الصيد فى مصر - ممكن راى اهل الخبره

الصيد فى مصر (http://www.egyhunt.net/index.php)

- البنادق الهوائيه (http://www.egyhunt.net/forumdisplay.php?f=79)

- - ممكن راى اهل الخبره (http://www.egyhunt.net/showthread.php?t=16584)

احمد صابر حسن

11-10-04 01:45 AM

ممكن راى اهل الخبره

انا عاوز اشرى بندقيه رمسيس و هيه تمنها دلوقتى حوالى 1000
هل من المتوقع ان تمنها ينزل شويه ولا اتوكل على الله و اشترى دلوقتى و اخلص نفسى
و سؤال كمان معلش
طب هوه انا ممكن اجيب ايه غير الرمسيس بس تكون بنفس مميزات الرمسيس و سهولتها و بساطتها و تكون اقوى مثلا و كده و برده التمن ميكونش عامل فرق كبير بينها و بين الرمسيس
اصل ان اعشره عمر مع الرمسيس بس بصراحه مستحرم انى اشتريها و هيه ب 1000 بعد ما كانت ب 400
ارجو الافاده من اهل الخبرات

عادل عبده

11-10-04 01:47 AM

رد: ممكن راى اهل الخبره

بص يا عم احمد
انت ممكن تشوفلك حاجه مستعمله تكون حالتها كويسه وتقول معاك فى حدود 400 او 450 جنيه
لو عاوز جديد هات حاجه هاى بور لو بتصطاد من مسافات بعيده عشان تساعدك برده وكده

احمد صابر حسن

11-10-04 01:49 AM

رد: ممكن راى اهل الخبره

و ايه اخبار الاسعار

احمد صابر حسن

11-10-04 02:17 AM

رد: ممكن راى اهل الخبره

يعن ان الو معايا 1000 جنيه اجيب اااااااااااااااااااااااااااااااااااااااااااااااااي ه
تكون اقوي من الرمسيس و بسيطه زيها

عادل عبده

11-10-04 02:20 AM

رد: ممكن راى اهل الخبره

هى هتبقى اقومى من الرمسيس بس مش هتبقى بسيطه زيها وهتبقى قطع غيرها غاليه ومقدامكش الا انك تجيب كرال دبشك فيبر مستعمله

احمد صابر حسن

11-10-04 02:44 AM

رد: ممكن راى اهل الخبره

انا بقى شكلى كده هجيب رمسيس
اللى فات قديمه تاه و انا بعشق حاجه اسمها رمسيس
بس يا رب ترخص شويه

عادل عبده

11-10-04 02:49 AM

رد: ممكن راى اهل الخبره

ماظنش انها هترخص
على العموم لو عاوز رمسيس انا عندى وحده انتاج قديم ومحترمه وممكن استغنى عنها عشان جبت كرال
لو عندك استعداد ممكن تتواصل معايا على الخاص
وعلى العموم برده ربنا يوفقك للى فيه الصالح

سامح وهيب

11-10-04 03:03 AM

رد: ممكن راى اهل الخبره

عزيزي احمد ممكن نفكر مع بعض . حضرتك عايزها عبار واحد و الا اتنين ؟ حضرتك عايزها متوسطة السرعه و الا هاي باور . حضرتك اخر الميزانيه معاك الالف جنيه وان كان ممكن تزود هاتزود لحد كام ؟ انا رايي وده ممكن يكون غير راى غيري ان الرمسيس كانت بندقيه معقوله بالنسبه لسعرها القديم لكن الف جنيه كتير عليها و بخاصه انها مفيهاش اي تطوير لا من حيث السرعه ولا القوه و بالتاي لو عايز تجيب رمسيس خليك في المستعمل اللي حالته جيده منها بسعر من 400 الى 500 ودا معروض منه كذا قطعه في المنتدى . لو عاوز حاجه جديده الكرال سعرها معقول و هاي باور و عيوبها مقدور عليها و لو عاوز حاجه بنت ناس عندك النوريكا سواء 56 اللي عند هيثم خضر في اسكندريه و دي نمره 2 و ما اعرفش سرعتها كام بس مش هاتقل عن 150 متر\ثانيه في نمره اتنين يعني اقوى من الرمسيس ( و يا ريت حد من الزملاء يقول لنا على سرعتها لو يعرف) و دي سعرها 1200 زي ما هو منشور في المنتدى لو هاتعلا شويه عليك و على أ\ شريف ابو ضيف و حاول تاخد منه عرض كويس على النوريكا سبورت و هي موجوده عنده نمره اتنين و سرعتها160 متر\ثانيه و الكل بيشكر فيها . و ممكن تشوف تجار المنتدى و فيهم ناس كويسين زي أ/ هشام سمير و انا شخصيا بارتاح للتعامل مع استاذ شريف و استاذ هشام و صعب افاضل بينهم الا في وجود طلبي عند ايهما . المهم انت عابز ايه و ما ينفعش حد يختار لك بس ينفع نفكر سوا و ندي اقتراحات لبعض . تحياتي و تمنياتي بالتوفيق ان شاء الله

الرحاله

11-10-04 03:06 AM

رد: ممكن راى اهل الخبره

معلش يا جماعة عشان انا هاوى جديد .. هى الاسلحة دى محتاجة رخصة والا الواحد يشترى كدة وخلاص

hema777h

11-10-04 03:21 AM

رد: ممكن راى اهل الخبره

اقتباس:

المشاركة الأصلية كتبت بواسطة الرحاله (المشاركة 211522)

معلش يا جماعة عشان انا هاوى جديد .. هى الاسلحة دى محتاجة رخصة والا الواحد يشترى كدة وخلاص

البندقية الرش مش محتاجة ترخيص نهائيا بس يفضل انك متركبش تلسكوب دلوقتي عشااااان القلق والغباء الي مستحكم في الدخلية منعا للمشاكل لانو لاسف ممنوع بنص القانون

سامح وهيب

11-10-04 03:32 AM

رد: ممكن راى اهل الخبره

اقتباس:

المشاركة الأصلية كتبت بواسطة الرحاله (المشاركة 211522)

معلش يا جماعة عشان انا هاوى جديد .. هى الاسلحة دى محتاجة رخصة والا الواحد يشترى كدة وخلاص

مرحبا بك ايها الرحاله في الهوايه و عقبال ما نشوف لحضرتك حمام و يمام باذن الله.

الرحاله

11-10-04 03:35 AM

رد: ممكن راى اهل الخبره

قول يارب .. بس حضرتك تنصح بسلاح ايه فى الاول كدة

سامح وهيب

11-10-04 03:43 AM

رد: ممكن راى اهل الخبره

اقتباس:

المشاركة الأصلية كتبت بواسطة الرحاله (المشاركة 211537)

قول يارب .. بس حضرتك تنصح بسلاح ايه فى الاول كدة

حضرتك برضه اللي تحدد و اول حاجه بتحكمنا هي الامكانيات الماديه . و بعدين في ضوء الامكانيات الماديه بتقدر تحصر اختياراتك و الرمسيس بتصطاد و الديانا بتصطاد بس الفارق كبير بينهما في الامكنيات الفنيه و في السعر ( انا حطيت لك في المقارنه الارخص جدا و الاغلى جدا)

الرحاله

11-10-04 03:47 AM

رد: ممكن راى اهل الخبره

معلش يا استاذ سامح سؤال كمان ،، هو المسدس الريتاى ده صوت بس ولا ممكن نصطاد بيه وايه رايك فيه

سامح وهيب

11-10-04 03:53 AM

رد: ممكن راى اهل الخبره

اقتباس:

المشاركة الأصلية كتبت بواسطة الرحاله (المشاركة 211544)

معلش يا استاذ سامح سؤال كمان ،، هو المسدس الريتاى ده صوت بس ولا ممكن نصطاد بيه وايه رايك فيه

الريتاي و غيره من التركي صوت و لو مفتوح يمكن استخدامه مع طلقات البلي للدفاع عن النفس , لكن ما لهوش دعوه بالصيد خالص

الرحاله

11-10-04 03:55 AM

رد: ممكن راى اهل الخبره

شكرا جدا يا استاذ سامح وارجو مزيد من التواصل

سامح وهيب

11-10-04 04:00 AM

رد: ممكن راى اهل الخبره

اقتباس:

المشاركة الأصلية كتبت بواسطة الرحاله (المشاركة 211549)

شكرا جدا يا استاذ سامح وارجو مزيد من التواصل

العفو , و المنتدى هنا قائم على التواصل و تبادل الخبرات و المعارف و لو حضرتك اطلعت على كتابات اساتذتنا من الصيادين القدامى في المنتدى هاتعرف اكتر عن الهوايه و هاتكتسب خبرات ممتعه . تحياتي

محمد حافظ بك

11-10-04 08:16 AM

رد: ممكن راى اهل الخبره

انا انصحك تجيب رمسيس مستعملة لسببين .. الاول خامة القديم قيمة جدا و ممتازة .. ثانيا هتجيب حاجة خامة احسن و بسعر اقل بكتير من الجديدة اللي سعرها عالي و خامتها مش حلوة .. و لو عاوز حاجة اسباني انا عندي نوريكا سبورت للبيع و هديهالك بسعر اقل من الرمسيس الجديدة عشان خاطرك و انا عامل عنها اعلان في سوق المنتدي .. و لك خالص تحياتي

tarekvb

11-10-04 12:14 PM

رد: ممكن راى اهل الخبره

زود 300 وهات كرال

Amiroz

11-10-04 12:31 PM

رد: ممكن راى اهل الخبره

بلاش رمسيس جديدة
مش هتعرف تبيعها اكتر من 500 او 600 جنية دة لو حبيت تغير
عليك وعلي الجديد احسنلك ومتاخدش حاجة مستعملة بردو احسنلك
طبعا دي وجه نظر
ليك مطلق الحرية انك تختلف معايا او تتفق
-----------------
وبردو بلاش كرال
الاسباب هتفتح معاك في الميزانية
الكرال بحوالي 1300 وهتحتاج سكوب محترم علشان تضرب بيها في حدود ال 1000 بالقواعد.
--------------
ممكن نوريكا سبورت هي معايا وانا معجب بيها جدا وبتصطاد ومش محتاجة سكوب ورد فعل يكاد يكون مفيش
----------
وربنا يوفقك للخير

قناص الظلم

11-10-05 05:34 AM

رد: ممكن راى اهل الخبره

معلومه لاخوانى التليسكوبات المزكوره بقانون الاسلحه المصرى هى التليسكوبات التى توضع على الاسلحه الناريه فقط وتلسكوب ضغط الهواء لايصلح نهائيا للتركيب على سلاح نارى واشرطه تعرف زلك وهزه ممنوع حيازتها حتى ازا كان لديك رخصه سلاح وماتفعله الداخليه من قبل بعض افرادها هو تعسف فى استخدام السلطه لزلك وجب على تنبيهكم لتتعاملو معهم بالقانون ايضا وشكرا لكم جميعا لتقبلكم مرورى ويا احمد بعتلك عالخاص

old hunter

11-10-06 02:12 AM

رد: ممكن راى اهل الخبره

شكرا يباشا علي تنبيهنا للمعلومه ديه

old hunter

11-10-06 02:18 AM

رد: ممكن راى اهل الخبره

بص ياستاذ احمد احسن حاجه بنسبه للفلوس الي معاك كرال والبندقيه ديه الصراحه خطيره وهي تعبر احسن بندقيه في البنادق الي ما بين 1000 جنيه 2000 يعني هي احسن من حجات اعلي منها في السعر والفيبر منها بتعمل 1250 جنيه والخشب 1400 والاثنين نفس القوه وهيه قوه في نمره واحد 320 م في الثانيه وفي النمره2 240 م في الثانيه وعمرك مهتلاقي حاجه بالقوه ديه اقل من 2500 جنيه اليومين دول وهي البام الصيني وهي بتعمل السعر ده دلوقتي وربنا يوفقك

camba_3153

11-10-06 03:52 AM

رد: ممكن راى اهل الخبره

النصيحة الافضلك الكرال التركى وفى اخ هنا فى المنتدى عرضها مستعملة على 1000 وهى بجد اقوى من الرمسيس ولو معاك شوية سيولة هات البام 21 ممتازة فوق الوصف البام مش البيونير فى فرق كبير سيدى الفاضل واعتقد بما انك لسة جديد فى هواية الصيد الكرال التركى هتكون افضل عشان وزنها خفيف وهيكون سهل الصيد بها اظن انى اكيد فتك يا باشا وشكرا

اخوك م/ عمرو اسماعيل

الساعة الآن 12:38 PM