I Need Gamo R77 Combat
 

الأخوة الأعضاء

مطلوب Gamo R77 Combat الماسورة الطويله مش القصيرة ، بشرط الحالة الممتازه و السعر المناسب ، الشراء فورى ... و لكم جزيل الشكر مقدما

رد: I Need Gamo R77 Combat
 

علي فكرة دي صورة لمسدس 4" بوصة مش الكومبات الكومبات 2.5 "

رد: I Need Gamo R77 Combat
 

بالظبط يا باشا انا قصدى ال 4 بوصه ده ، بس هما على السايت كاتبين انه كومبات ،
المهم الف شكر ليك على المعلومه

رد: I Need Gamo R77 Combat
 

السلام عليكم ورحمه الله وبركاته
توضيح صغير بس لحضرتك
combat 4"
2.5" compact
يعنى واحد ( قتالى) الى هو الكبير
والتانى (المضغوط) الى هو الصغير
كومبات
و كومباكت
زى الولتر فيه منه كومبات والجاكال فى منه كومباكت
وربنا يوفقك فى حتة محترمة

رد: I Need Gamo R77 Combat
 

صح كده يا كفافي باشا انا اتلغبت ههههههههههه بص الخيرة خبرة
شكرا علي تصحيح المعلومة

رد: I Need Gamo R77 Combat
 

متــــــــــابعة

رد: I Need Gamo R77 Combat
 

العفو يا احمد باشا ده حضرتك الى خبرة ربنا يعزك
وربنا يوفقه فى طلبة

رد: I Need Gamo R77 Combat
 

انا عندي واحد ومنزل اعلانه في قسم سوق المنتدي

رد: I Need Gamo R77 Combat
 

رد: I Need Gamo R77 Combat
 

الف شكر لكل الأخوة الأعضاء اللى شرفونا بالمرور

رد: I Need Gamo R77 Combat
 

محمد بيه صابر...
هو اللى عند حضرتك ماسورة طويله ؟ و لو كده يا باشا حالته ايه و مطلوب فيه كام؟
و طبعا لو فيه صور او لينك لإعلان حضرتك يبقى افضل...

شكرا

رد: I Need Gamo R77 Combat
 

محمد بيه صابر ... هو ده المسدس اللى عندك ؟

http://www.pyramydair.com/s/m/Gamo_R-77_6_Walnut/188

رد: I Need Gamo R77 Combat
 

السلام عليكم ورحمه الله
استاذ under taker
المسدس اللي في اللينك هوه ده اللي عندي ماسوره طويله صناعه اسباني دون خدش واحد بحاله بلده وهو من اول فيرجن نزل ولم يستخدم لفتره طويله والمقبض لونه بني فعلا ولكن خامه المقبض من البلاستك المقوي وليست من الخشب وهذا صنع بلده والمسدس من النوع التقيل

رد: I Need Gamo R77 Combat
 

وسعره النهائي 800 وده سعر دون فصال ومش معا غير علبه رش جامو واسطوانه غاز
سعره جديد عند فتح الله ب 1250 جنيه
وميغلاش عليك اخي الكريم

رد: I Need Gamo R77 Combat
 

محمد بيه صابر
من غير فصال ياباشا مفيش مشكله فى السعر ان شاء الله...
انت بتقول ان مفيش خدش فى المسدس و دى حاجه زى الفل ، بس الأهم ميكونش فيه مشكله عشان مركون بقاله فتره ، يعنى هل بيضرب كويس من غير مايعلق و الجلبه بتاعته تمام و لا بتسرب؟
لو مافيهوش مشكله يبقى على البركه ان شاء الله.... ابعت لى رقمك على الخاص و نشوف هانتقابل فين...

شكرا يا باشا

رد: I Need Gamo R77 Combat
 

أسف جدا أستاذي الفاضل اندر تيكر
لقد بعت السدس اول امس ولكن والله لكثره انشغالي لم استطع كتابه الرد علي المنتدي
والله انا في غايه الاحراج شوف حضرتك ايه الخدمه اللي اقدر اعملهالك عشان اعتذر بيها عن الموضوع ده
بص انا عندي واحد تاني بس والله مكنتش ناوي ابيعه لانه عزيز عليا اللي هوه الماسوره القصيره لو كده انا تحت امرك وميهمكش اي حاجه
وتقبل مروري

رد: I Need Gamo R77 Combat
 

ماشى يا عم ... هههههههههه
يا سيدى و لا يهمك ، ربنا يبارك لك فى الفلوس و يبارك للى اشتراه بإذن الله
بس لو عايز تكفر عن ذنبك يبقى انت اللى هتنهى الجدل حول المسدسات الغاز ، يعنى هقابلك فى اى مكان و اضرب عليك طلقتين كده و نشوف مدى التأثير ايه ، انا معايا فالتروا و معايا جامو بى 23 و هسيبلك حرية الاختيار... هههههههههههههههههههه يا باشا كفايه ذوق حضرتك و انك بعتلى و قلت انك بعته و ده فى حد ذاته يدل انك انسان بتحترم الأخرين ، و تانى ربنا يبارك لك و يبارك للى اشتراه ان شاء الله.

رد: I Need Gamo R77 Combat
 

استاذ اندرتيكر

رأى حضرتك فى المسدسات الغاز وقوتها ؟؟؟

وهل فعلا لا تصلح للدفاع عن النفس زى ما بيقولوا ؟؟

رد: I Need Gamo R77 Combat
 

أخى العزيز صياد...
شوف يا سيدى مسدسات الغاز ليها مميزات و ليها عيوب...
أهم مميزاتها ان مفيش مسؤليه جنائية لحملها و انها مش معروفه قوى للبلطجيه زى المسدسات الصوت ، بمعنى ان البلطجيه حافظين شكل و انواع المسدسات الصوت انما الغاز ممكن يخدعهم الى حد ما ، و طبعا انا بالنسبه لى الغاز أفضل من الصوت لأنك فى الأخر لو أضطريت تضرب بيه هتضرب رش فعلا مش صوت و خلاص.
انما برضه العيوب مش هينه ، يعنى مثلا معظم مسدسات الغاز بتتراوح سرعة الطلقه فيها من 360 الى 420 قدم فى الثانيه ، يعنى حوالى 120 الى 140 متر و كمان دقه النشان فيها بتكون تقريبا معدومه لو زاد بعد الهدف عن 10 متر ، يعنى لازم تضرب من قريب جدا عشان الطلقه تبقى مؤثره و لازم تضرب فى مكان رادع و طبعا الجواكت و البنطلونات الجينز بتقلل من فاعلية و قوة الطلقه ، كمان لازم تضرب أكتر من طلقه ورا بعض عشان تردع ، لذلك يفضل ان تشترى مسدس خزنته كبيره و طبعا أكبر خزنه هى بتاعة المسدس skif a 3000 لأنها بتشيل 28 بليه BB .177 ، و خلى بالك ان انابيب الغاز تصلح لضرب حوالى 60 رشه أو بليه و بصراحة اخر 15 أو 20 طلقه بيكونوا أضعف كتيييير من أول 40 طلقه ، و دايما متسبش انابيب الغاز جوه المسدس مضغوطه و مفتوحه لأن دة بيبوظ حاجه اسمها ال O Ring و ده بيتسبب فى حدث تسريب للغاز.
و نصيحه من أخ ليك ، حتى لو معاك مسدس مطلعوش فى خناقه الا كأخر حل و تكون مضطر لكده لأن ممكن اللى قدامك يكون شايل شومه أو مطوه و معاه مسدس بس مش ناوى يطلعه ، بس طبعا أول ماهيشوف مسدس معاك هيطلع اللى معاه على طول و ممكن يحدث مالا يحمد عقباه.
لو عايز بقه حاجه جامده جدا تخليها فى بيتك للحمايه ، في بندقيه جديده شركة Gamo لسه منزلاها اسمها Gamo Dynamax و دى بندقيه نمره 2 و فيها خزنة 10 طلقات و بتشيل طلقات جامو ماجنوم ارو هيد و فيها تلسكوب و على فكره هي مش غاز هى ضغط هوا عادى زى بنادق الرش العاديه و سرعة الطلقه 1200 قدم فى الثانيه يعنى حوالى 400 متر و تمنها بره 400 دولار.
و ان شاء الله ربنا يحفظك انت و كل اخوانا اللى فى المنتدى و يارب الأيام اللى جايه تبقى أحسن لينا كلنا

رد: I Need Gamo R77 Combat
 

فداك والله يا أستاذ اندر تيكر وميهمكش اي حاجه يكفي ان الشرف هيكون انها تيجي من استاذ محترم وذوق زيك
بس خلي بالك الرد هيكو ن رادع لأن لو شمو خبر بالبلد هيجيبوا الدبابه وهيجوا طوالي

رد: I Need Gamo R77 Combat
 

هههههههههههههه
بس ساعتها لازم يجيبوا دبابه رش و الا كده هيبقى ظلم بين يا باشا

رد: I Need Gamo R77 Combat
 

ربنا يوفق الجميع