|
اعرف نفسك وخليك صريح
اخوانى الاعزاء كل سنه وانتم طيبين كالعاده موضوع جامد من مواضيعى ( المنقوله ) ههههههههههههههههههههههههههههههههه بصوا بقى كلنا عارفين الميكروباص واكيد كلنا ركبناه ففترة هو طبعا بيبقى 12 راكب بس يا ترى كنا بنركب زى انى حد فالركاب دى يا ريت نبقى صرحاء مع نفسنا ونقول يلا بينا الشخصية الاولي: الراجل التخين اللي واخد مكانين : وده بتلاقيه في كل ميكروباص ويبقي حظه وحش قوي اللي يركب جنبه بجد لانه بيكون كتلة لحم متوهجة وممكن دراعه يكون قد جسمك وياسلام بقي لو السواق ركب اربعات ورا تبقي مجزرة..وافضل مكان ليه جنب القزاز بلاش تقعد في النص عشان النفس وكمية الاكسجين المستهلكة في هذه الصفيحة الميكروباصية هيقل. الشخصية التانية: "وطي الكاسيت يا اسطي" : وده بيكون بسبب ديني او بسبب انه مصدع شوية وتعبان ومرهق من اليوم فمش فايق لام الاغاني اللي مشغلها السواق وطبعا بتكون اغاني عن الفقر والغلب والقرف بتاع الحياة عشان السواق يتمزج او بتكون اغاني عن المخدرات بانواعها او السكر ساعات يعني اكيد مش هيفتحلك سيلين ديون . الشخصية التالتة: "علي الكاسيت يا اسطي " : وده طبعا بيكون عايز يعلي عشان بيألس علي ذوق السواق ويقعد يضحك علي اغانيه الهبلة او انه فعلا بيحب هذا النوع المتسرطن من الاغاني او انه عايز يهيس مع هذه الاغاني بس وغالبا بيكون معاه شلة كبيرة في الميكروباص بيشتغلوا السواق ويقولوله "ذوقك عالي يا اسطي" ويرد يقول "الله يكرمك " الشخصية الرابعة : اسطورة الشاب ذو السماعات في الودان : بيكون قاعد جنبك وحاطط السماعات في ودانه طول الطريق تقريبا وحتي ميسمعش اللي بينادي علي الاجرة اصلا الا اما حد يخبط عليه وبيشيل السماعات وهو مستاء جدا كأنه بيقول للي جنبه "عايز ايه اخلص ! " واول ميدفع الاجرة يجري علي السماعات بسرعة "اديني الحقنة بسرعة ارجوك انا عايزة الجرعة " وبيكون لبعض الناس والاطفال زي ما بيقول احمد خالد توفيق "اسطورة الرجل ذو السماعات في الودان " الشخصية الخامسة: الراجل العرقان بالقوي : وده بيكون عرقان لوحده من غير ما الشمس تلمسه اصلا وكأن جسمه بيتحجج اصلا وكانه هدية قرف للي جنبه بعتهاله الحر والدنيا مع بعض وتلاقي الفلوس ملزقة مطرح ايده عرق ومش هاكلمك بقي علي الريحة عشان لو بتاكل وانت بتقرا دلوقتي ولا حاجة الشخصية السادسة : براحة شوية يا اسطي : وبيكون متوتر طول الطريق من السرعة حتي ولو علي 90 بس ويقعد يهز في رجله كأن هو اللي سايق وطول الطريق استر يا رب استر يا رب يخلي اللي جنبه يتشاهد اساسا ويقع يتهز مكانه كأنه لابس نظارات ثري دي وبيشوف فيلم ويوطي ويقوم وينزل ويطلع ويقرفك في عيشتك الشخصية السابعة : بسرعة شوية يا اسطي : وطبعا بيرد الاسطي عليه "هي الدنيا هتطير ؟ " وده بيكون متوتر جدا زي اللي فات بس بيبص في الساعة كل 3 دقايق بيكون ميعاده فات او محاضرته فاتت من فترة وهو قاعد علي اعصابه ومش طايق شخصية "براحة شوية يا اسطي" وغالبا ما يحدث الصراع الكوني بي شخصيتين "بالراحة شوية يا اسطي" و "بسرعة شوية يا اسطي " وتكون النتيجة ان الاسطي بيقفش علي الاتنين الشخصية التامنة : المنقبة الدحاحة جدا : بتتهز طول الطريق وهي بتسمع المنهج كله كأننا في كتاب مش تعليم جامعي خالص وتروح تقفل الامتحان في خمس دقايق ولا تهتم بالجو المحيط حتي ولو في طائر رخ فوق الميكروباص او سوبر مان بيسلم علي بطريق ع الطريق هي مش هتنتبه برضه ولا تستغرب لان الدح واخد مكانه معاهاقوي والكتاب اهم صديق ليها دلوقتي الشخصية التاسعة : راجل بيشتم في الحكومة : وبيكون ماسك جرنان وتانيه مرتين كده ومركز علي مقالة معينة ويبدأ الحوار بضحكة سخرية وكلمة "شفت " ويديك صواريخ عن الحكومة بتاعتنا ويطلع عنيهم شتايم الشخصية العاشرة : الواد اللي عايز يتخانق: ده مجرد ما تبصله ممكن يقولك "ايه في حاجة ولا ايه ؟ اصلك بتبصلي يعني قوي " وده الاحسن تتجنبه الشخصية الحادية عشر: الراجل اللي في حاله: وده بيقعد جنب القزاز دايما ويبص برة الميكروباص ومالوش دعوة باللي جوة الا ساعة لم الاجرة الشخصية الثانية عشر : فيلسوف الميكروباص : وده بيقعد جنب السواق يقعد يناقشه في مشاكل الحياة او يفتي في حاجات عن المرور والرخص والكمين وكده واي قصص واي كلام بيتقال يا عم الحاج قدام واغلبها بتكون فشر واولها بيكون " انا قريبي لواء سابق وبيحكي ويقول ...." وكلام من النوع ده واى خدمة سلاموز |
رد: اعرف نفسك وخليك صريح
ايه رايكم انا حبدا بنفسى
انا بصراحه كتير ببقى وطى الكاست يا اسطى ههههههههههههههه تحياتى |
رد: اعرف نفسك وخليك صريح
؟؟؟؟؟؟؟؟؟؟؟؟؟؟؟؟؟؟؟؟؟؟؟
|
رد: اعرف نفسك وخليك صريح
هههههههههههه بجد انت الى اسطورة يا محمد باشااااااااااا تسلم ايييييييدك و ده فعلاً بيييييييحصل..اما انا بئة ممكن اكون الى فى حاله لما اكون مخنوق من الدنيا و رايح مشوار مش طايقة..اما الى عاوز يتخانق :d :d
|
رد: اعرف نفسك وخليك صريح
ههههههه أستاذ
أنا يا أستاذ ساعات: الشخصية الحادية عشر وساعات مرضاش أركبه أصلا وأخد تاكسي ... |
رد: اعرف نفسك وخليك صريح
الشخصية الحادية عشر: الراجل اللي في حاله:
وده بيقعد جنب القزاز دايما ويبص برة الميكروباص ومالوش دعوة باللي جوة الا ساعة لم الاجرة |
رد: اعرف نفسك وخليك صريح
الشخصية الحادية عشر: الراجل اللي في حاله
بس ده كان من زمان قوى انا بصراحة بقالى حوالى 6 سنين ماركبتش مواصلة عامة |
رد: اعرف نفسك وخليك صريح
اقتباس:
ابقى قلى وانت مخنوق عشان مقعدش جنبك هههههههههههه اقتباس:
اقتباس:
ههههههههههههههههههههههه اقتباس:
كله قاعد على كرسى واحد هههههههههههههههههههههه |
رد: اعرف نفسك وخليك صريح
اقتباس:
|
رد: اعرف نفسك وخليك صريح
اقتباس:
|
رد: اعرف نفسك وخليك صريح
هههههههههههههههههههههههههههههههههههههههههههههههههه هههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههه تحفة والله موضوع جميل جدا والله الراجل العرقان بالقوى من غير شمس ههههههههههههههههههههههههههههههههههههههههههههههههه الله ينور عليك |
رد: اعرف نفسك وخليك صريح
اقتباس:
هههههههههه |
رد: اعرف نفسك وخليك صريح
اقتباس:
يبقى نعمل ميكروباص وكل الكراسى نكتب عليها 11 ههههههههههههههههههه نورت يا باشا |
رد: اعرف نفسك وخليك صريح
اقتباس:
مشكور على المرور تحياتى |
رد: اعرف نفسك وخليك صريح
الناس نايمه ليه
|
رد: اعرف نفسك وخليك صريح
انا الصراحه الشخصيه الرابعه الى حاطط السماعات فى ودانه بس مش دايما وموضوع جميل تسلم.
|
رد: اعرف نفسك وخليك صريح
اقتباس:
مشكور على المرور |
رد: اعرف نفسك وخليك صريح
up up up up up up up
|
رد: اعرف نفسك وخليك صريح
علي فكرة انتا نسيت سواق المكيروباص ذات نفسه وده فيه كل صفات الناس اللي فوق دي
بس حلو اوي الموضوع |
رد: اعرف نفسك وخليك صريح
اقتباس:
شرفنى مرورك |
| الساعة الآن 07:26 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir