الصيد فى مصر - عجول العيد

الصيد فى مصر (http://www.egyhunt.net/index.php)

- مقتنيات الاعضاء (http://www.egyhunt.net/forumdisplay.php?f=80)

- - عجول العيد (http://www.egyhunt.net/showthread.php?t=17366)

ramadan

11-10-23 09:09 PM

عجول العيد

كل سنة والاعضاء كلهم بخير وعيد سعيد عليهم كلهم يا ريت اللى عندة فكرة عن اسعار المواشى يقول علشان نستفاد كلنا وكمان اللى عايز يجيب اضحية العيد وكل سنة وانتم طيبين http://www.saidaonline.com/newsgfx/cow-saida.jpg

ramadan

11-10-23 09:36 PM

رد: عجول العيد

http://www.saidaonline.com/newsgfx/cow-saida.jpg

ahmedmidoo

11-10-23 10:01 PM

رد: عجول العيد

انا الحمد لله حجزت عجل للعيد السعر من اسبوع كان من 25 الى 26 للكيلو قايم لكن علشان انا معنديش حد يرعاه وعايزه يوم الوقفة دفعت عربون و حجزت عجل الكيلو ب 27 قايم على ان الاستلام و الوزن يوم الوقفة

tarekvb

11-10-23 10:04 PM

رد: عجول العيد

كل عام وكل الاعضاء بخير وصحة وسلام

pooforever_2010

11-10-23 10:20 PM

رد: عجول العيد

ربنا يقويكم على فعل الخير

ramadan

11-10-23 10:26 PM

رد: عجول العيد

بس دة هيبقى فى فرق كبير اوى 2 جنية لو 300 كيلة هيبقى فى 600 جنية انت كنت جبتة علطول او كنت وزنتة وحسبتة عن ثمن الايام اللى هتبقى عندة هيبقى اوفر ليك

ابو عامر

11-10-23 10:50 PM

رد: عجول العيد

يا جماعه الى عايز عجول للعيد او خراف موجود وده رقمى 01004037622

عادل عبده

11-10-23 10:51 PM

رد: عجول العيد

على كام يابو عامر
وعلى فكره انا عاوز اجيلك يا عمده فى يوم كده نقضيه من الفجر للمغرب

ramadan

11-10-23 10:56 PM

رد: عجول العيد

ابو عامر الاسعار من فضلك علشان كل الاعضاء تستفاد

amin hegazy

11-10-23 11:13 PM

رد: عجول العيد

السلام عليكم ورحمه الله وبركاته
كل سنه وانتم طيبين وعيد سعيد على الامة الاسلامية ان شاء الله
بالنسبة للاسعار السنة دي اغلى كتير من السنه اللي فاتت وخصوصا الخراف بس المهم في خراف صاني في وزراة الزراعة سعر الكيلو 28.75 وده سعر كويس والمهم انك ضامن الميزان قوى دول موظفين وملهمش فية من الاخر
واغلب الخراف اللى هناك من نوع الرحمانى يعنى كويس بس عيب الرحماني ان ليه ليه كبيرة طبعا واسعار العجول هناك 25 جنية للكيلو وبرده دى اقل اسعار سمعتها.
متنسوناش في حته من كتف الخروف بقه وكل سنه وانتم طيبين

عادل عبده

11-10-23 11:16 PM

رد: عجول العيد

اقتباس:

المشاركة الأصلية كتبت بواسطة amin hegazy (المشاركة 222438)

تسلم ايدك يا اخى جزاك الله كل الخير وسعر الضانى حلو اووووووى
والرحمانى خرفان نضيفه وبنشمشم عليه فى موسم زى ده
العجول شدت شده منيله وخصوصا ان الاوزان بتبقى عاليه اووووى
على العموم جزاك الله خير يارب

صيادالطيور

11-10-23 11:22 PM

رد: عجول العيد

كل سنة وانتوا طيبين

Mohamed Mahmoud

11-10-23 11:31 PM

رد: عجول العيد

كل سنة وحضراتكم طيبين

general

11-10-24 12:01 AM

رد: عجول العيد

ربنا يقويكم وكل سنة وانتوا طيبا جميعا

صياد كبير

11-10-24 04:53 PM

Re: عجول العيد

كل عام ومصر وانتم طيبين والعالم الاسلامي كله بخير ( ولو انه مش باين ) اعاده الله عليكم باليمن والبركات اسعار وزارة الزراعه حلوه بجد

ramadan

11-10-24 09:06 PM

رد: عجول العيد

طيب لو حد فعلا ناوى يروح يجيب من عند وزارة الزراعة يبقى يقولنا اية اللى حصل معاة فى الاسعار والميزان والعجول اقل عجل يتوزن هناك يبقى كام كيلو وطبيعة المعاملة هناك عاملة اية وشكرا

عادل عبده

11-10-24 09:33 PM

رد: عجول العيد

واللهى ياجدعان انا سألت على الاسعار بره وزارعه الزراعه لقيت اسعارهوم لقطه وفعلا اللى يعرفلوهم سكه يقولنا عشان نروح نجيب معاه

ramadan

11-10-25 12:03 AM

رد: عجول العيد

بجد يا جماعة حد يتاكد لنا من موضوع الاسعار بتاعت وزارة الزراعة دى وبالنسبة للعجول اقل وزن للبيع كام كيلو وياريت السرعة علشان ما حدش تستعجل ويشترى من برة غالى وشكرا

moneey1975

11-10-25 11:59 AM

رد: عجول العيد

كل سنه والاخوه الاعضاء بخير وسعاده وان شاء الله تعالي السنه الجايه متجمعين عند النبي صلي الله عليه وسلم

ramadan

11-10-25 01:21 PM

رد: عجول العيد

علية افضل الصلاة والسلام

dr mohamed kamal

11-10-25 03:20 PM

رد: عجول العيد

اقتباس:

المشاركة الأصلية كتبت بواسطة amin hegazy (المشاركة 222438)

تحذير هام من وزارة الزراعة بالدقى و جهاز خدمات القوات المسلحة بالعباسية ,حيث أن وزارة الزراعة و جهاز خدمات القوات المسلحة يتعاقدون مع متعهدين للبيع بالاسعار المعلنة من قبل وزارة الزراعة والجهاز ,ولكى يعوض هؤلاء المتعهدون فارق السعر يقوموا بسرقة من 4 إلى 8 كيلو فى وزن الخروف ,وهذا الموضوع لمسته فى وزارة الزراعة عندما ذهبت لشراء خروف العيد منذ عامين ,لاحظت كبر وزن الخروف بالنسبة لحجمه ولكى أتأكد من ذلك صعت على طبلية الميزان بعد إستإذان من يقوم بالوزن لتقدير وزنى كا نوع من الدعابة وكان وزنى 126 كجم مع العلم أن وزنى 118 كجم على الميزان الدجيتال ,اى أن الفرق 8 كجم ,أما جهاز الخدمات للقوات المسلحة يسرقون من 4 إلى 5 كجم عن طريق السلبة التى يعلق بها الخروف وزنها 4كجم تحسب مع الوزن الكلى ,طبعا الوزارة و الجهاز ليس لهم علاقة بذلك لانهم لايشرفون على عملية الوزن بل هى متروكة لهؤلاء المتعهدون معدمون الضمير,حسبى الله ونعم الوكيل و هذا للعلم لاتخاذ اللازم والحيطة والحذر وعدم الشراء منهم أو تشترى ويكون السعر الحقيقى كما بالسوق وليس السعر المعلن المزيف

ramadan

11-10-25 09:05 PM

رد: عجول العيد

حسبى اللة ونعم الوكيل

عادل عبده

11-10-25 09:25 PM

رد: عجول العيد

اقتباس:

المشاركة الأصلية كتبت بواسطة dr mohamed kamal (المشاركة 223264)

ماشاء الله ولاقوه الا بالله انت فعلا رجل من كتر قربك من ربنا ربنا بيكشفلك وانا مش هنسى الموضوعين اللى حضرتك حكتهوملى وحشتنا يادكتور وجزاك الله خير عن نقل المعلومه

حسين شوقى

11-10-25 09:44 PM

رد: عجول العيد

الاخوه الافاضل اعضاء المنتدى
سلام الله عليكم ورحمته وبركاته
اسعار الخراف الحيه البلدى فى المجمعات30جنيه طبقا لما اعلن فى الجرائد
انواع الخراف البلديه فى السوق الرحمانى ولونه بنى غامق ويتميز بكبر حجمه وذو ليه كبيره
والاوسيمى وهو من الخراف الكبيره الحجم والليه وقرون غليظه والعواسى ويتميز باللون الكريمى فى بنى
والبرقى وهو الاجود من ناحيه الطعم وكذلك صغر الليه ومتواجد بكثره فى وادى النطرون والعامريه ومرسى مطروح
ودائما اختار الخروف النشيط كثير الحركه ذوى الصوف اللامع الخالى من اى اصابات
ويفضل الشراء من اى مصدر موثوق به لضمان الحاله الصحيه لان معظم التحصينات للحيوانات تكون هناك فتره لا تصلح للاستخدام الادمى الا بعد مرور فتره بعد اعطاء التحصينات وتتراوح من اسبوعين الى 28 يوم حتى لا يقع ضرر على المستهلك وهذا لاتتاكد منه الا من مصدر موثوق منه ولا تجعل السعر الادنى هو المقياس للشراء لانه كما تفضل اخ فاضل بالتنويه عن الغش فى الميزان بمعنى سعر اقل وتعويض بالغش فى الميزان وعيد سعيد علينا جميعا
حسين شوقى/ عضو الجمعيه المصريه لمنتجى الاغنام والمعز

ramadan

11-10-25 10:16 PM

رد: عجول العيد

شكرا يا حسين باشا وياريت نعرف اسعار العجول والجاموس كام

dr mohamed kamal

11-10-25 10:25 PM

رد: عجول العيد

اقتباس:

المشاركة الأصلية كتبت بواسطة عادل عبده (المشاركة 223469)

شكرا حبيبى على المجاملة الجميلة ,بس والله ربنا ميرضاش بالغش وديما يرسل من يكشفهم على حقيقتهم حتى يحمى الناس من غشهم ,لان هؤلاء البشرقد باعوا آخرتهم بدنياهم ,تحياتى و إحترامى لشخصكم الكريم

الساعة الآن 05:51 AM