الصيد فى مصر - حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

الصيد فى مصر (http://www.egyhunt.net/index.php)

- الورشة (http://www.egyhunt.net/forumdisplay.php?f=63)

- - حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى (http://www.egyhunt.net/showthread.php?t=16432)

koko22m

11-09-30 06:27 PM

حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

طبعا انا حاولت ميت مرة ادهن مسدسى الصوت و بعد تالت يوم او رابع يوم بيكون اتجرح و يبقى شكله باظ و طبعا مفيش غير حل من الاتنين يا اما دوكو فرن و برده هيتجرح بعد فترة اطول يا اما ورشة طلاء الكتروستاتيك و بعد معاناه من حرقة الدم انا و المسدس فى جميع محاولات الطلاء الفاشلة وصلت لحل عبقرى و هو حل ( الايبوكسى ) و هو مادة لاصقة قوية جدا بتمسك فى المعادن و غيرها و هو عبارة عن انبوبتين يخلطوا على بعض بنفس النسب و اليكم الشرح التفصيلى للطريقة على ما اقدر ارفعلكم الصور و النتائج

1- هنصنفر المسدس او المعدن بصنفرة خشنة حداداى علشان منخليش جسم المعدن املس
2- هنخلط نقطة من كل انبوبة بكميات صغيرة جدا و نوزعها بأيدينا على المكان المراد طلائه علشان بيجف بسرعة و عموما هو بيتباع عن بتوع قطع الغيار و الموانين و فيه منه كمان شفاف ( و ملحوظة لو لقيته هيبتدى يجف اثناء الاستخدام و كثافته هتتقل ارميه و متحاولش تدهن بيه المعدن لانه هيكلكع و استخدم نقطتين جداد من الانببوبتين )
3- بعد ما خدنا النقطتين و خلطناهم على بعض هندعك بيهم المسدس و هو مصنفر خشن و طبعا الطبقة هتكون رقيقة جدا زى ما نستخدم كريم الشعر مثلا
4- نتركه يجف لمدة حوالى نصف ساعة و نكرر فرد طبقات اخرى الى ان نرى ان الكثافة اصبحت مثل معجون الدوكو او البرايمر مثلا يعنى اكنك بتديه كذا وش لغاية ما تلاقى ان لون المعدن اختفى و اصبح رمادى مع الحرص على عدم الاستعجال و استخدام ايبوكسى طازة من الانبوبتين علشان يكون طرى و سهل فرده بطبقات رفيعة جدا جدا
5- بعد ما طلينا المسدس بالكامل بمادة الايبوكسى هنحاول ندى وش او اتنين زيادة على الاركان اللى بتبقى سهلة الخدش و الاماكن البارزة
6- هنجيب صنفرة دوكو ناعمة جدا و نصنفر بيها بدون اى ضغط عليها علشان منشيلش الطبقات اللى حطناها و دا لمجرد حذف اى اجزاء بارزة من اللاصق ( يعنى لو نقطة او نقطتين زادوا منك و انت شغال هتشيلهم و تخليهم فى مستوى السطح بتاع المعدن علشان الشكل العام )
7 - بعد الصنفرة الناعمة هنجيب اى نوع دوكو اسبراى اى لون عايزه و هنرش من بعيد علشان ميسيلش و يدينا شكل الماط و انا عن نفسى فضلت اللون الاسود الماط
8 - طبعا كل اللى انا كاتبه دا من الشكل الخارجى فقط ولا داعى لاستخدامه مع اى ميكانيزم داخلى علشان ممكن تلاقى الميكانيزم زى الخزنة او الساقية بعد كدا تعلق منك بسبب طبقة الدوكو او الايبوكسى
9 - سيب كل الدنيا دى تنشف لتانى يوم و رد عليا بعد ما تحاول تخربش المسدس و تجرحة و ادى دقنى اهه لو عرفت تخدشه
10- ملحوظة اللى هيعمل موضوع طلاء الايبوكسى دا لازم يعرف انه هيطلع من ايده بعد تلات او اربع ايام لانه مش بيتشال بسهولة و لو استخدمت جوانتى مش هتعرف تتحكم فى الطبقة الرقيقة اللى هتكسى بيها سطح المعدن
11 - هرفع لكم صور النتائج فى اول فرصة

عادل عبده

11-09-30 06:33 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

تسلم ايدك يا فنان

koko22m

11-09-30 06:36 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

اقتباس:

المشاركة الأصلية كتبت بواسطة عادل عبده (المشاركة 209551)

تسلم ايدك يا فنان

يا باشا ميرسى على ذوقك بس بجد انا اتحرق دمى اوى فى موضوع محاولات الطلاء الفاشلة دى و علشان كدا حاسس بالمشكلة دى و حبيت افيد بيها كل الناس ( فى اى معدن الومنيا او انتى مونيا )

koko22m

11-10-01 05:01 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

ايه يا جماعة محدش معجب بالموضوع خالص كد ؟؟؟ عموما انا مالى ايدى منه بنسبة 100 % و النهارده تالت يوم على التوالى و المسدس متجرحش و اللون مطلعش و بعامله بكل استهتار و بتعمد اتعامل معاه بكل اهانة علشان يتجرح

YOSSEF EL MASRY

11-10-01 05:14 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

اقتباس:

المشاركة الأصلية كتبت بواسطة koko22m (المشاركة 209548)

واية اخبار الاجزاء المتحركة بعد الدهان هل يوج احتكاك ؟
هل ضربت بالمسدس وسخن معاك بعد الدهان واية اثر السخونة دى علي الدهان ؟
شكرا

koko22m

11-10-01 05:36 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

اقتباس:

المشاركة الأصلية كتبت بواسطة yossef el masry (المشاركة 209863)

انا جربته على مسدس ساقية بس حتى لو اجزاء هينفع بشرط عدم دخول اللصق او الدهان فى الاماكن اللى ممكن تخليها تعلق و الافضل الدهان من الخارج فقط اما بالنسبة للحرارة فهذا المنتج مصمم خصيصا لتحمل الحرارة العالية زى مواتير العربيات

koko22m

11-10-01 11:26 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

ارجو من الادارة تثبيت الموضوع نظرا لنجاحه

SNIPER H

11-10-01 11:49 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

هيه فكره جديده و مخطرتش علي بالي قبل كده مع اني بستخدم الابوكسي كتير اوي
انا جربت فكره تانيه ونجحت وهيه انك تدهن المسدس بدهان اسمه برايمر والبرايمر ده عباره عن دهان لونه احمر غامق مخصص لدهان الحديد والمعادن كبطانه عشان الصدي وعشان اللون يمسك فيهه
هوه نفع بشكل كبير ومش بيتجرح بس المشكله انه لما السلاح يتخبط هيتقشر منه الدهان

sayedlabib

11-10-01 11:55 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

طبعا فكرة روعة لان ثبات اللون على المعدن بيعتمد على نوع الماده المثبت عليها اللون واكيد النتائج ان شاء الله مبهره جزاك الله خير على هذه التجربة

انا برضه تعبت جدا لحد مادهنت المسدس دوكو فرن بس بصراحة اللون ثابت برده جدا ومش بيطلع خالص

جزاك الله خيرا وافضل اسبراى طلاء مط ممكن تستعمله اسمه Redfox لانك مش هاتلاقيه غيره فى السوق العبوة سعرها من 8 الى 10 جنيه

sniper-2

11-10-01 11:33 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

موضوع ممتاز - بس ياريت حد يجرب فكرة طلاء السلاح بالطريقة القديمة ويقولنا ..وهى صنفرة الون القديم وتنظيفه تماما ثم تسخين القطعة المراد طلائها حتى يبدأ لونها يكون مزرق ثم يتم غمسها فى زيت سيارات بس يكون محروق(قديم9 وتركها حتى تبرد ..ثم تغسل بالماء وتنظف من بواقى الزيت....تحياتى

koko22m

11-10-02 05:31 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

اقتباس:

المشاركة الأصلية كتبت بواسطة sayedlabib (المشاركة 209928)

طبعا فكرة روعة لان ثبات اللون على المعدن بيعتمد على نوع الماده المثبت عليها اللون واكيد النتائج ان شاء الله مبهره جزاك الله خير على هذه التجربة

انا برضه تعبت جدا لحد مادهنت المسدس دوكو فرن بس بصراحة اللون ثابت برده جدا ومش بيطلع خالص

جزاك الله خيرا وافضل اسبراى طلاء مط ممكن تستعمله اسمه redfox لانك مش هاتلاقيه غيره فى السوق العبوة سعرها من 8 الى 10 جنيه

على فكرة الفكرة بتاعتى ممكن تدهن بيها بأى نوع اسبراى حتى لو رخيص بردو هيثبت جدا و انا داهن نوع اسبراى من ابو 8 جنيه و النتيجة روعة

koko22m

11-10-02 05:32 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

اقتباس:

المشاركة الأصلية كتبت بواسطة sniper h (المشاركة 209927)

الايبوكسى مادة لاصقة فى الاساس و بتمسك فى اى نوع معدن علشان كدا نتيجتها هتكون اقوى من البرايمر بكتييييييييييييييييييييييييييييير جدا

koko22m

11-10-02 05:34 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

اقتباس:

المشاركة الأصلية كتبت بواسطة sniper-2 (المشاركة 210297)

هذه الطريقة لا تصلح الا للحديد فقط ولا تصلح للأنتى مونيا

koko22m

11-10-04 06:56 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

ومازالت الفكرة ناجحة

mercury

11-10-12 07:16 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

بالنسبة لليدين بل ايدك بالمية قبل ماتحطها على الابوكسي مش هايلزق فيها وشكرا على مجهوداتك الكريمة

koko22m

11-10-13 04:54 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

اقتباس:

المشاركة الأصلية كتبت بواسطة mercury (المشاركة 215990)

بالنسبة لليدين بل ايدك بالمية قبل ماتحطها على الابوكسي مش هايلزق فيها وشكرا على مجهوداتك الكريمة

جامدة دى و شكرا على التعاون

هتخلينى ارش المسدس من الاول علشان اجربها ( ههههههههههه )

تسلم الايادى يا سعادة الباشا

kefafy

11-10-13 11:08 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

الله ينور عليك والله بسم الله ماشاء الله
فى فكرة تانية بحكم انى لسة عامل حدثة بالعربية :)
المعجون الاستوك بيبقا طرى الى حد ما
هيتفرد على المسدس ونسيبة يومين ولما يعضم نسنفر المعجون
بس لما يترش دوكو عمر ما الدوكو يطلع من المعجون
والله ينور عليك بصراحة

Alessandro

11-10-13 12:53 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

مشكور يا باشا على الموضوع و المجهود الرائع ده
وانشاء حجرب اعمل الطريقة دى لما المسدس بتاعى يتخدش
وارجو من الادارة التثبيت للاهمية

BOB20102008

11-10-13 03:10 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

فكراه جمداه جدان ربنا يكرمك على المجهود الرئع الى انتا عمالتو

وربنا يكرمك على المعلومه الجميله

وياريت ترفعلنا الصور

hanitarek

11-10-13 03:21 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

الله ينور على الموضوع و المشاركات المفيدة و الجميلة , و تحياتى لأستاذ كفافى على فكرة الستوك بتاع العربيات لإنى لسه شاريه امبارح و كنت بدأت أطبق الفكرة النهاردة و صنفرت و أحب أضيف للفكرة إن نضيف على الستوك نقطة هاردنر و ديه أنبوبة صغيرة بتتباع عند محلات الدوكو و بتخلى الستوك أصلب و يتحمل أكتر.

مع تحياتى

الباشا مصرى

11-10-13 03:48 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

فكرة التسويد فكرة ممتازة يعنى التسخين واضافة زيت معدنى بس مشكلة الانتمونيا انها بتتبهدل من النار وفكرة الايبوكسى جميلة بس هو الحل مش فى الايبوكسى الحل فى التنظيف الجيد وعزل الشوائب قبل الطلاء سواء كان البطانة ايبوكسى او معجون

kefafy

11-10-13 03:56 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

اقتباس:

المشاركة الأصلية كتبت بواسطة hanitarek (المشاركة 216528)

انا الى احى حضرتك على موضوع الهادنير عشان التعضيم
ودعائى لحضرتك بالتوفيق

koko22m

11-10-14 04:33 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

تحياتى لجميع المشاركين ولكن احب ان اوضح الفرق بين الايبوكسى و معجون الدوكو :

اولا الايبوكسى مادة لاصقة مصممة للصق المعادن
ثانيا بعد ان تجف هذه المادة تصبح صلبة مثل عجينة الفايبر بل يمكن ان تكون اكثر صلابة
ثالثا هذه المادة ضد الخدوش نتيجة صلابتها
رابعا هذه المادة مسامية و تمتص الدوكو و خصوصا لهواة الالوان الماط

و هذه الصفات كلها لن تجدوها فى معجون الدوكو و اهمها التصاقه بالمعادن بهذه الصورة التى اتحدث عنها

Eng Badran

11-10-16 09:26 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

فين الصور يا فنان ؟

farouk

11-11-24 12:09 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

حضرتك ممكن تصنفر المسدس بصنفره ناعمه وتديه لبتاع دوكوو السيارات يرشه الاول فلر وبعد ماينشف تاني يوم يرش اللون اللي انت عاوزه وشوف النتيجه

khaledabofaid

11-12-16 11:28 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

ياريت نشوف صور للتجارب يا جماعه من فضلكم

Eng Badran

11-12-16 02:35 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

انا اديته اليكترو ستاتيك ورجعت احسن من الجديده ولون مطفي والتجاريح اتشالت وبقت زي الفل
بس المشكله لازم تفككها حته حته وفي تكنيكات وتفنيشات بتتعمل بعد الدهان لازم حد يكون بيفهم قوي في السلاح عشان يعملها
وانا عملتها الحمد لله بس وانا بركب للاسف في حتتين اتكسروا مني . وان شاء الله بعد ما اصلحها هنزل صورها النهائية هنا

eng.amg

11-12-16 03:07 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

اقتباس:

المشاركة الأصلية كتبت بواسطة eng badran (المشاركة 259904)

+++++++++++1

أنا شايف إن الواحد يروح مصنع أو ورشة ويدهنو بودر مع إليكترو ستاتيك أحسن 100 مرة من التجارب وأرخص كمان

حسام محمود

11-12-16 03:21 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

جزاك الله كل خير على مجهودك الرائع وأتمنى وجود صور وشكرا

الجباروت

11-12-20 10:36 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

مسكووووووووووور

عمرو بيه

12-01-25 02:59 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

يا جماعة الخير أنا قرأت مشاركاتكم وتجاربكم كلها بس عاوز أعرف ايه أفضل الطرق لدهان المسدس الحي ؟؟

Max.1

12-01-25 03:16 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

تسلم دماغك الى فكرت فى حاجه زى كده

koko22m

12-01-25 04:20 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

اقتباس:

المشاركة الأصلية كتبت بواسطة max.1 (المشاركة 291614)

تسلم دماغك الى فكرت فى حاجه زى كده

ربنا يخليك يا استاذنا

عبدالله99

12-01-26 01:39 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

اقتباس:

المشاركة الأصلية كتبت بواسطة farouk (المشاركة 241237)

الكلام ده صحيح 100فى100 وده عن تجربة شخصية فى عربيتى الكبوت عندى انتمونيا وناس كتير اوى قالولى ان الدهان هيقشر من عليه ولاكن مشاء الله بتاع الدوكو رشه فلر وبعدين دوكو وتمام التمام وكمان ميزة الفلر عن اى معجون انه طبقته خفيفة جدا وكمان مستوية لانه بيترش وكمان مبتحتجش تفكك المسدس اوى زى الالكتروستيك جربو وان شاء الله النتيجة رائعة بجد اتمنى اكون افدتكم

goodzila

12-02-07 08:18 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

انا هجرب في الحته التونه وهقلوك النتايج

ahmad.s

12-02-07 12:02 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

اقتباس:

المشاركة الأصلية كتبت بواسطة goodzila (المشاركة 303389)

انا هجرب في الحته التونه وهقلوك النتايج

ياريت يا باشا تفضى شوية رسايل خاصه لان البريد عندك مليان للآخر

goodzila

12-02-08 04:32 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

انا جربت المسدس التونه بس الصراحه طلع وحش جدا مع اني عملت طبقه الايبوكسي رقيقه علي قد مقدرت بس شكله طلع اكنه مدهون رله ولو مسدس عليه كتابه حفر حتختفي لا الطريقه ديه مش عمليه او ياريت توضحلنا تفاصيل اكتر جايز اكون عملت حاجه غلط

koko22m

12-02-08 04:36 AM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

اقتباس:

المشاركة الأصلية كتبت بواسطة goodzila (المشاركة 304191)

صنفرته صنفرة ناعمة قبل الطلاء بحيث تشيل الزيادات من مادة الايبوكسى ؟؟ وبالنسبة للكتابة الحفر قبل ما ترش عيد عليها بابرة او مفك ساعات علشان تظهر بعد الرش و طبعا الرش فى حد ذاته حرفه يعنى رش من بعيد اوى و استنى ينشف و عيد لغاية ما اللون يتشبع

احمد فتحي

12-04-15 05:45 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

حد جرب الفكره دي

ahmadkader

12-04-15 07:18 PM

رد: حل اكيد و نهائى لطلاء معدن الانتى مونيا و نتيجة مبهرة اهداء منى لعباقرة المنتدى

اقتباس:

المشاركة الأصلية كتبت بواسطة عبدالله99 (المشاركة 292460)

أخبارك إيه يا باشا .. واحشنى و الله ... بجد فكرة الفيلر دى جامدة جدا و مش عارف إزاى كانت تايهة عن دماغ الواحد .. تحياتى لصاحب الموضوع المبدع و تحياتى لكل من شارك فى هذا الموضوع اللذيذ و المهم

الساعة الآن 01:07 PM