الصيد فى مصر - بجد مش هتصدق

الصيد فى مصر (http://www.egyhunt.net/index.php)

- الصيد العام (http://www.egyhunt.net/forumdisplay.php?f=1)

- - بجد مش هتصدق (http://www.egyhunt.net/showthread.php?t=16215)

mero1x

11-09-26 10:12 PM

بجد مش هتصدق

1 مرفق

معلش يا جماعة الموضوع دة ممكن يحبط بعض الصيادين بس لازم اقولة للأمانة ولزيادة الوعى

طبعاً كلنا عارفين سرقة الطريدة مع البنادق الهاى باورو الرش المدبب

وفى اغلب طلعاتى مع عصام بكون فية عدد كبير من الطيور المضروبة والمسروقة فى نفس الوقت

وطباً بيجى فى دماغنا بديهى انالطير اللى اتسرق ميت لا محالة ولكن فى مكان بعيد لا يعلمة الا الله

فى ثالث ايام عيد الفط اللى فات طلعت الصبح اظبط التلسكوب
وفى اثناء التظبيط وجد قمرى على احد اعمدة الانارة سميت وكبرت وضربت ولحسن الحظ القمرى وقع .

اخدة البيت وكان صاحى والاصابة عبارة عن رشة ماتش نافذة من اسفل الحويصلة وخارجة من منبت عظمة الجناح

وضع القمرى كان بينقط دم من بطنة

مسكت السكينة فى البيت وجيت ادبح راح القمرى موطى راسة بطريقة شككتنى انة ممكن يكون نتاية وعلى وش وضع بيض

رجعت عن قرار الذبح وكلمت د محمد حسن حكيتلة على الوضع وهل يمكن علاجة قالى لا ادبحة وريحة لأن الرش النافذ لازم ينتهة بتسمم جرح وموت الطير

بصراحة مجليش قلب ادبحها حططلها مية واكلتها حبوب وسبتها فى البيت

ويوم ورا التانى مدخل الرشة ومخرجها فضلوا يلمو بطريقة عجيبة وسريعة فى نفس الوقت خمس ايام بالظبط

وحتى الان القمرى عايش حى يرزق وربرب ودى كانت الصدمة

حبيت اعمل الموضوع دة لأنى بصراحة كنت فاهم السرقة غلط

mman2005

11-09-26 10:29 PM

رد: بجد مش هتصدق

سبحان الله، أنكتبله عمر جديد، بس أنا عايز أسأل سؤال، هل ينفع أن يمامة أضربها برشة قاتلة تطير لعمارة 5 أدوار وتقف على سطحها ولا دى إصابة سطحية ولا مجتش فيها أساساً.

عادل عبده

11-09-26 10:41 PM

رد: بجد مش هتصدق

هى ديه يا امير باشا اللى حضرتك قولتلى عاليها قبل كده

عادل عبده

11-09-26 10:46 PM

رد: بجد مش هتصدق

صدق اللى قال ادينى عمر وارمينى البحر
وكده فى مثل جديد بيقول ادينى عمر وارمينى تحت ايد صياد

sadaany

11-09-27 03:05 AM

رد: بجد مش هتصدق

ربنا يكرمك يااخى على رقه قلبك وعساها تكون احد اسباب دخولك الجنه ان شاء الله بس يااخى الكريم ياريت تكمل جميلك وتطلق سراحها بعد ماتتم الشفاء الله واحده يعلم الحكمه من هذه القصه الغريبه التى حدثت لك

new hun

11-09-27 04:36 AM

رد: بجد مش هتصدق

سبحان الله

hoka	11-09-27 08:43 AM

رد: بجد مش هتصدق

والله يا استاذ امير انت غلطان
طالما ضربتها كان لازم تدبحها لان حتى لو فقست بيض معتقدش هاتقدر تعيش لحد ما يفقش وانت بكده عذبتها وما استفدتش حاجه
تانى حاجه موضوع السرقه ده كوم وانك تدبح او تضرب طير ضربه قاتله ويفضل عايش كوم تانى
على سيبيل المثال مرات كتير بضرب انا واحمد يمامه فى راسها ونص راسها تبقى بره وتفضل صاحيه
ومرات كتير بدبحها وتفضل عايشه
وكذلك بعض الضربات الاخرى
ومش هاتصدق لو قلتلك انى مره ضربت يمامه واتسرقت فى منتصف صدرها بالظبط وطارت وقفت على شجره
وثابته جدا
ضربتها التانيه لقيت الرشايه جت بردو وفي جنبها وتقريبا سرقتها هى كمان واليمامه واقفه
والتالته كانت نمره 2 من احمد
لما روحتلها لقيت تحتيها دم كتيييير مطرح ما كانت واقف معنى كده انها بتقاوم علشان تعيش
فاطمن طالما معاك بندقيتك هاتشوف العجب وربنا يرزقنا جميعا ولكن ياريت بعد كده طالما اصيبت حتى لو ديل تدبح ده احنا حتى لما بنضرب طير ويريش بنجرى وراه علشان نستحرم يتجرح ويفضل عايش
ربنا يوفقك
سلام عليكم

ebrahem

11-09-27 09:19 AM

رد: بجد مش هتصدق

عجب اية بس عجب تعذيب مخلوقات رقيقة وجميلة؟الرماية بغرض الدفاع عن النفس ماشى بغرض الأكل ماشى بغرض اشباع عريزة عدوانية لاء وتذكروا حديث النبى عن الطير التى اتت لتشتكى لة اختطاف فرخها فقال لأصحابة ردو عليها فرخها.. انما هم امم امثالكم

dr.ahmed shahin

11-09-27 12:29 PM

رد: بجد مش هتصدق

عادى يا باشا الرشة مجتش فى موضع مؤثر وطالما الجرح لم بسرعه تعرف انه
محصل اى مضاعفات ولا عدوى بكتيرية فمفيش مشاكل ان شاء الله لو عايز تربيها

Amiroz

11-09-27 12:51 PM

رد: بجد مش هتصدق

اقتباس:

المشاركة الأصلية كتبت بواسطة mman2005 (المشاركة 207005)

عادي جدا وحصل معايا وكمان ماتت فوق سور السطح وللاسف العمارة غير ساكنة فمعرفتش اجيب اليمامة

Amiroz

11-09-27 12:56 PM

رد: بجد مش هتصدق

اقتباس:

المشاركة الأصلية كتبت بواسطة sadaany (المشاركة 207172)

انا معا هذا الرأي

elnawawy

11-09-27 02:51 PM

رد: بجد مش هتصدق

حصلت معي قصه شبيهه وقلنا كلنا سبحان الله بجد

tarekvb

11-09-28 04:17 PM

رد: بجد مش هتصدق

طيب اخبار البيض ايه ؟؟؟

azzelamen

11-09-30 08:34 AM

رد: بجد مش هتصدق

ليه مش هصدقق انا مصدققك انت اخونا والله

talha

11-09-30 08:49 AM

رد: بجد مش هتصدق

انا حصلت معايا في طائر غرريب خلعتله كتفة قمت واخده حطيته في قفص فضل عايش يوم كامل وبعدين حطيته لل صقر

محمد حافظ بك

11-10-01 06:34 PM

رد: بجد مش هتصدق

طيب دي بقي مش هتصدقوها انا مرة ضربت علي يمامة علي بعد 2 متر كانت مش شايفاني وماتت في مكانها علي الارض و بعد ما ضربت افتكرت ان انا معمر من غير رشة و لما الشك وصل ذروته فحصت اليمامة بالتفصيل و طلبت من امي تشوف الجرح فين !!! و فعلا ملقتش خالص اي جروح.. فتأكدت انها ماتت من الخضة اه والله من الخضة

hoka	11-10-01 06:52 PM

رد: بجد مش هتصدق

طيب تصدقو ديه بقى؟؟
مره انا واحمد روك كنا ماشيين رايحين نصطاد وعدينا من تحت شجره فيه عصافير كتير ع الارض
العصافير كلها جريت ما عدا عصفوره كانت مصره تقعد تاكل
احمد وجه عليها البندقيه ومشى وكمل عادى يعنى بنهزر
انا بصتله ولسه بقوله هاتستقوى على عصفوره وببصلها تانى لقيتها مقلوبه على ظهرها ورجليها بتعمل عجله فى الهوا
ههههههههههههههههههههههههههه
ياما هانشوف فى الصيد العجب وديه احلى حاجه فى الهوايه الجميله ديه

محمد حافظ بك

11-10-01 07:12 PM

رد: بجد مش هتصدق

اقتباس:

المشاركة الأصلية كتبت بواسطة hoka (المشاركة 210148)

يا نهار ابيض ده مضربش اصلا هههههههههههههههه بس هي كانت بتاكل متأكد و لا لا؟ لانها حصلت معايا و بتبقي انثي و لسة طالعة من محاولة تزاوج فبتبقي مش مركزة تقريبا

الساعة الآن 02:24 PM