الصيد فى مصر

الصيد فى مصر (http://www.egyhunt.net/index.php)
-   محدثات الصوت (http://www.egyhunt.net/forumdisplay.php?f=81)
-   -   ضرب الالي مع الكومباكت (http://www.egyhunt.net/showthread.php?t=16174)

amr7 11-09-25 09:25 PM
ضرب الالي مع الكومباكت
 
سلامو عليكم

انا معايا جاكال كومباكت ومركبلة طبة طويلة من عند الاستاذ مازنجر
بس مع التجربة حصلت حاجه غريبة
انا جربت اولا 4 طلقات بس
طلقة فردي وتلاته سريع
وبعدين شفت النتيجة لقيت اثار لطلقتين على الحيطة بس !!
وكنت هتجنن بقى ازاي انا ضارب 4 طلقات :d
المهم لما كلمت استاذ مازنجر قالي ان دا عشان البلي خبط في بعضه ودا وارد انه يحصل مع الكومباكت عشان ماسورته قصيرة لكن في الجاكال الموضوع دا ميحصلش مع العلم ان الناس كلها وبما فيهم استاذ مازنجر قالولي ان بعد تركيب الطبة دي هيضرب بلي سريع بدون اي مشاكل

بس الي عايز افهمه دلوقتي ايه الفكرة ان البلي يخبط في بعضه في ماسورة قصيرة زي الكومباكت والمشكلة دي متحصلش مع ماسورة اطول زي الجاكال العادي

Ahmed El Sarky 11-09-25 09:37 PM
رد: ضرب البلي الالي مع الكومباكت
 
يا باشا الموضوع مش حكاية طبة او ماسورة صغيرة .......... انت معدل في مسدس صوت فلا تتوقع نتيجة 100*100 وبعدين يفضل استعمال طلقات صوت بس مع السريع وبلي مع الفردي.

انا عايزك تفك الطبة وتقولنا حالتها بعد الضرب اية

amr7 11-09-26 03:40 AM
رد: ضرب البلي الالي مع الكومباكت
 
للاسف يباشا المسدس كله راح خلاص :d

ياريت نقفل الموضوع

michohat 11-09-26 01:05 PM
رد: ضرب البلي الالي مع الكومباكت
 
؟؟؟؟
ممكن توضيح من حضرتك
يعنى بعت المسدس ولا المسدس باظ

mzkader 11-09-26 03:16 PM
رد: ضرب البلي الالي مع الكومباكت
 
اقتباس:
المشاركة الأصلية كتبت بواسطة amr7 (المشاركة 206603)
للاسف يباشا المسدس كله راح خلاص :d

ياريت نقفل الموضوع
ربنا يعوض عليك بس بعد إذنك ممكن توضح الــ حصل عشان نستفيد من تجربتك و لو فى حاجة غلط سواء بسببك أو بسبب الطبة نخلى بالنا عشان مانقعش فى نفس الغلط

amr7 11-09-26 06:06 PM
رد: ضرب البلي الالي مع الكومباكت
 
حصل امبارح موقف كدا كنت واقف مع اتنين صحابي على الكورنيش بالعربية والمسدس كان معايا وفيه طلقات بلي عشان اشوف اي حته فاضيه واجربه فيه
المهم للظروف بوكسين من مباحث القسم واحنا قاعدين جم وطلبو يفتشو العربية وطلعوه ورحنا القسم وكانت خطفة بصراحة بسبب موضوع البلي دا والي كان طالع عليهم مسدس صوت مسدس صوت ومحدش جاب سيرة البلي خالص قلت مش واخدين بالهم هنا هياخدو بالهم ف القسم اكيد
بس الحمدلله خرجنا في نفس الوقت علطول على انه مسدس صوت وطبعا مقدرتش اقول المسدس عشان البلي الي كان ف الطلقات
بس كان التعامل معانا بمنتهى الاحترام والحمدلله انها عدت كدا ف الاخر

michohat 11-09-26 06:21 PM
رد: ضرب البلي الالي مع الكومباكت
 
ربنا يعوض عليك حاول تشوف معرفه او حد يحاول يجيبه ليك
و نصيحه لبعد كده مش تمشي والمسدس فيه طلقات بلي حاول تخليها بعيد عن المسدس فى مكان تاني سهل الوصول اليها فى الوقت اللى انت تكون محتاجه ليها

هل من حق الشرطه الاشتباه فى العربية وطلب تفتيشها
طب لو انت رفضت التفتيش ايه الإجراء المتوقع

وهل لو رحت النهارده تسئل على المسدس بحجه انك نسيته امبارح هل يمكنهم مع اعترافهم انه مسدس صوت انهم مش يرجعوه ليك

S.S 11-09-26 07:36 PM
رد: ضرب البلي الالي مع الكومباكت
 
اقتباس:
المشاركة الأصلية كتبت بواسطة michohat (المشاركة 206888)
ربنا يعوض عليك حاول تشوف معرفه او حد يحاول يجيبه ليك
و نصيحه لبعد كده مش تمشي والمسدس فيه طلقات بلي حاول تخليها بعيد عن المسدس فى مكان تاني سهل الوصول اليها فى الوقت اللى انت تكون محتاجه ليها

هل من حق الشرطه الاشتباه فى العربية وطلب تفتيشها
طب لو انت رفضت التفتيش ايه الإجراء المتوقع

وهل لو رحت النهارده تسئل على المسدس بحجه انك نسيته امبارح هل يمكنهم مع اعترافهم انه مسدس صوت انهم مش يرجعوه ليك
أحنا في حالة طوارئ يعني أي حاجه ممكن تحصل

amr7 11-09-26 08:58 PM
رد: ضرب البلي الالي مع الكومباكت
 
اكيد لو مكنش معايا الطلقات البلي دي كان هيبقى رد فعلي مختلف لما جم يفتشو فعلا لان الحق بيقوي صاحبه.
وانا استعوضت ربنا في المسدس خلاص والسبب الطلقات البلي وكان في احتمالات اني افضل موجود معاهم لحد مايروح المعمل الجنائي ويقرر انه مش سلاح ناري ممنوع او متعدل لحي والله اعلم ايه الي كان ممكن يحصل غير كدا في الظروف دي .... والي كمان مخلي الواحد هادي معاملتهم الكويسة جداا

فياريت الادارة تقفل الموضوع


الساعة الآن 11:29 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir