استفسار بخصوص الرش
 

السلام عليكم


عندي استفسار فني دلوقتي انا بضرب بالمسدس الرش وبضرب برش ماستر بوينت تأثيره كويس بس الاختراق احيانا بيقف والرشاية بتتطبق خاااالص وبحس الرشاية طريقة.

فانا فكرت في البلي ومش عارف هي البلية ممكن يكون تأثيرها اقوى؟ بس انا بقول ان البلية مالهاش رأس مدبب ايوة اقوى وحديد لكن الرشاية ليها رأس بس رصاص ضعيف فتفتكرو ايهما اقوى؟ وكمان خايف الماسورة تتأثر.

حاجة اخيرة انا شفت رش نمرة 2 ماجنوم لقيته ماشاء الله ناشف اكتر بكتير من الماستر بوينت فياترى هو نمرة 1 منه هيكون ناشف برضوا؟


وموجود في الرابط ده انواع الرش نمرة 1

http://www.egypthunt.net/showpost.ph...64&postcount=1


والعلبة من الرش ده بكام وفيها اد ايه ؟ وفيه منه نمرة 1؟

http://hh7.net/Sep/hh7.net_13165338523.jpg

وياريت تقولولي احسن نوع او اتنين

وشكراً

رد: استفسار بخصوص الرش
 

ايه يا جماعة محدش عارف؟

رد: استفسار بخصوص الرش
 

يا جماعة طيب اسهل السؤال الرش البروماجنوم هل بيكون انشف من الماستر بوينت لان الماستر بوينت لين

رد: استفسار بخصوص الرش
 

انا شفت رش زي ده صلب بغلاف بلاستيك مش فاكر كان الماني و لا انجليزي العلبه 100 رشه ب 90 جنيه

رد: استفسار بخصوص الرش
 

اعتقد الجامو ماتش ممكن يعطيك نتيجه معقوله لأن الرشه اخف من الماستر بوينت و من البرو و بالتالي مع المسدس اللي عادة بيبقى اضعف من البندقيه بكتير ممكن الماتش تاخد منه نتيجه معقوله و اعتقد من التجربه ان دقة التصويب مع الماتش بتبقى اكبر .مع السلاح الضعيف وزن الرش الاخف بيكون اكثر تاثيرا من الطرف المدبب للرش .

رد: استفسار بخصوص الرش
 

اعتقد اسمه بروميثسيوس
جسمة بلاستيك من الجنب عشان ميكلش الششخانات بتاعة الماسورة والبوز من الزنك او جايز يكون صلب
بس اختراق الطلقة ده اسمع انه اختراق قوى جدا (طبعا بناءا على المسدس المستخدم او كمية الغاز المتبقية او حتى البندقية وقوتها ) واسمع حضرتك بردو انه ال 100 طلقة بحوالى 100 جنية
المهم بقا والى عاوز اقول لحضرتك عليه
اوعى تضرب بالبلى الصلب فى المسدس الرش
لان بالكتيير قوى 20 طلقة هتلاقى ان ماسورة حضرتك اتكلت الششخانات من جوة وبقت عملة زى ماسورة البندقية الخرطوش
وربنا يكرمك ويحفظلك سلاحك ويكفيك شرة
اخوك احمد ومعايا ولتر سى بى 88

رد: استفسار بخصوص الرش
 

shahin ربنا يبارك فيك على الافادة وجزاك الله الف الف خير

رد: استفسار بخصوص الرش
 

سامح وهيب شكرا اوي ياباشا ومعلومات هامة والله وانا باذن الله ناوي اجررررررررررب كله والله المستعان ويارب التجار يتعدلوا لاننا اتخقنا منهم ههههه

شكرا يا باشا

رد: استفسار بخصوص الرش
 

اخي الحبيب أحمد kefafy ربنا يكرمك ويبارك فيك وانا عمري ما هستعمل بلي بس كنت بسأل :D


اللي مخليني عايش حياة استغراب حاليا كلام محل سلاح عندنا

رحت لقيت الرش ده

http://www.photosbykev.com/wordpress...stinger-0-177/

ودي صورته

http://www.photosbykev.com/wordpress...inger177_1.jpg

صاحب المحل قالي بالنص: الرش ده ماينفعش للمسدسات قولتله ليه قالي لانه عايز قوة اندفاع عالية وماسورة المسدس صغيرة وقوته ضعيفة مقارنة بالبنادق مع ان مسدسي سرعته 130 متر في الثانية طبعا ضعيفة بالنسبة للبنادق لكن للمسدسات فسرعته كويسة جدا جداً

المهم ماخدتش في بالي لغاية من ساعتين فاتوا بدور على الرش ده لقيت في بياناته حاجة غريبة اوي

وزن الرشاية الواحدة نمرة 1 5.4 grain يعني بالجرام 0.34 في حين ان الرش الماستر بوينت اللي بستعمله وزنه 7.9 grain يعني 0.51 جرام!!!!!

فاستفساري حاليا :

هل كلام صاحب المحل ده حقيقي؟ في حين ان الحقائق العلمية :D بتشير الى ان وزن الرش ابو رأس صلب تقريبا ثلثين وزن الرش الماستر بوينت فازاي كلامه حقيقي؟



ياريت الافادة لان العلبة ب 120 جنيه فيها 100 تقريبا ومافيش مشكلة اني اشتريه اخليه للظروف الحالكة اوي بس خايف يكون كلامه صح مع ان الحقيقة والمقارانات بتقول ان وزن الرشاية اخف من اي رش عادي..

فرأيك ايه في الكلام ده عامة ورأي الاخوة كلهم ؟

رد: استفسار بخصوص الرش
 

اخى العزيز
انا مش عارف هدفك ايه فى قوة الاختراق و لكن اعتقد للدفاع عن النفس.. انا فى رائيي ان قوة الاختراق غير مؤثره فى الدفاع عن النفس لان البلى الصلب و الرش البريمثيوس الى راسه صلب و جسمه بلاستيك ده مفيد فى اختراق الاجسام الصلبه فقط زى الصاج و الخشب انما فى الاجسام الحيه مش هيفرق صلب او رصاص بتاع الرش لانه كده كده اقوى من اللحم و بالتالى الاختراق هيكون واحد و كل الرشه ماكانت مدببه ووزنها اتقل هيكون اختراقها اكبر... اكرر... اختراق الصلب اكبر للاجسام المعدنيه كالصاج لان الرصاص بتاع الرش اضعف من الصاج و بالتالى لا يخترقه والله اعلم

رد: استفسار بخصوص الرش
 

blow c06 أخي الفاضل جزاك الله كل خير وياما أفدتني لما كنت بستفسر منك عن البلو سي الحقيقة تستاهل كل خير وكلامك تمام اوي اوي وربنا يبارك فيك يارب.

والله انا قولت اجيب الرش ابو رأس أسيبه فعلاً كدفاع عن النفس بحيث هو اقوى لكن وجهة نظرك صحيحة وباذن الله هشوف الرش الأثقل وكمان هحاول اجرب الاثنين بحيث اشوف انسب حاجة للمسدس.

وجزاك الله كل خير

رد: استفسار بخصوص الرش
 

بص يا باشا مش كل محلات السلاح اللي فيها بيفهموا و طالما لقيت وزن الرش ده اقل فنتايجه هتكون احسن مع مسدسك من غير مناقشة.. يعني في رش اسمه باراكودا اكسترا هيفي ده مقرب علي جرام ونص بس مقدرش استخدمه في اي بندقية من اللي معايا لانها عاوزة قوة متقلش عن 260|ث عشان تلاقي نتايج كويسة.. فالرش الخفيف ده هيديك مدي احسن ان شاء الله و علي ضمانتي بشرط تتأكد من وزنه حتي لو رحت لمحل دهب و لك تحياتي

رد: استفسار بخصوص الرش
 

محمد حافظ بك ربنا يكرمك وعندك حق المشكلة انها بيفتكسوا ربنا يهديهم.

اها يعني الرش الاوازن المعدية اكيد فعلا عايز حاجة قوية جدا

جزاك الله الف خير وربنا يبارك فيك ويكرمك للافادة ياباشا

وعيد مبارك عليك باذن الله

رد: استفسار بخصوص الرش
 

mawgod meno delwa2t b 75 genih we aloly bardo maynfa3sh lelmosadas