ايه رايكم فى الموضوع ده لانى محتار
 

انا دلوقتى ماشى فى رخصه سلاح وانا صاحب شركه ومعايا سجل تجارى وبطاقه ضريبيه لشركه استيراد وتصدير تصل ل 250 الف جنيه راس المال فهل ده كافى والسبب ان الشركه بتتعرض فى بعض الاوقات لتعدى بعض الاشخاص عليها وكده وانا كصاحب شركه ليا الحق اكون مامن نفسى طبعا والشركه فيها فلوس وهكذا فايه رايكم امشى فى الاجراءات ولالا ؟


وعايز اعرف راي الخبراء فىا لفديو ده لانى ناوى لو ربنا كرمنا وخدنا الرخصه اجيب سلاح من بره استورده طبعا فمحتار فى حاجه من دول لانى عايز طبنجه الى او نص الى تكون اوتماتيك يعنى

رد: ايه رايكم فى الموضوع ده لانى محتار
 

كمل الاجراءات وربنا يكرمك ان شاء الله
ومن حيث المسدس كل واحد ليه مميزات وعيوب
بس انا شخصيا بحب الديزرت ايجيل والسيج زور الاتنين دول جمدين جدا بالتوفيق ان شاء الله

رد: ايه رايكم فى الموضوع ده لانى محتار
 

بس ليه الكولت واخد اول واحد ايه السبب ؟

رد: ايه رايكم فى الموضوع ده لانى محتار
 

رد: ايه رايكم فى الموضوع ده لانى محتار
 

معلومات قيمة ....

رد: ايه رايكم فى الموضوع ده لانى محتار
 

شكرا يااستاذ سنايبر بس تقصد حضرتك انى مرخصش وابعد عن الموضوع ده ؟

رد: ايه رايكم فى الموضوع ده لانى محتار
 

استاذى العزيز

لازم تجيب كشف حساب بنكى نشيط (فيه حركة كتير) لمدة سنة على الاقل عشان تطلع الترخيص, ومش حوصيك على الواسطة اللى تنجزك.
لا يوجد فى مصر ترخيص لطبنجة اوتوماتيك , بس ممكن تعدى من الجمارك عادى جدا و محدش ياخد باله بس لا يمكن يطلعلها ترخيص , انا معايا جلوك18 اوتو واهو مركون عشان مفيش ترخيص لطبنجة اوتو و عندى جلوك29 10مم ومفيش ترخيص 10مم للطبنجات فى مصر برضوا.
خليك فى اى طبنجة محترمة تكون بتضرب 9مم طويل 9*19 بارابيلم , عشان هو ده العيار المتوفر فى المرحلة الحالية التى تمر بها البلاد و يا عالم فى ايه ادام.
اول ما يطلعلك موافقة على الترخيص تقدم علطول على طلب استيراد فى الامانة العامة للقوات المسلحة عشان تكسب وقت و توفر فلوس كتير عن الشراء من المحلات بالاسعار الوهمية المصرية الاصلية :)
موضوع المباحث اللى بتيجى تسأل على السلاح ده لو حصلت مرة مش حتحصل تانى الا لو انت ساكن فى شيكاغو و كل 5 دقائق فى حد بيموت مضروب بالنار :)

وربنا يوفقك

رد: ايه رايكم فى الموضوع ده لانى محتار
 

يعنى لازم يااستاذ كومباكت اجيب كشف حساب بحركات بنكيه ولا كشف حساب لمبلغ راس المال فى البنك ؟

اما بالنسبه للطبنجه طب ايه افضل حاجه فى حدود الى حضرتك قولت عليه وتكون طبنجه قويه جدا وصوتها شديد اوى وشكلها قيم كده انا عجبنى الديزيت ايجيل اوى وفى حاجات تانيه فى الفديو اللى فى المضووع

رد: ايه رايكم فى الموضوع ده لانى محتار
 

كشف حساب حركة مش راسمال و يكون فيه داخل و خارج كتير و نشيط

الطبنجات بتبقى وجهة نظر وراحة نفسية ولو حتضرب بيها اكتر من 2000 طلقة فى السنة يبقى تجيب يا سميث يا جلوك يا بريتا يا براوننج,
الديزرت ايجل ملوش ترخيص فى مصر لانه عيار50 12مم وده اصلا مش حتلاقيلوا فى مصر طلقات ابدا حتى لو روحت لخط الصعيد بنفسه :)

انا شخصيا معايا جلوك19 و بحبه جدا و هو عملى جدا جدا و طبنجة امنه جدا , عيب الجلوك الوحيد انه مبيشتغلش كويس مع الطلقات المصرى اللى انتاجها قديم بالذات.

و سيبك من اى طبنجة مش بتضرب 9مم طويل , لما تطلع الترخيص انشاء الله حاول تشوف حد تعرفه كويس و معاه طبنجة وجرب و روح محل كبير و امسك السلاح فى ايدك و شوف راحتك النفسية ايه و خد قرارك و استورد من بره عشان فرق السعر الرهيب.

خليك فى الانواع دى جلوك , بريتا , براوننج ,سميث اند ويسون ... طبنجات تمتاز بالاعتمادية و لو انى متحيز للجلوك و موديلات معينة فى السميث فى الاستخدام المدنى عموما

و كل طبنجة و فيها مميزات مش فى التانية بس اهم حاجة تبعد عن الحلوان على قد ما تقدر فهى تخلوا من اى اعتمادية و بصراحة لا يعتمد عليها و تمنها اغلى من انضف طبنجة حتستوردها من بره , ميزة الحلوان الوحيدة وجود قطع غيارها بسهولة لانها عاملة زى العربية الفيات كده لازم الصنايعى يحط ايده فيها كل 50 طلقة بالكتير (على فكرة انا برضوا معايا حلوان51 بس مستورد)

و اغلى مسدس استيراد حيعجبك مش حيزيد تمنه عن 1300 دولار و الجلوك ب 500 دولار بس يعنى حرام عليك تشترى حلوان920 ب26000 جنيه و لا يعتمد عليه و مش حيكمل 50 طلقة الا لازم يعلق او سوستة الخزنة بتاعته تبتدى تتعب.

رد: ايه رايكم فى الموضوع ده لانى محتار
 

تمام وكشف الحساب ده لو جبته فعلا مع اوراقى ديه تستوفى الشروط ولا هقابل رخامه كتير ؟

يعنى الاولويه فى الترخيص لاصحاب الشركات مثلا ؟ ولا المناديب الى شايله فلوس ؟ ولا اصحاب الاراضى

انا بس بستفسر قبل اى شيىء علشان ممشيش فى الورق وفى الاخر واحد ملوش لازمه يرفض