|
رحله صيد وسفارى برية لمده يوم ((حد جاى))
بسم الله الرحمن الرحيم
السلام عليكم ورحمه الله وبركاته الاعضاء الكرام كل سنة وانتم طيبين بمناسبة نصر اكتوبر المجيد حبيت اعمل هدية بالمناسبه دى رحلة صيد برية خلوية يوم السبت القادم8-10-2011 انا عارف قد ايه انتو مشتاقين وانا اولكم لرحله تنسينا متاعب البيت والشغل وتجدد نشاطنا ونتمتع بمنظر الطبيعه الخلابه واهم حاجه الصيد فباذن الله نويت انى اطلع رحله صيد بريه لصيد الحمام والارانب البرية طبعا صيد الارانب هيبقى عايز عربة جيب كويسه وهيبقى بليل بعد المغرب انا مش معايا عربية جيب بس لو اتوفرت تبقى تمام ويا سلام لو خرطوش مرخص كمان وان شاء الله بالصحبه الحلوه هتبقى احلى رحله على فكرة الرحلة مش لغرض الصيد وبس لا الرحله للتمتع لاطبيعه الخلابه والتفكر فى ملكوت الله وممكن بالنسبة للحمام الصيد هيبقى قليل عشان محدش يقولى انا مرجعتش بحاجه الرحلة هتبقى فى مكان فى طريق العين السخنه قريب من شركة السويس للأسمنت المكان انا عارفه كويس جدا وحافظه شبر شبر لانى رحته اكتر من مره بالنسبة لموضوع الامن والامان فأنسى المنطقة متامنه كويس من الجيش والامن بتاع الشركة الخارجى هنبقى قريبين اوى منهم ومحدش هيدوس لنا على طرف وعلى ثقه انا مجرب الرحلة يوم واحد من 6 ص الى 5 م برنامج الرحله محدود عشان بعد كده كل واحد يعمل الى هو عايزه الرحلة مجانية مواصلاتك على حسابك واكلك وشربك معاك الصيد هيبقى بالبنادق الرش على طول الطريق الى ان نصل الى مكان التخييم وهنعمل فكرة الكماين للحمام بعد الصيد هنقطع حطب عشان الاكل والشاى بعد كده هنفطر ونشرب شاى وقهوه على النار هنخرج فى مجموعات صغيرة للصيد والتمتع بالجو بعد كده وقت الغداء هنعمل الاكل الى جبناه معانا + الحمام الى اصتدنا (عشان محدش يقولى الاولاد عايزين ياكلو حمام!!!! ابقى اشترلهم بعد كده هنعمل مسايقة للرماية وممكن يبقى فيها جوايز على حسب الماديات بالنسبه للأكل كل واحد هيجيب اكله معاه الاكل هيبقى نىء طبعا عشان هنعمل الاكل هناك على النار الى عايز يجيب معلبات ماشى الى عايز يجب فراخ لحمه سمك اى حاجه كله هياكل على مائدة واحده والاكل هيبقى مشكل عشان يبقى عيش وملح لدعم روح الجماعه والتعاون والاخوه وندرب على كيف تتعامل مع الصحراء قمة المتعه انك تاكل من صيد ايدك وعمايل ايدك فى منطقة خلابه زى دى محظورات فى الرحله 1- الاسكوبات ممنوعه نهائى عشان هى ممنوعه قانونا الى هيجيب سكوب على مسؤليته الشخصية (تحنا هنعدى على كمين شرطه وجيش ) 2-مسدسات الصوت نفس الفكرة 3-لو حد معاه بنادق خرطوش تبقى بالرخصه وتكون ساريه يا ريت اللبس هيكون مموه وحذاء متين عشان لاقدر الله التعابين هو مفيش بس مره واحده الى روحت هناك الامن قالولى انهم مسكو تعبان صغير بعض الصور ليه فى نف المكان الى هنروحه ان شاء الله http://img13.imageshack.us/img13/9427/mero23.jpg http://img842.imageshack.us/img842/9181/mero31.jpg http://img171.imageshack.us/img171/9969/mero10.jpg http://img714.imageshack.us/img714/1534/cimg0966c.jpg 0163232065 |
رد: رحله صيد وسفارى برية لمده يوم ((حد جاى))
43 مشاهده ومحدش رد ولا قال سلام عليكم حتى
|
رد: رحله صيد وسفارى برية لمده يوم ((حد جاى))
سلام عليكم
والله يا gamo انا اعتقد انها رحلة حتبقى جميلة جداااااااااااااااااااااااااا بس اعتقد انة الاحسن ان احنا نعمل استفتاء الاول على الميعاد لانى واحد من الناس نفسى اطلع بس الميعاد مش مناسب ليا ولا اية رايك |
رد: رحله صيد وسفارى برية لمده يوم ((حد جاى))
هوه الموضوع جامد بغباء
بس انا عندى ظروف زى الزفت ومش هعرف اجى واحلى حاجه انك زكرت كل الحاجات اللى بتعمل احراج بس ملحوظه انت كنت بتضرب باسكوب فى المكان اهوه وبالنسبه للجمال اكيد بتاعه عرب محدش بقى منهوم ضايقك وانت هناك؟؟ |
رد: رحله صيد وسفارى برية لمده يوم ((حد جاى))
جامو باشا واحشنى جداً
الفكره رائعه وان شاء نعملها ترتيب وتجهيز خاص بيها ياريت تبعتلى رقم تيلفونك |
رد: رحله صيد وسفارى برية لمده يوم ((حد جاى))
حلو يا باشا الكلام ده بس أنت مذكرتش المكان هيكون فين.
|
رد: رحله صيد وسفارى برية لمده يوم ((حد جاى))
شكرا على الردود
موضوع الوقت احنا ممكن نعملها فى اى يوم تانى مثلا يوم جمعه بالنسبه لللسكوب الى كان معايا ده قبل الثورة وانا هربته وحطيته فى شنطة الاكل ومينفعش اصطاد من غيره لان الجامو 890 من غير نيشان اما بالنسبه للعرب والجمال الة هناك انا ذكرت فى الموضوع ان الامن بتاع الشركة هما من العرب ولما بروح اصتاد هناك الناس بيشلونا من على الارض شيل والله وبيعملولنا قهوه وشاى وبيساعدونا فى الطبخ...........والاكل طبعا والجمال دى بتاعتهم ومش بتتركب بس انا والله ركبتهم ووقعت من عليهم ورقم تليفونى موجود فى اخر الموضوع يا ا هشام |
رد: رحله صيد وسفارى برية لمده يوم ((حد جاى))
Gamo باشا الموضوع مغري بشكل غير طبيعي لاكن مع الاسف عندي شغل السبت لظروف العمل الاستثنائية ومعنديش بندقية او اي سلاح حاليا لاني بعت اللي عندي وهجيب جديد لاكن الاسعار اليومين دول مش عاطفية قوي بس كان نفسي اتعرف علي حضرتك والاشخاص المحترمه هنا لاكن خيرها في غيرها ، ومسيرنا تنقابل برضو يا باشا .
|
Re: رحله صيد وسفارى برية لمده يوم ((حد جاى))
موضوع رائع .. أنا نفسي أكون معاك بس للأسف الوقت مش مناسب
إن شاء الله المرات القادمة |
Re: رحله صيد وسفارى برية لمده يوم ((حد جاى))
جميل لو تنظم الإدارة مثل تلك الرحلات بشكل دوري يناسب وقت الأعضاء (أيام الأجازات الأعياد) لمناطق مختلفة صالحة للصيد ..... وهي فرصة للتعارف والإحتكاك واثقال الخبرة
|
رد: رحله صيد وسفارى برية لمده يوم ((حد جاى))
والله موضوع تمام اوي بس المشكلة في الميعاد مثلنا زكر بعض الاعضاء ............وبجد المرة الجاية انا مشترك بس نعرف قبلها باسبوع ....
تحياتي |
رد: رحله صيد وسفارى برية لمده يوم ((حد جاى))
والله مكان جامد وفكرة اجمد ربنا يسهل على حسب الظروف ونتواصل مع بعض إن شاء الله
وشكرا على روح التعاون العالية ديه |
رد: رحله صيد وسفارى برية لمده يوم ((حد جاى))
انا جاهز بس المهم ميعاد الرحله وهنتقابل فين
|
رد: رحله صيد وسفارى برية لمده يوم ((حد جاى))
اقتباس:
|
رد: رحله صيد وسفارى برية لمده يوم ((حد جاى))
حتكون رحله جميله وانشاء الله ربنا يكرم واكون معاكم
|
رد: رحله صيد وسفارى برية لمده يوم ((حد جاى))
مفيش اي مقترحات جديده لتنفيذ الطلعه و الاتفاق من جديد،فين الصيادين؟ ارجو التواصل من جديد لرحله بالمكان المقترح او افكار اخري
|
رد: رحله صيد وسفارى برية لمده يوم ((حد جاى))
السلام عليكم
طلعنا رحله بريه يوم السبت والاحد 15-16/ 10 / 2011 انا وبعض الاصدقاء كانت رحلة فوق الوصف رحله جامده جدا ما اصطدناش كثير بس اتمتعنا كثير باطبيعه الخلابه الهواء النقى بعيد عن هواء القاهرة الملوث ووشوفنا الارانب البرية وطائر يسمى الحجل او القطا والحمام البرى واليمام والقميرى بس القميرى شوفنا منه واحده بس بس بصراحه رحله روووووووووعه ولكن .............. اسواه ما كان فيها النااااااااااااااااااااااااااااااااااموس اه اه قطعنا واخد بتار الحمام واليمام محدش يزعل انى مقولتش لحد بس والله م\مفيش حد كلمنى الا امبارح بس بعد الرحله كلمنى م / وئام وقالى انا معاك فى اى وقت وفى اى مكان . على العموم جهزو بنادقكم وعده الرحلات عشان فيه رحلتين رحله مبيت هتبقى يومين مثلا جمعه وسبت ورحله يوم واحد هتبقى يوم جمعه ان شاء الله بس الى عنده عربية 4*4 ميبخلش على اصدقائه الصيادين بيها عشان والله هتنفعنا جامد عشان مبيدخلش جوه فى الجبل الا الدفع الرباعى او الموتيسكلات انا عن نفسى ظبط واحد من المن بتاع الشركة دخلنى جوه بالموتيسكل ومعايا البنادق بقية الشلة مشى بس انا ندمت انى ركبت (حكم السن بقى ) هما اتمتعو بالمشى وسط الجبال على فكرة انا عضو فى رابطة الصيادن وطلعنا رحلة الفيوم وكان عددنا 23 فرد محدش اصطاد حاجه عشان الطيور كانت تشوف العدد المهول كانت بتنفد بجلدها احنا عايزين العدد يبقى قليل على قدر المستطاع يعنى يبقى 5 افراد او 6 ميزيدش عن كده وعربيتين كفاية يعنى مش كلنا نجيب عربيتنا عايزين نسمع راى بعض وبعدين نحدد موعدللرحلتين |
رد: رحله صيد وسفارى برية لمده يوم ((حد جاى))
اكيد الكيبورد زعلان و مش جاي،ههه
|
رد: رحله صيد وسفارى برية لمده يوم ((حد جاى))
انا اسف اصلى كتبت من الموبايل وبعدين عدلته شكرا
|
رد: رحله صيد وسفارى برية لمده يوم ((حد جاى))
2 صورتين من كاميرتى الصوره الاولى والاخيرة
مكان طائر الحجل http://img403.imageshack.us/img403/1826/45916845.jpg صوره للطائر وقدرته على التمويه http://www.alganasah.com/test/up/ar/hagal.jpg صوره قريبه للطائر http://t3.gstatic.com/images?q=tbn:A...2yjZ4hHTCczNEA الصيد ليلا http://img51.imageshack.us/img51/8150/28748322.jpg |
رد: رحله صيد وسفارى برية لمده يوم ((حد جاى))
اقتباس:
|
رد: رحله صيد وسفارى برية لمده يوم ((حد جاى))
تمام احنا كده ثلاثه فاضل 2 او 3 والشبكات الثلاثه موجوده والحمد لله
|
رد: رحله صيد وسفارى برية لمده يوم ((حد جاى))
اقتباس:
|
رد: رحله صيد وسفارى برية لمده يوم ((حد جاى))
انا انا انا. انا عايز اجى معاكو ان شاء الله و دايس فى اى حاجة بس بالنسبة للطيور انا لسه يعتبر مبتدئ لكن الصيد الليلى كويس فيه. اتمنى اكون معاكو و النمرة 0147083361
|
رد: رحله صيد وسفارى برية لمده يوم ((حد جاى))
اظن كده كملت مش فاضل غير سياره ثانيه،الاستاذ جامو اكيد ادري مننا بالتجهيذات المطلوبه ليوم واحد،هو الحقيقه ايضا ذكر كل التفاصيل و اهمها المحظورات كالسكوب و الصوت،
|
رد: رحله صيد وسفارى برية لمده يوم ((حد جاى))
اقتباس:
|
رد: رحله صيد وسفارى برية لمده يوم ((حد جاى))
انا عندي بندقية معادي نمرة 2 ونوريكا يانج نمرة 2 في حد ممعهوش بندقية
|
رد: رحله صيد وسفارى برية لمده يوم ((حد جاى))
اقتباس:
|
رد: رحله صيد وسفارى برية لمده يوم ((حد جاى))
اقتباس:
|
رد: رحله صيد وسفارى برية لمده يوم ((حد جاى))
اقتباس:
|
رد: رحله صيد وسفارى برية لمده يوم ((حد جاى))
اقتباس:
|
رد: رحله صيد وسفارى برية لمده يوم ((حد جاى))
اوك و في انتظار باقي الترتيبات لان الموضوع اساسا مع الاستاذ جامو و اكيد في تفاصيل اكثر معه،ركذ في صوره الطائر و سبحان الله و التمويه المتقن بلون واحد،تحياتي
|
رد: رحله صيد وسفارى برية لمده يوم ((حد جاى))
اقتباس:
هههههههههه بص يا جماعه زى ما قولنه الاول اى حاجه ممنوعه قانونا ممنوعه فى الرحله الا لو فى ترخيص ده شىء تانى متطلبات الرحله 2 عربية جيب كل واحد معاه سلاحه ورشه الاكل والشرب اى حد يجيبه ونتحاسب ايس بوكس بحجم متوسط + تلج شواية اللبس هيكون بيج او زيتى ويكون معاك كاب قريب من لون الهدوم وراجعو كلامى فى الرحله كويس عشان محدش يزعل انا قولت ان الصيد معقول لا كثير ولا قليل احنا مره ببندقيتين اصطدنا 28 فرد حمام ومره ببندقية اصدت 8 ومره فرده حمام و3 يمامات وغراب وبعدين الصيد ده ارزاق نتوكل على الله وهو سيرزقنا باذن الله ناخد الاراء فى اموعد الرحله السبت او الجمعه |
رد: رحله صيد وسفارى برية لمده يوم ((حد جاى))
على الخاص بقى يا رجاله
|
رد: رحله صيد وسفارى برية لمده يوم ((حد جاى))
تم تحديد الرحله الى يوم 28/10 الجمعه
على من يرغب الخروج معنا الى الرحله المراسله على الخاص العدد محدود جدا ويفض لو فيه سيارة جيب |
| الساعة الآن 02:55 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir