تعليق علي بعض البنادق
 

1- الرمسيس :

بندقية جميلة والله و خفيفة و المدي القاتل بتاعها وهي جديدة ممكن يوصل اكتر من 30 متر . وانا اصطدت بيها علي مسافات في الحدود دي . ما بتحترش صراحة في ظبط نشانها لان الناشنكان الخلفي متظبط يكون في المنتصف . و ما فيهوش ما يعرف ب windage
windage يعني تأثر الرياح علي المقذوف . وانا مش محتاج صراحة للظبطة دي لاني مش في بلد ساحلي و سرعة الرياح يمكن تجاهلها . ولو حتي فيه رياح لها تظبيطة بردو و تقدير لو كانت الرياح شديدة .

2- الكرال التركي : كابوس و خسارة فيها الفلوس معلش يعني ده رأيي . نشانها بيتغير لوحده مع الضرب و المسامير بتفك و السوسة بتاعتها بتضرب بعد كم رشة اول ما تجيبها . صاحبي صرف عليا مبالغ كبيرة جدا غير فيها الناشينكان و السوستة و البستم :( ! ,

3-الاسباني : النوريكا والجامو .. أنواعها كويسة صراحة و سرعتها متفاوتة من الضعف للقوة . يمكن اضعف بندقية في النوريكا هي النوريكا 56 . سرعتها 150 م في الثانية . وفيه انواع تانية بتعدي سرعتها 300 م في الثانية .

الصراحة انا شايف انك تجيب الرمسيس المصري وهي ممتازة لاما تجيب الاسباني : النوريكا والجامو او سلافيا التشيكية او التل المجري او البي اس ايه الانجليزية . ولو معاك فكة ادخل ع الديانا يا معلم . المهم تبعد عن الكرال التركي . البندقية دي مش بطيقها :( . عقدتني .

رد: تعليق علي بعض البنادق
 

حبيب قلبى الغالى
انا مش معاك لانى معايا كرال والحمد لله قدرت اظبطها ظبطه كويسه وعالجت كل العيوب ديه
والبندقيه الكرال اللى تعقدك تنازل وكلمنى وانا تحت امرك
لو مرجعتش تحبها تانى وظبطت معاك الكلام
ابقى تعالى قول على المنتدى انى مش كويس واطلب بحذف عضويتى
الكررال على اد فلوسها اللى هى قريبه من الرمسيس جديده وهى لاتقارن ابدا بالرمسيس من قوه وامكانيات وتجميع نشان عشان فسفورى
بس عاوزه واحد فنان يظبطها كأنه بيظبطها لنفسه مش طفشجى شقلب واقلب ويعمل عليك شغل
وبرده لو عاوز تظبط كرال كلمنى وانا تحت امرك ومش هتخصر حاجه

تحياتى وتقبل مرورى

رد: تعليق علي بعض البنادق
 

ان شاء الله يا كبير .. جزاكم الله خيرا .
يبقي هي عاوزة واحد خبرة يظبطها . ما تنفعش مع مبتدئ .
هي ملك صديق العزيز . وحاجتنا حاجة بعض . و اخدتها منه اجربها. نشانها اتغير بعد كم ضربة . و بعد ما اديتهالو سوستتها باظت . انا حمدت ربنا ان السوستة مش باظت معايا , كنت هحس باحراج اكيد و انا بقولو ده طبيعي ان سوستتها بتبوظ و نركبلها جامو . وهو كان هيعديها عادي . بس انا كنت هحس اني منظري وحش جدا . ادعيلنا كده . طالعين رحلة صيد بكرة ان شاء الله بالعربية . هو معاه الحتة الكرال و انا معايا جامو . وصديق عزيز معاه الرمسيس .

رد: تعليق علي بعض البنادق
 

بالتوفيق يا باشا ولو عاوز اى حاجه فى الكرال انا تحت امرك واظبطهالك بأذن الله

رد: تعليق علي بعض البنادق
 

[quote=عادل عبده;227485]بالتوفيق يا باشا ولو عاوز اى حاجه فى الكرال انا تحت امرك واظبطهالك بأذن الله[/quot

مساء الفل يا عادل باشا:)

يعنى اشترى الكرال على ضمانتك:d؟؟

رد: تعليق علي بعض البنادق
 

[quote=ahmed is mahmoud;227488]

ياباشا اتوكل على الله ولو عاوز اى حاجه فيها انا خدامك ولو عاوز تيجى تجرب بتعتى قبل ما تنوى تشترى تعالى نورنى وانا خدامك فى اى وقت البندقيه والرش تحت امرك
وبعد كده قررر ولو نويت وجبت وعاوز تظبطا انا برده تحت امرك

رد: تعليق علي بعض البنادق
 

[quote=عادل عبده;227494]يا باشا و الله كلك زوق والله احرجتنى بذوقك و بكرمك دة :) ربنا يبارك فيك

رد: تعليق علي بعض البنادق
 

طب متيجى نرتب طلعه كده و كلنا نجرب البنادق كلها.. اهو نعرف لما نحب نغير نجيب ايه...انا معايا bsa و بيونير و عارض البيونير للبيع لو حد عايز يجربها فى طلعه الاول معنديش مانع