|
بندقية هواء فى حدود 1800 جنية
السلام عليكم
انا عضو جديد فى المنتدى واسكن بالعاشر من رمضان واعمل مهندس ولم امارس الصيد من ايام اعدادى وثانوى ببندقية رمسيس لانى حولت من ايامها لصيد الاسماك البحرية وعايز استرجع هوايتى القديمة ولم اجد منتدى افضل من هذا المنتدى الرائع لاشارك فية انا عايز بندقية فى حدود 1800 جنية بالمشتملات ( جراب وادوات تزييت وتشحيم وصيانة و وتلسكوب رخيص لزوم الولد الصغير ) الغرض منها مبدئيا لصيد الحمام البرى واليمام وبعد كدا حاجات اكبر انا افضل انها تكون عتلة مش كسر عشان احافظ على الماسورة وياريت كمان الرش المفضل استعمالة مع البندقية وعيوب البندقية المرشحة لان لايوجد بندقية بدون عيوب وانا ناوى ان شاء الله اشترى خلال اسبوع وشكرا مقدما |
رد: بندقية هواء فى حدود 1800 جنية
كرال التركى سعرها حوالى 2000 الى هى بعتله عند ا/ شريف ابو ضيف دبشك خشب
وبالتوفيق انشاء الله |
رد: بندقية هواء فى حدود 1800 جنية
لو ناويت على الكرال هات الرمايه الجديده
كسر وبنت حلال وهتلاقيها فى الاسكندريه من 1600 الى 1700 جنيه بالتوفيق واى خدمه تانى انا تحت امرك |
رد: بندقية هواء فى حدود 1800 جنية
اولا مرحبا بك اخي الكريم في منتدانا الحبيب
للأسف انا معلوماتي ضعيفه شويه في البنادق ولكني كنت عايز اشتري بندقيه برده وقعدت متابع كل المشاركات والمواضيع الجديده في المنتدي حتي هداني الله الي البندقيه المناسبه لأمكانياتي وبناء علي ما سبق فأنا ارشحلك بندقيه كرال رمايه وهي جديده من 1600 الي 1800 باذن الله والف مبروك مقدما ع البندقيه مقدما ومبروك علينا عضويتك معنا أخي الكريم |
رد: بندقية هواء فى حدود 1800 جنية
اقتباس:
|
رد: بندقية هواء فى حدود 1800 جنية
اقتباس:
الف شكر على تفاعلك وردك |
رد: بندقية هواء فى حدود 1800 جنية
اقتباس:
|
رد: بندقية هواء فى حدود 1800 جنية
أفضل بندقية فى الحدود دى هى النوريكا جيت
|
رد: بندقية هواء فى حدود 1800 جنية
النوريكا جيت برده كويسه بس الكرال اقوي ولو هتجيب كرال زي ما الاستاذ عادل قلك هات الرمايه شكله جميل ويسلام لو ركبت عليها سكوب بقت تحفه وتقبل مروري
|
رد: بندقية هواء فى حدود 1800 جنية
بص يا كبير
- الاسعار دلوقتي نار . وما عرفش هتزيد ولا هتقل . بس البنادق الرش تضاعف سعرها بعد الثورة . - الكرال دي بندقية تعبانة و أي كلام صراحة . ولو جبتها هتندم انك جبتها بكل صراحة يعني . لو عاوز اديك عيوب الكرال اديهالك بس هي باختصار غير دقيقة بالمرة ومشاكلها كتيرة قوي وسوستتها دي لازم بتتكسر أول ما بتجيبها والمسامير بتاعتها بتفك لوحدها كل شوية . ونشانها بيتغير مع نفسه هههههه . يعني في رحلة الصيد الواحدة محتاج تظبط النشان أكتر من مرة . ميزتها الوحيدة انها رخيصة نسبيا وشكلها حلو بس . - توكل علي الله وهات نوريكا و خلاص . و اصبر علي باقي الاكسسورات لبعدين . او لو تأجل شراء البندقية مع الاكسسورات لبعدين لعل سعرها ينزل ! - الله أعلم بردو - . لان الاستيراد واقف دلوقتي ورفعوا الاسعار . حتي رمسيس زاد سعرها . لان تصنيعها واقف . والطلب زاد علي بنادق الرش بعد الثورة ! . |
رد: بندقية هواء فى حدود 1800 جنية
نوريكا جيت زى الفل يا باشا بس انت كدة محتاج كمان حوالى 450 جنية
البندقية 1900 جنية جراب 150 سكوب 150 زيت ورش 50 |
رد: بندقية هواء فى حدود 1800 جنية
والله أنا اتمنى أفيدك بمعلوماتي البسيطة جدا لكن على حد علمي ان في ناس بتشكر في الكرال وناس تانيين لا ودي حاجة تحير عشان احسن حاجة اللي معظم او كل الناس تتفق عليها
يعني مثلا ناس شكرت في الكرال بتقول رد فعلها شديد وبتحتاج حاجة اسمها استوبر عشان يثبت الاسكوب لو في يعني ده غير التنظيف باستمرار زي ما المفروض لكل البنادق وأتمنى ربنا يوفقك |
رد: بندقية هواء فى حدود 1800 جنية
اخى العزيز dr.ahmed shahin old hunter شكرا على النصائح الغالية
استاذ محمد mohamed mahmoud شكرا على المعلومات المركزة اخى العزيز black_arrow شكرا على النصيحة استاذى tabeeb شكرا على تفاعلك فى الموضوع بناء على ما سبق الخطة كالتالى 1-خيار اول شراء نوريكا جيت فى حالة تواجدها . 2- خيار ثانى شراء كرال رماية مع سكوب متواضع 3-7*28 وتثبيتة بادوات تثبيت مثل stopper ,lock tight مع تغيير السستة فورا وتثبيت مسامير الدبشك بالـlock tight حيث نستخدمة فى الشركة لحالات الفيبراشن العالية وذلك مؤقتا لانى مسافر ان شاء الله المانيا مرتين خلال الشهور القادمة وهاحاول اجيب حاجة نضيفة من هناك سواء البندقية لو مسموح او على الاقل الاكسسوارات |
Re: بندقية هواء فى حدود 1800 جنية
استاذ عصام انا هتفق مع الاستاذ هشام ونعمل موضوع على المنتدى طلبية النوريكا جيت
وهنجمع عدد وهناخد البندقية بسعر مستريح انا كلمت الاستاذ هشام وهشوف هيوفرها لنا بسعر كام بالظبط بالنسبة للشراء من الخارج فهو موضوع معقد جدا حتى والله المسئول عن توزيع بنادق جامو فى الشرق الاوسط كان نازل القاهرة قلت له يجيب لي بندقية معاه قالى مش هعرف اعديها من المطار عندكوا ههههههه فانسي الموضوع ده |
رد: بندقية هواء فى حدود 1800 جنية
انا ارشح لحضرتك نوريكا 73 او نوريكا 61 منتج مضمون و اسباني و بعيد عن الكلام بتاع الكرال و مشاكله و سعرهم حوالي 1300 لغاية 1400 و هتجيب معاها سكوب بسيط ب 150 و جراب ب 100و ادوات تنظيف و زيت و علبتين رش ب 50 جنيه هتلاقي الموضوع بين 1600 ل 1700 كله علي بعضه و اسمك اشتريت حاجة مضمونة و سعرها فيها ... و اتمني لك التوفيق في اختيار الافضل ان شاء الله
|
رد: بندقية هواء فى حدود 1800 جنية
اقتباس:
متفق تماما على نوريكا 73 أو لو تقدر تزود شوية وتجيب نوريكا جيت يبقى تمام. |
رد: بندقية هواء فى حدود 1800 جنية
فيه عند الاخ عنانى جنبك فى الهرم بندقبه سلافيا بس كسر بس مش اى كسر وخلى بالك كل حاجة لها عيوبها ومميزاتها بس لو عايز بندقية فى حدود اللى انت بتقول عليها روح عليها وصدقنى مش هتندم وعنانى امين ومحترم ومسمعناش عمرنا عنه حاجة وحشة وعلى فكرة انا معرفوش بس البنى ادم سمعته بتسبقه
|
| الساعة الآن 02:02 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir