هام جدا بخصوص اصابة الاخ الفاضل محمد راتب
 

السلام عليكم ورحمة اللة
اخوانى الافاضل من الاعضاء باختصار شديد انا بقالى قرابة 12 عام بأستخدم الشبكة المعلوماتية وتعاملت بمنتديات كثيرة ولكن المنتدى هنا وجدت بة اعضاء اعتبرتهم اخوة ليا واعتقد الروح دى والاحساس دة والحمد للة عند الجميع لان الناس هنا فعلا من خيار الناس فالصيد رياضة الملوك وكافة الاعضاء هنا فعلا لها اخلاق الملوك وعلية ولاننا اخوة ونشارك بعض فى كل شىء يخص هوايتنا او حياتنا بقترح ان المشاركة متبقاش كلام وبس لان فعلا الى بينا اكبر من كدة وتبقى بالفعل كمان اعتقد ان كل الى قراء موضوع اصابة الاخ محمد راتب اعتصر قلبة من الالم وتمنى لو كان قريب منة ليقف بجوارة ولما كنا من مختلف محافظات الجمهورية ويصعب التواصل بينا بقترح عمل صندوق لاعضاء المنتتدى فى صورة حساب بالبنك يعلن رقمة ويكون تحت تصرف وبأسم 3 اشخاص مجتمعين من اهل الثقة بالمنتدى ويتم اعلان رقم الحساب وفى حالة اى اصابة او حادثة لأى من الاخوة يتم الاعلان عن رقم الحساب وتخصيص فترة 3 ايام مثلا لكل من يرغب فى ايداع مبلغ من محافظتة تحت بند الوقوف بجانب الحالة وبانتهاء ال 3 ايام يتم صرف المبلغ بمعرفة ال3 اشخاص مجتمعين وتصفير الحساب وتسليمة فى صورة هدية ومجاملة لاى اخ اتعرض لاى كارثة يقدر يستفاد منة فى العلاج مثلا او رفع الروح المعنوية لاحساسة بمشاركة كافة اخوانة لة كما شاركوة مواضيعة ومعلوماتة لان كل منا قدم كثير من معلومات عادت بالنفع المعنوى وكمان المادى للاخر يعنى شخص ادانى معلومة وفرت عليا مئات الجنيهات مثلا مش هبخل انى اجاملة فى حادثة لاقدر اللة ولو بمبلغ بسيط ودة اقتراح لو اى حد عندة تعديل فية ياريت يشاركنا راية وبرجوا من الادارة انها تاخد خطوة جدية نحو تحديد ال 3 اشخاص وفتح الحساب والاعلان عنة لبدء الايداع لانى واعتقد غيرى كثير نفسة يعمل حاجة لاخونا محمد راتب حتى وان كانت صغيرة وهو ليس بحاجة لها ولكن لتعميق التواصل .

Re: هام جدا بخصوص اصابة الاخ الفاضل محمد راتب
 

الأخ / محمد راتب شفاه الله وعافاه مثالاً للأخلاق الحميدة و أنا معك يا أستاذ / سمارت فى كل ما سردته

رد: هام جدا بخصوص اصابة الاخ الفاضل محمد راتب
 

فكرة ممتازة و الله و أنا أول المؤيدين ليها بإذن الله، النوع دة من التكافل ممكن يوصل المنتدى إنه يكون نادي رسمي في يوم من الأيام بإذن الله.

رد: هام جدا بخصوص اصابة الاخ الفاضل محمد راتب
 

ما شاء الله فكرة رائعه جدا وان شاء الله تنفذ بس محتاجين حد يتسم بالامانه جدا لادارة الامر

رد: هام جدا بخصوص اصابة الاخ الفاضل محمد راتب
 

شكرا اخى الفاضل
md2011
Sniper84
جزاك الة خيرا اخى sayedlabib وانا باكد لحضرتك ان الحمد للة كافةالاعضاء تتسم بالامانة ولابعاد الشبهات تماما وبشكل قاطع انا وضحت لحضرتك ان الحسابهيكون باسم 3 اعضاء مجتمعين بحيث لايمكن التصرف فى الحساب بالسحب سوى بوجود الثلاثة اعضاء معا وغير منفردين لابعاد الشبهات تماما كمان ان الحساب هيتم الايداع فية لكل مناسبة ولمدة محددة فقط ويتم السحب بعدها للمبلغ مباشرة وتسليمة للاخ صاحب المناسبة يعنى الحساب دائما هيكون صفر الا خلال فترة المناسبة وايداع مجاملات الاعضاء يعنى مش هتكون مبالغ متراكمة او هيحصل فية تضخم يخلية عرضة لمطامع او شبهات وياريت الادارة تقترح اسماءلثلاث اعضاء وناخد راى باقى الزملاء بالمنتدى فيهم من خلال مشاركاتهم ونحددهم ونبتدى العمل الفعلى وليكن اخونا محمد راتب اول مثال لتكاتفنا من اعضاء المنتدى الذين تجمعهم هواية واخلاق واحدة مما سيكون لة اكبر الاثر النفسى الذى يساعد فى العلاج عشان متبقاش هوايتنا ومنتدانا سبب ولو غير مباشر للضرر وبس لا كمان سبب لرفع الروح المعنوية

رد: هام جدا بخصوص اصابة الاخ الفاضل محمد راتب
 

أعتقد إننا محتاجين رأي الإدارة في الإقتراح دة لأنه بجد هيساهم في إنشاء رابطة حقيقية ما بينا.

رد: هام جدا بخصوص اصابة الاخ الفاضل محمد راتب
 

رد: هام جدا بخصوص اصابة الاخ الفاضل محمد راتب
 

رد: هام جدا بخصوص اصابة الاخ الفاضل محمد راتب
 

لا حول ولا قوه الا بالله العلي العظيم . والله انا حزين اشد الحزن علي ما حدث للاخ المحترم محمد راتب وانا والله لم اعلم بما حدث الا الان لانني الفتره الاخيره انشغلت في الوظيفه الجديده ولم اعد اجلس علي الكمبيوتر الا القليل . واسال الله القادر ان يشفيه ويعافينا جميعا . ويجب ان نتعلم مما حدث ونكون اكثر حرصا ان شاء الله

رد: هام جدا بخصوص اصابة الاخ الفاضل محمد راتب
 

فكرة اكتر من ممتازة يا ريت تفعل _والجانب الانسانى فيها اكبر من الجانب المادى_تسلم دماغك على الفكرة دى

رد: هام جدا بخصوص اصابة الاخ الفاضل محمد راتب
 

فكره رائعه ولقد حضرت في احد المواقع ان قامو بعمل شنط رمضان ايضا وفكرة smart هي تطوير رائع لها بارك الله له وجعلها في ميزان حسناته وفي انتظار رأي الاداره .

رد: هام جدا بخصوص اصابة الاخ الفاضل محمد راتب
 

جزاكم اللة خيرا اخوانى
صائد البوم
وابو مروان

رد: هام جدا بخصوص اصابة الاخ الفاضل محمد راتب
 

رد: هام جدا بخصوص اصابة الاخ الفاضل محمد راتب
 

جزاك اللة خيرا اخى
elnawawy
اخى الغاوى

رد: هام جدا بخصوص اصابة الاخ الفاضل محمد راتب
 

والله انت راجل محترم وتستحق لن كلنا نقف معاك

رد: هام جدا بخصوص اصابة الاخ الفاضل محمد راتب
 

اسأل الله العظيم رب العرش العظيم ان يشفيه والله يا اخوة انا سعيد جدا ان فيه ناس زيكوا عندهم الاحساس بالآخر بالطريقة دى وانا حبيت المنتدى ده واشتركت فيه علشان اتعلم من اخلاقكم اكتر من خبرتكم فى الصيد وانا موافق على اقتراح انشاء صندوق دى فكرة ممتازة وبشكر الاخ اللى طرحها وجزاه الله خير الاخ سمارت

رد: هام جدا بخصوص اصابة الاخ الفاضل محمد راتب
 

جزاك اللة خيرا اخى
old hunter
ابومنة
ومازلت فى انتظار ان يترجم استحسان الفكرة لفعل من قبل الادارة

رد: هام جدا بخصوص اصابة الاخ الفاضل محمد راتب
 

معكم فى هذه الفكره العظيمه
إن شاء الله

رد: هام جدا بخصوص اصابة الاخ الفاضل محمد راتب
 

نورت اخى محمود القاضى

رد: هام جدا بخصوص اصابة الاخ الفاضل محمد راتب
 

وأنا معاكم في الفكره بس أحب أزود اننا ممكن نعمل جمعيه لمحبي الصيد في مصر وبكده هيكون عندنا أعضاء كتير وهنقدر نكبر الهوايه ونقدر نساعد بعض وبطلب من رجال القانون بالمنتدي مناقشه الموضوع و اسف للأطاله

رد: هام جدا بخصوص اصابة الاخ الفاضل محمد راتب
 

نسأل الله العظيم الذى بيده ملكوت السماوات والارض ان يمن عليه بالشفاء السريع وان يشفى اخونا محمد شفاء لا يغادر سقماً فهو بالفعل مثال لنبل الاخلاق وعظيم الصفات