الصيد فى مصر - ممكن مساعدة من فضلكو

الصيد فى مصر (http://www.egyhunt.net/index.php)

- البنادق الهوائيه (http://www.egyhunt.net/forumdisplay.php?f=79)

- - ممكن مساعدة من فضلكو (http://www.egyhunt.net/showthread.php?t=17823)

ممكن مساعدة من فضلكو

انا عاوز اعرف ايه انواع المسدسات ضغط الغاز و اسعارها و ايه احسن حاجة فيهم و ياريت الي يقول نوع يحط صورتوه و سعره تقريبا كام و معلومات عنه

رد: ممكن مساعدة من فضلكو

ايه يا رجالة مفيش حد عنده معلومات ولا ايه

رد: ممكن مساعدة من فضلكو

اللي اعرفه ان في جامو اسباني و في والتر الماني و في باخد اسطوانة غاز واحده و في اتنين و اسعارهم بتتراوح بين1500 و 3000 بس منصحكش بيها لان اعطالها كتير و سريعةو لك تحياتي

رد: ممكن مساعدة من فضلكو

اخى الفاضل فيه والتر cp 88 وانواع تانيه من الوالتر وفيه اعتقد جامو pt ...........ز لكن لا انصحك بمسدسات رش الغاز ..... مشاكلها كتيير ومش عملية خاااااالص فى الصيد واذا كنت عايز تجيبها عشان تستخدمها دفاع عن النفس فهيا غير فعاله بالمرة وخطر ...واعطال الغاز فى المسدسات كتتتير
تحياتى

رد: ممكن مساعدة من فضلكو

شكرا لكم انا فعلا كنت عاوزها للدفاع عن النفس بس حضراتكو بتقولو اعطالها كتيرة

رد: ممكن مساعدة من فضلكو

وكنت عاوزها كمان عشان اتعلم النشان فا ايه هي الأعطال و بتبقى سهلة في التصليح ولا لا

رد: ممكن مساعدة من فضلكو

السلام عليكم

اخي الفاضل عندي جامو 90 الحقيقة من احتكاكي بمسدسات الغاز فشايف انها مع احترامي للكلام اللي بيقول مش عملية لا هي عملية لكن ممكن تكون فيه تكلفة بمعنى انك بتشتري انبوبة غااز بتضرب بيها ما بين 40 الى 50 رشاية الانبوبة من 7 الى 10 جنيه

الاهم انك تحاول تخلص الانبوبة في يوم او يومين لان تركها بيأثر على الجلبة زي ما بيتقال مع العلم اني سبت قبل كدة انبوبة اسبوعين وماشاء الله لما ضربت بيها لقيتها زي ما هي

مسدسات الغاز من تجربتي مش ضعيفة زي ما بعض الاخوة بيقولوا لان سرعة 120 او 130 متر في الثانية مش ضعيفة للدرجة اللي هما متخيلينها .

مسدسات الغاز لو رتبنا فوائدها هنلاقيها الرماية - الصيد - الدفاع عن النفس.

ده فيديو بيبين ان ينفع يتم الاصطياد بيه طبعا مش من مسافة بعيدة لكن كمدى مؤثر من 10 الى 15 متر وعلى فكرة المسدس اللي في الفيديو بيضرب BB يعني بلي واحنا عارفين طبعا ان الرش للصيد مش البلي فلو تم ضرب رشاية بدل البلية التأثير هيبقى اعلى طبعاً في الصيد

YouTube

وده من مشاركة قديمة ليا:

اقتباس:

تقرير صغير

تجربة على لوح خشب :

http://store2.up-00.com/Jun11/okx47803.jpg
الصورة دي مبدئيا واضحة لكن نيجي للثلاث رشايات اللي مضروبين:

اللي على اليمين ضربتها من 10 متر تقريبا جت في جنب زجاجة 1 ليتر سفن اب.

الثاني اللي بعدها تم ضربها من نفس المسافة جت في الحيط.

الثالثة اللي اسفل الخدش تم ضربها من مسافة 6 متر احدثت خدش بعمق 3 مم والغريب ان الرشاية ردتلي جت في صدري وحمدت ربنا انها ماجيتش في عيني.

http://store2.up-00.com/Jun11/uHs47811.jpg

دي صورة تانية انا جبت غطاء كرتون بتاعة فيجا ثبته فوق الخشب.

الضربتين تم ضربهم من مسافة 10 متر واحدثوا النتائج الموضحة.

فيه رشاية ضربتها علمت في الكرتون وعلمت في الخشب وردتلي انا لقيتها وانا ماشي وتقريبا ردت ل 8 متر ونص يعني تم ضربها من بعد 10 متر علمت في الكرتون والخشب وردت 8 متر.

http://store2.up-00.com/Jun11/6xZ47808.jpg

دي صورة اخيرة للرش اللي لقيته بعد ماضربت اغلبه معالمه مش باينة خالص.

ومن وجهة نظري بعد التجربة دي انا شايف ان مسدسات الرش قوية جداً واللي خلا يعلم ويعمل خرم في الخشب لو جه في جسم شخص في حالة الدفاع عن النفس فاكيد هيخترقه ده غير انه ممتاز للرماية لكن الصيد لسة ماجربتوش تجربة حقيقية لكن خلاصة القول ان مداه المؤثر 15 متر لكن المهم تظبيط الضرب لان المسدس فعلا عايز دقة كبيرة في الضرب.

ملحوظة أخيرة: الصورة الموجودة بالمرفقات صورة شجرة ضربتها من 12 متر الرشاية دخلت كلها وللاسف وقتها كان الموبايل اللي معايا كاميرته تعبانة لكن الفتحة واضحة اللي حصلت في الشجرة.

شوف الفيديو ده :

YouTube

وده بخصوص صوته لان فيه ناس بتقول مسدسات الرش مالهاش صوت:

YouTube

والله المستعان وربنا يوفقنا جميعاً لما فيه الخير.

رد: ممكن مساعدة من فضلكو

والله مجهود تشكر عليه يا باشا...الله ينور عليك وتسلم إيدك...لأ هي بالفعل مسدسات قوية وعملية وأعتقد إن الفيديو ده المسدس المستخدم فيه ضعيف لأنه لو المسدس والتر سي بي 88 أو جامو بي 23 أو af10 مثلا ضرب من هذه المسافة أو أبعد كمان كانت الرشة إخترقت ودخلت جسم زميله إللي بينشن عليه...وكانت تحتاج لعملية جراحية لإخراجها...اللهم إحفظنا جميعا من كل سوء...

رد: ممكن مساعدة من فضلكو

Qoldus حبيبي ربنا يبارك فيك والله انا بستغرب من كلام الاخوة انه ضعيف ومش بيعور ووو مسدس الجامو 23 كمان يعتبر ياباشا ضعيف فيه مسدسات بتوصل ل 500 لكن لو قولنا متوسط 400 او اكتر هيبهدل وكمان لو رش نظيف

ربنا يصلح الاحوال ويرزق الناس الصلاح دايما

رد: ممكن مساعدة من فضلكو

اقتباس:

المشاركة الأصلية كتبت بواسطة h_srm (المشاركة 228682)

السلام عليكم

اخي الفاضل عندي جامو 90 الحقيقة من احتكاكي بمسدسات الغاز فشايف انها مع احترامي للكلام اللي بيقول مش عملية لا هي عملية لكن ممكن تكون فيه تكلفة بمعنى انك بتشتري انبوبة غااز بتضرب بيها ما بين 40 الى 50 رشاية الانبوبة من 7 الى 10 جنيه

الاهم انك تحاول تخلص الانبوبة في يوم او يومين لان تركها بيأثر على الجلبة زي ما بيتقال مع العلم اني سبت قبل كدة انبوبة اسبوعين وماشاء الله لما ضربت بيها لقيتها زي ما هي

مسدسات الغاز من تجربتي مش ضعيفة زي ما بعض الاخوة بيقولوا لان سرعة 120 او 130 متر في الثانية مش ضعيفة للدرجة اللي هما متخيلينها .

مسدسات الغاز لو رتبنا فوائدها هنلاقيها الرماية - الصيد - الدفاع عن النفس.

ده فيديو بيبين ان ينفع يتم الاصطياد بيه طبعا مش من مسافة بعيدة لكن كمدى مؤثر من 10 الى 15 متر وعلى فكرة المسدس اللي في الفيديو بيضرب bb يعني بلي واحنا عارفين طبعا ان الرش للصيد مش البلي فلو تم ضرب رشاية بدل البلية التأثير هيبقى اعلى طبعاً في الصيد

http://www.youtube.com/watch?v=_scvnmu5d7a

وده من مشاركة قديمة ليا:

شوف الفيديو ده :

http://www.youtube.com/watch?v=j42yi...eature=related

وده بخصوص صوته لان فيه ناس بتقول مسدسات الرش مالهاش صوت:

http://www.youtube.com/watch?v=s-eqc...eature=related

والله المستعان وربنا يوفقنا جميعاً لما فيه الخير.

شكرا لتوضيحك الرائع يا باشا

رد: ممكن مساعدة من فضلكو

okapi knife الشكر ليك ياباشا