|
سؤال محيرني .. الهاي بور ليه؟؟؟؟
السلام عليكم و رحمة الله و بركاته ... الاخوة الافاضل و الزملاء الاعزاء ... سؤال بس بسيط و مش هطول عليكم .. معظمنا بيصطاد حمام و يمام و غيره من الطيور العادية سواء بنمرة واحد او نمرة 2 لكن اللي نفسي اعرفه .. البندقية الهاي بور دي هل معمولة برضه للطيور دي و لا لحاجات تانية ؟؟؟ و اللي بيجيبها لصيد الطيور دي هل بيستفيد من القوة دي في حاجة ؟؟ ارجوا اجابات شافية لان الموضوع ده بيزن في دماغي من وقت للتاني و شكرااااا:):)
|
رد: سؤال محيرني .. الهاي بور ليه؟؟؟؟
اللى بيفرق اكتر من نوع الطريدة هو المدى المؤثر يعنى البنادق متوسطة القوى ممكن تصيد من مسافة 25-30 متر مثلا و الهاى باور ممكن تقفل الطير من مسافة ضعف دى
و طبعا تشريح الطير اللى بتصطاده بيفرق من طائر ضعيف زى اليمام لطائر بنيته قوية زى الغراب مثلا تحياتى و فى انتظار ردود باقى الاعضاء |
رد: سؤال محيرني .. الهاي بور ليه؟؟؟؟
بس يا محمد حافظ باشامش بك بس
انا هقولك رأى الشخصى ولعله يكون شافى لحضرتك الموضوع ان الهاى باور خارج مصر بيصطاد بيه خنازير وارانب وتعالب بس طبعا يكون الضرب فى مقتل واخونا العزيز الاستاذ هشام سمير قافل تعلب ببندقيه بام ربنا يوعدنى واجيب وحده( قول امين) ديه اجابه اول سؤال ندخل فى التانى احنا بقى بنجرى وبنهرول ليه عشان نجيب هاى باور اقولك برده انا جبت هاى باور ليه لانى مش بصطاد فى مناطق قريبه ولانى مش صيااد تعلب زى الصيادين المحترفين والمقصود بتعلب انه بيقرب من اليمامه جدا فبيعرف يضربها بالبنادق البطيئه انا بصطاد غالبا اقل مسافه 20 متر وده طبعا يعتبر مش بعيد بس برده مش قريب والرمسيس صراحه كانت بتجيب معايا ساعات بس ساعات كتير كنت بتريش لو مش متزيته والرش مصرى تالت حاجه كلنا نطمع دائما فى الاقوى وجرى وراء القوه المفرطه وحب الاقتناء عندك الدكتور حوكا كان مبهدل الدنيا بالرمسيس انا برده جبت هاى باور واللى هى الكرال عشان نفسى اجيب بيها بط او ارانب لاكن الصراحه لسه مجربتش انا اسف جدا طولت عليك اووووووى بس يارب اكون افدتك |
رد: سؤال محيرني .. الهاي بور ليه؟؟؟؟
اقتباس:
|
رد: سؤال محيرني .. الهاي بور ليه؟؟؟؟
اقتباس:
|
Re: سؤال محيرني .. الهاي بور ليه؟؟؟؟
ابسط مثال عندك النوريكا الاسبورت سرعتها 160 متر فى الثانية نمرة 2
والمدى المؤثر ليها لا يتعدى ال 25 متر وبعد ذلك تبدأ الرشة فى الانحراف وبالتالى حتى فى المدى المؤثر بتاعها مش هتقدر تصطاد كل اللى انت عايزه فيه طيور بتقع على طول فيه طيور بتتحمل زى الغربان لازم البندقية تكون هاى باور وفى مقتل كمان |
رد: سؤال محيرني .. الهاي بور ليه؟؟؟؟
اقتباس:
وعلى فكره مش كل القوه بتبقى غير دقيه الكرال مثالا لما بتتظبط بتقبى دقيقه واصلى بأذن الله وعند الهانتر 440 وفى حاجات تانيه كتير مش عاوز انسى واظلم بندقيه وبجد شكرا على مرورك |
رد: سؤال محيرني .. الهاي بور ليه؟؟؟؟
اقتباس:
|
رد: سؤال محيرني .. الهاي بور ليه؟؟؟؟
انا هجاوب حضرتك مع احترام وجهات النظر الاخرى طبعا
الانسان دائما بيدور على القوه وبعد كده يدور على الدقه لاحظ كده اعضاء المنتدى هتلاقى معظمهم يمتلكون بنادق رش تتعدى سرعتها 200 متر فى الثانيه مع اختلاف انواع البنادق طبعا لاكنها مشتركه فى حاجه واحده بس وهى القوه وبصراحه البندقيه الهاى بور بتفيد فى استخدامات تانيه مثل كلب سعران او ما شابه بيضايق الناس او محل تهديد تقدر تقتله بيها واخص بالذكر البندقيه البام .. وباللغه المصريه البسيطه من الاخر الناس بتحب تلخص فى الصيد يعنى انا ليه يكون معايا بندقيه دقيقه جدا واحتمال تجيب طير قوى ولا لا يبقى الافضل اننا نلخص ونجيب بندقيه هاى بور بحيث لو جات الطلقه فى اى مكان فى الطريده هتسبب ضرر كبير لها اتمنى ان اكون افادتك |
| الساعة الآن 12:48 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir