|
اصنع حامل ليزر لضبط النيشان والسكوب بـ 35 جنيه
1 مرفق
بسم الله الرحمن الرحيم وبه استعين عفوا إخواني الأعضاء الفكرة قيد التنفيذ .... فضلا المتابعة لحين عرض النتائج ... الحامل للعيار 5.5 22 cal نمرة 2 السلام عليكم إخواني الأعضاء اليوم قررت أعمل حامل لوضع الليزر بداخله لضبط النيشان والسكوب بخامات محلية بالاستعانة بخارط فني ..... خامات الحامل : 1 - ليزر عادي من المكتبة (متوفر في المكتبات) - حبذا لو تشتري له بطاريات جديدة ليزر = 2.5 جنيه ، 3 بطارية جديدة = 1.5 جنيه . 2 - تروح يا أخي إلى خارط فني كويس ... اتفق معاه الأول .. الأحسن تاخد له الصورة المرفقة ينفذ عليها - الخراط عندي طلب 30 جنيها. حديد - اسطوانة طول= 12 سنتمتر - القطر= 17 ميلمتر ب. مواصفات الحامل : يشبه إلى حد كبير البراغي (المفك المعروف) مسمط كاملا، ومقبضه مجوف لوضع الليزر بداخله مقاسات الحامل: الطول الكلي= 12 سنتمتر. طول المقبض= 4 سنتمتر - به تجويف بطول 3.5 سنتمتر، بقطر = 12 مليمتر (بيت الليزر). طول جسم التثبيت 8 سنتمتر القطر 5.2 مليمتر وهذا لأجل العيار نمرة 2 (يوضع في فوهة البندقية) |
رد: اصنع حامل ليزر لضبط النيشان والسكوب بـ 35 جنيه
انت كده بتحسسنى
اننا شخصان مختلفان ولاكن نفس الدماغ والتفكير واحد بجد بجد بجد تسلم ايدك اخر |
رد: اصنع حامل ليزر لضبط النيشان والسكوب بـ 35 جنيه
2 مرفق
حبيبي وأخي الصغير أستاذ عادل شرفت الموضوع وتسلم يا مشرفنا العزيز
شكل الحامل بعد الخرط بالمقاسات المذكورة |
رد: اصنع حامل ليزر لضبط النيشان والسكوب بـ 35 جنيه
أستاذ أبو ذيب انا مش فاهم حاجة خالص
انا اسف لغبائي بس انا نفسي اعمل الفكرة دي ممكن توضيح |
رد: اصنع حامل ليزر لضبط النيشان والسكوب بـ 35 جنيه
اخى العزيز والكبير سننا ومقاما الاستاذ ابو ذيب
موضوع جميل وفكره فظيعه وما يميزك عنى وهذه نعمه ادماها الله عليك هى النشاط والتفكير والتنفيذ انا بفكر بس مش بنفذ وعلى فكره فكرتنى عملت ايه فى الاسكوب بتاعك؟؟؟ وممكن نغير المقاسات ونحط القلم اليزر ابو 3.5 جنيه |
رد: اصنع حامل ليزر لضبط النيشان والسكوب بـ 35 جنيه
فكرة ممتازة ..وموضوع يستحق التقييم
|
رد: اصنع حامل ليزر لضبط النيشان والسكوب بـ 35 جنيه
1 مرفق
الله يكرمك يا أستاذ عادل واشكركم جزيل الشكر على السؤال فعلا أخذت بنصيحتك وعملت مسمار عند الخراط .. تكلف 10 جنيهات بقه أحسن من الأول ولله الحمد بس لسه ما جربتش، قلت أعمل فكرة حامل الليزر وياريت نجربه سوى يا أستاذنا
طريقة عمل الحامل : ضع الليزر في التجويف الموجود وركبه لآخر المشوار في التجويف، لا تنسى إزالة العلاقة التي يأتي بها وتسوية أسفل الليزر بمبرد مثلا . وأثناء إدخال الليزر في التجويف سوف يضغط على الزر نتيجة صغر القطر طبعا هيشتغل .. كما في الصورة المرفقة |
رد: اصنع حامل ليزر لضبط النيشان والسكوب بـ 35 جنيه
اقتباس:
|
رد: اصنع حامل ليزر لضبط النيشان والسكوب بـ 35 جنيه
اقتباس:
بارك الله فيكم |
رد: اصنع حامل ليزر لضبط النيشان والسكوب بـ 35 جنيه
يا اخى الكريم شوف انت عاوز تجربه امتى وتكون فاضى
ادينى رنه هتلاقينى بجرى على رموش عنيا وواقف تحت البيت عندك ياريت الزمان يساعد الواحد على رد جميلك وكرمك |
رد: اصنع حامل ليزر لضبط النيشان والسكوب بـ 35 جنيه
يا اخى الكريم شوف انت عاوز تجربه امتى وتكون فاضى
ادينى رنه هتلاقينى بجرى على رموش عنيا وواقف تحت البيت عندك ياريت الزمان يساعد الواحد على رد جميلك وكرمك |
رد: اصنع حامل ليزر لضبط النيشان والسكوب بـ 35 جنيه
2 مرفق
ربنا ما يحرمنا منك يا أستاذ عادل ويكرمك من فضله وإياي آمين آمين
الخطوة الأخيرة ..... بعد تركيب الحامل في فوهة البندقية ، لو وجدت بوش بسيط .. ممكن تستخدم اللصق البلاستيك (السولتب) طبقة واحدة فقط في الوسط .. جرب ضبط النيشان على نقطة الليزر ... أو اضبط السكوب عليها ويا رب الفكرة تكون مفيدة .... |
رد: اصنع حامل ليزر لضبط النيشان والسكوب بـ 35 جنيه
تم تقييم الموضوع يا فندم بس احنا بقى عاوزيين نخرج من الظبط النظرى وعاوزيين ندمر شويه حمام ويمام بقى
اخوك صدى من الركنه بقى على العموم لو فاضى فى اى وقت ممكن اجيلك ونجرب مع بعض بعد ازنك طبعا |
رد: اصنع حامل ليزر لضبط النيشان والسكوب بـ 35 جنيه
أشكر تقييمكم الكريم .... وأتشرف به أيما تشرف .. تنور يا كبير ... نجعلها يوم الأحد بعد بكرة علشان نجهز الزخيرة (الرش) ... (ابتسامة) ده لو يناسبك .... يا أ/ عدوول ، ونأكد على بعض بكرة يا أستاذنا ... وليتفضل الجميع بوافر الاحترام والتقدير |
رد: اصنع حامل ليزر لضبط النيشان والسكوب بـ 35 جنيه
ياباشا الزخيره جاهزه وانا فى انتظار تليفونك فى اى وقت على احر من الجمر
|
رد: اصنع حامل ليزر لضبط النيشان والسكوب بـ 35 جنيه
كرة جامده جدا وممتازة الله ينور عليك بجد موضوع ممتاز
|
رد: اصنع حامل ليزر لضبط النيشان والسكوب بـ 35 جنيه
طيب ممكن حضرتك تقولي هتحط فين الليزر او مكانه من امام الماسوره او من الخلف عند النيشان الخلفي والتركيب هيبقي ازاي
|
رد: اصنع حامل ليزر لضبط النيشان والسكوب بـ 35 جنيه
فكرة جميلة
الله يبارك فيك المشكل ان اقلام الليزر فى السوق مضروبة فلو تعرف مكان يبيع اقلام ليزر نوعيتها جيدة |
رد: اصنع حامل ليزر لضبط النيشان والسكوب بـ 35 جنيه
http://www.egypthunt.net/showthread....t=%E1%ED%D2%D1
طب مينفعش دي تطبق ... لأن موضوع البوش ده ملوش حل وبالتالي المنظار عمره ماحينضبط علشان جربتها وكانت النتيجة مش حلوة بالذات لو كان البوش من الماسورة دا غير البوش من ناحية القلم بس دي لقيت لها حل اما الماسورة ملهاش حل غير أن شعاع الليزر هو الي يخرج من الفوهه |
رد: اصنع حامل ليزر لضبط النيشان والسكوب بـ 35 جنيه
اقتباس:
وربنه يجعلة فى ميزان حسناتك بسم الله ماشاء الله على حضرتك فكرة فوق الممتازة والله مش عارف اشكرك ازاى |
رد: اصنع حامل ليزر لضبط النيشان والسكوب بـ 35 جنيه
اقتباس:
|
رد: اصنع حامل ليزر لضبط النيشان والسكوب بـ 35 جنيه
اقتباس:
الحامل سوف يركب في فوهة ماسورة البندقية - (داخل ماسورة البندقية) ، والليزر الخارج يضبط عليه النيشان أو التسكوب |
رد: اصنع حامل ليزر لضبط النيشان والسكوب بـ 35 جنيه
اقتباس:
|
رد: اصنع حامل ليزر لضبط النيشان والسكوب بـ 35 جنيه
اقتباس:
ودعواتكم الكريمة |
رد: اصنع حامل ليزر لضبط النيشان والسكوب بـ 35 جنيه
2 مرفق
اقتباس:
كلامك جميل وتوقعك سديد .... فعلا جربت ووجدت بوش دائري من نقطة الليزر ، سببه الليزر نفسه فهو غير مستقر بشكل مركزي في الحامل .... ووجدت حلا لهذا البوش وهو صنع غطاء للحامل بعد وضع الليزر داخله ثقب أصغر - فتحته 2 مليمتر وهذا سوف يسيطر على خروج الليزر وطبعا الغطأ يصنع بواسطة المخرطة التي تمركز الغطاء مع الحامل مع ثقب مرور الليزر وقد صنعته اليوم وصورته في المرفق |
رد: اصنع حامل ليزر لضبط النيشان والسكوب بـ 35 جنيه
2 مرفق
طبعا الحامل يتم قلوظته لتركيب الغطاء عليه
المشكلة الخراط ثقب الغطاء على مقاس 5 مليمتر وكانت النتيجة نفسها .... بوش دائري |
رد: اصنع حامل ليزر لضبط النيشان والسكوب بـ 35 جنيه
2 مرفق
سوف أعيد المقاسات واستخدام خامة من الحديد الصلب، وتواخي الحذر في ثقب الغطاء والنتيجة على الله تعالى
وقد قرأت فكرتكم الرائعة لكن تنفيذها يحتاج لاشياء دقيقة جداااااااااااااا.. بالتوفيق الصورة المرفقة للغطاء بعد تركيبه على الحامل ووضع الليزر داخله |
رد: اصنع حامل ليزر لضبط النيشان والسكوب بـ 35 جنيه
الفكره وصلت يا اخى العزيز
وبأذن الله المره دى هتظبط معاك وممكن لما تنجح وتتم التجربه نعملها بغرض شبه تجارى اى يغطى التكاليف ونساعد الاخوه الصيادين فى توفيرها لهم |
رد: اصنع حامل ليزر لضبط النيشان والسكوب بـ 35 جنيه
كلام جامد جدا
انا كنت جربت الفكرة دي قبل كده بس كان الحامل مثبت اسفل الماسورة مش داخلها علشان يتيح فرصة الإطلاق أثناء تشغيل الليزر المشكلة فعلا كانت إن نوع الليزر مش كويس بس الفكرة دي بتاعة غطاء مثقوب ممكن تحل المشكلة |
رد: اصنع حامل ليزر لضبط النيشان والسكوب بـ 35 جنيه
2 مرفق
اقتباس:
أنا فكرت في لحم الثقب نحاس وإعادة الثقب بمقاس 2 مليمتر وتمام لله الحمد اصطدت الليزر بشكل استطيع التحكم فيه، واتكلت على الله وضبطت السكوب وهو نوعه تاسكو 3-7*28 ... والبندقية حرة - مش مربوطة أو مثبتة - من خلال التحكم في الكورس ووضعه على نقطة الليزر وفعلا جربت ... والصورة لتجميع عشرة رشات بمسافة 15 متر، رأيك إياه يا أستاذ عادل ... إن شاء الله لما نتقابل تكون النتائج أفضل كثيرا أنا منتظر تقييم الأعضاء للتجميع لأجل إعطاء درجة لنجاح الفكرة ... |
رد: اصنع حامل ليزر لضبط النيشان والسكوب بـ 35 جنيه
اقتباس:
في انتظار تقييم التجميع |
رد: اصنع حامل ليزر لضبط النيشان والسكوب بـ 35 جنيه
اقتباس:
الله ينور عليك ويفتح عليك وبعدين مش محتاج تقييم للتجميع بصراحه الموضوع هو اللى لازم يتقيم ويثبت بصراحه تجميع 100/100 والصورة مبين الكلام ده |
رد: اصنع حامل ليزر لضبط النيشان والسكوب بـ 35 جنيه
انا متابع موضوع حضرتك من الاول بصراحه وهو جميل جدا
وفكرت في فكرة كده ممكن يكون التحكم فيها اسهل طبعا بعد اذنك لو الحامل اللى اتعمل ده اتحط بوضع مقلوب بدل ما اليد اللى بقطر الرشه داخل الماسورة تبقى هيا اللى بره ويكون قطرها الخارجى اكبر ويتم فتحها بقطر 4.5 ملى اقل من الرشه يعنى والمكان بتاع الليزر يكون على درجتين الاول تلبيسه للماسورة واللى اقل اللى يتحط فيها اليزر بحيث الشعاع يطلع من فتحه الحامل اللى قطرها 4.5 ملى وفي نفس الوقت ماسورة البدقية هيا اللى هتكون ماسكه الليزر طبعا اللى حضرتك عملته شي مممتاز ورائع وانا والله مش بعدل طبعا بس الفكرة عجبتنى قوى وخلت الواحد يفكر فيها طول اليوم تقبل مروري اخى الكريم |
رد: اصنع حامل ليزر لضبط النيشان والسكوب بـ 35 جنيه
اقتباس:
ياباشا انت عديت خلاص ومينفعش تقلى يا استاذ عشان انت الاستاذ والمقامات والسن محفوظ ده غير فرق كرم الاخلاق وكرم الضيافه والخبره والذكاء انا اتمنى انى اتعلم منك ويعلم الله انها ليست بمجمله خالص وانت شوقتنى كده انى اجى اجرب معاك وعاوزين نعمل فيديو يكسر الدنيا لو حطينا افكارنا على بعض هنولعها خالص بأذن الله |
رد: اصنع حامل ليزر لضبط النيشان والسكوب بـ 35 جنيه
اقتباس:
اقتباس:
طبعا التعديل يسعدني لو تكرمت علي برسم الفكرة حتى تصل بشكل أدق ... وربما تكون فيها فائدة وهذا يسعدني جداا وتقبل تحياتي ووافر الاحترام |
رد: اصنع حامل ليزر لضبط النيشان والسكوب بـ 35 جنيه
اقتباس:
كفاية تشجيع يا مشرفنا العزيز ##### شكلي هنفع (ابتسامة) وبعدين أنت مش أستاذ وبس .... أنت رئيس قسم ، ولو توفرت لك الفرصة والظروف أنا عارف ووثق أنك تسد ونص. وبإذن الله نطور الفكرة وندخل على كواتم الصوت ونيشان ليزر مساعد .... ابشر دعواتكم الكريمة للبركة في الوقت والتيسير .. |
رد: اصنع حامل ليزر لضبط النيشان والسكوب بـ 35 جنيه
1 مرفق
السلام عليكم
انا استعنت بالرسم بتاع حضرتك لان هو ده الاساس ياريت تكون الفكرة قابلة للتنفيذ ونتيجتها كويس |
رد: اصنع حامل ليزر لضبط النيشان والسكوب بـ 35 جنيه
اقتباس:
وعليكم السلام ورحمة الله وبركاته ورضوانه وصلت فكرتك ... أنت كده عكست مكان التركيب .... وفكرتك مشاكلها : 1 - التركيب على فوهة البندقية بهذا الشكل يتطلب إزالة النشينكان الأمامي ... 2 - زيادة حجم القطر الكبير في الحامل لأجل احكام الحامل وهذا استهلاك أكثر للخامات. 3 - البوش هيكون أكبر ومقدار الضبط هيكون متعب جدا. هذا راي قد يكون قابل للنقاش وتقبل وافر الاحترام والتقدير |
رد: اصنع حامل ليزر لضبط النيشان والسكوب بـ 35 جنيه
1 مرفق
اقتباس:
انا لاقيت فكرة شبه فكرة حضرتك تقريبا واعتقد ان ممكن يكون فيها حل لمشكلة البوش ودي الصورة بتاعتها بس طبعا مع الفارق الفكرة بتعتك افضل لكن ممكن نستفيد من الصورة دي في عمل مسامير لتثبيت الليزر لتجنب وجود بوش |
رد: اصنع حامل ليزر لضبط النيشان والسكوب بـ 35 جنيه
عزيزي أبو ذيب
جزاك الله خير ... وشكرا كتير لأنك أخذت مني الملحوظة وعالجتها وشكرا لأهتمامك وياريت نتقابل وحبعتلك رقمي علي الخاص وانا مبسوط جدا علي هذا الانجاز الي ان شاء الله نطوره لأني مهتم بالموضوع ده جدا جدا |
رد: اصنع حامل ليزر لضبط النيشان والسكوب بـ 35 جنيه
اقتباس:
جميل جدا بس خلي بالك ليزر القلم - فيه الليزر مثبت لا مركز ... وفكرتك جميلة هل جربتها ؟ |
رد: اصنع حامل ليزر لضبط النيشان والسكوب بـ 35 جنيه
اقتباس:
وليتقبل الجميع وافر الاحترام والتقدير |
Re: اصنع حامل ليزر لضبط النيشان والسكوب بـ 35 جنيه
متــــــــــابع
بس في نقطة عايزة توضيح هو انت هتخلي نقطة اليزر على نشان السلاح فور شور طايب مهو اكيد السلاح مبيجبش الهدفة يبقى نقطة اليزر هتبقى عملية توضيحية علشان تعرف السلاح نشانو رايح فين طايب مش الاصيع بقى انك تزبط النقطه على نشان السلاح الفعلي ولا هي دي اساسا فكرتك وفي كلا الحالتين انت ذكــــــــــــــــــــي وبتستغل ذكائك وده يحطك على قمة جبل القيادة |
رد: اصنع حامل ليزر لضبط النيشان والسكوب بـ 35 جنيه
موضوع جميل و مجهود رائع
|
رد: اصنع حامل ليزر لضبط النيشان والسكوب بـ 35 جنيه
الفكره اكتر من رائعه بس هل حد عنده فكره عن عمل منظار تقريب بدل من الليزر ولو بتتنباع حاليه تمنها كام
|
رد: اصنع حامل ليزر لضبط النيشان والسكوب بـ 35 جنيه
فكرة حلوة ... الله ينور عليك
|
رد: اصنع حامل ليزر لضبط النيشان والسكوب بـ 35 جنيه
الله ينور ياباشا
|
رد: اصنع حامل ليزر لضبط النيشان والسكوب بـ 35 جنيه
فنان ورئيس قسم
|
رد: اصنع حامل ليزر لضبط النيشان والسكوب بـ 35 جنيه
السلام عليكم .انا اسف دخلت متاخر جدا علشان اشرح لكم تجربتى مع الليزر بعد ما اشتريت سكوب 3*9*50 من الاستاذ هشام سمير بعد دوخه نظرا لمشكله المواعيد معاه .المهم ركبت المنظار وعايز اظبطه تمام مش عارف؟ فكرت اشترى قلم الليزر اللى ببتظط بيه النشان من على النت لكن الاستاذ هشام اخبرنى انه مش موجود دلوقتى وبياخد وقت على ما بيجى من بره . فقررت ان اصنع واحد فكره الحامل نفسه سهله وبسيطه جدا وهيه عباره عن ( سرنجه ) بيتبيت فيها قلم الليزر باللملى وبيدخل شحط تقريبا فى تجويف السرنجه بعد ما بنشيل المكبس بتاعها لكن المشكله فى الليزر نفسه لفيت عليه المكتبات كلها ومحلات لعب الاطفال علشان الاقيه ابدا مش موجود . قالولى بينزل فى مواسم الاعياد مع لعب الاطفال والله يا جماعه كنت هاتجنن معايا السكوب ومش عارف اظبطه وجبت السرنجه ووقفت معايا على قلم الليزر وفعلا انتظرت حتى عيد الاضحى بفارغ الصبر وانا تقريبا كل ما انزل مشوار اسال عليه لغايه ما اصحاب المحلات زهقوا منى ده لو عيل صغير مش هايعمل كده . واخيرا وجدته روحت مشترى نص دسته اي والله نص دسته 12 قلم ليزر اديت العيال ولاد اختى شويه يلعبوا بيهم وطلعت اجرى بشغف واهتمام علشان انفذ الفكره . وفعلا مسكت قلم الليزر ونزعت السداده الخلفيه اللى بتقفل على البطاريات لان فيها جزء بارز كان بيمنعها من دخول السرنجه و روحت ضاغط على جسم الليزر من الخلف باسناني وقفلت على البطاريات وشغلت القلم اشتغل والحمد لله و بعد ما حشرته فى السرنجه كويس وما كنشى فبه بوش خالص ركبت وش السرنجه بالابره بتاعتها فى فوهه الماسوره نره 2 وبدون ابره فى نمره 1 وركبت وباتت تمام وشغلت الليزر على الحائط على بعد 15 متر تقريبا لكن مع الاسف ما ظبطش وبعد المجهود ده كله احبطت احباط شديد وفى الاخر وجدت انه شعاع الليزر اللى خارج من القلم نفسه فيه ميل بسيط جدا لايلاحظ من الاماكن القريبه فرق على بعد 15 متر حوالى 7 سم يعنى كل ما تبعد هاتفتح معاك المسافه اكتر وللاسف العيب ده موجود فى كل الاقلام الصينى اللى خامته مش كويسه . روحت راميهم على جنب وجبت حوالى 3 علب رش وفضلت ورا الاسكوب لغايه ما اتظبط والحمدلله تم اصطياد 15 فرد يمام فى اول طلعه . معلش دوشتكم وبالتوفيق ان شاء الله .
|
Re: اصنع حامل ليزر لضبط النيشان والسكوب بـ 35 جنيه
hwa da el klam :D
|
رد: اصنع حامل ليزر لضبط النيشان والسكوب بـ 35 جنيه
الله الموفق
|
رد: اصنع حامل ليزر لضبط النيشان والسكوب بـ 35 جنيه
روح التعاون بين الأعضاء هنا رائعه فعلا
|
رد: اصنع حامل ليزر لضبط النيشان والسكوب بـ 35 جنيه
بجد دي روح مصريه اصيله
|
رد: اصنع حامل ليزر لضبط النيشان والسكوب بـ 35 جنيه
معلومات جميله ومفيده بارك الله فيكم
|
رد: اصنع حامل ليزر لضبط النيشان والسكوب بـ 35 جنيه
السلام عليكم عندى سؤال هل لليزر التجارى نقطة هدف ثابتة اى لا يتغير مسار الضوء ! ومشكور
|
رد: اصنع حامل ليزر لضبط النيشان والسكوب بـ 35 جنيه
ربنا يباركلك في افكارك
|
رد: اصنع حامل ليزر لضبط النيشان والسكوب بـ 35 جنيه
astaz 3adel lo sm7t ana 3andy bondo2eh zay ale anta 7mlha fe edk bzabt bas almnzar bt3ha bayz ana fketo baz aktr momkn t2wle agebo mnen hwa wl alnshan al 2mamy
|
رد: اصنع حامل ليزر لضبط النيشان والسكوب بـ 35 جنيه
موضوع جميل جدا
وتسلم ايدك على المجهود والافكار القيمه .. تقبل مرورى |
رد: اصنع حامل ليزر لضبط النيشان والسكوب بـ 35 جنيه
فكره جامده جدا
|
رد: اصنع حامل ليزر لضبط النيشان والسكوب بـ 35 جنيه
فكرة ممتازة جدا
|
رد: اصنع حامل ليزر لضبط النيشان والسكوب بـ 35 جنيه
اكيد فكره جباره من شخص جبار
شكرررررررررررررررررررررررررررررررررررررررررررررررر رررررررررررررررررررررررررررررررررررررررررررا |
رد: اصنع حامل ليزر لضبط النيشان والسكوب بـ 35 جنيه
اكيد فكره جباره من شخص جبار
شكرررررررررررررررررررررررررررررررررررررررررررررررر رررررررررررررررررررررررررررررررررررررررررررا |
رد: اصنع حامل ليزر لضبط النيشان والسكوب بـ 35 جنيه
فكره جامده
|
رد: اصنع حامل ليزر لضبط النيشان والسكوب بـ 35 جنيه
طيب ممكن اشوفها راكبه ازاى على المسدس وشغلها عشان التوضيح اكتر
|
رد: اصنع حامل ليزر لضبط النيشان والسكوب بـ 35 جنيه
اقتباس:
انا كمان بعد ما طلعت علينى فى فكرة اثبت بيها الليزر وفى الآخر ثبته (بأمير) على فوهة الماسورة وكان مضبوط جدا ، وجدت ان شعاع الليزر نفسه (مكسوووووووووور) يعنى فيه ميل ولن تستطيع ان تضبط عليه وقرأت ان العملى فعلا هو القلم الأخضر لانه ليس فيه كسر فى الشعاع هذا والله أعلم |
رد: اصنع حامل ليزر لضبط النيشان والسكوب بـ 35 جنيه
يا جماعه الفكره بتاعت المنظار ممتزه بس لو في حد يقول فكره عن منظار التقريب للمسافه هاكون شاكر الافضال وشكرا علي المعلومات الجميله
|
رد: اصنع حامل ليزر لضبط النيشان والسكوب بـ 35 جنيه
ياجماعة العبد الفقير له راي ممكن اقول ولا تزعلو
حقول والله أنا مش بحبط حد انه يبتكر او يدور علي وسيلة سهلة بس ده جهاز معايرة عارفين يعني اية يعني لازم يكون مضبوط اوي اوي ده أولا ثانيا ليه بدل المجهود الجبار الضايع والفلوس نتقابل ونعد مع بعضنا ونشوف تصمصم مضبوط وندفع فيه فلوس ونستعين بخبرات من الموقع زي الدكتور يسري وننفذ حاجة صع وده الي بيفرق الناس بره عننا دا احنا ممكن نعمله منتج والله ونضبط الأمور أيه رأيكم |
رد: اصنع حامل ليزر لضبط النيشان والسكوب بـ 35 جنيه
فكره جباره بس لو جربتوه بقلم ليزر فقط ب 2.5 جنيه هايادي نفس الغرض والله وانا بنفسي جربته مع ظبطه علي السلاح المستخدم
|
| الساعة الآن 09:02 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir