|
الكلام المفيد في في الصوت التقليد
السلام عليكم ورحمه الله وبركاته
اولا كل سنه وكل المشرفين و الاعضاء طيبين وربنا يعود علينا الايام بخير نخش في الموضوع في الفتره الاخيره كتر اوي الكلام علي المسدسات الصوت اللي بتتفتح مواسيرهه ويتعملها طبه ويتركب للطلقه بليه صلب والله الناس معذوره لان مفيش امان في الشارع المصري وكل يوم بنسمع علي حوادث سرقه وخطف وحتي كمان قتل والمشكله ان التراخيص صعبه جدا والاسلحه الحيه غاليه جدااااااااااااااااااااااااا بطريقه جنونيه لدرجه ان المسدس الحلوان 8 طلقه سوري في اللفظ ( المعفن ) تمنه 18 الف جنيه ؟؟؟؟؟؟؟؟؟؟؟؟؟؟ وطبعا معظم الناس مش معاهه امكانيه شراء مسدس بهذا السعر المبالغ فيه جدا وحتي لو معاهه مش هيدفع التمن ده في مسدس حقير اوي كده ( اسف عي الالفاظ دي ) فطبعا اسهل حاجه وارخص حاجه المسدس الصوت المقلوب وبليه علي الطلقه وشكرا انا مش هتكلم علي الناحيه القانونيه لان كلنا عارفين ان كده ممنوع ودي جنايه انا هتكلم علي الخطوره الناتجه عن هذا التعديل وخبرات ناس لعبت في المسدسات وفكرت وجربت سنين يا جماعه المسدس الصوت مصمم عشان يكون محدث صوت وبس ومش مجهز عشان يخرج منه مقذوف وحدثت حوادث كتير في المسدسات دي منها انفجار الماسوره , ارتداد المقذوف بعد استضامه في اي جسم علي الشخص اللي ضرب الطلقه او المحيطين بيه والخطوره الاكبر الناس اللي بتزود البارود في الطلقه وفاكر كده ان الطلقه هتكون اقوي وده كارثه بمعني الكلمه لان كميه البارود اللي جوه الطلقه الصوت محسوبه بدقه عشان المسدس يتحملها يا جماعه اللعب في الحاجات دي في منتهي الخطوره وبالنسبه للناس اللي بتقول ان البلي ضعيف ف احب اقوله انته غلطان مليون في الميه يا جماعه في واحد من زمايلنا المعروفين جدا في المنتدي ( مش هقول اسمه لانه هوه هينزل موضوعه بنفسه ) حصله حادث بسبب المسدسات دي ربنا يكتبله الشفاء العاجل ويقوم بالف سلامه الطلقه دخلت من تحت عينه بحوالي 2 او 3 ملي عدت من محجر العين ومشيت جوه دماغه لحد لما وصلت قبل مركز الذاكره بحوالي 2سم واللي ميعرفش فين مركز الذاكره هقله ان مركز الذاكره في اخر الجمجمه من ظهرك يعني الطلقه مشيت من عند العين لحد اخر الجمجمه تقريبا يعني حوالي 17 لو 20 سم في دماغه والمفاجأه ان الطلقه مكانتش مباشره الطلقه كانت مرتده يعني الطلقه خرجت من المسدس خبطت في السيراميك وردت في عينه ربنا يشفيه الشفاء العاجل واللي مش مصدق الكلام ده هيشوف ان شاء الله في القريب العاجل هوه نفسه هينزل موضوع عن الحادث ده وهيرفع صور الاشعه وتقرير الدكتور والله يا جماعه انا لما شفت الاشعه صعقت من المنظر البليه في نص دماغه(في مستوي العين) قبل قشره الجمجمه بحوالي 2 او 3سم ربا يستر علي الجميع ويكفينا شر الاسلحه اسف علي الاطاله |
رد: الكلام المفيد في في الصوت التقليد
ربنا يشفية ويقومه بالسلامة ان شاء الله
وزي ما حضرتك قولت فعلا الوضع الحالى للامن هو اللى خلا الناس تلجا للكلام ده وربنا يسترها ويعدي الأمور دي على خير عمتن يجب الاحتراز والحذر عند استخدام المسدس حتى لو كان صوت بس |
رد: الكلام المفيد في في الصوت التقليد
يا ساتر يا رب
ربنا يشفى كل مريض يا رب و إن شاء الله يقوم بالسلامة مرة تانيه بس هوا عينه أية أخبارها دلوقتى يعنى فيه أمل يشوف بالعين دى و المخ يعنى دلوقتى بقى طبيعى ولا أية ؟ و هل ممكن المسدس ينفجر و يعمل كدة فى صاحبه ولا لأ لأنى أول حادثة دى أشوفها كانت من أرتداد الطلقة من جسم خارج المسدس يعنى بعد الطلقة ماطلعت من المسدس و دا طبيعى حتى لو كان من حى مش من بلى كمان |
رد: الكلام المفيد في في الصوت التقليد
ربنا يتمم شفاؤه هوه لسه هيعمل عمليه في عينه لزرع قرنيه
mr zero طبعا المسدس احتمال كبير جدا انه ينفجر حتي لو كان ضرب 15 او 20 طلقه لان الخامات المصنوع منها مسدس الصوت بتكون حاجه اسمها انتومنيا ودي خامه سيئه جدا وضعيفه جدا ومتتحملش انفجار طلقه حيه حتي لو كان بلي لان الضغط اللي بيحصل في بيت النار نتيجه انفجار البارود بيكون شديد جدااااااااااااااا فلازم يخرج من اي منفذ بسرعه عشان ميفجرش الماسوره والبليه بتكون ثقيله جدا بالنسبه لانفجار البارود حتي لو البليه 3مم فبتأدي الي ان الطلقه بتتنفخ من الجنب ومعني كده ان الماسوره اصبحت اوسع من مقاسها ومره علي مره هتلاقي الماسوره انفجرت والعياذ بالله اما المسدسات الحيه فبتكون خاماتها من الحديد والصلب حسب وظيفه كل جزئ ملحوظه ( جميع المسدسات الصوت مصنوعه من نفس الخامه لانها شروط من المعمل الجنائي ولكن بتفرق في نظافه الخامه) |
رد: الكلام المفيد في في الصوت التقليد
اقتباس:
دا قبل كدة شوفت واحد كان مصور صورة للوح خشب كله خرام كان من أيكول جاكال ديول و ضربه ألى الخزنه كلها |
رد: الكلام المفيد في في الصوت التقليد
الاخ المحترم سنيبر تحياتى الى شخصك الكريم انا معاك فى كل حرف كتبته و قلته وايدك فى كل نصيحة ابديتها الى اشخاص هذا المنتدى واعضائة الموقرين ارجو من الله عز وجل انيشفى المهندس محممد ويقوم بالسلامه ومن حديثك بنؤكد انه حالته الصحيه تحسنت وهو بنفسه هيعرض هذة الاضرار بنفسه صدقنى هيكون يوم جميل فى حياتى ان وجت المهندس محمد ربنا يشفيه اصبح بينا من جديد تحياتى الى شخصك الكريم ارجو ان ذرت المهندس محمد ان تبلغة سلامى وتحياتى لعل وعسى ان يتذكرنى ربنا يشفيه سبحان هو القادر على لك تحياتى الى شخصك الكريم النايع من شخصية محترمة مخلصة تقبل تحياتى
|
رد: الكلام المفيد في في الصوت التقليد
اسأل الله ان يشفيه و يبعد عنا و عنكم السوء
|
رد: الكلام المفيد في في الصوت التقليد
اقتباس:
اخي الكريم مزنجر اشكر لك كل هذا الثناء اللذي لا يستحقه الا انت وفعلا انت شخص محترم جدا وقمه في الذوق انا زرت المهندس محمد في منزله قبل العيد بيومين والحمد لله حالته تتحسن بشكل كبير بالنسبه للإصابته الخطيره جدااااااااا ( قدر الله والحمد لله لطف به ) وفعلا والله يشهد كم اتمني ان يعود بيننا في القريب العاجل ادعو الله ان يتمم شفاؤه لا اري الله مكروها لاحد |
| الساعة الآن 01:24 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir