الصيد فى مصر

الصيد فى مصر (http://www.egyhunt.net/index.php)
-   ادوات الصيد الثقيله (http://www.egyhunt.net/forumdisplay.php?f=66)
-   -   سؤال لاهل الخبرة عن طلب ترخيص سلاح (http://www.egyhunt.net/showthread.php?t=16601)

heshamfk 11-10-04 04:02 PM
سؤال لاهل الخبرة عن طلب ترخيص سلاح
 
السلام عليكم
اسأل اهل الخبرة من اعضاء المنتدى
بقالي حوالي 3 شهور مقدم على طلب ترخيص سلاح في قسم النزهة وطلبي اخد رقم وكل شهر اروح اسأل يقوليلي لسه بدري
تفتكروا الطلب اترفض ومش عايزين يقولوا؟ ولا فعلا الترخيص بيطول قوي كده

شكرا للاعضاء وللادمن

Qoldus 11-10-04 04:11 PM
رد: سؤال لاهل الخبرة عن طلب ترخيص سلاح
 
اقتباس:
المشاركة الأصلية كتبت بواسطة heshamfk (المشاركة 211736)
السلام عليكم
اسأل اهل الخبرة من اعضاء المنتدى
بقالي حوالي 3 شهور مقدم على طلب ترخيص سلاح في قسم النزهة وطلبي اخد رقم وكل شهر اروح اسأل يقوليلي لسه بدري
تفتكروا الطلب اترفض ومش عايزين يقولوا؟ ولا فعلا الترخيص بيطول قوي كده

شكرا للاعضاء وللادمن
ما تقلقش يا باشا...لو إترفض هايقولولك على طول...الموضوع فيه تحريات وبحث وإستقصاء...الموضوع بياخد وقت من 6 شهور لسنة...تابع معاهم كل فترة...ولو جت الموافقة هما ها يبعتولك علشان تروح تكمل الإجراءات وتستوفيها...الصابرين بخير...

Compact 11-10-05 01:46 AM
رد: سؤال لاهل الخبرة عن طلب ترخيص سلاح
 
طول المده معناه انك بتتقدم فى اجراءات استخراج الموافقة النهائية

لو كنت اترفضت كان زمانك عرفت

bodygard 34 11-10-05 03:19 PM
رد: سؤال لاهل الخبرة عن طلب ترخيص سلاح
 
اقتباس:
المشاركة الأصلية كتبت بواسطة heshamfk (المشاركة 211736)
السلام عليكم
اسأل اهل الخبرة من اعضاء المنتدى
بقالي حوالي 3 شهور مقدم على طلب ترخيص سلاح في قسم النزهة وطلبي اخد رقم وكل شهر اروح اسأل يقوليلي لسه بدري
تفتكروا الطلب اترفض ومش عايزين يقولوا؟ ولا فعلا الترخيص بيطول قوي كده

شكرا للاعضاء وللادمن
سيدى الفاضل /هشام.. لازالت الداخليه تعتمد على البريد العادى الداخلى بين الادارات والمديريات وبعضها على الرغم من تحديث جهات ومصالح عديده باحدث اجهزة الكمبيوتر وشبكات النت وبسبب كده الاوراق بتاخد وقت طويل جدا للحركه بين الاستفسار والرد والاستعجال وخلافه والمندوب اتأخر او النهارده اجازته وكل ماتتخيله من معوقات العمل اليدوى.عشان كده لازم تصبر ان الله مع الصابرين

SMART141366 11-10-05 04:28 PM
رد: سؤال لاهل الخبرة عن طلب ترخيص سلاح
 
اخى الفاضل heshamfk بمجرد الوصول للقبول او الرفض يتم اخطارك فى نفس اليوم والاجراءات تتراوح من 6 شهور وحتى سنة

heshamfk 11-10-08 11:00 AM
رد: سؤال لاهل الخبرة عن طلب ترخيص سلاح
 
شكرا للسادة اعضاء المنتدى الخبراء
وادعوا لي ربنا يسهل

ابو علم 11-10-08 05:12 PM
رد: سؤال لاهل الخبرة عن طلب ترخيص سلاح
 
اليوم تم رفض الطلب الخاص بى للترخيص دون ابداء اسباب على الرغم نم ان المبررات موجوده الحاله الجنائيه سليمه والمؤهل عالى
الموظف قالى لازم واسسسسسسسسسسسسسسسسسسسسسسطه

heshamfk 11-10-09 09:24 AM
رد: سؤال لاهل الخبرة عن طلب ترخيص سلاح
 
اخ ابو علم
ممكن اعرف قدمت مبررات ايه لطلب الترخيص
لأن المؤهل والحالة الجنائية ديه مسوغات وليست مبررات

فرج محمد 11-10-10 02:53 AM
رد: سؤال لاهل الخبرة عن طلب ترخيص سلاح
 
وايه هيه مهنة حضرتك والرفض كان من مباحث القشم مثلا ولا نهائت من مدير الامن

desperado 11-10-10 03:06 AM
رد: سؤال لاهل الخبرة عن طلب ترخيص سلاح
 
متابع الموضوع

mr_kenawy 11-10-10 05:31 AM
رد: سؤال لاهل الخبرة عن طلب ترخيص سلاح
 
من حق حضرتك الطعن على قرار الرفض خلال ستين يوم من تاريخ علمك بيه .... و ذلك امام محكمة القضاء الادارى التى جرى قضاؤها على عدم الاعتداد "بعدم كفاية المبررات" لرفض طلب الترخيص....

obahey 11-10-10 06:20 AM
رد: سؤال لاهل الخبرة عن طلب ترخيص سلاح
 
لا بد من وجود مبررات كافية لحمل السلاح
ختى الرماية لابد من مبررات بجانب شهادة النادى

ابو علم 11-10-10 11:13 AM
رد: سؤال لاهل الخبرة عن طلب ترخيص سلاح
 
بعد التحيه
اود عرض تجربتى على الاعضاء
تم الرفض بدون ما اعرف الاسباب و مبرراتى كانت سجل تجارى بطاقه ضريبيه رأس مال 20000 جنيه والطلب كتبت فيه انى اتنقل بمبالغ ماديه بين المحافظات على طرق سفر متعدده بسبب عملى كصاحب شركه والانتقال بسيارات نقل لنقل البضاعه الخاصه بى
ولكن عند بدايه تقديم الطلب مباحث القسم لم تقتنع ورئيس المباحث قالى مبرراتك غير كافيه
يعنى انقل البصاعه بالنهار مش بالليل و الفلوس عن طريق البنك مثلا و بس كده قولتله طيب الحمايه الشخصيه انا راجل متزوج ولى ابناء و بسافر معاهم كتير بسيارتى الخاصه
يعنى حد يطلع علينا فى الطريق اعمل ايه ساعتها واظن ان الوقت ده مش وقت بطولات يعنى تحاول تحمى اولادك ممكن يخطفوا الزوجه ولو حاولت تحميها و انت اعزل يخطفوا العيال ايه الحل
قالى احنا نقبل الورق ونفحصه وبعدين نشوف
وكانت النتيجه بعد 6 شهور الرفض بدون ابداء اسباب
انا تبع قسم الجيزه و الموظف قالى كل الموافقات بنسبه اكبر من 95٪ للقضاء فقط المدنيين نسبه قليله جدا وقالها صراحه ان منغير واسطه مش هاينفع
وهو نفسه مقدم على رخصه ولم يتم الموافقه له على الرغم من انه مسؤول التراخيص من 22 سنه فى اسم الجيزه
وبالتوفيق للجميع

obahey 11-10-11 12:07 AM
رد: سؤال لاهل الخبرة عن طلب ترخيص سلاح
 
اقترح ان ترفع قضية مثل ما قيل سابقا
لا تترك حقك

Compact 11-10-11 05:20 AM
رد: سؤال لاهل الخبرة عن طلب ترخيص سلاح
 
بعد الثورة ..... اقل من 50000 جنيه حجم تجارة مع وجود محل الاقامة فى منطقة قليلة الكثافة السكانية

يعنى لو التحريات اثبتت ان تجارتك فوق ال50 الف مع وجود مبرر للتنقل بالمبلغ سواء كان الصبح او بليل وتزود عليهم ان مكان السكن فى منطقة هادئة (غير كثيفة السكان) او مدن جديدة سواء فى القاهرة او فى المحافظات, دول سببين كافيين لصدور التراخيص و بدون وجود واسطة مع احترامى الكامل للموظف اللى بقاله 22 سنة فى الشغلانة.
المعلومات دى مؤكدة من ضباط بالخدمة و فى الشغلانة برضوا زى الموظف المذكور.

وارجو من الاعضاء اللى اصدروا تراخيص بعد الثورة انهم يفيدوا اعضاء المنتدى و يقولوا المعلومات الواقعية اللى حصلت معاهم (اسأل مجرب ولا تسألش طبيب)

bodygard 34 11-10-11 02:18 PM
رد: سؤال لاهل الخبرة عن طلب ترخيص سلاح
 
اسمحوا لى اذكر تجربتى فى استخراج الرخصه بعد الثوره يمكن حد يستفيد منها:البدايه كالعاده بالسؤال فى القسم لرئيس المباحث اللى حولنى على معاون مباحث اللى حولنى على الموظف مسئول التراخيصثانيا الورق وكلكم عارفينه فلا داعى للتكراربس احب اوضح ان وثيقة التعارف من اهم الاوراق فكون على حذر وانت بتملاها..ثالثا المبررات..مبرراتى كانت محلين ملابس لتوكيلات كبيره اسمهم معروف وبحجم بضاعه كبير اضافة وهو والمهم وكان فعلا الفيصل فى الموافقه الا وهو كشف حركة النقديه الداخله والخارجه من البنك مش الرصيد وخلينى اوضح مش الرصيد ولا الودائع ولا حساب التوفيرلأن كل ده محمى داخل البنك لكن حركة النقديه من والى البنك معناها انى باروح البنك بمبالغ كبيره وباخرج منه كمان بمبالغ كبيره وبسافر بيهم وده ثبت من خلال كشف حساب جارى خلال عام 2010.. وكمان حجم البضاعه داخل المحلين خصوصا انهم عملوا تحريات وبعتوا ناس شافوا بعنيهم .اعتقد ان الباقى كان روتين زى تحريات ادارات الداخليه المختلفه وعدم وجود احكام قضائيه سابقه...الخ ..الخ والموضوع خد 4 شهور بس اعتقد ان ممكن كان ياخد شهرين بس لو الداخليه اتطورت شويه وتخلت عن الطرق القديمه فى ارسال واستقبال البريد ارجوا انى اكون افدتكم بشئ

Compact 11-10-11 06:12 PM
رد: سؤال لاهل الخبرة عن طلب ترخيص سلاح
 
اقتباس:
المشاركة الأصلية كتبت بواسطة bodygard 34 (المشاركة 215296)
اسمحوا لى اذكر تجربتى فى استخراج الرخصه بعد الثوره يمكن حد يستفيد منها:البدايه كالعاده بالسؤال فى القسم لرئيس المباحث اللى حولنى على معاون مباحث اللى حولنى على الموظف مسئول التراخيصثانيا الورق وكلكم عارفينه فلا داعى للتكراربس احب اوضح ان وثيقة التعارف من اهم الاوراق فكون على حذر وانت بتملاها..ثالثا المبررات..مبرراتى كانت محلين ملابس لتوكيلات كبيره اسمهم معروف وبحجم بضاعه كبير اضافة وهو والمهم وكان فعلا الفيصل فى الموافقه الا وهو كشف حركة النقديه الداخله والخارجه من البنك مش الرصيد وخلينى اوضح مش الرصيد ولا الودائع ولا حساب التوفيرلأن كل ده محمى داخل البنك لكن حركة النقديه من والى البنك معناها انى باروح البنك بمبالغ كبيره وباخرج منه كمان بمبالغ كبيره وبسافر بيهم وده ثبت من خلال كشف حساب جارى خلال عام 2010.. وكمان حجم البضاعه داخل المحلين خصوصا انهم عملوا تحريات وبعتوا ناس شافوا بعنيهم .اعتقد ان الباقى كان روتين زى تحريات ادارات الداخليه المختلفه وعدم وجود احكام قضائيه سابقه...الخ ..الخ والموضوع خد 4 شهور بس اعتقد ان ممكن كان ياخد شهرين بس لو الداخليه اتطورت شويه وتخلت عن الطرق القديمه فى ارسال واستقبال البريد ارجوا انى اكون افدتكم بشئ
مشكور على الاستجابة السريعة و المعلومات المجربة التى تفيد الصالح العام

فرج محمد 11-10-13 03:32 AM
رد: سؤال لاهل الخبرة عن طلب ترخيص سلاح
 
شكرا للاستاذ بودي جارد وياريت تضيف الرد في موضوع كيفية استخراج رخصة السلاح

AMR ALY 11-10-13 05:28 PM
رد: سؤال لاهل الخبرة عن طلب ترخيص سلاح
 
و ماذا عن الواسطه، و لمن تحديدا هل بالمديريه ام الامن العام؟انا مقدم عليها من فتره و بصراحه كل مره اروح الارض او المزرعه ببقي مش عارف حارجع منها ولا لا


الساعة الآن 11:15 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir