لا انا اقولك ايه اللى الاداره ممكن تعمله والمقصود بالاداره ليس المشرفين

ولاكن صاحب الموقع اللى فى ايده الصلاحيات الانهائيه

1 انه يخلى العضو اللى مشاركاته اقل 50 مشاركه غير مسموح له الاعلان

فى قسم البيع والشراء فى المنتدى عاما

2 يجب اختيار المشرفين مش نتيجه اسمهم الرنان ولا نتيجه خبرتهم فقط مع احترامى لهم جميعا طبعا

فى بعض الاقسام فى المنتدى محتاجه مشرفيين نشطيين

واخرى تحتاج اعضاء ذو خبره فلازم التوازن بينهم

3 ارخم حاجه ولازم نبطلها لما واحد يجى يبيع بندقيه رش تلاقى اعضاء تقله خساره تبعها بالتمن ده دا التمن ده رخيص ومش هتعوضها والكلام الجميل ده كله طبعا المفروض تقول الكلام ده فى رساله خاصه علشان رايك مالوش علاقه بالبندقيه لانه مش راى فنى او راى وضح فيه معلومه تفيد الكل .. تقول تقييمك للبندقيه مش تجامل بدون معلومه مفيده للعضو الذى يريد الشراء

3 اى اليكتريك المفروض انه ممنوع وما زال العرض مستمرا على الاليكريك

(لانه مش بيصطاد غير بنى ادميين) ولك منى كامل الاحترام يا (ع.......)

4 الاعضاء الخبره فى المنتدى ودول قله طبعا عزفوا عن عمل المواضيع بكثره مثل الاول و مفيش متابعه كافيه منهم للاعضاء الجديده فيجى العضو الجديد مع الوقت عندما يشارك بمعلومه قد تكون غلط وتنتشر ويشتت صحه كلام اشخاص تانيه محتاجه المعلومه الصح يبقى

لازم الاعضاء ذو الخبره يشارك بالمعلومه فى الموضوعات المختلفه

5 لازم كل ما عدد الاعضاء يزيد يبقى عدد المشرفين يزيد وحاجه غريبه انا مش شايف تدرج فى

الاداره لازم يكون فى اعضاء مشرفيين مخصوصين للمتابعه لهم الصلاحيات على المنتدى كله

من تعديل ونقل الموضيع لاكن محدش يجيب اللوم على ان عدد الاعضاء زادوا او نقصوا

6 محدش يزعل منى على صراحتى فى الحديث المكتوب اعلاه

انا قولته نتيجه خبرتى فى المنتديات وكل ذلك يعتبر رائى شخصى ليا قد يقبل الصواب والخطأ

وانا عن نفسى متابع المنتدى من زمان واستفدت منه كثير جدا ويهمنى جدا ان المنتدى يبقى له بريقه مثل الاول واكتر كمان :)