|
حاجة مقلقة حصلت
يا جماعة فية حاجة مقلقة حصلت عندنا فى العمارة وهى صوت فرقعة قوية ونزول كميات من الرمل من السطوح
دة معناة اية هل معناة ان العمارة هتقع لا قدر الله ولا لاء وكمان عايز اءقول ان الصوت دة حصل مرة واحدة بس ومحصلش تانى وكمية الرمل اللى وقعت مش كتير بس انا شايف ان سكان العمارة عايشين حياتهم عادى والكل نازل على السلم وطالع |
رد: حاجة مقلقة حصلت
اطلع السطح شوف فى اية
|
رد: حاجة مقلقة حصلت
بسم الله اخى العزيز ممكن السكان يشتركو وتجيبو مهنس استشارى من مكتب معتمد وتخدوا منة تقرير كتابى على مسؤلية المكتب والمهندس واضع التقرير وتفهمة انك هترفعة للحى حتى يهتم ويعمل حساية على المسؤلية وربنا يستر
|
رد: حاجة مقلقة حصلت
ماشى بس انا عايز اعرف
طيب حد عندة معلومات على العلامات الاولى لانهيار اى عمارة يعنى اية اللى بيكون حاصل علشان نقول ان العمارة دية هتقع |
رد: حاجة مقلقة حصلت
السلام عليكم
اخى الكريم ارجوك ان تحاول مع السكان انهم يبطلوا اللامبالاه دى دى اواحكم اللى فخطر مش اى كلام لازم تتاكد ومش بنفسك زى اخوناالعزيز مقال لازم مهندس لان ممكن العمارة تكون بتريح ولازم تلحقوا قبل ميحصل ما لا يحمد عقباه وربنا يسترها عليك تحياتى |
رد: حاجة مقلقة حصلت
شكرا اخى pooforever
يعنى اية العمارة بتريح يعنى تقصد صوت الفرقعة والرمل اللى نزل من السطوح ان بكدة العمارة بتريح ويعنى اية بتريح وشاكر لردك |
رد: حاجة مقلقة حصلت
بتريح يعنى الارض بتلعب تحتها و الاساسات مش ثابته مكانها و حته من الاساسات اتحركت لتحت سنه صغيره و ده وارد فى بعض انواع التربه و لما تكون الاساسات ضعيفه شويه على العماره و مش مربوطه ببعض كويس.... اطلع شوف و شوف كمان الادوار كلها و دور على شروخ... العمارة بتتشال على العمدان و هى دى اساس العماره و العمدان بتشيل الكمر و الكمر بيشيل السقف و السقف ملوش اى لزمه الا عشان يشيل شوية الاحمال الى عليه الى هى احنا و العفش و التشطيب.... اهم حاجه العمدان و بعدين الكمر بس حكاية الترييح ده لازم تبان فى شروخ و غالبا هتكون كتيره فى العماره... هات مهندس احسن مش هياخد كتير على فكره
|
رد: حاجة مقلقة حصلت
اقتباس:
وكل حاجه سهل تتظبط بس المهم تتلحق فاولها وربنا يسترها |
رد: حاجة مقلقة حصلت
انا شاكر جدن على تفاعلكم معايا اخوانى الاعزاء
بس بالنسبة لموضوع الشروخ دة مفيش خالص بس كل اللى حاصل ان كل شوية نسمع صوت فرقعة جاية من السطوح ونبص نلاقى رمل بينزل من السطوح وشوية من السكان طلعوا فوق وانا معاهم ملناش اى حاجة خالص ولا فية اى شروخ بصراحة حاجة غريبة ومش عارفين صوت الفرقعة دة جاى منين ولا الرمل دة بينزل منين |
رد: حاجة مقلقة حصلت
حبيب قلبى من غير شكر ولا حاجه حياتك تهمنا طبعا
ممكن على فكرة تكون المشكله من عماره من اللى جنبك هى اللى بترح على جنب وتسند عليكم برجاء الاهتمام لان الموضوع مش هين تحياتى |
رد: حاجة مقلقة حصلت
طيب بس غريبة اوى صوت الفرقعة دية ومنين كمان من السطوح وعلى فكرة حصلت لغايت دلوقتى اربع مرات وكمان الرمل اللى عمال ينزل من السطوح دة جاى منين
دة حتى واحد من سكان العمارة اللى طلع معانا السطوح علشان نشوف الصوت دة جاى منين عمال يهزر ويقول ان العفاريت بتلعب مع بعض |
رد: حاجة مقلقة حصلت
اخى الكريم انا اسف فاللى حقوله بس مش قصدى حاجه وحشه والله
موضوع زى ده محتاج عين خبيرة واسف ان ممكن انكم متشفوش اللى المهندس ممكن يشوفه اسف ويا ريت متفهمنيش غلط |
رد: حاجة مقلقة حصلت
السلام عليكم .. أخي العزيز الموضوع دة خطير وممكن لا قدر الله نتايجة غالية وحلوله بسيطة وهي الكشف بواسطة مكتب فني هندسي علي الخرسانة والأعمدة والكشف عن حديد التسليح وفحصة .. وتكون العينة من مختلف الطوابق وليست من الطابق المتضرر لأن ما أخشاة ان يكون في الخرسانة ترييح .. لأن موضوع سقوط الرمل دة خطير .. سلمكم الله وحفظكم سالمين
|
رد: حاجة مقلقة حصلت
اعتقد ان دة عيار نارى اصيب السطح لا التريحات لا تعمل صوت فرقعه ولا الشقوق
|
رد: حاجة مقلقة حصلت
اخى العزيز
اول سؤال هل العمارة ايجار قديم بمعنى ممكن المالك بيعمل شوية الاعيب يخلى الاساسات تتخلخل وبالتالى ظهور تصدعات اوشروخ مبدئية صغير لا ترى الا للعين الخبيرة يرجى سرعة استدعاء مهندس متخصص فى الانشاءات لان دا على الرغم من خطورتة الا اى مهندس صغير يمكن اكتشافة وبعد ذلك يمكن الاستعانة بمكتب استشارى ودى حجات غير مكلفة الموضع ملح لاقتران الشروخ بوجود فرقعة |
رد: حاجة مقلقة حصلت
اخى الكريم لازم تجمع السكان ومتسكتش وتشوفوا مهندس استشارى يجى بخبرتة فى مجالة يعمل الفحص الازم وياريت السرعة يا اخى لازم السرعة وطمنا عليك وان شاء الله خير
|
رد: حاجة مقلقة حصلت
اقتباس:
هههههههههههههههههه |
رد: حاجة مقلقة حصلت
اقتباس:
طيب اقول اية هههههههههههههههههههه |
رد: حاجة مقلقة حصلت
انا بقول ممكن يكون حد جاب بندقيه ويبلى ولا 54 اير كينج وبيضرب فى الواجهه بتاعه عمارتكو
:d ما اقصدش استهزأ بس للخروج من جو القلق انا سعيد بمشاركه الاخوه الاعضاء وخوفهم على اخونا وان شاء الله يكون خير بس حضرتك فعلا شوف مهندس يكشف عليها وان شاء الله يكون مجرد بندقيه هاى باور بتضرب فى سطحكو وخلاص :d سلام عليكم |
رد: حاجة مقلقة حصلت
اقتباس:
|
رد: حاجة مقلقة حصلت
متشكر ليكم جميعا احبائى واخوانى الكرام على تفاعلكم ومجهوداتكم فى الرد
بس قسما بالله يا اخوانى دة يعتبر شىء اغرب من الخيال لان كل شوية من الظهر لغايت دلوقتى نسمع صوت فرقعة قوية جدن ونبص نلاقى رمل بينزل والى الان وانا وكام واحد فى العمارة جايبين كراسى وقاعدين ادام العمارة بنتناقش فى الموضوع دة وانا اءقصد بكلامى انة شىء اغرب من الخيال لان لما بنسمع الصوت ونطلع على السطوح نبص نلاقى ان كل حاجة تمام ولا فية صوت ولا فية اى مكان بينزل منة رمل ثانيا هو شىء يدعو للقلق وللرعب كمان لان فية ناس من العمارة قاعدة فى السطوح بقالهم ساعتين ولا حصل اى حاجة والباقى قاعدين تحت فى مدخل العمارة وانا معاهم علشان لو حصل اى حاجة يبلغونا ولا فية اى صوت ولا فية اى رمل نزل امال الرمل اللى نزل الظهر دة وصوت الفرقعة دة جة منين |
رد: حاجة مقلقة حصلت
- الحقيقة الفرقعة بتبقى لانفجار الاعمدة وغالبا بتبقى من الادوار السفلية حيث الاحمال اعلى ما يمكن - بص على التقاء الاعمدة بالكمرات ودى بتبقى ظاهرة جدا .
- تحياتى |
رد: حاجة مقلقة حصلت
هو تقريبا كدة اخى وحبيبى hoka لفت نظرى لحاجة فى مشاركتة دلوقتى على موضوعى دة
انة ممكن يكون حد فى عمارة قريبة مننا بيضرب ببندقية ولما شاف ناس من العمارة قاعدين فوق السطوح خاف بقة ومضربش علشان كدة بقالنا مدة كبيرة مسمعناش حاجة ولا فية رمل نزل بس لو فعلان كدة يبقى غلط جدن ويعتبر دة لعب عيال لانة بتصرفة دة سبب للعمارة بتاعتنا القلق والرعب |
رد: حاجة مقلقة حصلت
اقتباس:
يعني اية واحد بيضرب ببندقية علي سطحكوا وعلي كلامك يسبب فرقعة عالية قوية ونزول رمل من سقف السطح الاخير .. مش فاهم .. يعني الطلقة اخترقت الخرسانة وتسببت في نزول الرمل الموجود تحت بلاط السطح .. دا اللي انا فهمته .. ومندهش بصراحة .. المهم في القصة الغريبة دي انكم بخير .. تحياتي |
رد: حاجة مقلقة حصلت
تمام كلنا كويسين
طيب بس احنا عايزين نعرف اية الصوت دة جاى من انهى دية واية سبب نزول الرمل من السطح يجماعة والله شىء غريب جدن والله طيب لو تفسيرى دة غلط اية معناها مع كل صوت فرقعة قوية ينزل رمل من السطح انا صدعت والله من كتر التفكير |
رد: حاجة مقلقة حصلت
'ممكن نعرف اللى حصل دة حصل فين
عشان عندنا فى امبابة 11بيت وقعة بنفس الطريقة |
رد: حاجة مقلقة حصلت
أنا ملاحظ إن العضو صاحب الموضوع موقوف عضويته فطبعا مش حيقدر يرد
|
| الساعة الآن 07:54 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir