الصيد فى مصر - احترسوا من اللصوص

مساء الخير على احلى اعضاء فى الدنيا
والله انا بتكلم معاكم كأخوية بخصوص سرقات التليفونات اللى اللصوص تفننوا فى سرقاتها وتأليف قصص وهمية لخدعة الناس الطيبين وسرقة تليفونهم صاحبى كان مخلص الشغل ومروح بيتة فى الشيخ زايد المهم شاب من داخل عربية كلمة وقالوا الحقنى اخوية عامل حادثة وعايز اطمئن علية المهم صاحبى ادالة التليفون وفعلاً الحرامى عمل انة هيتكلم وهب داس بنزين وطار بالعربية العربية معاليهاش ارقام وخلاص راح التليفون على كدة لما بنسألة فى الشغل التليفون تمنة 2500 جنية الحرامى الله يخرب بيتة خبطهم فى خبطة واحدة وصادفنى حرامى يوم السبت اللى فات كنت ماشى الساعة 7 مساءً على رصيف المتحف المصرى المهم انتو عارفين ان فية صور حديد على شمالك وانت متجة لميدان التحرير المهم فوجئت بواحد بينادينى جايلى من ناحية العربيات بحيث ان يكون مابينى ومابينة السور الحديد المهم انا بصتلة وقولتلة ائمر قالى انا من اسكندرية وعايز اتصل وماسكلى ورقة فى ايدة وبيمثل علية الدور طبعاً ان بعض الظن اثم بس فى الايام دى ومع احتراف اللصوص مافيش امان المهم انا مشيت وانتبهت ورايا ندهة لشاب وعايز تليفونة ولا حد عبرة