اريد شراء منظار لتركيبة للبندقية
 

السلام عليكم ورحمه الله وبركاته

طبعا عارفين البندقيه اللى معفرته

صور للبندقيه من هنا
http://www.egypthunt.net/showthread.php?t=1648

نمرة 2 .. مجري .. لها 20 سنه وبحالتها بس محتاجة شويه تنضيف وان شاء الله هعملهم

سئلت عندنا فى سوهاج على منظار .. قالو مفيش من فترة وممنوع استيراده

ومحل قالى في وبـ 500 جنيه بس معنديش منه دلوقتى


ايه افضل منظار ويكون سعره معقول والاقيه عند مين وتركيبه فين اهم حاجه الاسعار كام

رد: اريد شراء منظار لتركيبة للبندقية
 

أتصل بالشيخ مجدى هو موجو بالأسكندرية وممكن المنظار يوصلهولك فى القاهرة.
الأسعار بتبدأ من 100 وأنت طالع.
رقم تليفونه 0143597936
بالتوفيق أن شاء الله

رد: اريد شراء منظار لتركيبة للبندقية
 

ايه افضل منظار ويكون سعره معقول والاقيه عند مين وتركيبه فين اهم حاجه الاسعار كام[/quote]

رد: اريد شراء منظار لتركيبة للبندقية
 

طيب الشيخ مجدي والمهندس طلعت دول ايه بالظبط

اصحاب محلات سلاح

ولا ايه بالظبط

رد: اريد شراء منظار لتركيبة للبندقية
 

أستاذ بسام أنا عن نفسي راجل هاوي مش صاحب محل ولا حاجة ويمكن الأمر أخطلت شوية علي حبيبي وأخويا أبو الشوق وبالنسبة لي أنا كان عندي 2تلسكوب صغيرين ومخصوصين لبنادق الرش وجايين من بره راكبين جاهزين علي بندقيتين وللأسف أتكسروا من زمان وأنا مش باحب أبدا أستعمل بندقية رش بتلسكوب النشان الحر أفضل بكتير ممكن تشوف الشيخ مجدي

رد: اريد شراء منظار لتركيبة للبندقية
 

شكرا جدا استاذ طلعت على المعلومات اللى استفدتها منك على الموبايل

بالنسبه لظبط البندقيه

هي مظبوطه .. بس على المسافات القريبه يعنى 10 متر تقريبا

لكن المسافات البعيدة من 15 واكثر الطلقه بتيجي جمب الهدف

الحل ايه دلوقتى علشان اخليها تصيب الهدف سواء على المسافات القريبه او البعيدة

ايه افضل طريقه لظبط البندقيه بالتفصيل :)

واسف لكثرة اسئلتي

بسام

رد: اريد شراء منظار لتركيبة للبندقية
 

لا تعليق علي هذة المشاركة سوي ؟؟؟؟؟؟؟؟؟؟؟ كدا مش صح في ضرر ممكن يحدث للاخوة الاعضاء وضرر كبير جدا

رد: اريد شراء منظار لتركيبة للبندقية
 

استاذ جلال مشاركتك الاخيرة دي ليا انا ؟؟

وياترا ايه الضرر اللى بتتكلم عنه

رد: اريد شراء منظار لتركيبة للبندقية
 

استاذي العزيز لازم تعرف ان التليسكوب ممنوع
وان حمله علي البندقية بيعرض صاحبه للخطر فما بالك بيعه؟؟؟؟
معظم الاعضاء عندهم تليسكوبات علي بنادقهم وكتير منهم بيبقي عايز يغير
لانه جاله تليسكوب جديد او لانه باع البندقية لان قدامه شىء احدث وهنا بيحصل البيع لكن في هدوء لان الداخلية بتمنع بيعه(واحنا صيادين يعني مش هانبطل واحنا مش مسؤلين عن قرارات غبية)
ويرجع تجريم حمل التليسكوب الي اغتيال السادات لا ن في اغتياله كان فيه قناص نايم علي الدبابة معه بندقية بالتليسكوب واعطاه الطلقة الاولي ومن بعدها جرم حمل التليسكوب وان كان القانون المصري لايجرم التليسكوب في حد ذاته ولكن يجرم تركيبه علي بنادق رصاص فقط بينما الواقع يدل ان الداخلية تجرم التليسكوب في ذاته حتي لو كان راكب علي بندقية اطفال بتعمل اصوات

وصل ليك قصدنا

رد: اريد شراء منظار لتركيبة للبندقية
 

الاخ العزيز باسم المشاركة الاخيرة علشان نحافظ علي اخونا في المنتيدي لاكثر ولا اقل

رد: اريد شراء منظار لتركيبة للبندقية
 

ياجماعة خير إن شاء الله
أما بالنسبة للأخ باسم تليفونات الأخوة زي الأستاذ جلال والأستاذ طلعت والشيخ مجدي موجوده وفضفض معاهم ياسيدي براحتك وروح لهم زورهم وكل الي نفسك فية موجود بس لايجوز الأعلان هنا عن بيع حاجة ممنوعه
وعلي رأي المثل أمشي عدل يحتار عدوك فيك.

رد: اريد شراء منظار لتركيبة للبندقية
 

انا اسف للمداخلة بس السادات مكنش حد من الى بيضربه مركب تليسكوب كلها كانت بنادق اليه كلاشنكوف مشخشنة لكن الى كان بيصوب عليه (حسين عباس) ودا من ابطال الرمايه فى الجيش المصرى وقتها ومكنش فيه تليسكوب ولا حاجة وحتى كان فيه دخان بفعل القنابل الى رموها وذكر انه كان بيصوب باسلوب اسمه التوجيه الغريزى

رد: اريد شراء منظار لتركيبة للبندقية
 

ياعم احمد ربنا يكرمك مافيش داعي للتفاصيل علي المنتدي احنا بنصياد يمام وحمام وكبيرها فراخ غيط وديك سلطاني وبطة وتعالي كل ..

رد: اريد شراء منظار لتركيبة للبندقية
 

لو احمد مش حيجى اجى انا ياباشا ؟؟؟؟؟؟؟
وعلى فكره ساعات مابنصطدش عاصفوره واحده ( انا بتكلم عن نفسى )

رد: اريد شراء منظار لتركيبة للبندقية
 

كلام سليم لم يكن هناك منظار ولا حاجة..... فقط القدر لا الله الا الله