|
ظاهرة غريبة - ومش عجباني.
انا من هواة تصفح صور الصيد
ولكن بعض الاعضاء لا يعلمون اماكن كثير للصيد مثل دجاج الماء - حمام بري - بط وخلافة ولما يسأل أحد الاعضاء الذين لا يعلمون اين هذا الصيد تجد ان العضو صاحب الموضوع والصور والصيد الجميل لا يجيب كأنه حكر - وأكرر اني اقول بعض الاعضاء وليس الكل اتذكر أكثر من موضوع عن تحديد اماكن الصيد ولكن لا اجابة وهذا انا اعتبرة نوع من انواع البخل تعاونو علي البر والتقوي http://www.egypthunt.net/showthread.php?t=16725 |
رد: ظاهرة غريبة - ومش عجباني.
دة حقيقي بس للامانة انا مرة سألت أ/عصام عاصم
علي مكان القميري وجاوب قالي في جديقة بجوار جهاز بدر مليان بس علي المغربية لما يدخل الجزورين ------------ لكن للاسف سألت اكثر من عضو علي مكان بط او مكان حمام بري - محدش رفض يقول - بس محدش قال |
رد: ظاهرة غريبة - ومش عجباني.
إخوانى الكرام عدم تحديد مكان الصيد يكون لأسباب أمنية فقط , وهذا ما تعلمناه من الصيادين الأكثر خبرة , وليس لأى سبب آخر , لأن الصيد رزق , وماحدش بياخد رزق حد يعنى إيه أسباب أمنية ؟ يعنى لو أنا قلت مكان الصيد عالمنتدى , وبالصدفة حصل مشكلة فى نفس المكان , يبقى أنا كدة وضعت نفسى فى دائرة الشبهات , و ممكن أجيب لنفسى مشكلة مالهاش لزمة طيب ليه ماحدش بيقول عالخاص أو فى التليفون ؟ لنفس السبب , لو أنا ماعرفش الشخص اللى هاقوله على مكان الصيد , ممكن الشخص ده يروح المكان , ونتيجة عدم خبرته فى الصيد واحتياطات الأمان و التعامل مع الناس فى المكان , ممكن يتسبب فى مشكلة تؤدى الى منعنا من الصيد فى المكان مستقبلاً. علشان كدة لازم مانقولش على أماكن صيد لأى حد إلا إذا كنت أعرفه شخصياً , وأعرف أنه له خبرة جيدة بالصيد وبالإحتياطات المطلوبة , ولو ماعرفهوش , يبقى لازم نطلع مع بعض علشان أعرّفه المنطقة و خبرات الصيد فيها و طريقة التعامل مع الناس حتى أتأكد من عدم حدوث مشاكل فى المستقبل والدليل على ذلك أن فيه أعضاء هنا طلعوا معانا , وكانت أول طلعة ليهم , و أول مرة نتعرف بيهم , وماحدش بخل عليهم بحاجة وإسألوا زمايلنا عادل عبده و جامايكا و محمد وفيق أرجو أن تكونوا تفهمتم وجهة نظرى وهذا فعلاً ما تعلمناه من الصيادين الأكثر خبرة بارك الله فيكم |
رد: ظاهرة غريبة - ومش عجباني.
اقتباس:
|
رد: ظاهرة غريبة - ومش عجباني.
الله ينوووووووووووووور
|
رد: ظاهرة غريبة - ومش عجباني.
اقتباس:
اقتباس:
بارك الله فيكم |
رد: ظاهرة غريبة - ومش عجباني.
يا افندم انك ما تقولش على مكان صيدك هى احدى صفات الهوايه ديه
مش علشان بخل او كده علشان ده سر بين الصياد ونفسه يعنى انا لو بصطاد مثلا تحت شجره مليانه يمام وبجيب بال100 فرده هاجى اقولك بصطاد تحت شجره؟؟ بس انا جبت الشجره ديه بانى دورت ولفيت عليها واستحاله يعنى اجى اقول لصياد مبتدئ ع الشجره ويروح يرجع ب 5 مثلا ولا يستفيد اى حاجه ولا يكتسب اى خبره وكمان لو مثلا انا بصطاد فى منطقه زى الشروق وانا فعلا كنت بصطاد فى منطقه سكنيه وفيها سكان كمان واجى اقول لواحد مبتدئ ومتهور حبتين ع المكان يروح يكسر ازاز الناس كلها ويعمل مشاكل واجى اروح انا تانى اتدبس فى مشكله مش بردو كلامى صح ولا ايه؟؟ انا شخصيا بقول على مكان صيدى لانه فى الصحرا وصعب الى حد ما تعمل فيه مشكله بس صدقنى انا نفسى لما نزلت الشروق اول مره وكنت بسمع بكميه الحمام هناك مكنتش اعرف المكان بتاعهم فين واسال استاذ يوسف واحمد روك هايقولولك انى وصلتهم لمكان فيه ما لا يقل عن 1000 حمامه بس ده بحكم خبرتى انا فى صيد اليمام وتتبع مكانه حضرتك ما تستعجلش على صيد وابدا براحه وحبه حبه هاتلاقى نفسك بتوصل لاماكن كل الطيور لوحدك ولو عاوز اماكن عامه فيها طيور زى بدر والعبور والشروق والفيوم وكده فده حقك علينا طبعا انما فين بالتحديد محدش هايقدر يفيدك لانها بتيجى بالخبره وع الاقل لازم تطلع مع حد خبره يعلمك الاول بس ارجو كلامى ميكونش ضايق حضرتك وان شاء الله ربنا يكرمك ويرزقك سلام عليكم |
رد: ظاهرة غريبة - ومش عجباني.
اقتباس:
البحث عن الصيد و أماكنه و تتبع الصيد هو جزء هام جدا من الهواية , و متعته عند بعض الناس أكبر من متعة الصيد نفسها , علشان كدة لا يفضل إنك تاخده عالجاهز بدون تعب و بحث , علشان تكتمل عندك متعة الصيد . |
رد: ظاهرة غريبة - ومش عجباني.
اقتباس:
حبيب هرتى انا سامع اسمى منور فى الموضوع اول حاجه وحشتنى جدا يا اخى الكبير وانت عارف اللى فى القلب تانى حاجه انا الرحله ديه كانت من اجمل رحالات حياتى واكتر ايام عمرى حظ اول حاجه عشان طلعت بأخ كبير وانا ماليش اخوات اكبر منى وده طبعا الدكتور محمد بعد اذنه طبعا تانى حاجه عشان الصوره الجامده وتالت حاجه لانى كنت بضرب حلو فى اليوم ده واتعرفت على ناس عمرى مامنت احلم اتعرف عليهوم بدون ذكر اسماءهوم بقى |
رد: ظاهرة غريبة - ومش عجباني.
اقتباس:
والله أنا ما بعرف أرد عليك ازاى من ذوقك و أخلاقك بارك الله فيك |
رد: ظاهرة غريبة - ومش عجباني.
كمان يا جماعه الطير فزاع يعني المكان الي بيروحه صيدين كتير بيفر منه الطير و اكيد كلنا عرفين كده
|
رد: ظاهرة غريبة - ومش عجباني.
|
رد: ظاهرة غريبة - ومش عجباني.
يعنى اعمل حسابى اجى اخلصلكو على الفراخ اللى عندكو يابو عامر ؟؟؟؟؟
__________________ |
Re: ظاهرة غريبة - ومش عجباني.
الموضوع مهم جدا وفيه كلمة اتئالت ومحدش علق عليها وهى احتياطات الأمان ودى اغلب الصيادين الجداد زيى انا منعرفهاش وارجو التنويه عنها لانى مطلعتش لغاية دلوقتى
|
رد: ظاهرة غريبة - ومش عجباني.
اقتباس:
|
رد: ظاهرة غريبة - ومش عجباني.
صدمة غير متوقعة من الردود.
كنت بتمني ألاقي ردود غير كدة. لكن للأسف انا شايفها انانية مش زي ما كل واحد شايف تفسير بيقولو ويتحجج بيه. يعني اية واحد هيعمل مشكلة يبقي كدة اللي عملها اللي بيجي يصطاد هنا وهو فلان ورد تاني يقول انا اللي تعبت في المكان دة ولقيتة بعد تعب - علي فكرة (تعاونو علي البر والتقوي ) انا حاسس اني لو قابلت حد بيصطاد هيقولي لو سمحت امشي من هنا المكان دة انا اللي اكتشفتة وكمان واحد يقول الله ينور علي الشرح هو في اية . حقيقي في حاجة غلط |
رد: ظاهرة غريبة - ومش عجباني.
اقتباس:
الأخ الفاضل ... انت سألت سؤال و احنا اهتمينا بموضوعك و ردّينا عليك , أرجوك ماتخلّيناش نندم اننا ردّينا فى موضوعك خالص تحيّاتى |
رد: ظاهرة غريبة - ومش عجباني.
والله يا استاذ مروان انا بقول من حكم خبرتى فى الصيد واللى بيحصل
لو حضرتك شايف او فاهم كلامى غلط ابعتلى ع الخاص وانا افهمك بس ما تتهمنيش بالانانيه لانى بوضحلك سؤالك وانا قلتلك لو انت او غيرك طلع معايا اكيد هاخليه يصطاد واعلمه ازاى يعرف اماكن الطيور مش انى ادارى عليه واصلا لو طلعت معايا مش هاتروح غير وانت عارف كل حاجه عن ااحتياطات الامان والصيد وبكده روح اى مكان براحتك لانك اتعلمت ع العموم اعتذر بس انا لسه مبتدئ سلام عليكم |
| الساعة الآن 06:00 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir