ايهما اقوى
 

سؤال للناس الخبره
ايهما اقوى جامو هانتر 1250 ام ديانا ماجنوم 350 ام ويبلى باتريوت والمقارنه هنا من حيث القوه فقط

رد: ايهما اقوى
 

مستر جامو سبقتنى بالسؤال انا كنت بفكر امبارح انى اسأل على أقوى بندقية على الاطلاق زى ما احنا شفنا اقوى واحسن عشر اسلحة نارية فى العالم الطبيعى ان احنا نسأل على أقوى بندقية رش موجودة فى مصر وفى العالم عموما من باب العلم بالشىء لأن الحاجات دى ثمنها رخييييييييييييييييييييييييييييييييييييص أوى زى ما كلنا عارفين مش من مستوانا يعنى وبخصوص سؤالك فانا اعتقد ان اهل الخبرة حتكون اجاباتهم محصورة بين الويبلى والديانا وبس ومتزعلش انى طلعت الجامو من المنافسة يا جامو والسلام عليكم

رد: ايهما اقوى
 

الاخ العزيز
من وجهة نظري الشخصية ان الترتيب العام هو الديانا 350 ماجنوم / ثم الباتريوت / ثم الهانتر 1250 علي الرغم من وجود هانتر اكستريم 22 بسرعة 1250 fps ودا الانتاج الخاص بامريكا لكن مع الاحترام لكل الشركات فأن الديانا ماجنوم 350 هي احدي افراد عائلة ديانا وما ادراك علي الديانا من حيث القوة ذي ما انت سألت فقوة اي بندقية ديانا لاتقارن باي بندقية في العالم وشكرا

رد: ايهما اقوى
 

من الاخر ياجماعة الاى عندو بندقية غير الديانة يولع فيها علشان استاذ/ جلال ينبسط طبعا انا بهزر

رد: ايهما اقوى
 

ماشي يا ابو زياد انت كدا زعلت المنتدي مني وانا مقدرش علي زعل اضغر واحد وانا لسة منضم الي فريق الديانا قريب بعد لما عقدي خلص مع النوركا وكانت فترة الانتقالات الشتوية وبعد ترشيح الكوتش طلعت ليا وطبعا تدخل في الموضوع وكيل اعمالي وكان الانتقال سهل جدا

رد: ايهما اقوى
 

استاذ /جلال محدش مكن يزعل منك ابدا اما الديانا محدش يقدر يقول عنها حاجة وده طبعا بعد انضمام سيادتك و الاستاذ اسامة الي فريق الديانا وطبعا بمعرفة طلعت باشا

رد: ايهما اقوى
 

بيتهيالي الاقوي هي البتريوت ثم ال1250 ثم ال350 ده من وجه نظري
ا جلال واحشني يا كبير

رد: ايهما اقوى
 

يا باشا واللة ماقدر على زعل سياتك انتا عارف حبى وحب الاعضاء لحضرتك قد اية

رد: ايهما اقوى
 

ايه يا شباب
الاستاذ جلال عمل مجموعه لعشاق الديانا فى المجموعات الاجتماعيه
فين منتخب الديانا وفين صورهم ؟؟؟؟؟؟؟

رد: ايهما اقوى
 

حسام حبيبى عمرى ما ازعل منك والسؤال اصلا للاستفاده مش عشان معايا الهانتر وبمناسبه الخناقه اللى فى المداخلات مع انها هزار احنا ممكن نلخص الموضوع ببساطه همه شويه هوا بيزوقوا رشايه وشكرا لمروركم جميعا

رد: ايهما اقوى
 

الاستاذ الفاضل gamohunter بطبيعة الحال البندقية الهانتر 1250 من البنادق الهي باور الرائعة وهي في الاستعمال ممتعة وقوية جدا بس ان بحاول اكون حيادي في ابداء الرائ هي فيها بعض الملاحظات الي الاخوة الاعضاء اتكلموا عليها من خلال تجاربهم الفعلية وهي مجموعة الزناد ولكن طبعا هي بتتحل لان المصريين طبعا مخترعون وهي بندقية تحاكي الندقية الرائعة الويبلي باترويوت لدرجة ان سوستة الباترويوت تركب عليها بس التعليق عليها ان الاصدار الي بينزل مصر مش بنفس القوة الي بيكون في امريكا مثلا ولما قلت ان الديانا هي الافضل كان القصد ان المنتج الالماني لة سحرة وقوتة وطول عمرة وعلي العموم هي بندقية جميلة وربنا يبارك لك فيها وعايزين نشوف الصور الي اصتدها بها قريب ان شاء الله

رد: ايهما اقوى
 

كلام ممتلئ بالصحة والحياد والمنطقية ولأستطيع التعليق بشئ من بعده

رد: ايهما اقوى
 

بسم الله الرحمن الرحيم
من وجهه نظري وانا امتلك ويبلي باتريوت وديانا ماجنوم 350 ان الترتيب من حيث قوه الطلقه هو الويبلي بلا منازع ثم الديانا ماجنو 350 ثم الجامو الهانتر 1250 ده رئيي من غير زعل من حد

رد: ايهما اقوى
 

حبيبي عمرو بك انا متفق معاك ان الويبلي اقوي بس تعالي نشوف الاعطال في الويبلي و الاعطال في الديانا وقوة التحمل في الاتنين ها نلاقي ان الديانا بطبيعة الحال اعطالها اقل والتحمل طبعا الديانا المانيا يا ريس وجهة نظر

رد: ايهما اقوى
 

الى الاخوة اصحاب الردود كلهم احترام... بس طلب الاخ جاموهانتر كان بالنسبة للسرعة والسرعة فقط .. اما طاقة الحركة والاحتمال والعيوب دا موضوع تانى.. فراى حسب القياسات ان الجامو هانتر1250 هى اسرع بندقية ضغط هواء على الرش الرصاص بالنسبة للبندقية نمرة واحد. اما بالنسبة للماجنوم 350 فى اسرع بالنسبة للرش الرصاص نمرة 2 ثم الباتريوت الاسرع بالنسبة للرش نمرة 3 ولا يوجد تفسير لهذه القياسات الا فى قوة الدفع. اما بالنسبة لطاقة الحركة فى فهى الفايروخ 90 (لعدد الشخشنات) ثم الباتريوت ثم الديانا.

رد: ايهما اقوى
 

راى الشخصى مع الاحترام لجميع الاعضاء المحترمين
الجامو هنتر اكستريم اقوى و ارسرع بندقية ضغط هواء على الاطلاق 1650 فيت
الدينا 350
ثم الويبلى
و شكرا

رد: ايهما اقوى
 

طبعا انا متفق معاك بس الاصدار دة موجود في امريكا فقط لانهم بيحبوا القوة المفرطة ودا سرعة العيار 1.77 والعيار 5.5 سرعتة 1250 fps تحياتي

رد: ايهما اقوى
 

الاستاذ الفاضل جلال خليفة كلامك صحيح 100/100

رد: ايهما اقوى
 

والله يا جماعة انا معا الاستاذ جلال خليفة انا وانا بشترى بندقيتى الديانا كانت المقارنة بينها وبين ويبلى با تريوت انجليزى اصلى مش تركى وجربت الاتنين بصراحة انت تقف امام الديانا تحس انها بندقية مختلفة قوة وفخامة واداء رائع بصراحة انا بعتبرها الاولى بكل المقاييس