الصيد فى مصر - محتاج سكوب

الصيد فى مصر (http://www.egyhunt.net/index.php)

- محدثات الصوت (http://www.egyhunt.net/forumdisplay.php?f=81)

- - محتاج سكوب (http://www.egyhunt.net/showthread.php?t=16694)

محتاج سكوب

النوع tasco
المواصفات
3-50x12
ياريت يكون مدرج وفية لونين وهل هو ينفع يتركب على الصينى الى عندى ولا لاة وشكر

رد: محتاج سكوب

اقتباس:

المشاركة الأصلية كتبت بواسطة karam okasha (المشاركة 213182)

النوع tasco
المواصفات
3-50x12
ياريت يكون مدرج وفية لونين وهل هو ينفع يتركب على الصينى الى عندى ولا لاة وشكر

من ناحية يركب يركب ما يقولش لأ طبعا...بس عايز قاعدة عالية علشان قطر العدسة 50ملم كبير طبعا وممكن يحك في جسم البندقية ( الكانون )...وبعدين إيه نوع البندقية الصيني إللي عندك...لو أقل من بام 21 أو 22 تبقي مش مستاهلة تيليسكوب...آه شفتها دلوقتي...b3-1a متوسطة القوة ولا تتعدى سرعتها 150-160 م/ث...التيليسكوب للبنادق القوية الهاي باور مش البنادق المتوسطة القوة...والتيليسكوب إللي إنت عايز تجيبه ها يتعدى ثمنه 1200 جنيه وصيني كمان مش أصلي...يعني أغلى من البندقية نفسها...حرام ترمي فلوسك على الأرض...عموما مالك وإنت حر فيه...

رد: محتاج سكوب

صعب تلاقى المواصفات دى هنا

رد: محتاج سكوب

متشكر بس انا مش عارف اشترى اية انا شفت المواصفات وعجبنى بس انا ناوى اغير البندقية انا شاء المولى فيريت تقلى نوع البنادق الهاي بور بس يكون السعر مش عالى ياريت اسبانى

رد: محتاج سكوب

اقتباس:

المشاركة الأصلية كتبت بواسطة karam okasha (المشاركة 213334)

شوف يا باشا بالنسبة للأسباني وهاي باور مش هاتلاقي حاجة أقل من 1800 جنيه النوريكا جيت نمرة 1 وسرعتها في حدود 220-230 م/ث...وعندك الجامو هانتر 440 نمرة 2 لو لقيتها بس بتعدي 2300 جنيه وسرعتها في حدود الـ 220 م/ث...في طبعا ماركات وموديلات تاني بس أسعارها بتعدي 3500 جنيه وإنت طالع بقي...في لغاية 8000 جنيه...حسب إمكانياتك وسقفك المالي...أنا شايف إنك تجيب كرال البني مش السودة هاي باور 240 م/ث في نمرة 2 بنت حلال ومهرها على الأد...يعني في حدود 1300 جنيه...والأحسن طبعا لو تجيب البام 21 أو 22 ( مش البايونير ) أحسن وأحسن سرعتها بتوصل لـ 290 م/ث وصورة طبق الأصل من الديانا 52 بس لازم تكون قوي البنية وتتحمل لأنها تقيلة حبتين وزنها فارغ بدون طلقات 4,7 كجم...طبعا أنا بأضحك لإن الرشة وزنها إيه يعني إللي هايتقل البندقية ده...البندقية دي تعملها في حدود 2200 جنيه...ويالا يا باشا راجع نفسك وإكسر الحصالة...وبالتوفيق...ما تنساش تدعيلي...

رد: محتاج سكوب

متشكر جدا على كلامك الحلو اولا

اما ثانيا الا سعار عالية مش عارف اعمل اية انا ممكن ابيع البندقية الصينى استعمال خفيف بس مش عارف تجيب كام ياريت تفيدنى
ولو حبيت اقوى الى عندى اعمل اية فى حالة انى موفقتش فى البيع

رد: محتاج سكوب

اقتباس:

المشاركة الأصلية كتبت بواسطة karam okasha (المشاركة 213411)

العفو يا باشا إحنا إخوات وتحت أمرك وأمر الإخوة جميعا...لو عايز تسمع نصيحتى وطبعا إنت حر ده يرجعلك...ما تستعجلش وتبيع البندقية بتاعتك...لسبب بسيط...هاتخسر فيها كتير...يعني بكتيره ها تبيعها في حدود 600 جنيه ده لو حالتها جديدة وكسر الزيرو مافيهاش خدش...ونصيحتي خليها زي ما هيا وبلاش تلعب فيها علشان تقويها المصنع مصممها كده لسرعة وقوة معينة...تابعها إنت بالصيانة والتنظيف بعد كل إستعمل وتجنب الضرب بيها على الفاضي ( بدون رش ) علشان ما تبوظش الجلبة أو تكسر السوستة أو البستم...برضو محتاج مبلغ كبير علشان تكمل وتشتري بندقية هاي باور...صدقني إللي معاك حلوة مش بطالة وكفاية إنك تمارس هوايتك وإنت مرتاح ومش مزنوق في الفلوس أو متداين لحد...غيرك مش طايل رمسيس أو معادي...وبعدين غالبية الصيادين المحترفين مش بيصطادوا على مسافات أبعد من 20-30 متر ونادرا ما يحتاجوا تليسكوبات للصيد من مسافات بعيدة...دي بتبقي حالات نادرة وقليلة...وإللي معاك تغطي المسافة دي مستريح قوي...والتيليسكوبات صدقني والله مركبينها ونادرا ما نستعملها...معظم الشباب الصغير بينبهر بشكل البندقية وعليها تيليسكوب بغض النظر هوا عايز يصطاد بيها إيه...خليك عملي وصدقني مارس هوايتك ببندقيتك العزيزة إمكانياتها مش بطالة وشغالة زي الفل وبتصطاد...ولعلمك بقي متعة الصيد والفن والحرفنة في الصيد بالنيشانات العادية بدون تيليسكوب...التيليسكوب ها يقيدك بمسافة معينة حسب الظبطة بتاعتك...ولما تغير المسافة سواء قربا أو بعدا أو حتى تغير نوع الرش ها تحتاج تظبطه تاني...غير مشاكل تحركه وعدم ثباته في مكانه وتحتاج كل شوية تربطه وتأكد على مسامير تثبيته وهكذا...صدقني أنا قناص قديم وعندي بنادق كتير بتيليسكوبات وبدون...صدقني بأستمتع أكثر بالبنادق إللي بدون تيليسكوب...لكن أنا غاوي وبأحب الإقتناء وبأصرف على هوايتي مبالغ طائلة...وطبعا مش كل واحد عنده الإمكانيات دي...يا ريت كلامي يكون أفادك يا باشا...وبرضو الأمر ما يمنعش معانا أخوة وأساتذة كبار يفيدونا بآرائهم وتجاربهم الشخصية...المجال مفتوح وكل واحد يدلو بدلوه...

رد: محتاج سكوب

اقتباس:

المشاركة الأصلية كتبت بواسطة Qoldus (المشاركة 213447)

تسلم ايدك يافنان

رد: محتاج سكوب

انا متشكر على نصحتك وهعمل بيها وارجو انى مكنتش طولت وتقلت عليك

بس انا لما احب اظبط النيشان اظبطة على كام متر

واية افضل رش ممكن استعملة للصينى

وشكرا

رد: محتاج سكوب

اقتباس:

المشاركة الأصلية كتبت بواسطة karam okasha (المشاركة 213892)

العفو يا باشا تحت أمرك في أي وقت...التيليسكوب يتظبط على مسافة من 10-15 متر...ثانيا بالنسبة لإن بندقيتك متوسطة القوة أفضل رش تستخدمه هو:- جامو ماتش- جامو ماجنوم- جامو ماستر بوينت- جامو بروهانتر...ده أفضل رش يجيب مع بندقيتك نتائج ممتازة...وإبعد عن البروماجنوم علشان ده رش ثقيل وعايز بنادق هاي باور...تمنياتي بالتوفيق...

رد: محتاج سكوب

يا باشا انا متشكر
والله تعبتك معايا والف الف شكر
بس طلب اخير افضل مكان اشترى منة تيلسكوب ويريت يكون نوع حلو مع العلم انى من البحيرة
يريت برضة السعر ولو امكن الصور

رد: محتاج سكوب

اقتباس:

المشاركة الأصلية كتبت بواسطة karam okasha (المشاركة 214280)

يا باشا إنت من البحيرة...أجدع ناس...ده إنت عندك الأستاذ هشام سمير من البحيرة برضو وكان عامل عروض على التيليسكوبات وكمان البنادق وقطع الغيار...وفي كمان أ/محمد العناني وأ/كيمو بوس وأ/المدمر...وكام واحد مش فاكر أساميهم دلوقتي عارضين تيليسكوبات وبينافسوا بعض في الأسعار...قارن بينهم وشوف إيه إللي يناسبك في الإمكانيات والسعر...تمنياتي بالتوفيق...