الصيد فى مصر - عمار يا مصر.. متقدمة فى كل حاجة

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

- - عمار يا مصر.. متقدمة فى كل حاجة (http://www.egyhunt.net/showthread.php?t=17362)

عمار يا مصر.. متقدمة فى كل حاجة

فيه ظاهرة جديدة أنتشرت فى المجتمع المصرى ومش عارف أزاى بالشكل ده، وأنا جاى من الشغل ومعدى على المدارس والعيال خارجة إبتدائى وإعدادى العيال خارجة من المدارس ومعاهم إلكترك وعمالين يهزروا مع بعض ويتخانقوا مع بعض، ومش عارف أزاى أهلهم سمحوا لإبنائهم أنهم يروحوا المدرسة فى وسط زملائهم ومعاهم صاعق كهربائى، وأزاى أساساً المدارس تسمح بدخول تلاميذ إبتدائى وإعدادى المدارس ومعاهم صواعق، ده ممكن يقتل بيه تلميذ زميله، إلى هذا الحد وصل الجهل بأولياء الأمور والإهمال فى المدارس أن الصواعق تنتشر بهذا الشكل، مستنيين يقع كم تلميذ قتيل جوة المدارس علشان نصحى ونفوق من الجنان والجهل ده، يا ريت نوعى قرايبنا وصحابنا بخطورة الموضوع ده، العيال ماشية فى الشوارع مشغلة الصواعق وطول الوقت الواحد سامع صوت صاعق شغال فى الشارع قبل ما يقع ضحايا.

رد: عمار يا مصر.. متقدمة فى كل حاجة

يا ريتها تيجي على قد الأليكتريك انا في المدرسة الثانوي الي انا فيها لو واحد اتخانق مع واحد مابيطلعش اليكتريك لا بيطلع سوق السلاح الأبيض و فردة خرطوش و آخر قلة ادب بعيد عنك

رد: عمار يا مصر.. متقدمة فى كل حاجة

يا عم انا في اولي ثانوي وكان عندنا من كام خناقة بين ناس في 3ث وطلع فيها مطاوي لا حصر رغم اننا في مدينة ضباط والجيش مالي المدينة بالالي انا اه منكرش انا عندي كام متوه واليكترك بس بابا عارف طبعا وعمري ما ارضي اني اشيل حاجة منها الا ايام الثورة عشان كان عندنا قلق كنت شايل الالكترك بس طبعا عشان الظروف لكن اشيل مطوة في المدرسة او اليكترك دي صعبة اوي

رد: عمار يا مصر.. متقدمة فى كل حاجة

فعلا دى ظاهرة منتشرة اليومين دوول

رد: عمار يا مصر.. متقدمة فى كل حاجة

ياباشا دول اطفال صغيرين لاكن العيب على الاهل