الصيد فى مصر

الصيد فى مصر (http://www.egyhunt.net/index.php)
-   صور وفيديو الصيد ورحلاته (http://www.egyhunt.net/forumdisplay.php?f=47)
-   -   نزلة امبارح (http://www.egyhunt.net/showthread.php?t=1753)

Oonyx 10-03-05 11:21 PM
نزلة امبارح
 
13 مرفق
امبارح اخويا العزيز المهندس أحمد شرفني وكان عايز ينزل يصطاد, لفينا شوية بس ماكانش في طير كتير. الحمدللة وفقنا لبعض الصيد. عايز اقول حاجة إن أنا اكتشفت إن على مدار سنين صيدي 13 سنة مكلتش لحم في جمال "أبوطيره وفراخ الغيط-مش فراخ المية"-أنا مجربتش حاجات كتير بس هم أحلى من الغر. وصورت نفسي وانا باطبوخهم. طبعا مفاتنيش إني اعدي على مزرعة الولد وآكل فول نبت.هههههههه. وكمان شوفوا الحامل اللي أنا عملته على ايدي, هيعجبكم قوي إن شاء الله..... يارب تعجبكم.
....اسيبكم مع الصور.
عامر.

eng_ahmed 10-03-06 01:02 AM
رد: نزلة امبارح
 
ماشاء الله اه الجمال ده ربنا يجعلهم بالهنا والشفئ عليك

RAMY ESSAM 10-03-06 01:56 AM
رد: نزلة امبارح
 
والله يا عامر باشا أنا مستني صورك بفارغ الصبر و الله يباركلك يا باشا و بالهنا و الشفا
ده إنت طلعت جامد في الطبخ :)

body77 10-03-06 08:02 AM
رد: نزلة امبارح
 
اونيكس باشا الله ينور
بس مافيش عزومه زى دى بس تكون يوم اربعاء اوخميس ؟؟؟؟
وياريت تصور الحامل لوحده وتشرح طريقته مفصله ليستفاد الاعضاء

محمد سليمان 10-03-06 09:01 AM
رد: نزلة امبارح
 
ممتعنا دايماً يا عامر والله ربنا يباركلك
حلو قوى حكايه الحامل اللى عملته على ايدك ده انا كنت هجيب واحد و سألت عليه بالفعل و طلع غاااااالى جداً... ربنا يباركلك فيه و بالهنا والشفا بس واضح انك فعلاً خلصت على طيور المنطقه كلها :d

حسام عبادي 10-03-06 09:45 AM
رد: نزلة امبارح
 
الله ينور يا باشا
الحامل ده شكله حامل كاميرا ...صح؟
بس ياترى عدلت فيه ولا لأ؟
مره تانيه الله ينور

Karim Eid 10-03-06 10:33 AM
رد: نزلة امبارح
 
الله ينور يا ريس بس انا كنت عايز اعرف نوع البندقية اللي معاك ايه

طلعت بخيت بسكالس 10-03-06 04:23 PM
رد: نزلة امبارح
 
ياعامر أنت صياد جميل تسلم وتسلم أيديك
بس ليا عندك أستفسار تقصد أيه بفراخ الغيط أنا اللي أعرفه بأن فراخ المية هي فراخ الغيط أو فراخ الديس أو فراخ الهيش أو فراخ الحجنة كل مكان بيطلق عليها أسم وهي في الأكل طعمها ممتاز ولكن في كمان الديك السلطاني وده حجمه كبير ولون ريشه أزرق لامع ورقبته طويلة ومنقاره أحمر وده يعتبر أطعم طير علي وجه الأطلاق في الأكل يليه البط الشرشير ثم البط الخضيري ثم الفراخ وده بالنسبة للطيور المائية

body77 10-03-06 06:49 PM
رد: نزلة امبارح
 
اقتباس:
المشاركة الأصلية كتبت بواسطة طلعت بخيت بسكالس (المشاركة 13392)
ياعامر أنت صياد جميل تسلم وتسلم أيديك
بس ليا عندك أستفسار تقصد أيه بفراخ الغيط أنا اللي أعرفه بأن فراخ المية هي فراخ الغيط أو فراخ الديس أو فراخ الهيش أو فراخ الحجنة كل مكان بيطلق عليها أسم وهي في الأكل طعمها ممتاز ولكن في كمان الديك السلطاني وده حجمه كبير ولون ريشه أزرق لامع ورقبته طويلة ومنقاره أحمر وده يعتبر أطعم طير علي وجه الأطلاق في الأكل يليه البط الشرشير ثم البط الخضيري ثم الفراخ وده بالنسبة للطيور المائية
يا استاذ طلعت واحده واحده علينا ياباشا جريت ريقنا ينفع الكلام ده ؟؟؟؟؟؟؟؟عمالين نسمع عن فراخ غيط وهيش ومياه وديوك سلطانى وبط ووز وحمام وده طعمه لذيذ وده مدرك ايه يا استاذ طلعت
بييييييييييييييييان على المعلم علشان نعرف ؟؟؟؟؟؟؟؟؟؟؟
ورحمه بالناس الغلابه.....ونظره....

Oonyx 10-03-06 08:49 PM
رد: نزلة امبارح
 
1 مرفق
اقتباس:
المشاركة الأصلية كتبت بواسطة حسام عبادي (المشاركة 13369)
الله ينور يا باشا
الحامل ده شكله حامل كاميرا ...صح؟
بس ياترى عدلت فيه ولا لأ؟
مره تانيه الله ينور
يا استاذ عبادي الحامل ده عبارة عن 3 مواسير معدن + محور بتاع خلاط + مبيت مسمار من لعبة قديمة + قطعة فايبر من مقبض فرامل من عجلة قديمة و نشرتها و فرغتها من جوة و عملتها على شكل قبة... و بعدين ركبتها من فوق البندقية و وصلت طرف القبة على مبيت المسمار المنصهر على المحور المتصل بالمواسير الثلاثة..
بس كده, و مشاء الله بيديك ثبات عشان تضرب على مسافات!
اقتباس:
المشاركة الأصلية كتبت بواسطة karim_legand (المشاركة 13373)
الله ينور يا ريس بس انا كنت عايز اعرف نوع البندقية اللي معاك ايه
البندقية دي powerline 1000

اقتباس:
المشاركة الأصلية كتبت بواسطة طلعت بخيت بسكالس (المشاركة 13392)
ياعامر أنت صياد جميل تسلم وتسلم أيديك
بس ليا عندك أستفسار تقصد أيه بفراخ الغيط أنا اللي أعرفه بأن فراخ المية هي فراخ الغيط أو فراخ الديس أو فراخ الهيش أو فراخ الحجنة كل مكان بيطلق عليها أسم وهي في الأكل طعمها ممتاز ولكن في كمان الديك السلطاني وده حجمه كبير ولون ريشه أزرق لامع ورقبته طويلة ومنقاره أحمر وده يعتبر أطعم طير علي وجه الأطلاق في الأكل يليه البط الشرشير ثم البط الخضيري ثم الفراخ وده بالنسبة للطيور المائية

Karim Eid 10-03-06 09:02 PM
رد: نزلة امبارح
 
الله ينور عليك

galal khalifa 10-03-06 10:17 PM
رد: نزلة امبارح
 
يا عامر انت بردة عملتها لوحدك ماشي بس المهم انك فعلا راجل بتحب الصيد علشان كدا كل مرة في جديد منك الله ينور .

طلعت بخيت بسكالس 10-03-07 01:43 AM
رد: نزلة امبارح
 
حبيبي عمورة فراخ الميه صح هية دي كما موضح ولكن مش قادر أميز كويس هوية الطائر التاني لو عندك أي معلومة علمية أو صور أكثر وضوحا أكون شاكر ليك

طلعت بخيت بسكالس 10-03-07 01:48 AM
رد: نزلة امبارح
 
اقتباس:
المشاركة الأصلية كتبت بواسطة body77 (المشاركة 13402)
يا استاذ طلعت واحده واحده علينا ياباشا جريت ريقنا ينفع الكلام ده ؟؟؟؟؟؟؟؟عمالين نسمع عن فراخ غيط وهيش ومياه وديوك سلطانى وبط ووز وحمام وده طعمه لذيذ وده مدرك ايه يا استاذ طلعت
بييييييييييييييييان على المعلم علشان نعرف ؟؟؟؟؟؟؟؟؟؟؟
ورحمه بالناس الغلابه.....ونظره....
وائل باشا أنت عمال تبعتني ولا عايز تعزمني ولا تشرفني .
والله الديب فريزر مليان واللي ليك رغبة تتذوقه قول بس عليه ولو عايز تصطاده بأيدك أرجوك أتصل بيا

Karim Eid 10-03-07 07:43 AM
رد: نزلة امبارح
 
شكلكو كده هتعملو رحلة صيد من ورانا

عثمان الشبراوى 10-03-07 08:36 AM
رد: نزلة امبارح
 
الف هنا ليك انا لسة بردو نازل امبارح بى النوريكا 56 وكانت الحصيلة 3 حمامات و2 يمامة 1 فرخة الغيط

Oonyx 10-03-07 10:28 AM
رد: نزلة امبارح
 
و الله يا بشمهندس طلعت هدور لحضرتك على تفاصيل إن شاء الله..

smsmn8888 10-03-07 10:39 AM
رد: نزلة امبارح
 
رائعا بجد البندقية دي لو شوفتك بيها بالشكل تا في الشارع ماليش دعوة

body77 10-03-07 10:46 AM
رد: نزلة امبارح
 
ماشى ياعم عموره شوفت مشاركتى وطنشتنى ولا اتفضل ولااى حاجه
ربنا يخليك لينا ياكبير ومايحرمناش منك

Oonyx 10-03-07 08:54 PM
رد: نزلة امبارح
 
والله انا آسف جدا يا جماعة ان كنت قصرت في حق أي حد انا بجد آسف
أستاذ body77 انا ممتن جدا لمشاركتك
أستاذ جلال و الله الموضوع جه على غفلة حضرتك عارف مكنتش انزل غير على الشرقية عدل
smsmn8888 البندقية تغلى عليك....قصدي متغلاش عليك واتفضل البندقية المتواضعة دي
عثمان باشا ربنا يرزقك من وسع انا كانت عندي زمان norica 56 و كنت بعمل بيها البدع
الكبير كبير يا عم كريم من قدك هنيالك الdiana 52 انا مش بقر ههههههههه
بشمهندس طلعت طالما الفريزر مليان متبعلي بط شرشيري أو ارانب أحسن دول أحلام بعيدة المنال عليا :D
بشمهدس أحمد اتفضل معايا بس من بعيد انا زي الفريك مابحبش شريك هههههه
رامي عصام باشا برضه اتفضل معايا (بقولهالك بنبرة حافتة) هههههههه
محمد سليمان انت عارف اني مهما قلت مش هوفيك قدرك.. برضة اتفضل معايا, انا كنت قولك قبل كده على الطبخ بتاعي و جماله, تنورني في أي وقت

طلعت بخيت بسكالس 10-03-07 11:55 PM
رد: نزلة امبارح
 
والله باعمورة أنا مش بعزم عزومة مراكبية ياجدععععععععععععععععععععععععععان الفريزر مليان بط بس أرانب مفيش
وأنا مسيحي وعندنا دلوقت صيام محدش بياكل الكلام ده.
أرجوك أبعت لي العنوان وأنا هاتصرف وهايوصل لحد عندك خضير وشرشير

Karim Eid 10-03-08 03:49 AM
رد: نزلة امبارح
 
يا ريس بخيت احنا مابنكلمش في الاديان
فانت مصري وانا مصري
انت عربي
وانا عربي

shuter 10-03-09 08:50 PM
رد: نزلة امبارح
 
ممكن لو سمحت اعرف سعر البندقيه بتاعتك دى كام power line 1000

Oonyx 10-03-10 12:07 AM
رد: نزلة امبارح
 
انا جبتها من بره بسعر 1250 بس في مصر هتعمل اضعاف

هشام سمير 10-03-10 05:22 PM
رد: نزلة امبارح
 
ما شاء الله ايه الجمال ده وكمان البندقيه خرافة بارك الله لك فيها بس ممكن شرح اوفى لطريقة تصميم الحامل لو تكرمت

Oonyx 10-03-11 11:04 AM
رد: نزلة امبارح
 
والله يا هشام باشا أنا كنت كتبت قبل كده طريقة عمله وهووا بأقل الموارد .
أولا)) أنا جبت 3 مواسير من ستيل من المخزن القديم بتاعنا وجبة اطرافه وسيحت عليه 3 قطاع كاوتش عشان مايتزاحلاقش لما احطه على الأرض.
ثانيا)) كان عندنا خلاط قديم وإنت عارف طبعا إن الخلاط ليه محور فوق الموتور- قمت بفكهم وسيحتهم على بعض
ثالثا)) أي لعبة أو أي جهاز ليه مبيت للمسامير- كسرته من لعبة قديمة ولازقته على المحور
رابعا)) طبعا محتاج الجزء اللي فوق الماسورة بتاعت البندقية. ده بقى ياسيدي عبارة عن مقبض الفرامل بتاع العجلة. مكان مابتشد المقبض هتلاقي مبيت للدراع عشان يرجع الدرع مكانه صح؟ هو ده أنا نشرته فبقى عبارة عن ثلاث أرْباع دايرة وله مبيت مسمار, كده الصورة اكتملت
وبتوفيق يا سيدي ابقى اعمله وقولي.

Karim Eid 10-03-11 01:24 PM
رد: نزلة امبارح
 
الله ينور عليك

السلطان 10-03-11 09:22 PM
رد: نزلة امبارح
 
مشاء اللة تبارك اللة

السلطان 10-03-11 09:31 PM
رد: نزلة امبارح
 
ماء شاء الله تبارك الله ربنا يزيد ويبارك

Oonyx 10-03-11 09:33 PM
رد: نزلة امبارح
 
متشكر على الردود :$

البورسعيدي 10-03-12 04:17 PM
رد: نزلة امبارح
 
[color="blue"]السلام عليكم ورحمة

البورسعيدي 10-03-12 04:23 PM
رد: نزلة امبارح
 
السلام عليكم ورحمة الله وبركاته
رحله جميله ما شاء الله وصيد موفق عقبال كل مره ، لكن ليا ملاحظه صغيره ، الطائرين علي اليمين اللي حضرتك علمت عليهم بالمربع الاحمر ، دول نوع من الغربان كنا بنسميهم عندنا في المحله الغراب الفرنساوي ، له ريش بني في إسود في أبيض جميل ، وعينه لونها أحمر داكن ، ودايما تشوفه علي الشجر ينتقل من غصن إلي آخر ، وأنا إصطدته كتير للتحنيط لا للأكل ، وفيه في الصور أيضا فراخ الغيط أو الميه في المربع الأبيض ، وفيه أيضا طير البكاشين كما نسميه عندنا في بورسعيد ، وأنا إصطدته من علي ضفاف الترع في المحله ، وتقبل مروري وتحياتي

Oonyx 10-03-13 12:09 AM
رد: نزلة امبارح
 
طبعا اتقبله , إنت تنورني.
على فكرة صح وصفك جدا بس ياسيدي ده طعمه جميل جدا لدرجة إني أول مرة آكل حاجة بالجمال ده من زمان. يا بورسعيدي باشا لو ممكن ترفع صور ليه عشان البشمهندس طلعت طالب مني صور بس أنا مش عارف الاسم المتعارف عليه عشان أجيبه. شاكر افضالك

البورسعيدي 10-03-13 12:58 AM
رد: نزلة امبارح
 
شكرا علي ذوقك الرفيع يا أستاذ عامر ، وبالهنا والشفا يا باشا ، وأنا هحاول ألاقي صور لهذا الطائر وأرفعها في المنتدي في أقرب وقت إن شاء الله ، لك تحياتي
حازم الديب

محمد سليمان 10-03-14 11:23 AM
رد: نزلة امبارح
 
اقتباس:
المشاركة الأصلية كتبت بواسطة oonyx (المشاركة 13800)
والله يا هشام باشا أنا كنت كتبت قبل كده طريقة عمله وهووا بأقل الموارد .
أولا)) أنا جبت 3 مواسير من ستيل من المخزن القديم بتاعنا وجبة اطرافه وسيحت عليه 3 قطاع كاوتش عشان مايتزاحلاقش لما احطه على الأرض.
ثانيا)) كان عندنا خلاط قديم وإنت عارف طبعا إن الخلاط ليه محور فوق الموتور- قمت بفكهم وسيحتهم على بعض
ثالثا)) أي لعبة أو أي جهاز ليه مبيت للمسامير- كسرته من لعبة قديمة ولازقته على المحور
رابعا)) طبعا محتاج الجزء اللي فوق الماسورة بتاعت البندقية. ده بقى ياسيدي عبارة عن مقبض الفرامل بتاع العجلة. مكان مابتشد المقبض هتلاقي مبيت للدراع عشان يرجع الدرع مكانه صح؟ هو ده أنا نشرته فبقى عبارة عن ثلاث أرْباع دايرة وله مبيت مسمار, كده الصورة اكتملت
وبتوفيق يا سيدي ابقى اعمله وقولي.
يا سيدى يا سيدى :) ايه يا اونكس يا جميل الحلاوه دى
مش قلتلك عبقرى انت ضحكت :)
و الله التأمل فى الطبيعه و ملكوت الله ده له فضل كبير فى تنميه مهاره الابتكار.. و طبعاً كمان زى مانت قلت "الحاجه ام الاختراع :)"

noricawy isa 10-03-14 01:23 PM
رد: نزلة امبارح
 
الله الله الله ايه ده ياعم اونيكس الجمال ده - ماشاء الله صيد ممتاز وبندقيه روعه - بارك الله لك فيها - ومستنيين بقه اي اتصال كده ولا عزومه ولا اي جناح ولا دبوس حتي هههه - الف هنا ياوحش

Oonyx 10-03-14 09:46 PM
رد: نزلة امبارح
 
اقتباس:
المشاركة الأصلية كتبت بواسطة محمد سليمان (المشاركة 14101)
يا سيدى يا سيدى :) ايه يا اونكس يا جميل الحلاوه دى
مش قلتلك عبقرى انت ضحكت :)
و الله التأمل فى الطبيعه و ملكوت الله ده له فضل كبير فى تنميه مهاره الابتكار.. و طبعاً كمان زى مانت قلت "الحاجه ام الاختراع :)"

مجمد سليمان علطول بتحرجني بذوقك.... بجد نعم الأخلاق
اقتباس:
المشاركة الأصلية كتبت بواسطة noricawy isa (المشاركة 14106)
الله الله الله ايه ده ياعم اونيكس الجمال ده - ماشاء الله صيد ممتاز وبندقيه روعه - بارك الله لك فيها - ومستنيين بقه اي اتصال كده ولا عزومه ولا اي جناح ولا دبوس حتي هههه - الف هنا ياوحش

يا عم نوريكاوي تشكر والله على اي حاجة تقولها إلاااااااااااااااااااااااااااا الأكل, انا بخيل جدا في أكل البر لونك المفروض انك شبعان أكل البر, انا لما كنت فالكويت كنا بنطلع سنويا بر الوفرة و كنا بنصطاد ارانب و يرابيع و ظباء. ده غير هواية جمع الحيايا و العقارب
نرجع لموضوعنا, لو ينفع أبعتلك والله ما أتأخر انا بطبخ حلو جدا...ده غير ان اسمك شدني جدا لأني من عشاق النوريكا

noricawy isa 10-03-14 11:24 PM
رد: نزلة امبارح
 
والله يمعلم مأكلت ولا اكله بر لحد دلوقتي مع اني بقالي هنا ييجي 20 سنه وهنا كمان في تشديد جامد قوي علي حمل السلاح - ونفسي اطلع مره اصطاد من البر والجو الجامد ده - ربنا يكرم انشاء الله بطلعه قريبه كده مع الاستاز اسامه خطاب و هنتر بوي - تحياتي لك ياباشا

gamal abdelhak 10-03-24 09:54 PM
رد: نزلة امبارح
 
عمورة الصور لاتظهر عندى

Oonyx 10-03-26 04:14 PM
رد: نزلة امبارح
 
مش عارف والله يا أستاذ جمال أنا ظاهرة عندي, ممكن تعمل reload للصفحة أو تبص في ال internet settings وتشوف المشكلة.


الساعة الآن 12:59 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir