرب تحت الهدف بـ1 سم على مسافة 45 متر هاتضرب تحت الهدف بـ3 سم شوف الصوره الخط الخارج من الماسوره هو النقطه اللى المفروض تضرب عليها عشان الطلقه تيجى فى منتصف الهدف http://www13.0zz0.com/2012/12/23/10/476426668.jpg .. وبالنسبه للاهداف اللى بتكون مرتفعه جدا عن الارض بزاوية مثلا 45 فهايكون كالاتى على مسافة 25 متر هاتضرب فى التلت الاعلى من الهدف على مسافة 35 متر هاتضرب اعلى الهدف بـ2 سم على مسافة 45 متر هاتضرب اعلى الهدف بـ 5 سم شوف الصوره الخط الخارج من الماسوره هو النقطه اللى المفروض تضرب عليها عشان الطلقه تيجى فى منتصف الهدف http://www13.0zz0.com/2012/12/23/10/913769474.jpg .. طيب لو حضرتك ناوى تجنن زى حلاتى وعاوز تصطاد سمك بالبندقيه هاتعمل ايه؟ طبعا فى الحاله دى هايكون الضرب كله فى الترع والمصارف يعنى كل الضرب هايكون عامودى لأسفل فقط ( تحت رجلك ) والمسافات اللى هاتضرب عليها على السمك بالكتير اوى هاتكون 15 متر يبقى على مسافة 5 متر هاتضرب فى التلت الاسفل من الهدف على مسافة 10 متر هاتضرب تحت الهدف بـ2 سم على مسافة 15 متر هاتضرب اسفل الهدف بـ5 سم شوف الصوره الخط الخارج من الماسوره هو النقطه اللى المفروض تضرب عليها عشان الطلقه تيجى فى منتصف الهدف http://www13.0zz0.com/2012/12/23/10/544509900.jpg .. كده تمااااااااااااا اوى واحد هايسألنى ويقول طيب اشمعنى المسافات دى بالذات 25 و35 و45 اللى بنيت عليها حساباتك؟ هاقولك عشان دى المسافات اللى 90% من الصيادين تقريبا بيصطادو عليها طيور واخيرا خليك فاكر ان كل الحسابات دى معموله على اساس انك مصفر الناشنكاه او الاسكوب على 25 متر ولو مصفر الناشنكاه على مسافه اكبر او اقل متخافش برده الاختلاف هايكون فى نسبه بسيطه 1 او 2سنتى فى منحنى الرمايه انت اعمل حسابها فى الضرب ونفس الكلام هاينطبق على اختلاف السرعه من بندقيه لبندقيه تانيه لكن عموما عشان توصل لافضل النتائج لازم تتمرن بالبندقيه بتاعتك وتضرب على جميع الاوضاع اللى ذكرناها دى ساعتها بس مش هاتحتاج تسأل حد تانى خااااااااااااالص عن اى حاجه ملحووووووووظه كل المعلومات والشروحات اللى انا قلتها دى مبنيه على تجارب عمليه وخبرة حوالى 15 سنه صيد يعنى مش مجرد كلام نظرى وخلاص وارجو انى اكون وفقت فى الشرح والتوضيح واى حد عنده سؤال تانى انا فى الخدمه والسلام عليكم ورحمة الله وبركاته http://www.egyhunt.net/showthread.php?t=36766 |
رد: أنا أتعقدت خلاص
اقتباس:
|
رد: أنا أتعقدت خلاص
اقتباس:
انا والله بنصحة وخوفت يفهمنى غلط يقولك اية الراجل اللى بيقولى اروح اتدرب فى المجارى دة هههههههههه والله يا باشا ما صوب ضرباتى الأرضية الا التنشين على المية وجنبنا اراضى جديدة بتتبنى وحتت فاضية ومجارى مرشحة وغيطان بتزيد ميتها وبتصرف على اقرب ارض واطية تقابلها اقولك حاجة غريبة افضل تنشينة زبطت معايا على الضربات الأرضية فى المسافات من 20 ل 30 متر لو بضرب على حاجة واقفة على الأرض وانا ماشى انى ارفع سن نملة الدبانة ملى وانشن فى نص اليمامة ماععرفش دا صح والا غلط لكن زابط معايا......... ودا نفس الشىء اللى بعملة فى الضربات العالية اللى بزاوية 45 |
رد: أنا أتعقدت خلاص
اوعى تياس
دي اهم حاجه مع التدريب و الممارسه هتكون احسن باذن الله و انت جايلك نصايح هنا من عمد صيد استفيد منها كل جمعه و كلكو طيبين يا اجدع اخوات |
| الساعة الآن 10:44 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir