رحله صيد يوم الجمعه
 

السلام عليكم
خر جنا يوم الجمعه بالسياره و بدانا رحله الصيد بالنوريكا ويست مع ابو شعبان و الجامو هانتر 1250 معايا ومشينا بالعربيه لحد ما وصلنا لمان فيه يمام وبدا الضرب
احنا بنضرب دايما واحنا فى العربيه من الشباك ونمشى لحد ما نلقى فرص تانيه للضرب وما بننزلش الا قليل نظرا لهبوط لياقتنا البدنيه بعد ما برشلونه استغنى عنا وانتوا عارفين موسم الانتقالات انتهى
المحصله النهائيه كانت فرخه ميه واحده وتلاتين يمامه وبالطريقه دى لن نصارع من اجل البقاء فى الممتاز لاننا بعدنا عن التلات فرق اللى هاتهبط السنه دى واليكم الصوره

رد: رحله صيد يوم الجمعه
 

رد: رحله صيد يوم الجمعه
 

اه الجمال ده ربنا يزيد ويبارك ((بس علي فكره انتو لازم ترجعو للياقتكم علشان العروض بتاعت ريال مدريد وعموما انا اعتبرت نفسي مدير اعمالكم من دلوقتي))(اخوكم احمد)

رد: رحله صيد يوم الجمعه
 

المكان ده فين يارجالة

رد: رحله صيد يوم الجمعه
 

صيد جميل وبالهنا والشفا

رد: رحله صيد يوم الجمعه
 

احنا حاليا في فترة توقف للدوري ممكن تعمل معسكر اعداد علشان اللياقة ترجع وصيد جميل ورائع

رد: رحله صيد يوم الجمعه
 

ياعم ولا يهمك مانجحش غير أبوطريقة في اختبارات تاردلي
مبروك الصيد.

رد: رحله صيد يوم الجمعه
 

ما شاء الله لا قوه الا بالله ربنا يباركلكم فى صيدكم و البنادق (و لياقتكم طبعاً :d)
انا فعلاً مقتنع ان دى احسن طريقه صيد فى اللذيذ بس اخر رحله جربنا نركن العربيه و نتحرك شويه صعوداً و هبوطاً فى المقطم و ما ادراك ما المقطم و ده بردو عشان اللياقه احم اقصد انعدام اللياقه ههههههه يعنى اهو نتدرب شويه :)

رد: رحله صيد يوم الجمعه
 

الله ينور عليك
وانا على فكره اتبع طريقه اللعب من داخل السياره
علشان حجات كتير غير اللياقه البدنيه

رد: رحله صيد يوم الجمعه
 

ربنا يبارك و بالهنا و الشفا

رد: رحله صيد يوم الجمعه
 

كده وبتقول هبوط في اللياقة البدنيه أمال لو كنتوا في الفورمه كنتو عملتوا أيه ؟ هههههههههههههههههه
الله ينور
وتسلم أياديكم ياأحلي صيادين

رد: رحله صيد يوم الجمعه
 

اشكر كل الاخوه الاعزاء مجدى واحمد وعمرو وميزو ومحمد سليمان وجلال والكبير بتاعنا طاعت باشا وان كنت نسيت حد يسامحنى وطبعا موضوع برشلونه ده هزار اما اللياقه البدنيه فهى حقيقه لان الواحد بعد الاربعين ماعادش زى زمان من ناحيه التحمل اما بالنسبه للصيد بالعربيه ففيه ميزات زى انك ما بتتعبش وبتلاقى فرص كتير كل ما تمشى واغلب الضرب بيكون على مسافات قريبه لان اليمام بيااامن لانه ما بيشوفكش وفى النهايه الصيد رزق وربنا يكتتر رزقنا جميعا وبارك الله فيكم

رد: رحله صيد يوم الجمعه
 

ينفع كده تروحو تصطاده من غير ما حد يعرف

رد: رحله صيد يوم الجمعه
 

بالهنا والشفا

رد: رحله صيد يوم الجمعه
 

كانت رحلة جميلة واجمل مافهيا كان متعة الضرب والصحبة اهم من الضرب الصحبة.
عموما انته اغيرتنى اطلع الصور التانية.
وطبعا قتال القمرى والمستكاو عارف نفسه.

رد: رحله صيد يوم الجمعه
 

ابوشعبان
طبعا انته اللى ضارب اغلب اليمام ده بس سرك فى بير مش هاقول لحد والنوريكا بدعت يوميها وياريت تحط صور الرحله اللى قبلها واستعد للرحله الجايه ان شاء الله

والله كنت اتمنى يكون معانا ناس تانيه من المنتدى الجميل ده بس يا خساره احنا بعيد شويه عن اغلب الاعضاء من ناحيه السكن لكن مسيرنا نتقابل ان شاء الله خصوصا ان الناس هنا زى العسل وبيحبوا بعض جدا وتحس انك تعرفهم من زمان مع انى مسجل فى المنتدى من حوالى اسبوعين فقط

رد: رحله صيد يوم الجمعه
 

مش بقول لكم ان الدوري الاسباني متفوق

رد: رحله صيد يوم الجمعه
 

الحمد للة انك مكنتش فى الفورمة والا نقول على اليمام والحمام السلام

رد: رحله صيد يوم الجمعه
 

يار اجل زعلتني لم بتقول برشلونة استغنا عنكو معنجوش نظر تعاليلي انت بس انا اجيبلك عقد احتراف في بوركينا فاسو وقتي بمرتب خيالي يا باشا

رد: رحله صيد يوم الجمعه
 

فى انتظار القريب ان شاء الله.

رد: رحله صيد يوم الجمعه
 

ورد عليكم صيد زي الفل ((الاكل هيستوي امتي ؟)) ولا بلاش اجي