فلسفة حمار
 

مرة قام حمار يتفلسف ويخاطب ابن ادم
انا بقول تسمعوه يمكن يقول حاجة مفيدة
ماشي
يلا بينا
*
*
*
*
*
*
*
*
*
*
عجبي عليك يابن ادم ياكبير الدار

قومت الدنيا وما قعدتهاش لما قلولك حمار

ايه يعني اسمي شتيمة ولا جنسي عار

خلقني ربنا وخلقك وماحدش بايده الاختيار

وانا مهما زاد الحمل فوقي صابر على المشوار

لابيوم ارفع عيني على جارتي وبصون الجار

ولابيوم ببص على رزق غيري وبطق منه وبغار

ولا مهر أدفع لحمارتي ولا خواتم وشوار

ولا شقة احوش لها طول عمري ولا أجهز دار

ولا مراتي تتوحم وعايزة كافيار

وبنت تخرج عن طوعي وتجبلي العار

ولا ابن يدمن ويهلوس ويقع منهار

عايش بحالي ومتهني وليه احتار

باكل وبشرب وأنهق وما عنديش أسرار

وعندي ابن ادم يخدمني ليل ونهار

اذا جعت يشتري برسيمي باغلى الاسعار

واذا مرضت بيعالجني ويدعي الستار

خادم أمين من غير مرتب ولا حتى ايجار

عرفت يابن ادم مين فينا طلع حمار ؟؟؟


وتقبلو تحياتى

رد: فلسفة حمار
 

اااااااااااااااااااااااااااااااااااااااااااايه الجمال ده

رد: فلسفة حمار
 

والله كلام زى الفل يا رتنى كنت حمار ههههههههههههههه

رد: فلسفة حمار
 

اية الجماااااااااااااااااااااااااااااااال دة
منورررررررررررررررررررررررر يا مؤنس باشا

رد: فلسفة حمار
 

اشكر جميع الاعضاء الافاضل الزين علقو على الموضوع
وتقبلو تحياتى

رد: فلسفة حمار
 

مين اللى طلع حمار

رد: فلسفة حمار
 

تسلم ايدك يا أستاذ مؤنس