الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   صيد الثعالب (http://www.egyhunt.net/showthread.php?t=16888)

mo_rateb 11-10-12 02:48 PM
صيد الثعالب
 
4 مرفق
الاول كدا عشان ناس كتير بتستغرب من الناس اللى بتطلع مخصوص طلعات صيد تعالب، انا بعتبره من امتع انواع الصيد نظرا ان الطلعة نفسها حتى لو مصطدناش حاجة تعتبر مغامرة، جو الصحراء او الجبال بالليل و طريقة الاستعداد و المخاطر اللى بتبقى حواليك بتخليها تجربة مميزة لهواة الصيد او المغامرة عموما. غير انو كتير بيبقى بغرض حماية المزارع اللى فيها مواشى لانهم اكلة التعلب المفضلة و بيخسروا اصحاب المزارع الاف. و فى ناس تانية بتصطادو لغرض التحنيط نظرا لشكله المميز.

نبتدى الاول بوصف الثعلب للناس اللى ماشفتوش قبل كدا. هو بتبقى ودنو شبه القطة و ووشه شبه الكلب و زيله بيبقى مميز قوى. معظمهم بيبقى لونهم بنى، لكن انا صادفت واحد لونه ابيض!!!!! شكله موجود هنا
http://1.bp.blogspot.com/-VzpMlCu9dr..._Fox_Adult.jpg
هو حيوان جبان جدا و صيده صعب لشدة جبنه، اوقات ظهوره غالبا بالليل قوى و فى المناطق الصحراوية و الجبلية و احيانا الزراعية بس نادر.

صيد الثعالب بيبقى معظمه بالليل و فى مناطق صحراوية معظمها بيكون خطر لوجود حيوانات سامة مثل العقارب و الثعابين فيفضل الصيد قبل الفجر ب ٣ ساعات مثلا لان معظم الزواحف بتبقى نايمة فى الوقت دا. غير الكلاب السعرانة و الذئاب و دول اللى ممكن يهجمو عليك من الخر الثعلب هو اقل الخطر لانو جبان و يشوفك يجرى. الخطورة انك لازم تبقى فى ظلام تام لان الثعلب بيهرب من اى ضوء احنا بيبقى معانا كشافات xenon بتتلبس فى الدماغ اول مبنحس بحركة بنور على طول و للاسف نادر اما هتعرف تجيبو لانو سريع. بالنسبة للسلاح عن نفسى بستعمل بندقية مورس لكن يفضل الخرطوش. اللبس لازم boot محترم عشان الثعابين و يفضل يبقى كل لبسك اسود عشان متعكس اى ضوء لانو حساس جدا ناحيية الضوء.

التجهيز عن نفسى بيبقى معايا البندقية المورس بتاعتى و سنكى او خنجر باخده عشان التعابين بالزات، طبعا ال boot و دا اهم حاجة. و جونتى و كشاف و مسدس الغاز بتاعى عشان لو كلاب او ذئب هجموا و مسدس صوت معدل و مياه طبعا.

و للناس اللى هتسأل اذا كان الرش ينفع او لا، اى بندقية هاى بور زى الكرال كدا تنفع لكن المشكلة انك لو مجبتوش من اول طلقة لازم تضرب الثانية فى ثوانى و الرش تعميرها مبيسعدش على كدا، لكن اعتقد دى مشكلة تتحل ان المجموعة تبقى كبيرة و اللى يضرب و مجابش اللى وراه يرد على، و طبعا لازم الضرب فى الدماغ.

moneey1975 11-10-12 03:06 PM
رد: صيد الثعالب
 
تسلم يا باشا علي المعلومات الجمليه ديه

هشام سمير 11-10-12 03:11 PM
رد: صيد الثعالب
 
تسلم عيونك بس الاخوه اللى بيجيدو الضرب المفتوح بالرش مبيوجهوش اى مشكله واناالحمد لله ربنا كرمنى وجبته بالرش
تسلم ايدك على الموضوع

mo_rateb 11-10-12 03:16 PM
رد: صيد الثعالب
 
اقتباس:
المشاركة الأصلية كتبت بواسطة هشام سمير (المشاركة 215859)
تسلم عيونك بس الاخوه اللى بيجيدو الضرب المفتوح بالرش مبيوجهوش اى مشكله واناالحمد لله ربنا كرمنى وجبته بالرش
تسلم ايدك على الموضوع
طبعا المحترفين مش هايواجهوا مشاكل لانهم بيبقوا واثقين من ضربتهم و مش هايحتاجو طلقة تانية.

احمد صابر حسن 11-10-13 09:52 AM
رد: صيد الثعالب
 
عقبال ما تصطادو افيال

kefafy 11-10-13 09:58 AM
رد: صيد الثعالب
 
الله ينور عليك والله
موضوع جميل
تسلم ايدك

هشام سمير 11-10-14 12:49 AM
رد: صيد الثعالب
 
اقتباس:
المشاركة الأصلية كتبت بواسطة mo_rateb (المشاركة 215862)
طبعا المحترفين مش هايواجهوا مشاكل لانهم بيبقوا واثقين من ضربتهم و مش هايحتاجو طلقة تانية.
متشكر جداً لزوق سيدتك

عادل عبده 11-10-14 12:54 AM
رد: صيد الثعالب
 
اقتباس:
المشاركة الأصلية كتبت بواسطة هشام سمير (المشاركة 215859)
تسلم عيونك بس الاخوه اللى بيجيدو الضرب المفتوح بالرش مبيوجهوش اى مشكله واناالحمد لله ربنا كرمنى وجبته بالرش
تسلم ايدك على الموضوع
ارجك يا هشام باشا بلاش تعقدنا
راعى ان اخواتك على قدهوم وكده ومش بيعرفو يضربو يمام عشان يجيبو ثعالب

هشام سمير 11-10-14 01:07 AM
رد: صيد الثعالب
 
اقتباس:
المشاركة الأصلية كتبت بواسطة عادل عبده (المشاركة 216761)
ارجك يا هشام باشا بلاش تعقدنا
راعى ان اخواتك على قدهوم وكده ومش بيعرفو يضربو يمام عشان يجيبو ثعالب
يا باشا سيبك من التواضع ده انا بسمع عنك العجايب ولا انتا بتخاف من الحسد ;)

عادل عبده 11-10-14 01:09 AM
رد: صيد الثعالب
 
اقتباس:
المشاركة الأصلية كتبت بواسطة هشام سمير (المشاركة 216771)
يا باشا سيبك من التواضع ده انا بسمع عنك العجايب ولا انتا بتخاف من الحسد ;)
ياباشا تواضع ايه بس وحسد ايه
ده انت رزعت التعلب رشه ابالبام قفلته
اللهم لاحسد ولاقر ولاحقد يعنى
عقبال ماربنا يرزقنى بحته بام كده

boody 11-10-14 09:44 AM
رد: صيد الثعالب
 
مش دة التعلب المكاار ههههههههههههه
ربنا يوفق الجميع

tatoo 11-10-14 10:56 PM
رد: صيد الثعالب
 
الله ينور عليك
وحضتكعلى كده بتصطاد فين ؟؟

mo_rateb 11-10-15 02:22 PM
رد: صيد الثعالب
 
اقتباس:
المشاركة الأصلية كتبت بواسطة tatoo (المشاركة 217231)
الله ينور عليك
وحضتكعلى كده بتصطاد فين ؟؟
كان غالبا بيبقى فى انشاص او فى احمد عرابى فى العبور

koktal 11-10-16 05:38 PM
رد: صيد الثعالب
 
ما شاء الله .. ممكن شوية أسئله
البندقيه الموريس فى حدود كام نفس النوع فى الصوره ومكان بيعها وإجراءات ترخيصها ؟؟ .. وشكرا

mo_rateb 11-10-16 11:23 PM
رد: صيد الثعالب
 
اقتباس:
المشاركة الأصلية كتبت بواسطة koktal (المشاركة 218243)
ما شاء الله .. ممكن شوية أسئله
البندقيه الموريس فى حدود كام نفس النوع فى الصوره ومكان بيعها وإجراءات ترخيصها ؟؟ .. وشكرا
ولاهى انا مش عارف سعرها فى مصر كام و اذا كانت موجودة ولا لا. هيا من شركة savage arms موديل mark II انا كنت جايبها من امريكا كان سعرها حوالى 400 دولار. بس اعتقد المورس سعرها مش غالى قوى فى مصر زى الباقى. بالنسبة لترخيصها فهى نفس فئة الخرطوش و هو ترخيص بغرض الصيد.


الساعة الآن 07:32 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir