الصيد فى مصر - حد قر الخبر الوحش دة

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - حد قر الخبر الوحش دة (http://www.egyhunt.net/showthread.php?t=17193)

sokar_jax

11-10-19 02:28 PM

حد قر الخبر الوحش دة

من جانب آخر, يبحث مجلس الوزراء ـ في اجتماعه اليوم ـ تعديل بعض أحكام قانون الأسلحة والذخائر يشمل حظر حيازة الأسلحة البيضاء, ومحدثات الصوت, وبنادق الغاز بعد انتشار تداولها أخيرا, ويفرض التعديل ضرورة الحصول علي تراخيص من وزارة الداخلية لحيازة هذه الأسلحة, ويعاقب بالحبس والغرامة كل من يخالف هذا الإجراء, مع منح فترة ستة أشهر لتوفيق أوضاع المخالفين, بدءا من سريان هذه التعديلات, كما يبحث المجلس تعديل قانون الكسب غير المشروع, بحيث يسمح لرئيس الجهاز بمباشرة بعض الدعاوي التي يري أهمية الحضور فيها بجانب النيابة العامة, حيث إن القانون الحالي ينهي علاقة الجهاز بالقضايا متي تمت إحالتها لمحكمة الجنايات,

طبعا دة رابط اصفحة
http://www.ahram.org.eg/The-First/News/107649.aspx

modmod

11-10-19 02:47 PM

Re: حد قر الخبر الوحش دة

السلام عليكم
طيب والكلام دة ينطبق علي بنادق الرش ضغط الهواء برده
ولا البنادق مسبوقة الشحن؟

Android man

11-10-19 04:15 PM

رد: حد قر الخبر الوحش دة

الكلام ده لو بجد يبقو بيهزرو او بيستهبلو

أحمد عطاالله إبراهيم

11-10-19 04:19 PM

رد: حد قر الخبر الوحش دة

ايه الكلام الكبير ده .. هما عايزين ترخيص للحى وكمان لضغط الهواء .. دول بيهزروا اكيد ..

AHMED IS MAHMOUD

11-10-19 04:22 PM

رد: حد قر الخبر الوحش دة

اقتباس:

المشاركة الأصلية كتبت بواسطة أحمد عطاالله إبراهيم (المشاركة 219945)

ايه الكلام الكبير ده .. هما عايزين ترخيص للحى وكمان لضغط الهواء .. دول بيهزروا اكيد ..

لا و حياتك كمان مسدسات الصوت
و بعد كام شهر ....................هووووب مسدسات البلى البلاستيك و النبله و السنارة كمان

حاجة تنقط:mad:

أحمد عطاالله إبراهيم

11-10-19 04:25 PM

رد: حد قر الخبر الوحش دة

اقتباس:

المشاركة الأصلية كتبت بواسطة ahmed is mahmoud (المشاركة 219947)

حاجة مقرفة والله .. ونظام مقرف

pooforever_2010

11-10-19 04:25 PM

رد: حد قر الخبر الوحش دة

ايه الهبل ده يعنى مسدس الصوت ليه ترخيص
وكمان الاسلحه البيضاء والرسوم على حسب النوع بقى
يعنى اروح اقوله عاوز ارخص قرن يقول ده غلبان يقولى 10 ج
انما اروح ارخص مطواه امريكى ولا روسى يقولى 500 ج
والله الناس دى بتستهبل

Sniper84

11-10-19 04:27 PM

رد: حد قر الخبر الوحش دة

هم أكيد في بالهم إنهم يقفلوا الباب على المجرمين اللي فعلا هددوا ناس و سرقوهم بمسدسات صوت و بنادق رش، و أنا بصراحة موافقهم في الإجراء دة لكن لازم نستنى لما نشوف إجراءات التراخيص إيه لأن ساعتها دة اليي هيكون الفيصل و غير كدة اللي معاه سلاح صوت أو خلافه يفضل إنه يسيبه في العربية أو في البيت مش مستحب المشي بيه و علينا جميعا الحذر من المشي في الأماكن المقطوعة و أماكن الشغب أو الأماكن المعروفة بخطورتها و ربنا يسترها معانا جميعاً و يخرج مصر من محنتها ، اللهم أمين.

avokato

11-10-19 04:27 PM

رد: حد قر الخبر الوحش دة

هههههه العيال الي بتصطاد بالنبله والصوت والرش والسلاح الابيض علي فكره تقريبا مفيش حاجه مش ممنوعه اصلا مش فاضل غير الطوب والمفكات

avokato

11-10-19 04:28 PM

رد: حد قر الخبر الوحش دة

دا لينك تنميه سيناء واكتشاف ابار جوفيه ايه يعم انت بتشتغلنا ولا ايه

Sniper84

11-10-19 04:31 PM

رد: حد قر الخبر الوحش دة

اقتباس:

المشاركة الأصلية كتبت بواسطة avokato (المشاركة 219957)

دا لينك تنميه سيناء واكتشاف ابار جوفيه ايه يعم انت بتشتغلنا ولا ايه

باشا إقرا الخبر لأخره

avokato

11-10-19 05:41 PM

رد: حد قر الخبر الوحش دة

قانون فقيع ولو صدر مينفعش يصدر قانون بيصدر مرسوم من الحاكم العسكري وبعد اول حاله يتمسك بيطعن بعدم الدستوريه ويطلع فشنك دول معاتيه اصلا ولو سهلوا موضوع الترخيص عادي ولو فقعوا علينا نطعن بعدم الدستوريه عادي وغالبا هيبقي قانون مؤقت علي فكره مهو اصل من قله الجرايم والاسلحه والقنابل والاسلحه التقيله والصواريخ في مصر بيمسكوا الي معاه مسدس صوت او مطوه او بندقيه رش احيه يا مصر متقلقش حوار فكسان

hisoka2000

11-10-20 02:12 AM

رد: حد قر الخبر الوحش دة

كدا يبقى جنان رسمى مش كفاية الاسعار و هم الجمارك .. رضينا بالهم و الهم مش راضى بينا

SMART141366

11-10-20 02:19 AM

رد: حد قر الخبر الوحش دة

شعب اعزل منزوع السلاح الرؤس المسيطرة على السلطة عايزة تنتزع اى سلاح ولو حتى اسنان الشعب وليس العصى والاسلحة البيضاء من ايديهم فقط حتى لا يقم للشعب فى يوم من الايام صوت يعلو صوت العسكر والقائمين على السلطة

ahmed6394

11-10-20 02:24 AM

رد: حد قر الخبر الوحش دة

ايه القرف ده

dr.ahmed shahin

11-10-20 02:26 AM

Re: حد قر الخبر الوحش دة

ميقدروش يعملوا كده فيه حيتان فى البلد هتنضر من القرار ده لان ببساطة محدش هيشترى خااااالص بنادق رش ولا مسدسات الصوت
وبعدين هى فين بنادق الغاز اللى بيتكلموا عليها دى ؟

القناص1

11-10-20 02:27 AM

رد: حد قر الخبر الوحش دة

انا عندى نيوتين زان وارثهم من جدى منقوشين ممكن اللى ياخد منهم ضربه يموت هو واللى جمبه ياترى اروح بيهم القسم بكره ارخصهم ولا حايتاخدوا حرز واروح انا فى الباى باى

sniperwolf500

11-10-20 02:46 AM

رد: حد قر الخبر الوحش دة

يا جماعة لو صدر قرار بهذا لازم وقفة رش اية الي بيقولو علية ده ... بس لو اتكلمنا حنبقي اسمنا فئويين أو ناس هيفه خايفة عالصيد ومش خايفة علي أمن البلد ... هي بلد تييييت

انا تعبت ... الترخيص مافيهوش مانع بس افرض اترفض ياخدو مني بنادق ب 10 ولا 15 الف تيييييييييييييت كمان مرة

انا شايف ان اكتر ناس حتستفاد هما تجار السلاح ... لانهم حيقشو مزادات البنادق ويرجعو يبيعوها بالغالي
تيييت
تيييييت
تيييييييت

الساعة الآن 05:53 PM