الصيد فى مصر - ملحوظه هامه وغريبه

الصيد فى مصر (http://www.egyhunt.net/index.php)

- ادوات الصيد الثقيله (http://www.egyhunt.net/forumdisplay.php?f=66)

- - ملحوظه هامه وغريبه (http://www.egyhunt.net/showthread.php?t=16871)

bodygard 34

11-10-12 02:03 AM

ملحوظه هامه وغريبه

لاحظت فى الفتره الاخيره دخول مجموعه من الاعضاء الجدد وكلهم لهم هدف واحد او بيسألوا سؤال واحد مافيش غيره: ماتعرفوش حد بيبيع سلاح حى بدون ترخيص؟؟ وكأن المنتدى ده مليان سلاح برانى او شمال حسب التعبير الدارج وفيه اتنين محترمين بعتولى على الخاص ورسايلهم موجوده واى مشرف يقدر يخش يشوف هم كانوا باعتين لى ايه ..اعتقد ان ده مش لمصلحة المنتدى وحد من الاعضاء القدامى او من المشرفين ياريت يكتب موضوع يوضح الصوره عشان مانخشش تحت بند مش حلو وتسوء سمعة المنتدى

Biso007

11-10-12 08:04 PM

رد: ملحوظه هامه وغريبه

و مين قاللك انهم مش من "حبايبنا" ؟ :)

عادل عبده

11-10-12 08:24 PM

رد: ملحوظه هامه وغريبه

اقتباس:

المشاركة الأصلية كتبت بواسطة biso007 (المشاركة 216010)

و مين قاللك انهم مش من "حبايبنا" ؟ :)

ارجو من حضرتك توضيح القصود بالعباره

عادل عبده

11-10-12 08:25 PM

رد: ملحوظه هامه وغريبه

اقتباس:

المشاركة الأصلية كتبت بواسطة bodygard 34 (المشاركة 215647)

والله يا اخى انا لما بشوف اى حد بيجيب سيره سلاح حى برد عليه واذا كان فى ذالك مايعرضنى لمواقف مش لذيذه
وبقولهوم برجاء اعاده قرأه قوانين المنتدى

بأذن الله نعدى من المرحله ديه على خير

سامح عاشور

11-10-12 11:14 PM

رد: ملحوظه هامه وغريبه

اقتباس:

المشاركة الأصلية كتبت بواسطة عادل عبده (المشاركة 216021)

ارجو من حضرتك توضيح القصود بالعباره

أكيد قصده مخبرين أو مخربين :):cool:

اقتباس:

المشاركة الأصلية كتبت بواسطة عادل عبده (المشاركة 216022)

بأذن الله نعدى من المرحله ديه على خير

المرحلة دي طولت قوي...

عادل عبده

11-10-12 11:16 PM

رد: ملحوظه هامه وغريبه

كله على الله
وربنا يصلح الحال يارب

Alessandro

11-10-13 12:32 AM

رد: ملحوظه هامه وغريبه

اقتباس:

المشاركة الأصلية كتبت بواسطة عادل عبده (المشاركة 216169)

كله على الله
وربنا يصلح الحال يارب

امين يا رب

وعلى فكرة الناس اللى زى دى أقصد المخربين مش المخبرين بدأت تدور على السلاح الحى اللى مش مرخص فى المنتديات و ما شابه ذلك لان الشرطة بالتعاون مع الجيش بدأت تقريباً تحد من السوق الشمال ده فى المناطق العشوائية و الاماكن المشهورة ببيع الميرى المسروق او الحى اللى اتسرق من محلات السلاح والكلام ده .... و يارب يعدى الفترة دى على خير وربنا يستر
وعلى فكرة عمر المنتدى هنا سمعته ماحتسوء طول ما فيه ناس محترمة و اخلاق انا يمكن اكون من الاعضاء الجدد بس انا واحد من الناس اللى بتحب مجال الصيد بشكل خاص و الاسلحة بوجه عام بس مكنتش لاقى اللى يفيدنى ويمدنى بالمعلومات الصح و الاقى عنده النصيحة ولقيت المنتدى بالصدفة من خلال تصفحى للانترنت وعندما دخلت وجدت ما كنت احلم به وقلت لنفسى يا ريت كنت لقيت المنتدى من زمان و حبيت المنتدى قوى وزاد حبى ليه لما لقيت فيه ناس فى كامل الاحترام و الخلق الحميدة وبتسعى دايما لافادة بعضها و بجد حسيت انى واحد من العيلة

انا اسف على الاطالة

bodygard 34

11-10-13 01:43 AM

رد: ملحوظه هامه وغريبه

اعتذر ياجماعه عن عدم الرد بسرعه لدواعى السفر ..بس انا فى الاول شكيت انهم من حبايبنا حسب تعبير الاخ بيسو ودى اداره اسمها مكافحة الجريمه الالكترونيه(مكافحة اى مخالفه للقانون بتتم عن طريق شبكة النت او يستخدم فيها اجهزة الكمبيوتر) لكن لما لقيت اكتر من عضو جديد بيسأل نفس الاسئله فاعتقد انهم من حبايبنا التانيين(بلطجه وفرض سطوه) وادعو الله انهم مايكونوش من دول ولا دول ويكونوا من حبايبنا التالتين(شباب صغير وسخن ونفسه يشيل سلاح بأى شكل)

Alessandro

11-10-13 02:14 AM

رد: ملحوظه هامه وغريبه

اقتباس:

المشاركة الأصلية كتبت بواسطة bodygard 34 (المشاركة 216275)

يا ريت والله الكل يلتزم بضبط النفس للحد من التوتر فى المشاكل اللى بتقابلنا كل يوم سواء كبار او صغيرين عشان نقدر نتفادى الازمة اللى بتمر بيها البلد اليومين دول ويارب ما حد يحتاج يشيل سلاح خالص و نقدر نعيش فى امان بقى

عادل عبده

11-10-13 02:26 AM

رد: ملحوظه هامه وغريبه

اشكركوم على الردود المهذبه والتى تدل على كرم اخلاقكو احترامكو
وربنا يصلح الحال
وانا واعوذ بالله من هذه الكلمه واقف بالمرصاد لاى عضو يخالف قوانين المنتدى او الاخلاق فى القسم الخاص بيا واخوانى الكبار سننا ومقاما كلا فى موقعه
اعننا الله واعانكو اللهم امين

Biso007

11-10-13 11:18 AM

رد: ملحوظه هامه وغريبه

اقتباس:

المشاركة الأصلية كتبت بواسطة عادل عبده (المشاركة 216021)

ارجو من حضرتك توضيح القصود بالعباره

من الاساليب القديمة المعروفة لحبايبنا (امن الدولة السابق) ارسال رسائل او اعلانات مريبة (عندك حتة سلاح ؟ .. عايز اشتري حشيش ... انضم الينا لنصرة دين الله ... الخ) و تتبع من يرسل رد ... تحياتي.

MIDO911S

11-10-16 08:41 AM

رد: ملحوظه هامه وغريبه

ربنا يرحمنا ويستر علي البلد

الساعة الآن 01:53 PM