الصيد فى مصر - تعالو نتعرف على موديلات جديده

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - تعالو نتعرف على موديلات جديده (http://www.egyhunt.net/showthread.php?t=1622)

body77

10-02-15 12:42 AM

تعالو نتعرف على موديلات جديده

5 مرفق

الاخوه الافاضل
رايت بعض الموديلات ولاحظت ان اسعارها ليست عاليه بالنسبه للموديلات المعروفه ولكنى لم اسمع اى احد ذكرها او تكلم عنها
فكنت احب اعرف راى اساتذتنا الكبار عن هذه الموديلات وهل هى موجوده فى مصر ولا لا ؟؟؟
وهى موديلات SMK

وكذلك موديلات Edgar Bros.

وحتى يكتسب اعضاء المنتدى العلم والخبره والمعرفه لبعض الوديلات التى لم يسمعوا عنها من قبل
ومنتظر مشاركاتكم

mohamed anwar

10-02-15 05:31 AM

رد: تعالو نتعرف على موديلات جديده

بس يا باشا الاولي
صيني ومقلدين فيها النوريكا ونوعها BAM Xisico XS-B12

التانيه صيني ونوعها بي3 وموجوه في مصر شفتها كتير

التلته صيني وهي تقليد للفايروك 950 ومش موجوده في مصر ونوعهاXS-B20

الرابعه والخامسه هاتسان تركي موديل 355 ومش موجوده في مصر

انا عايزك تصعبها شويه يا بطل وانا في انتظار الجديد ولك من كل التحيه

body77

10-02-15 06:19 AM

رد: تعالو نتعرف على موديلات جديده

استاذى
على فكره ده مش امتحان لانى عارف ان فى اساتذه سلاح وانت على رأس القائمه
بس اللى لفت نظرى اسامى الموديلات ولم اجد اى ذكر عنهم فى المنتدى كما لفت نظرى ايضا سعرهم وكذلك شكلهم فاحببت ان يشاركنى اعضاء المنتدى العلومات عنهم حيث لم يذكر الموقع اى تفاصيل سوى الاسم والسعر
ومعن كده ان الsmk هى ماركه صينى و ال edgar هى الهاتسان التركى ؟
وليه مش موجودين فى مصر ياريس ؟
مع ان سعرهم كويس ؟
وايه راى سعادتك فى ال theoben ؟

body77

10-02-15 06:26 AM

رد: تعالو نتعرف على موديلات جديده

4 مرفق

ودى بعض موديلات theoben

mohamed anwar

10-02-15 06:54 AM

رد: تعالو نتعرف على موديلات جديده

اه اهو انت كده بعد ماكونت مماشيني في كفر الدوار طلعتني لزيورخ اقل بندقيه معروضه من تيوبن اغلي من الخمسه الاولنيين وديه مالها ديه احنا خلينا في الديانا 54 مجننا العالم في مصر جايبلي تيوبن ابوس دماغك
الرئ العام هايج علينا

body77

10-02-15 08:29 PM

رد: تعالو نتعرف على موديلات جديده

استاذنا ......

ان ماكناش نتعلم من اساتذتنا حنتعلم من مين؟؟؟؟
ما احنا عايزين نتعرف على حاجات جديده يعن حتى حرام علينا نتزود بالمعلومه
الرد ده ما يرويش عطشنا للمعلومه ؟؟؟؟؟؟؟؟

wegdan12345

10-02-15 09:51 PM

رد: تعالو نتعرف على موديلات جديده

علي فكرة الثيوبن دي من اجمل واروع البنادق الانجليزي الصنع فهي بنادق تمتاز اغلبها بقوتها العالية وفخامة شكلها وجودة خامته وطبعا كل دة يساوي السعر المحترم اللي بيقترب الي 1700 دولار للبنادق الpcp اللي من منتجاتهم طبعا دة لسة بقي سعر المنظار والمنفاخ وباق الاكسسوارات اللي ممكن تحتاجها وممكن تلاقي كل المعلومات علي موقع الشركة وهو ((http://www.theoben.co.uk/home.php))

طلعت بخيت بسكالس

10-02-16 11:10 PM

رد: تعالو نتعرف على موديلات جديده

اقتباس:

المشاركة الأصلية كتبت بواسطة mohamed anwar (المشاركة 11778)

والله ياكبير فضلت أضحك لما ماصريني أتلوت من كتر الضحك
وحياة ليلي ونتالي بحبك يامحمد

mohamed anwar

10-02-17 04:38 PM

رد: تعالو نتعرف على موديلات جديده

اقتباس:

المشاركة الأصلية كتبت بواسطة طلعت بخيت بسكالس (المشاركة 11916)

والله ياكبير فضلت أضحك لما ماصريني أتلوت من كتر الضحك
وحياة ليلي ونتالي بحبك يامحمد

كان انسب رد في الظروف ديه و القلوب عند بعضها ياكبير ومتنساش الوبلي الكسر

طلعت بخيت بسكالس

10-02-18 08:33 PM

رد: تعالو نتعرف على موديلات جديده

اقتباس:

المشاركة الأصلية كتبت بواسطة mohamed anwar (المشاركة 11960)

كان انسب رد في الظروف ديه و القلوب عند بعضها ياكبير ومتنساش الوبلي الكسر

تنزل بالسلامة لأهلك وحبايبك وأنا أولهم تلاقي بدل البندقية 10 أنا أمتي وعدتك وخلفت ؟

body77

10-02-21 04:38 PM

رد: تعالو نتعرف على موديلات جديده

نفك شويه عن نفسنا شويه ياريس هى الفرجه والحلم حيبقى ممنوعين كمان
واهو كمان نشوف قفشاتك انت والكبير

body77

10-02-21 04:40 PM

رد: تعالو نتعرف على موديلات جديده

استاذنا / ا / طلعت اخبار معده سعادتك ايه ؟؟؟
الف سلامه عليك ياباشا

طلعت بخيت بسكالس

10-02-22 01:35 PM

رد: تعالو نتعرف على موديلات جديده

اقتباس:

المشاركة الأصلية كتبت بواسطة body77 (المشاركة 12202)

استاذنا / ا / طلعت اخبار معده سعادتك ايه ؟؟؟
الف سلامه عليك ياباشا

حبيب قلبي الغالي
أقسم بالله ماقصدت أي شئ وحش لكن أنت عارف بقي قفشات الأسكندرانية وعموما ربنا يسامحك أنت ومحمد أنور اللي عملتوا فيا كده
والله ماحد واخد من الدنيا ألا الضحكة الحلوة

body77

10-02-22 04:34 PM

رد: تعالو نتعرف على موديلات جديده

طلعت باشا غنى عن التعريف
علم من اعلام المنتدى و من اعلام الصيد واخ اكبر و انا ماقدرش ازعل من حضرتك ابداا .......
وطالما اسكندرانى يبقى اول نزول ليه الاسكندريه حاجى اشرب القهوه
انا اصلا اسكندرانى

طلعت بخيت بسكالس

10-02-22 07:34 PM

رد: تعالو نتعرف على موديلات جديده

اقتباس:

المشاركة الأصلية كتبت بواسطة body77 (المشاركة 12306)

تسلم من كل شر ياحبيب قلبي بس أنا أقصد بالأسكندراني محمد أنور أما أنا فامن القاهرة شبرا تحديدا ولو أنت من القاهرة كلمني أو أديني رقمك وأنا أكلمك وأحلي فنجان أسبرسو في الدنيا عند أخوك بس أنت شرفني في الوقت والميعاد اللي يعجبك

galal khalifa

10-02-22 08:02 PM

رد: تعالو نتعرف على موديلات جديده

يا طلعت وائل دا حكاية هو دلوقتي بيمضي كل يومين عندي في القهوة لراجل حدوتة وابن بلد وراجل جدع وبيلعب كوتشينة كويس بس لسة ما نزلش طاولة هو في مرحلة الاعداد ههههههههه

طلعت بخيت بسكالس

10-02-22 10:05 PM

رد: تعالو نتعرف على موديلات جديده

ينهااااااااااااااااااااااااااااااااار أبيض هو الراجل ده أستاذ وائل
يبقي كده بقي ياجلجل عندك حق عرب
أزاي ماعزمتنيش لحد دلوقت أتغلبلي عشرتين طاولة
أو أزاي ماجبتش الراجل ده معاك مره وأنت جايلي ندردش وبرضه يدوق الأسبرسو بتاعنا
( وكمان مجتش النهارده زي ماكنا متفقين )

mohamed anwar

10-02-23 04:27 AM

رد: تعالو نتعرف على موديلات جديده

اقتباس:

المشاركة الأصلية كتبت بواسطة galal khalifa (المشاركة 12318)

وائل بك طلما انت لسه اعداديه في الطوله يبقي لازم تقراء مؤلفاتي
وخاصه كتاب
1- الف محوله ومحوله في عالم الدمنو والطوله
وكتاب
2-كيفيه الفك من الدو واليك
وان شاء الله تغلب يا كبير ولو حيلعبوك مالك وكتابه
وسلامي للسيف الكبير

galal khalifa

10-02-23 09:20 AM

رد: تعالو نتعرف على موديلات جديده

علي فكرة يا محمد انور وائل دا ابو اسكندر وراجل جدع جدا وبعدين ياعم عايز جولبهار انا جاي عايز محبوسة شغال
عايز 31 مش ها تاخر وبالنسبة للكوتشينة انا لسة متعلمها بس عايز بردج اخوك اوعا استميشن حضر ورقة وقلم وثلاثة لعيبة وان جاي في السريع .

أسامه خطاب

10-02-23 05:42 PM

رد: تعالو نتعرف على موديلات جديده

أنا معاكم في الاستميشن - ونقول أربعة بيج

body77

10-02-26 10:46 PM

رد: تعالو نتعرف على موديلات جديده

استاذ جلال
انا مش قد الكلام الكبير ده ...ده انا لسه بحاول استرجع ايام الماضى
ده انا اخرمره لعبت كوتشيينه او طاوله سنه 93 ( يعنى عجوز )
استاذنا الكبير طلعت باشا ان شاء الله اظبط مع استاذجلال ونطب على سعادتك وندوق الاسبرسو
ومحمد بك ده احنا طلعنا جيران انا من كامب سيزار ومنتظر رجوع سعادتك بالسلامه
اسامه باشا ترجع بالسلامه والكوتشينه جاهزه منتظره سعادتك

body77

10-02-26 10:50 PM

رد: تعالو نتعرف على موديلات جديده

على فكره بدات التمرين على الطاوله واسترجاع الايام الخوالى على يد استاذ كبير ؟؟؟؟

body77

10-02-26 10:52 PM

رد: تعالو نتعرف على موديلات جديده

محمد بك انور على فكره جدى من اعلام الطاوله فى الاسكندريه والقاهره ( الله يرحموا) ومافيش لعيب طاوله الا ما قرأ كتب من مؤلفاته او درس نظريه من نظرياته
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

mohamed anwar

10-02-27 04:51 AM

رد: تعالو نتعرف على موديلات جديده

اقتباس:

المشاركة الأصلية كتبت بواسطة body77 (المشاركة 12703)

حبيب قلبي انا والله سعيد ان احنا طلعنا جران ونعمه الجار ياريس واقف مؤدي التحيه وارفع القبعه لجدك (رحمه الله عليه) وان شاء الله نتقابل وانا اسف علي عدم الرد السريع لاني منشغل كثيرا مع جولدن هنتر واخد كل وقوتي

body77

10-02-27 06:51 AM

رد: تعالو نتعرف على موديلات جديده

استاذى
كان الله فى العون ..... لو اقدر اساعد باى شىء سعادتك تأمر وعلينا النفاذ
وبالتوفيق انشاء الله

الساعة الآن 12:38 PM