كرال فايبر اسود نمره 2 كسر زيرو للبيع
 

اعضاء المنتدي الاعزاء :عايز ابيع بندقيتي اللي هي كرال فيبر اسود نمره اتنين كنت شاريها من 3 اسابيع مستعمله من المنتدي هنا وهي بحالتها تقريبا جديده تماما انا ماضربتش بيها غير يمكن 20 او 30 رشه , وطبعا هتسألو هابيعها ليه الحقيقه انا قبل ماشتريها كان نفسي في الكرال رمايه واتصلت بهيثم خضر عشان العرض اللي كان عامله عليها ب 1600 قالي لا دي اخر حته عندي وثمنها بقي 1800 المهم من هنا لهنا كلمته تاني قالي اخرها 1700 قولت زي بعضه ياواد انت نفسك فيها مش مهم ال 100 جنيه قولتله اوك انا بقي من القاهره وانت قايل في توصيل للقاهره والمحافظات قال لا مافيش توصيل انت لازم تيجي اسكندريه تاخدها المهم قولت مافيش نصيب ليك فيها واشتريت واحده مستعمله بس بحالتها من اخونا سمسم هنا في المنتدي لو حد راجع العروض بتاعت الكرال من 3 اسابيع المهم بعدها من يومين تلاته شوفت العرض بتاع كيموبس قولت لازم اجيبها واشتريت واحده رمايه منه وكمان تليسكوب بوشنال 3-7*40 ودلوقتي عايز ابيع الكرال العاديه الفيبر الاسود ,,, اظن كده خلاص فهمتو القصه , صورها هانزلها ولو مستعجلين هي نفس البندقيه بتاعت سمسم يعني ممكن تتفرجو عليها وهي هي مااتغيرش منها حاجه خاللص وانا اشتريتها بالجراب ودلوقتي هابيعها من غير الجراب ونقصت 150 من ثمنها يعني السعر النهائي بتاعها 1000 وياريت ياجماعه عدم الاحراج واشوف الردود اللي مش لذيذه اللي بتزعل الناس من بعضها هههههههه :d

رد: كرال فايبر اسود نمره 2 كسر زيرو للبيع
 

بالتوفيق يا نجم ومبرك علي الكرال رمايه بس عايزك تقلي اه الاختلاف مبين الاتنين

رد: كرال فايبر اسود نمره 2 كسر زيرو للبيع
 

الله يبارك فيك ياجميل وبالنسبه للفرق الواضح معايا حتي الان انها اخف في الوزن شويه ومسكتها احلي في الضرب يعني تقريبا الاختلاف في الدبشك عامل شغل ولسه بقي لما اشحمها وازيتها واظبط التليسكوب هاقولك الفروق اللي هاحس بيها , وشاكر مرورك ياجميل

رد: كرال فايبر اسود نمره 2 كسر زيرو للبيع
 

فين الصـــور

رد: كرال فايبر اسود نمره 2 كسر زيرو للبيع
 

دي الصور ياجماعه والناشينكان الفوسفوري الاتنين موجودين , انشاء الله تعجبكم :d

رد: كرال فايبر اسود نمره 2 كسر زيرو للبيع
 

ودي نمرة تليفوني للاتصال الجاد 0100130440 والسعر ده نهائي ياجماعه ارجو عدم الاحراج :o وانا اسمي باسم سليم

رد: كرال فايبر اسود نمره 2 كسر زيرو للبيع
 

هو حضرتك ساكن فين ولو حبيت اشتريها التقابل يكون ازاى وهل ساعة التنفيز ممكن تنزل السعر شوية
وشكرا لحضرتك

رد: كرال فايبر اسود نمره 2 كسر زيرو للبيع
 

هوه تقريبا ساكن فى المقطم والكرال العاديه بندقيه كويسه انا جربتها
بس جبت الرمايه برده
ههههههههههههههههههههههههههه

رد: كرال فايبر اسود نمره 2 كسر زيرو للبيع
 

[IMG]http://www.4shared.com/photo/Eo3_O41...777777777.html[/IMG]

لو حبيت ابادل معاك بالبندقيه دى الفرق يكون كام .. صينى b3-2

http://www.4shared.com/photo/Eo3_O41...777777777.html

http://www.4shared.com/photo/548N9Xp...444444444.html

مع العلم ان حالة البندقية ماشاء الله ممتازة

Re: كرال فايبر اسود نمره 2 كسر زيرو للبيع
 

ممكن بحق الشفعة (شفعة الجار - المقطم) أعرف عبر الخاص أخرها.

رد: كرال فايبر اسود نمره 2 كسر زيرو للبيع
 

الرجاء من الاداره اغلاق الموضوع
س : وانت عايز الموضوع يتقفل ليه
ج : عشان البندقيه اتباعت خلاص
س : وعرفت منين يا أستاذ محمد
ج : عشان انا اللي أشتريتها باركولي يا جماعه

رد: كرال فايبر اسود نمره 2 كسر زيرو للبيع
 

مبارك للبائع والمشتري

Re: كرال فايبر اسود نمره 2 كسر زيرو للبيع
 

مبارك للبائع والشاري

Re: كرال فايبر اسود نمره 2 كسر زيرو للبيع
 

الف مبروك يامحمد وربنا يديك خيرها ويكفيك شرها ههههههههههههههههههههههههههههههههههههههههه :)

رد: كرال فايبر اسود نمره 2 كسر زيرو للبيع
 

الله يبارك فيك يا أستاذ باسم بجد يا جماعه
انا فرحان قوي وانا نادر لما بفرح
السبب الاول اني بجد قابلت أستاذ باسم وهو راجل محترم جدا وذوق وان شاء الله هيكون بينا شغل وتعاون كبير
والسبب التاني ب عروستي الكرال الماجنم بجد حاجه جميله قوي لكن يجب التعامل معها باحترام وعدم الاستهانه بقوتها
وانا خارج بكره ان شاء الله لتجربتها مع أستاذي حسن بيه النعماني وده بجد أستاذ كبير ونفسي اعرفكم كلكم عليه
ادعولي يا جماعه عشان انا ناوي ادخل معاه في تحدي وانا مليش غير في الاسلحه الناريه وبس ربنا يسترها
واسف للأطاله

رد: كرال فايبر اسود نمره 2 كسر زيرو للبيع
 

س:هو انا نفسى اقولك حاجه
ج:اه نفسى اقولك الف مبرووووووووووووووووك وربنا يكرمك بيها ان شاء الله

رد: كرال فايبر اسود نمره 2 كسر زيرو للبيع
 

الله يبارك فيك يا أستاذ سيد ومتشكر جدا علي ذوقك وان شاء اللع انا ناوي علي طلعه محترمه واللي ربنا يكرمنا بيه هنعزم اخواتنا في المنتدي عليه وربنا يسهل
ملحوظه يمامه المحب خروف

Re: كرال فايبر اسود نمره 2 كسر زيرو للبيع
 

ده من ذوقك بس يامحمد وشرف ليا اني اتعرفت عليك ومبروك مره تانيه ومستنيين اليمامه اللي اد الخروف دي هههههههههههههههههههه . ;)

Re: كرال فايبر اسود نمره 2 كسر زيرو للبيع
 

رجاء من الاداره غلق الموضوع لأن البيع تم كما هو واضح طبعا وشكرا للمنتدي الجميل ولطاقم الاداره طبعا , تحياتي

رد: كرال فايبر اسود نمره 2 كسر زيرو للبيع
 

مبارك للبائع والمشتري