الصيد فى مصر - قتل هواية الصيد واحراز اى سلاح-هام جدا جدا

الصيد فى مصر (http://www.egyhunt.net/index.php)

- محدثات الصوت (http://www.egyhunt.net/forumdisplay.php?f=81)

- - قتل هواية الصيد واحراز اى سلاح-هام جدا جدا (http://www.egyhunt.net/showthread.php?t=17217)

The last knight

11-10-20 12:42 AM

قتل هواية الصيد واحراز اى سلاح-هام جدا جدا

السلام عليكم ورحمة الله
هذه الفقرة من جريدة الاهرام يوم 19/10/2011 ياريت نقراها بتمعن وياريت الاخوة القانونيين يقولوا رأيهم وبلاش حكاية منقول ولا معمول عشان الموضوع ده لو صح حايقلب كل الموازين:-

ومن ناحية أخري يناقش مجلس الوزراء في اجتماعه اليوم مشروع مرسوم بقانون بتعديل بعض أحكام قانون الأسلحة والذخائر يحظر بغير ترخيص حيازة أو احراز الأسلحة النارية, والبيضاء, ومحدثات الصوت ومسدسات وبنادق ضغط الهواء والغاز وذخائرها لضبط حركة تداولها والحيلولة دون انتشارها بدون أي ضوابط أو مبررات حتي لا يتم استخدمها في أعمال إجرامية تهدد حالة الأمن وتزعزع الاستقرار الاجتماعي والاقتصادي. وتعاقب التعديلات بالحبس مدة لا تقل عن شهرين وبغرامة لا تقل عن خمسين جنيها ولا تزيد علي خمسمائة جنيه كل من حاز أو احرز بغير ترخيص سلاحا من تلك الأسلحة.
كما يعاقب بالحبس مدة لا تقل عن ستة أشهر وبغرامة لا تقل عن مائة جنيه, ولا تزيد علي خمسمائة جنيه, كل من أتجر أو استورد أو صنع بغير ترخيص الأسلحة البيضاء, ومحدثات الصوت ومسدسات وبنادق ضغط الهواء والغاز وذخائرها.
ويمنح المشروع حائزي ومصنعي تلك الأسلحة مهلة ستة أشهر تبدأ من تاريخ سريان العمل بالمرسوم لتوفيق أوضاعهم.

The last knight

11-10-20 12:49 AM

رد: قتل هواية الصيد واحراز اى سلاح-هام جدا جدا

http://www.ahram.org.eg/Egypt/News/107760.aspx
this is the link to care about the source of this talk

ahmedmh_ali

11-10-20 12:50 AM

رد: قتل هواية الصيد واحراز اى سلاح-هام جدا جدا

+++++++++++++++++++++++++1

AHMED IS MAHMOUD

11-10-20 12:54 AM

رد: قتل هواية الصيد واحراز اى سلاح-هام جدا جدا

اقتباس:

المشاركة الأصلية كتبت بواسطة the last knight (المشاركة 220234)

يعنى اللى فهمته ان الأسلحة الناريه بقت حبس شهرين وغرامه 50 جنيه زى محدثات الصوت و بنادق الرش ؟؟؟؟

طيب انا اجيب سلاح نارى حى احسن ما بقت هى دى زى دى

القناص1

11-10-20 12:56 AM

رد: قتل هواية الصيد واحراز اى سلاح-هام جدا جدا

ان شاء الله احنا نمشى فى اجراءات الترخيص وهو الكلام معناه ان الموضوع ده للحد من تداولها مع البلطجيه زى السلاح الحى اللى يشترى يكون معاه ترخيص مش حد وخلاص واليومين دول انتشر موضوع ان البلطجيه يضربوا بالبنادق الرش والمسدسات الغاز لان اغلبه شغل متهرب ومفيش رقايه وربنا يرحمنا برحمته واللى بيخصل ده يعدى على خير

darkshaft

11-10-20 01:04 AM

رد: قتل هواية الصيد واحراز اى سلاح-هام جدا جدا

يعنى مفروض ارخص مسدس صوت؟؟

tamer_tatow

11-10-20 01:09 AM

رد: قتل هواية الصيد واحراز اى سلاح-هام جدا جدا

يعنى انا ادخل القسم واجيب شهادة باطن ونظر و واسطة علشان اروح اصطاد عصافير

AHMED IS MAHMOUD

11-10-20 01:12 AM

رد: قتل هواية الصيد واحراز اى سلاح-هام جدا جدا

اقتباس:

المشاركة الأصلية كتبت بواسطة tamer_tatow (المشاركة 220263)

يعنى انا ادخل القسم واجيب شهادة باطن ونظر و واسطة علشان اروح اصطاد عصافير

اه وتجيب معاك كمان العصافير اللى هتصتادها علشان يكشفو عليها

ramadan

11-10-20 01:25 AM

رد: قتل هواية الصيد واحراز اى سلاح-هام جدا جدا

يا جماعة وبجد لو الكلام دة مظبوط لازم نوقف معاهم وهتبقى حاجة جميلة وكويسة جدا لينا لان قبل الثورة اللى كان بيتمسك معاة مسدس صوت الظابط اللى مسكوة ممكن يرخم علية وياخدة منة دى حاجة والحاجة التانية فعلا علشان موضوع البلطجية دول اللى معاهم حاجات من دى يعنى اى واحد صاحب محل مش ممكن يبيع لاى حد مش معاة ترخيص وطبعا القسم مش هيطلع ترخيص لحد مسجل او علية اى قضية وعلى فكرة لو دة تم هتبقى الاجراءت سريعة وسهلة واعتقد انى كل الاجرارءت والورق هيخلص فى القسم علطول وشكرا واسف لو كنت طولت عليكم

AHMED IS MAHMOUD

11-10-20 01:30 AM

رد: قتل هواية الصيد واحراز اى سلاح-هام جدا جدا

اقتباس:

المشاركة الأصلية كتبت بواسطة ramadan (المشاركة 220274)

احييك على النظرة المختلفة اللى حضرتك شفت الموضوع بيها فعلا زاويه تانيه خالص

بس المهم الأجراءات دى هتبقى عاملة ازاى ؟؟؟
و اللى عندة اكتر من سلاح هيرخصهم كلهم؟؟؟
انا مسدساتى مفتوحة كلها حد هيرضى يرخص مسدسات مفتوحة؟؟

تحياتى

القناص1

11-10-20 02:03 AM

رد: قتل هواية الصيد واحراز اى سلاح-هام جدا جدا

اصل الطيور ممكن يطلع عندها انفلونزا الخنازير وساعتها انت حاتلبش شفاف علشان جسمك حايبقى اسود واحمر

SMART141366

11-10-20 02:28 AM

رد: قتل هواية الصيد واحراز اى سلاح-هام جدا جدا

الهدف نزع اى اسلحة للشعب حتى يظل اعزل امام السلطة الفاسدة

القناص1

11-10-20 02:32 AM

رد: قتل هواية الصيد واحراز اى سلاح-هام جدا جدا

احنا بقى حانرجع للطرق البدائيه ونصطاد بالفخ واهى حاجه تشغل مخ الواحد ونخليه ازاى يبقى مرواغ جيد هو ده الغرض من دراسة الموضوع متحاولوش تفهموهم خطا ......ههههههههههههه

anwer1985

11-10-20 02:38 AM

رد: قتل هواية الصيد واحراز اى سلاح-هام جدا جدا

لو الكلام دا بجد لازم نتحرك
أصل مش حدفع الشئ الفلانى عشان ارخص مسدس صوت ولا بندقية رش لأن كدا بجد تبقى هزلت

Alessandro

11-10-20 03:51 AM

رد: قتل هواية الصيد واحراز اى سلاح-هام جدا جدا

لا حول ولا قوة الا بالله
انا مش عارف الناس دى عايزة مننا ايه ... ده الواحد على كده يبقى يقص ضوافره على طول لحسن انا مش معايا ترخيص بيهم

كلمه واحده بس هرد بيها على اللى بيعملوه فينا بللللللللللم بلللللللللم ترارارارا .... وعجبى !!!

old hunter

11-10-20 05:25 AM

رد: قتل هواية الصيد واحراز اى سلاح-هام جدا جدا

اقتباس:

المشاركة الأصلية كتبت بواسطة ramadan (المشاركة 220274)

معدتقدش يباشا ان الاجرئات ممكن تبقي سهله دالواحد لما يجي يطلع بطاقه بيطلع عينه مبالك رخصه ده يا راجل يا طيب رخصه السلاح الحي بتعد 6 شهور علي الاقل انت بتكلم في اه يا بشمهندس احنا في بلد بنت وسخه ربنا يحرقها بجاز وسخ عشان انا خلاص اتخنقت منها كله حاجه بيمنعوها بحجه البلطجه والملطجه يا راجل ده حاجه ترفع الضغط وطبعا عشان ترخيص مينفعش تمتلك اكتر من واحده ممكن يخلو اخرك 2 مثلا احنا المفروض نعمل دعوه لتظاهر لوقف القانون ده

old hunter

11-10-20 05:33 AM

رد: قتل هواية الصيد واحراز اى سلاح-هام جدا جدا

ربنا يحرق المجلس العسكري علي الي فيه ده حاجه بقت تقرف الكلب الحزين هيعدوا يستفزوا في الناس كده لحد ما ييولعوا في البلد او الضغط يعلي عليهم ويموتوا ويبقو كده قللوا الكسافه السكانيه علي رئي النجم معمر القذافي ثوره ثوره ثوره يبقا نعملهم ثوره اهدفها تولع في المجلس العسكري وتولع مجلس الوزره وجميع المصالح الحكوميه وبعدين تولع في نفسها وتخلص

القناص1

11-10-20 05:34 AM

رد: قتل هواية الصيد واحراز اى سلاح-هام جدا جدا

احنا ياجماعه كله بكره يجيب الجورنال ونتابع الاخبار على الفضائيات ونشوف ايه اللى حايتم فى المواضيع اللى خلت الواحد خلاص مش طايق نفسه من كتر الهم كان الواحد بينزل يفك عن نفسه برحلة صيد معقوله علشان ينسى همومه دلوقتى حانعمل ايه بقى ........الغرب اللى مش عاجبهم بيعمل مهرجانات للممارسة هواية الصيد وتجمع محبى الاسلحه فى اماكن خاصة مع استعمال الذخيره الحيه احنا مش بنقول عايزين ذخيره حيه احنا عايزين اللى معانا ميضيعش حتى تظل الهوايه قائمه لنا وللاجيال القادمه .......................للاسف يبعتولنا خبراء من الغرب يملوا علينا اللى هما عايزينه بصيغة المفروض وغصب عنكم حاتنفذوا وهما فى الاخر بيسمعوا وينفذوا ..........................حسبى الله ونعم الوكيل

old hunter

11-10-20 05:36 AM

رد: قتل هواية الصيد واحراز اى سلاح-هام جدا جدا

هما خلاص وصلوا للهما عايزينه ادينا انا بقول اهوه انا عايز حسني مبارك ونبي رجعولنا حسني دنتوا خربتوها

القناص1

11-10-20 05:43 AM

رد: قتل هواية الصيد واحراز اى سلاح-هام جدا جدا

تصدق والله ندك حق .....كل الناس اللى سمعت المواضيع دى قالوا كده النهارده وكان ماله عهد مبارك مكنا عايشين الوحش بس هو اللى كان مرفوع والكويس كويس وعلى راى المثل امشى عدل يحتار عدوك فيك وامشى عوج عدوك يركب فوقيك ................طب نعمل ايه نمشى ونسيبها ولانروح فين ....طب واللى بيحب بلده ومش عايز يمشى والله انا حاتجنن اول مره احس ان الحكومه دى فاشله طبعا كل واحد فى حاجه بتخصه وبتتقفل عليه بيحصله اللى احنا فيه وبالتالى البلد كلها حاتتهبل قريب وحانطلع بثورة عايزين مبارك وعيلته

The last knight

11-10-20 10:28 AM

رد: قتل هواية الصيد واحراز اى سلاح-هام جدا جدا

ياجماعة استحالة تبقى الاجراءات سهلة لانهم مش عايزين حد يبقى فى ايده اى حاجة ده اولا
ثانيا حايبقى ايه شروط الترخيص لواحد عايز مسدس لعبة او بندقية رش؟؟؟لان تصنيف الصوت ده لعبة
ثالثا ايه موقف التجار اللى عنده محلات وكيفية البيع والشراء لان كده حركة البيع حاتقل جدا الا للى معاه ترخيص
رابعا خلال 6 شهور دى الاسعار حاتزيد لان الناس حاتخاف انه مايعرفش يشترى بعد كدة ولا حاتخاف من الحبس
خامسا اللى حايدخل الناس السجن فى مسدس صوت تدخله فى حى بقى ولا ايه

ramadan

11-10-20 01:23 PM

رد: قتل هواية الصيد واحراز اى سلاح-هام جدا جدا

طيب فيها اية لما نتابع الموضوع دة ولو فعلا الاجرارءت سهلة وهيبقى مبلغ بسيط اللى هندفعة فى الترخيص يبقى نقف معاهم ونساعد ان القانون دة يشتغل وهيبقى لية مزايا كتيييييييييرة زى مش اى حد يمسك مسدس صوت والطلب علية هيبقى عادى ودة اللى هيخلى الاسعار تهدا وطبعا يققل من جشع التجار وبالتالى الطلقات نفسها اللى وصلت ل6 جنية واى واحد فيكم متابع سوق السلاح هلاقى ان الطلقة الحية ب7جنية سوق سودة وانا سمعت انها بتتباع على الرخصة فى المحلات ب10جنية خلاصة القول لو الاجراءت بتاعت الترخيص دة هتبقى زى البطاقة الشخصية مثلا يببقى نقف معاهم والموضوع دة هيفدنا كلنا وعايز اسمع اراء الخبراء وشكرا واسف انى طولت عليكم

ramadan

11-10-20 01:33 PM

رد: قتل هواية الصيد واحراز اى سلاح-هام جدا جدا

فى حاجة تانية يا ريت ننبه الناس اللى بتشترى دلوقتى لان الطلب زاد بطريقة ملحوظة بسسب الكلام بتاع الانتخابات واللى هيحصل فى الانتخابات ودة خلى الاسعار ارتفعت بطريقة كبيرة يا ريت موضوع الترخيص دة اللى اللة واعلم انة هو هناقشوة بجد اصلا ولا كان مجرد اقتراح وخلاص ما يخليش الناس تندفع على الشراء بشكل جنونى علشان الاسعار تبقى كويسة وبلاش نخلى التجار تحكمو فينا وانا بقول الكلام دة وانا الحمد للة عندى اكتر من مسدس ومش محتاج اشترى تانى وللعلم عندى برتا ايطالى قديم اخوية جايبة من حوالى 5 سنين ومسدس صوت مصرى وبرونى جاب ايطالى وايكول جكال قالحمد للة مش محتاج انا موجة نصيحة لاخواتى فى المنتدى وشكرا واسف انى طولت عليكم

ايمن عاطف

11-10-22 02:59 PM

رد: قتل هواية الصيد واحراز اى سلاح-هام جدا جدا

القانون المقترح وضح حد ادنى حبس شهرين ومادة الحبس تعطى للقاضي الحق فى الحبس كحد اقصى ثلاث سنوات وفق قانون العقوبات وحدد المشرع المقترح بغرامة لا تقل عن 50 جنيها ولا تزيد عن 500 جنية اى لم يعطى للقاضي الخيار فى اختيار احدى العقوبتين اى سوف تكون العقوبة الحبس من شهرين حتى ثلاث سنوات عقوبة الحبس والغرامة من 50الى 500 جنية معاً وبالطبع سوف يكون مع الحكم المصادرة وليكن معلوم ان كل من حاز سلاح بعد صدور القانون سوف يكون مخالف له الا اذا سلم السلاح او الذخيرة (الرش) الى القسم ولم يتم شرح ضوابط اعطاء رخصة بنادق ضغط الهواء وبالطبع سوف تكون مختلفة عن السلاح النارى واقل حدة

elnawawy

11-10-22 03:14 PM

رد: قتل هواية الصيد واحراز اى سلاح-هام جدا جدا

اقتباس:

المشاركة الأصلية كتبت بواسطة tamer_tatow (المشاركة 220263)

يعنى انا ادخل القسم واجيب شهادة باطن ونظر و واسطة علشان اروح اصطاد عصافير

+1

شكلنا هنرجع للنبله بتاعت زمان

The last knight

11-10-22 05:23 PM

رد: قتل هواية الصيد واحراز اى سلاح-هام جدا جدا

ياجماعة حد يأكد لنا الكلام ده اتفعل ولا لسه محل نقاش وياترى حد سأل فى موضوع ترخيص الحاجات دو ولا ماحدش يعرف.
الموضوع مش بالسهوله دى

Ahmed El Sarky

11-10-22 05:33 PM

رد: قتل هواية الصيد واحراز اى سلاح-هام جدا جدا

اقتباس:

المشاركة الأصلية كتبت بواسطة AHMED IS MAHMOUD (المشاركة 220267)

اه وتجيب معاك كمان العصافير اللى هتصتادها علشان يكشفو عليها

هههههههههههههههههههههههههههههههههههه

الساعة الآن 03:36 AM