راى الخبراء فى كيفية الصيد بمساعدة السيارة؟؟
 

السلام عليكم ورحمه الله وبركاته
كنت محتاج اسمع راى السادة الافاضل خبراء الصيد فى المنتدى
(صيد الطيور) والنصائح و الرشادات الهامة فى كيفية الصيد باستخدام السيارة؟؟
يعنى ادخل فى المنطقة الى شكلها ايه؟
احط البندقية جنبى ولا ورايا ؟
هل اسيبها معمرة فى العربية؟ ولا اعمرها لما اشوف الفريسة؟
لو قربت من الفريسة هطير زى مكون ماشى على رجلى ولا فى العربية اسهل؟
يعنى كل النصائح و الارشادات فى الصيد بستخدام السيارة !
وربنا يعز ويزيد كل من شارك و ربنا يجعل دائما المنتدى زخرا برجالتة المحترمين
والسلام عليكم ورحمه الله وبركاته

رد: راى الخبراء فى كيفية الصيد بمساعدة السيارة؟؟
 

مع انى قرات قبل كدة ان فى ناس بتصطاد بالسيارة او بيستخدموها بدل السير على الاقدام
مش مشكلة عموما لو اى حد يقدر يفدنا ياريت يقول

رد: راى الخبراء فى كيفية الصيد بمساعدة السيارة؟؟
 

اخى الفاضل كفافى بك
اولاً انا لا احبذ الصيد بالسياره ابداً ومبطلعش بيها غير لو الطلعه بعيده انا مخصص موتسيكل للطلعات العاديه اللى هى كل اسبوع
بالنسبه لاماكن تواجد الطيور بتختلف حسب نوع الطير المقصود يعنى اليمام فى المدن والتجمهات السكنيه وعلى سلوك الكهرباء وعمدان النور اماكن تجمع الاشجار اليمام مبيحبش يطير كتير علشان يأكل
الحمام البرى
فى الاماكن المهجوره او الخاليه من البشر فى الصحرء والجبال القريبه من المدن
ديوك البردى
فى اماكن تواجد المياه والاراضى الزراعيه

وياريت لو تحاول متظهرش البندقيه لان الطير لما بينضرب عليه كتير بيخاف من شكل السلاح
نصيحتى ليك بقا لسرعة الصيد والمحافظه على البندقيه لقم البندقيه يعنى حط الرشايه فى الماسوره ومتعمرش البندقيه غير لما تشوف الطيره
ليه بقا اولاً اكثر اماناً واكثر حفاظاً على السوسته لان كسر السوسته لمده طويله بتخليها تضعف وبتأثر على استقامتها واكتر حاجه بتأثر على الدقه هى عدم استقامة السوسته مما يؤدى الى فيبرشن عالى مسبب اهتزاز عميق لحظة الاطلاق
تقبل مرورى

رد: راى الخبراء فى كيفية الصيد بمساعدة السيارة؟؟
 

ربنا يعزك يا هشام باشا والله
وفعلا طيبة اهل البحيرة دائما على البال ولن انساها من اول السادات مرورا بمركز بدر وحتى كوم حمادة :)
وربنا يعزك ويوسع رزقك
اخوك احمد كفافى

رد: راى الخبراء فى كيفية الصيد بمساعدة السيارة؟؟
 

ربنا يعزك ويبارك فيك احمد باشا
ايه دا انتا بحروى متنكر ولا ايه
يا باشا دا بس من اصلك الطيب

رد: راى الخبراء فى كيفية الصيد بمساعدة السيارة؟؟
 

لا والله مش متنكر ولا حاجة ده بس قعدت فترة عندكم وشفت هناك من واجبات الضيافة ما لم اره الا فى بعض المدن القليله فى الجمهورية
وربنا يبارك فيك

رد: راى الخبراء فى كيفية الصيد بمساعدة السيارة؟؟
 

صاحب بالين كداب !!!!

رد: راى الخبراء فى كيفية الصيد بمساعدة السيارة؟؟
 

والله يا احمد بيك مش حتة بالين ولا حاجة
فى اماكن تجمعات مبين كش حتة وحتة مسافة ومابينهم بردو بتلاقى فالفكرة انك بتقطع بالعربية مسافة اكتر من الى ممكن تقطعها برجليك
جايز تكون فكرة فاشلة , عشان كدة كنا محتاجين راى الخبراء واهو هشام باشا افادنا بالردود
وللجميع الف شكر
اخوكم احمد