|
أول طلعة لي - يمامة للتحدي والتشجيع
3 مرفق
السلام عليكم ورحمة الله وبركاته
تشجعت اليوم صباحا وأخذت البندقية البيونير xs b12 بعد ما ضبطها لي الأستاذ محمود شلبي - ربنا يكرمه - في محله الهدف صيد يمام .... لو حتى واحدة ... علشان أم حبيبة زوجتي ورفيقة الكفاح قالت لي: إنها هي هتصتاد أول يمامة بالبندقية ... وهي في الرماية ما شاء الله ... أنا أصطاد عصفور هي تصطاد عصفور قصاده ... والأسكور متعادل يرضيكم كده يا رجالة طبعا بنصطاد من البلكونة أنا وهي .... النهاردة تسحبت وهي نايمة وأخذت البندقية ونزلت الشارع صباحا الساعة السادسة وصدت يمامة والحمد لله. |
رد: أول طلعة لي - يمامة للتحدي والتشجيع
مبروك الف مليون مبروك عليك وعلي حبيبة
بس اللي عاجبني في الموضوع انك نظفت الرأس ودة شئ نادر في اليمام |
رد: أول طلعة لي - يمامة للتحدي والتشجيع
موضوع جميل جدا وبالتوفيق دائما
وربنا يكرمك ويوسع رزقك |
رد: أول طلعة لي - يمامة للتحدي والتشجيع
وعليكم السلام و رحمة الله و بركاته
الف مبرووووووووووووووووووووووك يا صديقى العزيز و إن شاء الله تكون بداية سعيدة . بس بينى و بينك أنت بس و حضرتك نايم إبقى خبى البندقية طلما فيه ناس تانية فى البيت بتنشن كويس و خلى بالك من نفسك ههههههههههههههههههههه و ربنا يسترها. أخوك أحمد الشرقاوى |
رد: أول طلعة لي - يمامة للتحدي والتشجيع
ما شاء الله
الله ينور وان شاء الله الحصيله تكتر واحسن حاجه انك انتا اللى اصطدت اول يمامه:):) |
رد: أول طلعة لي - يمامة للتحدي والتشجيع
اقتباس:
أشكر تشجيعكم الكريم... وبخصوص الرأس محدش برضى يؤكلها عندنا وبتيجي من نصيبي ... أول مرة اصطتد عصفور تذوقه 10 أشخاص كان ضيفوا عندنا .... شوحتها واعطتها لأم حبيبة حولها الأطفال طابور أنا يا عمتو أنا يا عمتو ... طبعا فضل الرأس وكانت من نصيبي من يومها بحافظ عليها وبنظفها كويس ... رزقي بقه (ابتسامة ) اقتباس:
مرحبا بالمشرف الكبير أحنا جمب بعض (المقطم والقطامية) يا ريت تكون بينا زيارات ... وأتمنى من وراء الموضوع تشجيع النساء ويا ريت نفكر في رحلة لهن مع أزواجهن اقتباس:
والله فكرتك حلوة بس هي ما شاء الله بتصطاد عصافير وهي طيرة ما شاء الله أعمل أنا إيه بقه ... لا يغني حذر من قدر هههههههههههههههههه سترك يا كريم الي شغلني دلوقتي إن سقف التحدي هيعلى وهتقول هاصطاد أول بطة بفكر أربط مع الفرارجي على بكره ويفتح بدري هههههههههههه وأقول أنا اصطدت أول بطة |
رد: أول طلعة لي - يمامة للتحدي والتشجيع
مبروك عليك البندقيه وربنا يديك خيرها وايكفيك شرها
وعبال ال100 يمامه وربنا يخليلك حبيبه |
رد: أول طلعة لي - يمامة للتحدي والتشجيع
اقتباس:
الأستاذ الكبير هشام سمير ما شاء الله عليك نورت الموضوع والله تشجيعك كبير يا كبير ووسام لي والموضوع ده للتاريخ .... وفعلا على قولك أنا اصطدت اليمامة الأول ...... ورحت لقيت نفسي شبعت وعاوز أرجع رغم إن اليمام كان كتير هههههه |
رد: أول طلعة لي - يمامة للتحدي والتشجيع
اقتباس:
الأستاذ bob20102008 وبارك الله فيك ويرزقنا وإياكم من فضله ويخلي لك كل من تحب أخوكم |
رد: أول طلعة لي - يمامة للتحدي والتشجيع
فى إنتظار حضرتك اليوم إن شاء الله بس ياريت يبقى بدرى
و أنا متواجد من الساعة 3 عصرا إن شاء الله. |
رد: أول طلعة لي - يمامة للتحدي والتشجيع
بإذن الله أستاذنا وأخونا الكبير
|
رد: أول طلعة لي - يمامة للتحدي والتشجيع
ياباشا انا ليا الشرف انى اتعرف بيك وشكرا على كلماتك الرقيقه
وشوف يا باشا رتب وانا تحت امرك فى اى وقت بأذن الله |
رد: أول طلعة لي - يمامة للتحدي والتشجيع
الله يكرمك يا مشرفنا العزيز
على الخاص رسالة لسعادتكم تقبل وافر الاحترام والتقدير |
| الساعة الآن 09:28 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir