|
الشاب السيس
الشاب السيس بصفه عامه هو الشاب اللى بيسايس أموره مع أى حد بطريقته الخاصه وله جمل غريبه زى كده مثلا
هاى يا جماعة عاملين ازاى يارب تكونوا كوووول وحشتونى طحن اشطات موت عليكو وعلى الحركة التوب دى وشوفوا القطة الجامدة اللى معدية دى جااااااااااامدة اخر حاجة واستيلها جامد انا هروح اظبطها تلاقيه مصاحب بنت سيس زيه وماشى معاها فى كل حته يعيشوا اللحظه مع بعض وخلاص لما بيسقط فى أمتحان أول فكره تيجى فى دماغه أنه ينتحر تلاقيه بيقول انا هانتحر حد ييجى ينتحر معايا ويعرف البلد كلها انه هاينتحر وبعدين يروح ينام لبسه غريب اوى تيشرت بمبه وجينز درتي ومسقطه والبوكسر مبينه وحاطط وشم على قفاه تلاقي شعره طويل ولابس عليه كاب ومفلفله من ورا لابس سلسه فضه فى رقبته وانسيال فى ايده الشمال وحلق فى دون واحده تلاقيه بيحب يسمع تامر حسني اوي ونغمات موبايله لمايكل جاكسون تلاقيه ماشي عمال يزاول في البنات ومقضيها تلاقيه بيشرب سجاير واحيانا بانجو وطول ماهو ماشى يكح بيمشي يرقص في الشارع علي اغاني الmp3 او mp4او اي حاجه بيسمع فيها بيحط ايده في جيوب البنطلون من وره وهو واقف او وهو ماشي عمره ما حب علشان هو مقضيها تلاقيه بيحب يلعب سيلكروود |
| الساعة الآن 03:04 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir