|
حادث مروع
السلام عليكم ورحمة الله وبركاتة
انهاردة كنت رايح الشغل تحت سلم اسكندرية الصحراوى حصلت حادثة مروعة وفعلاً ربنا يستر على كل واحد راكب عربية او سائق عربية المفروض الناس متسوقش بسرعة جنونية والله حادثة والا فى الافلام الاكشن ومن ساعة ما شفت المنظر دة الواحد اعصابة تعبت وحمدة ربنا وشكرتة ان الراجل صاحب العربية خرج سليم المهم كنت واقف بالظبط تحت سلم الصحراوى وفوقى الكوبرى المتجة الى 6 اكتوبر المهم فوجئت بخبطة جامدة فى سور الكوبرى وهب حديد حتة من السور انكسرت وعربية سقطت من فوق الكوبرى بمسافة 20 متر عربية فور ماى فور والناس صرخت وانا بجرى لمين وشمال طفاية طفاية يا جماعة المهم الناس بتجرى النار مسكت فى العربية والعربية لما وقعت من فوق الكوبرى اصبحت مقلوبة والحمد لله انها بها شخص واحد السائق المهم ثلاثة ربنا يخليهم هما اللى عرفوا يخرجوا الراجل والنار مسكة فية من رجلة وبطنة محروقة خفيف والناس فضلت تحدف تراب على رجلة يمكن النار تنطفى بعد ما خرج من العربية وهوة مغم علية اول مرة اشوف عربية بتنفجر ادام عنية العربية انفجرت وخزان البنزين انفجر واصبحت كتلى نار وانا واقف حمدت ربنا ان الناس قدروا يخرجوا الراجل من العربية اللى دربكنا ان واحدة ست كانت واقفة بتصرخ المهم الناس جابوا طفايات معملتش حاجة لغاية لما الاسعاف جت والمطافى جت وقدروا يطفوا العربية بعد ما اصبحت خردة كأنها مضروبة بأربيجى واطمأنينا من الاسعاف على الراجل والحمد لله بة كسور وحروق خفيفة فعلاً سبحان الله مكتوبلة عمر جديد الحمد لله الناس بخير |
رد: حادث مروع
يا رب سلم حاجة جامد قولى
|
رد: حادث مروع
حمدالله على سلامتك يا باشا متتخضش
ده بتاع ربنا اعرف جار لينا من يومين اتقلب بميكروباص (هو سواق ) وبقى ماشى على السقف بسبب انفجار الكاوتش الامامى هو و12 راكب وسبحان الله كله خرج سليم وهو بس جاله تمزق بالاربطه |
رد: حادث مروع
انكتب لة عمر جديد انا شفت الحادثة دى وانا فى اوتوبيس الشغل وكان المنظر بشع
والناس كانت هتتجنن العربية وقعت من فوق الكوبري ونزلت وكان يوم صعب جدا وربنا يسترها على كل الناس وتعقل كدة و تسوق بهدوء وربنا يسترها على الناس كلها |
رد: حادث مروع
اقتباس:
|
رد: حادث مروع
الحمد الله و ربنا يسترها علينا
|
رد: حادث مروع
انا مرة شفت حادثة ازاى عربية نقل كبيرة اوى مقلوبة عاى جنبها و تحتها عربية فيات128 متساوية بالارض و 10 عربيات كلهم متخبطين فى بعض خبطات جامدة بدون اصابت بس الفيات كان فيها اصابات جامدة
|
رد: حادث مروع
ربنا يستر العربيات النقل ممنوع تعدى فوق كوبرى المحور بس استغلوا التغيب الامنى فى ايام الثورة وبيطلعوا المحور
|
رد: حادث مروع
الحمد الله و ربنا يسترها علينا
|
رد: حادث مروع
اقتباس:
|
رد: حادث مروع
اقتباس:
|
رد: حادث مروع
مش فاهم حضرتك
انا بقول ان الناي تتعلم وتسوق بعقلانية |
رد: حادث مروع
تسلم ايدك معلش انا اسف فهمت حضرتك غلط
|
رد: حادث مروع
الموقف دة يدل علان الخبر فى اهل مصر ان شاء الله الى يوم القيامه تحيه الى الشعب الطيب
|
رد: حادث مروع
من ست سنين كنت راجع من شغلى المجهدفى اكتوبر على سرعة تسعين اسلم على قرايبى واوصلهم للمحطة بعد حفلة الشبكة بيوم..
محسيتش بنفسى يعنى نمت خخخخخخخخخخخ خخخخخخخخخخخخخ خخخخخخخخخخخخ والعربية مشيت بمزاجها دخلت الجزيرة الوسطانية .. وشالت شجرة ضغيرة فى سكتها وانا لسة نايم..خخخخخخخ لحد ما دخلت فى عمود النور ابو اتنين كشاف وكلتة العربية فى طريقها فلقتة نصين وصحيت على صوت زى انفجار الرصاصة.. بصيت حواليا مش مصدق الى حصل واتلقيت انى واعى بالكارثة.. جيت انزل مالعربية اتلقيت دراعى اليمين عامل زى رجل البيجامة عرفت انة اتكسر رحت فاتح باب العربية وشايلة بدراعى الشمال ونازل.. اتلقيت العربية من الامام زى علبة كانز وتريلا عدت عليها.. بجد انجزعت عليها اكتر من مشكلة دراعى خصوصا انى حركت صوابعى عادى فعرفت انها جت سليمة بفضل الله.. أسلاك الكهربا الى اتقطعت مع سقوط العمود مكهربتنيش مع انها قطعت التيار عن المنطقة..مصيبة وربنا سترها ..كنت على بعد 500 متر من جامعة مصر ..لا أصبت احد ولا خبطت فى سيارة احد ولايوجد بفضل الله ما يعذب ضميرى.. نيجى على الى جاى..البوليس المصرى ممثلا فى امين شرطة.. يرى ان واجبة ينحصر فى معرفة شخصية محدث التلفيات بعمود الانارة المال العام فيسألنى عن البطاقة وانا انزف من انفى ولا أقوى على ترك ذراعى .. الأمين ويالة من اسم لم يفكر فى استخدام الاسلكى لطلب الاسعاف كأى عاقل فى أى مكان ويكرر طلب البطاقة بإلحاح بعينين فيهما الغدر..وكأنى ليس بشرا .. البطاقة فى جيب القميص.. التقطها واطلع على البيانات وسجلها وشكرا شغلة خلص على كدى فطلبت من احد الواقفين المندهشين التقاط الموبايل والاتصال برقم زميلى فى الشغل .. وتوالت الاحداث..لأعرف بعد ثلاث سنوات بمحض الصدفة ان وزارة الكهربا وجهاز ستة اكتوبر رفعا على قضية اتلاف مال عام وحصلوا على حكم لصالحهم بغرامة مائة جنية وحبس شهر..ما هذا العبث؟ لقد دفعنا مبلغ ستمائة جنية للكهرباء وقت الحادث؟ وكان الجواب هذة رسوم اعادة التيار اما التعويض عن الاتلاف لة حساب آخر..بجد شعرت بأننا فى دولة عجيبة فمتى تم التقاضى وكيف تم دون حضورى؟ ومن هو القاضى الذى اصدر هذا الحكم.. وكم مرة تكرر هذا العبث بمستقبل الناس مع بشر غيرى..تساءلت كيف يفرح بعض الناس بمناصبهم وهم يسببون المصائب للناس.. تساءلت عن بشر لا يعلمون بوجود الله المنتصر لكل مظلوم من كل جبار.. وبدأت رحلة ماراثونية للمعارضة فى الحكم وتحديد موعد مع مدير الكهربا والمسؤل عن تحديد قيمة التلفيات لسدادها وعمل محضر بالتصالح.. وايقاف حكم القاضى المهرج.. وانا فى مجمع المحاكم رأيت بشرا فى اوضاع لا انسانية .. أب مسن وابنة مقيدان بكلابش واحد ومجبران على الانتظار ساعات فى انتظار وكيل النائب العام .. الرجل المسن نام جالسا ويدة مشدودة الى ابنة ينظر الية نظر العاجز..ساعتها والله شعرت بأن النظام ساقط لأن الله سينتقم للمظلومين ويذيق الظالم من نفس الكأس.. والحديث فى تلك الأمور يطول وانا عندى شغل كثير جدا تحياتى. |
رد: حادث مروع
فى التئنى السلامه وفى العجله الندامه
|
رد: حادث مروع
ربنا يسترها علينا كلنا
|
رد: حادث مروع
قدر الله ماشاء فعل .....الحمد لله انها جت على حتت حديدة والانسان سليم
|
Re: حادث مروع
حكمة ربنا ......انا اعرف واحد وقع من الدور السادس قعد فى الجبس شوية وزى القرد دلوقتى
:d |
رد: حادث مروع
ربنا يكفينا شر العربيه
و السواقه ملهاش كبير |
رد: حادث مروع
ربنا يسترها معانا جميعاً و الحمد لله على إنها جت على أد كدة.
اقتباس:
|
رد: حادث مروع
الحمد لله ان ربنا مسخر ناس لانقاذ حياة الناس
|
رد: حادث مروع
معرفتش يباشا ايه الي خلاه يقع وهو ماشي بسرعه ونوع العربية بالظبط ايه؟
|
رد: حادث مروع
انا هؤل لحضرتك اية السبب كان ماشى بسرعة وماسك لمين الطريق وكانت عربية جب مبة المهم مع السرعة خبط فية وطلعة على الرصيف فابتالى دخل فى السور السور انكسر بعرض خمسة متر والعربي وقعت انا بحمد ربنا ان السواق هوة اللى موجود بس علشان العربية لما وقعت اندكت كأنك ماسك كانز بيبسى فاضى وطبقتة بأيدك وصعب ان لو كان حد تانى فيها ان يطلع منها والعربية نوعها فور ماى فور انا بعد ما اطمئنيت على السواق من الاسعاف اتلاقيت الناس بتصور العربية وهيا ولعة بعد ما انفجرت صورتها انا كمان بس لما كتبت الموضوع مرضيتش انزل الصورة علشان الاخوة الاعضاء ماتتخنقش من صورتها
|
| الساعة الآن 02:13 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir