الصيد فى مصر - تحذير مهم للتجار

الصيد فى مصر (http://www.egyhunt.net/index.php)

- محدثات الصوت (http://www.egyhunt.net/forumdisplay.php?f=81)

- - تحذير مهم للتجار (http://www.egyhunt.net/showthread.php?t=17209)

general

11-10-19 07:19 PM

تحذير مهم للتجار - منع تجارة وحيازة مسدسات الصوت -

انا سمعت في الراديو النهاردة انه تم منع تجارة وحيازة كل محدثات الصوت ومسدسات ضغط الهواء لحين السيطرة على انتشارهم في السوق بداعي وبدون داعي

darkshaft

11-10-19 08:07 PM

رد: تحذير مهم للتجار

اى ده بجد؟!!!!!محطه اى؟؟

general

11-10-19 09:08 PM

رد: تحذير مهم للتجار

على راديو مصر وانا جاي بالعربية

AHMED IS MAHMOUD

11-10-19 09:12 PM

رد: تحذير مهم للتجار

اقتباس:

المشاركة الأصلية كتبت بواسطة general (المشاركة 220106)

على راديو مصر وانا جاي بالعربية

قانون لسة بيبحثوة ؟ ولا خلاص دخل حيز التنفيذ؟؟؟؟؟

general

11-10-19 09:19 PM

رد: تحذير مهم للتجار

يعاقب بالحبس مدة لا تقل عن ستة أشهر وبغرامة لا تقل عن مائة جنيه, ولا تزيد علي خمسمائة جنيه, كل من أتجر أو استورد أو صنع بغير ترخيص الأسلحة البيضاء, وحيازة محدثات الصوت ومسدسات وبنادق ضغط الهواء والغاز وذخائرها.

الخبر على الاهرام

general

11-10-19 09:21 PM

رد: تحذير مهم للتجار

من جريدة الاهرام:
مجلس الوزراء يناقش فى إجتماعه المنعقد الان مرسوم قانون بحظر جميع بنادق ضغط الهواء ومسدسات الصوت و الغاز والاسلحة البيضاء بجميع أنواعها,إلا بترخيص و مهلة 6 شهور لتوفيق الآوضاع لمن يحوز تلك الاسلحة و العقوبة 6 شهور حبس و غرامة من مائة جنيه حتى 500 وكذلك منع الاتجار أو الاستراد أو التصنيع إلا بترخيص وتطبق ذات العقوبة على المخالف

darkshaft

11-10-19 10:31 PM

رد: تحذير مهم للتجار

اقتباس:

المشاركة الأصلية كتبت بواسطة general (المشاركة 220115)

انا اسف بس حمرااااااااااااااا،انا رأى اننا نقفل المنتدى ده بالمره لحسن نتسجن كلنا،حتى بنادق الرش!!!!!!

محمدعرب

11-10-19 10:38 PM

رد: تحذير مهم للتجار

والنبله أيه نظامها ممنوعه كمان؟

عبد الجبار محمود

11-10-19 11:20 PM

رد: تحذير مهم للتجار

هذا الكلام غير صحيح وممكن تسالوا محلات الاسلحه لان لو حصل حاجه زى كده
يبقى يقفلوا احسن ومفيش حاجه اسمها ترخيص لمسدس صوت

darkshaft

11-10-19 11:35 PM

رد: تحذير مهم للتجار

اقتباس:

المشاركة الأصلية كتبت بواسطة عبد الجبار محمود (المشاركة 220150)

المكتوب هنا فالموضوع ان القرار ده لسه تحت النقاش،ربنا يستر

kiko_2015

11-10-19 11:46 PM

رد: تحذير مهم للتجار

اقتباس:

المشاركة الأصلية كتبت بواسطة ahmed is mahmoud (المشاركة 220108)

قانون لسة بيبحثوة ؟ ولا خلاص دخل حيز التنفيذ؟؟؟؟؟

مازال تحت البحث و لن يستطيع عصام شرف تطبيقه لانه لا يعطي قرارات ابدا وان تم تطبيقه سيعمل به بقرار مجلس شعب يعني بعد تعيين مجلس شعب مع العلم اذا تم تنفيذ هذا القرار من وجهة نظري سيؤثر علي باب مهم من اقتصاد البلد

AHMED IS MAHMOUD

11-10-19 11:48 PM

رد: تحذير مهم للتجار

اقتباس:

المشاركة الأصلية كتبت بواسطة kiko_2015 (المشاركة 220171)

طيب يعنى الواحد عندة كدة 6شهور توفيق اوضاع لو اتطبق الكلام دة

يعنى ايه توفيق اوضاع و مين توفيق دة؟؟؟

mman2005

11-10-20 12:00 AM

رد: تحذير مهم للتجار

هو عمنا عصام شرف حد نشله جوز العصافير الكناريا بتوعه إلى حاططهم فى البلكونة ومعاهم البغبغان الزنجبار ببندقية رش حلف يمين طلاق ثلاثة لثانى يوم يطلع قانون بحظر بنادق الرش، وبعدين مجلس شعب إيه إلى بتتكلمه عليه، دلوقتى لا فيه دستور ولا مجلس شعب القانون يجى فى الحلم بالليل الصبح يكون طلع وأتصدق عليه من المجلس العسكرى، وإحنا إلى كنا بنقول على فتحى سرور ترزى قوانين الراجل كان بيقعد يفصل فى القانون 6 سنين، دلوقتى عندنا القانون ممكن فكرته تيجى ويطلع ويطبق فى نفس اليوم.

يا جماعة المفاتيح وميدالية المفاتيح فيها مشاكل أو ترخيص بإعتبارها أدوات معدنية حادة ولا إيه، الله يستركم حد يعرف حاجة يبلغنا بيها عندنا عيال عايزين نربيهم، أقلام جاف شرابات جذم ببوز دبلة الجواز ساعة موبايل أى حاجة من دى عايزة ترخيص بلغونا.

abosamer

11-10-20 12:35 AM

رد: تحذير مهم للتجار

انا لا اصدق هذا الكلام حتي اري بعيني منشور في جريدة حكومية دي اشاعة لأني بحثت في جوجل ولم اجد شئ شكرا

صياد مبتدأ

11-10-20 12:57 AM

رد: تحذير مهم للتجار

المرسوم أكيد هيشمل الأتى:

لا يجوز للبنات شراء شوك وسكاكين فى جهاز المنزل الا بعد موافقة مكتوبة من الأمن العام و المخابرات العسكرية وهيئة ممثلى تجار الأدوات المنزلية

وسلملى على الترماى

Masterssss

11-10-20 12:59 AM

رد: تحذير مهم للتجار

معتقدش الحكومه تقدر تسيطر وتنفذ القرار ده في الوقت ده ابدا

anwer1985

11-10-20 02:47 AM

رد: تحذير مهم للتجار

نحب نقول بلح للى أصدر القرار دا
وبردو حنصطاد عصافير
وشكرا

القناص1

11-10-20 02:51 AM

رد: تحذير مهم للتجار

ان شاء الله خير ولو الموضوع ده بجد حايكون مؤقت ان شاء الله للحد من اعمال البلطجه خاصة وهى الانتخابات داخله علينا ,,,,,,,,,,,,,,,,وربنا يستر

darkshaft

11-10-20 03:43 AM

رد: تحذير مهم للتجار

وزاره داخليه ده بقت فاشله،لا عارفه تخلى المواطن يحمى نفسه زى الدول المتقدمه و لا عارفه تحميه،فقالت تلغى السلاح من مصر و تريح دماخها!!!!

Karim Eid

11-10-20 03:52 AM

رد: تحذير مهم للتجار

ده يبقى ظلم والله

old hunter

11-10-20 06:02 AM

رد: تحذير مهم للتجار

يحي الظلم والاستبداد والي هيكلم هيروح للجلاد والي هيعيط عند الجلاد هيعلقوه في اوتاد ولو زعلان روح لوداد

haridy

11-10-20 09:51 AM

رد: تحذير مهم للتجار

ده كلام غير صحيح بالمرة والهدف منة تحفيز الافراد في المنتدي علي سرعة الشراء قبل صدور القانون الوهمي الذي لن يصدر الاعيب تجار ديه قديمة وبايخة ارحموا الناس بقي من جشعكم دي بقت حاجة فوق الاحتمال واللة انا طول عمري بقول ان الشعب المصري شعب واطي بس مكنتش اعرف انه واطي للدرجة دية

trainman

11-10-20 10:25 AM

رد: تحذير مهم للتجار

أؤيد كلام الأخ الفاضل أبو سيف فالموضوع فى مرحلة نقاش ليس أكثر و لا أعتقد أن تطبيقه ممكن و الله أعلى و أعلم لأن بتطبيق هذا القانون سيبعث البلطجيه برسالة شكر إلى مجلس الوزراء حيث ستريحهم الحكومه من الشك و التردد فى مهاجمة أى مواطن من الممكن أن يكون معه حتى مسدس صوت يبعث به إشاره للفت الأنظار حوله أما البلطجيه فمش فارق معاهم هما كده كده بيجيبوا سلاح و حى مش محدث صوت ده رقم واحد ثانياً التجار و أصحاب المحلات اللى طبعاً هيبقوا من الفئه العاطله فى هذا الوقت هينضموا إلى ثورة الجياع هم و أبنائهم و تبقى الحكومه بكده نجحت و الحمد لله فى تشريد فئه أخرى من الشعب و يبقى سؤال و خصواصاً و موسم الشتا داخل و البرتقال بدأ يظهر و أنا بحبه عن نفسى يا ترى كل ما أحب أقشر واحده هجيب تصريح من وزارة الداخليه و يا ترى هيكون تصريح مؤقت حيث ينتهى بإنتهاء السبب و هو أكل البرتقاله؟؟؟؟؟؟؟؟؟؟

ربنا يرحم مصر و المصريين من اللى بيشفوه.

sadaany

11-10-20 12:10 PM

رد: تحذير مهم للتجار

اقتباس:

المشاركة الأصلية كتبت بواسطة trainman (المشاركة 220435)

+++++++++++11111111111111111111

احمد حسن ادريس

11-10-20 07:14 PM

رد: تحذير مهم للتجار

هههه والله الحكومة صعبانة علية بيتكلموا فى سلاح الصوت وضغط الغاز وسايبين البلطجية ومش عارفين يجيبوا معظم السلاح اللى اتسرق انا بضحك من غيظى واستغرابى بس هما بيدرسوا الموضوع دة ان شاء الله مش هيطبقوا

Biso007

11-10-21 12:08 AM

رد: تحذير مهم للتجار

ياترى نكتب ايه فى خانة المبرر لحمل محدث صوت ؟ ... حضور أفراح ؟!!

غريب عن الدنيا

11-10-21 02:05 AM

رد: تحذير مهم للتجار

تحت المناقشة ولم يصدر

وبكدة يبقي ننزل عروض مسدسات الخرز والمياة ويكون سعرها بين 500 الي 5000 جنية اللى يلحق يشتري احسن ما تغلي وبردة هتنزل لها طبة

ربنا يصلح الحال العالم كلة السلاح عندة عادى وكلة فية قانون واحنا لسة بيحسسونا اننا بقر ولازم ننضرب بعصا ولازم حد يراقبنا !

aybek

11-10-21 02:13 AM

رد: تحذير مهم للتجار

سلام قول من رب رحيم , اللهم احفظنا من الباردين اللي حاطين ايديهم في ميه بارده . تقبلوا تحياتي :confused:

القناص1

11-10-21 02:23 AM

رد: تحذير مهم للتجار

احلى حاجه ان اى واحد دلوقتى حماته قنبله ذريه يااما يعمل ترخيص فى خلال 6 شهور يااما حاتتسحب منه ودى الحاجه الوحيد اللى محدش حايعملها ترخيص ....................والله حرام اللى بيعملوه فينا

AhmeD-Magdy

11-10-21 08:30 AM

رد: تحذير مهم للتجار

بلــــــــــــــــــــح اللام دا

صيادالطيور

11-10-21 08:35 PM

رد: تحذير مهم للتجار

كلام غير صحيح وهذه مجرد اقتراحات وليس أكــــــــــثر

الساعة الآن 07:40 AM